海富美食茶餐廳

营业中

休息中

海富美食茶餐廳真係一間值得推薦嘅餐廳！我今朝食咗佢嘅沙嗲牛肉麵，加埋紅腸、腸仔、火腿同剪蛋。餐廳環境唔算特別豪華，但係好溫馨嘅感覺，令人覺得舒服自在，所以我俾三個星。服務質素都幾好，啲工作人員好友善，態度好好，所以俾咗四個星。重頭戲係食物味道！沙嗲牛肉麵真係好好味，牛肉好嫩滑，麵條有咬勁，加埋啲紅腸同腸仔，仲有火腿同剪蛋，真係一種美味嘅組合！所以我俾五個星。性價比方面真係無得頂！個價錢合理，可以食到咁正嘅食物，真係物超所值！所以我都俾五個星。總括而言，海富美食茶餐廳係一間值得推薦嘅餐廳！不論係食物味道定係性價比，佢都可以帶嚟一個愉快嘅用餐體驗！

都好耐無食過茶餐廳嚕～～一去到就見到有我最愛嘅雪菜肉絲🥢雪菜肉絲炆米 $51米粉爽口彈牙 就算炆過都唔會話軟軟爛爛一pat嘢咁份量多多放滿成個飯盒㗎 晏晝食完都頂到好幾個鐘頭！雪菜同肉絲份量都好多 雪菜鹹味唔重 係爽脆口感比較突出豬肉絲軟稔唔乾鞋亦都無豬騷味👍🏻食過兩次分別最大就係佢嘅醬汁 第一次炒得好乾爽幾乎無咩 醬汁呢次就濕潤好多 鹹度都偏高少少 但就未到食唔到落口配料仲有大量芽菜 洋蔥絲 紅綠色燈籠椒絲

今日黑雨，真係邊度都唔使去。咁喺附近嘅海富茶餐廳吃午餐，點咗牛腩牛筋河，牛肚雲吞麵，喺openrice上面睇到佢啲食評好差，但係我哋覺得又唔係咁差，牛腩牛肚牛筋有濃郁既五香味，炆得夠淋入味，湯底也很清甜，份量唔少，雲吞很大粒，肉很瘦有兩隻小蝦，很爽 。 近近哋我會再幫襯的。

啲食都唔算好啦當有地方食吓飯就算啲態度真係差攞咗單比我（張單應該係隔離枱）同佢講返即刻黑面？？？我連嘢都未叫有單？仲要唔爽我同佢講比錯？老實講依家海富都無嘢好食寧願行遠啲去其他地方食永無下次唔會再嚟

越做越差呢間野係我同老豆經常食，呢個食評係呢排食左幾次之後忍唔住寫出黎燒味：如果一早去食，叉燒燒肉係會俾d隔夜我，叉燒又硬又乾，燒肉塊皮係淋既椒鹽豬扒 以前有食開 大件配料又多 而家一食就知 d豬扒一早整好曬再夾落黎 份糧少左連配料都少埋呢間野而家唯一可取之處得返早餐，30頭

之前寫過一個食評話佢唔再好食，之後都好耐冇黎。今日忍唔住都係想幫襯下佢，因為唔想再食連鎖店。叫咗兩個下午茶餐，兩樣都好得👍🏻！牛河有鑊氣丶雞髀新鮮丶炸物香脆，好味返好開心，可以繼續常來。

放工突然間黃色暴雨警告，求其搵間舖頭食個下午茶避下雨。經過唔少舖頭，睇到好多下午茶都係去到5:30😮‍💨行吓行吓就嚟到富榮花園。難得俾我搵到一間茶餐廳下午茶係去到6:00。「海富美食茶餐廳」佢終於重新執靚左個餐牌，下午茶餐就20幾蚊至到40幾蚊不等。我今日叫咗廈門炒米。究竟廈門炒米係咩？我記憶中就係一碟甜甜地嘅炒米粉，感覺就似星洲炒米唔落咖喱粉，而落咗啲甜甜嘅醬去炒。咁究竟甜甜哋嘅醬又係啲咩嚟嘅呢？就係五柳菜，一種廣州人舊時都幾鍾意用嘅一種醃菜，甜甜地得來有少少酸。我細個嗰時成日都會食五柳炒蛋，煮法好簡單好好送飯好好食，可以參照下：https://youtu.be/iYEcki8wXnw講返呢個廈門炒米，味道來講都算正正常常，冇太大嘅驚喜但又唔會點失望。反而依度啲辣椒醬真係辣得來又幾好食，如果食炒飯嗰時加幾滴應該都唔錯。為咗啲辣椒醬，我諗我下次經過都會嚟幫襯下。Mcmug綜合評分：5/10，正正常常冇乜特別

海富美食茶餐廳 通常幫襯嘅都係住喺附近嘅街坊要我就係其中一個食咗佢好多年過街坊今次忍唔住寫食評係因為佢嘅出品真係越嚟越差，而且我已經出聲向老闆反映情況老闆都係冇乜反應好似扮起唔到咁令到我感到非常心淡我係一如既往咁樣叫特餐，$42 包咗火腿奄列同埋牛油多士，火腿通心粉同埋一杯飲品，火腿通心粉最近食嘅幾次都係個湯底咸到苦，開頭食嘅幾啖仲係覺得正常，但係係越食越鹹，當你食到半碗嘅時候你已經頂唔順，就算唔飲湯淨係食啲通心粉都覺得咸到好辛苦😩😩 個嘴唇都咸到皺皮，條利亦都好唔舒服好想飲水太咸對身體唔好，如果呢間茶餐廳唔係喺屋企附近絕對唔會再幫襯，所以我就向老闆反映個湯底過鹹嘅情況希望佢會有改善點知個老闆聽到都扮聽唔到，完全無視我，明明我係特登舉手叫佢過嚟，朋友仔叫嘅鐵板餐，豬扒都幾好食，蕃茄有疑似變壞嘅情況，無法進食另外佢嘅奶茶咖啡非常失準，奶茶有澀味，熱咖啡有酸味相比起幾年前經常因為佢嘅奶茶咖啡好飲而特登落去幫襯，依家啲奶茶咖啡真係非常差，

星期六我通常都會出去食，但因為唔太舒服既關係就近近地落樓下食呢間街坊飯堂食個頹飯算數唔舒服既關係就連飯都唔想食，就叫個濕濕地既雲吞麵加凍檸茶，雲吞麵都算正常水平既，一碗雲吞麵都有五粒雲吞，唔知做咩依家枱枱都無晒啲調味，辣椒油，鼓油，浙江醋通通欠奉，下下要問待應拎就老土啦😞檸檬茶都算正常既，朋友就叫左個午餐四寶飯，飯量我覺得偏少，未必個個食得夠飽唔知係咪轉左手，佢杯奶茶可以講得上係不知所謂，我個人認為一間茶餐廳最重要既唔係食物，而係杯咖啡同奶茶，唔係話要求到你係咩奶茶皇，起碼都要做到基本水平啦，佢依家杯奶茶，我認為呢間餐廳係可以執得，以前係好好飲架，唔出去近近地都可以頂下癮，依家變成咁都真係幾可惜不得不提，待應有個白頭髮戴眼鏡既阿叔態度都幾差，唔係一次半次，好似厭世唔想撈咁

試過好多次，食物不錯，亦有照顧食素的食客。食物選擇也很多。但本人覺得一定要食燒味！佢嘅燒鴨真係味道好，不油膩，很有鴨的鮮味。而且侍應都很有禮拜，果然係街坊食堂。最鐘意食物出得快，唔洗呆等，黎到重熱辣辣。值得推介。👍

味道比一般茶餐廳做得好，已經食左好多年，一直都維持到水準，價錢都幾經濟，凍飲都靜係要加$2 。叫外賣都好快手就到。餐廳裡面特別裝修過去增設卡位，所以都可以感受到係用心服務顧客既。

住響附近廿年，也幫襯足咁多年，這裡是心靈下午茶晚飯之地。但上個月一次晚餐已經發現啲味道變得好差好差。然後，現在連下午茶都唔精神！以前碗牛腩河簡直係一絕的美味，而家湯又唔熱，牛腩又怪味。最致命係我發現做咗好多年嗰班待應姐姐唔見曬！冇曬親切感之餘，新人服務態度也不理想。巧傷心！

今晚星期六要去飲，到了5點多開始肚餓，所以幫襯了這間街坊茶餐廳，醫下肚。海富茶餐包羅萬有，圍觀四周，有幾枱都叫炸雞脾，所以決定跟機，叫了最邪惡的炸雞脾+炸薯條+一口多士同熱檸茶 ($35).上桌了，雞脾是鮮炸的，個皮好脆，所以唔捨得唔食! 波浪薯條也是經典，份量也不少，我用咗幾包茄汁呢! 一口多士貴精不貴多，留做甜品very good !除了下午茶，還有扒餐，咖哩，還見到有食客食海鮮，所以呢度係一間平民全天候食堂!

今日同父親及母親大人食早餐，由於海富商場地下幾間餐廳都滿座，便去了座落海富商場一樓的海富美食茶餐廳。我們一行三人坐在四人卡位上，餐廳座位都算多，環境普通。我們分別點了鮮奶麥皮早餐$31、特式早餐$34及西式早餐$31，由於叫了凍飲加$2及牛油方包烘底加$1。鮮奶麥皮，麥皮份量頗多，多士正常。特式早餐叫了豬扒米線，豬扒大件及好味，湯比較清，米線較「林」。西式早餐叫了餐肉煎蛋公仔麵，味道正常。三個早餐，埋單合共$99，都算價格相宜。

好耐冇喺呢到叫小菜食啦我地今次叫左個二人套餐，有例湯、有魚、有菜、加多自選一款小菜，再多兩個白飯，都係$170咋，好抵呀第一樣泥既係例湯同白飯，之後好快就泥左碟菜碟菜好油呀，不過就真係幾好味既，份量都多之後泥既係京式回鍋肉我唔太食得辣，不過都覺得ok最後就係條魚啦，餐飯食淨一半先泥好彩我地仲有留肚食魚呢到既小菜味道同份量都唔錯，兩個男人就可能岩岩好食哂我地就食剩左少少伴菜如果3個人分一個二人套餐就更加抵啦