海富美食茶餐廳

营业中

休息中

今日約左fd系學校附近食飯 又吾知食咩 就決定入間餐廳食下 見佢有學生餐服務方面一般般拉 可能系忙掛食飯時間 叫佢抹張枱都粗聲粗氣 好似我地有問題甘 之後叫野食又勁chur 好趕甘 1 d時間都冇 系甘吹人落單食物方面叫左個雜扒餐普普通通 不過不失 因為呢個價錢算系甘 入面個雞翼冇左比條腸補數 心諗個價錢都吾一樣 不過冇辦法 又吾知食咩好 是但拉 黑汁都吾錯既 而且都夠多 又吾會太辣 豬扒吾會太肥或者太瘦都還可以整體上 價錢ok 服務差少少 考慮下再來

杯奶茶嚟到飲咗幾啖，見到隻曱甴仔平瞓咗喺杯奶茶度，叫個侍應埋嚟，費事咁大張話有曱甴，影響他人食欲，指埋隻曱甴喺杯奶茶入面，同佢講要換過杯奶茶，點知個侍應問：點解要換呀？唔換得喎！有曱甴都唔換得，呢間舖都幾大支嘢喎～

間野2011年4月新裝修好, 但一樣有舊的感覺. 可能啲員工都係果班喇.啲野食都係保持以往水準, 係一般中檔茶餐廳水準. 無驚喜, 但又無乜特別失望.服務依然有改善空間.清潔情度依然未達標.PS1: 有朋友叫過碟滑蛋蝦仁飯, 佢無乜點食, 因為個滑蛋唔係佢想像中的炒蛋. 係香港特式的生粉糊, 令佢有啲反胃.PS2: 佢地有雜誌架, 雜誌唔會新. 得一份方向報, 重要拆開幾份放. 唔提供好過.

尋日打左成日風,番左成日工,落左風之後先收工,只係想食餐飯休息下,但係附近唔少食開既食肆都關門大吉,於是黎左呢度,不過呢晚好多人,可能同打風都有關係。不過,我發現呢度似乜都無…搞到好似同佢玩麥嘜麥兜快餐午餐常餐遊戲咁!我: 唔該,我想要個公仔麵餐,要意粉,雪菜肉絲。侍應: 無晒雪菜肉絲喎!我: 咁炸菜肉絲呢?侍應: 都無喎!我: (諗左一陣)咁如果沙嗲牛肉,可唔可以走辣唔要沙嗲汁呀?侍應: 我地整正個喎,不過廚房都無晒沙嗲牛肉咯!我: 下?又無?侍應: 係呀!賣晒呀嘛!一係你食中式粉麵既菜遠牛肉河果d啦!我: 不過無餐又貴d個喎!侍應: 係呀!咁你想食牛肉又唔要沙嗲嘛!我: 唔好喇,等我睇睇先…侍應: 要腸仔,餐肉,火腿果d啦,果d我地一定有。我: (意興闌珊) 咁我要煎蛋啦。侍應: 係咪公仔麵呀?我: 都話意粉咯!侍應: 無晒意粉喎!我: (此時已想死) 下?意粉都無?侍應: 係呀,無呀!我: 唉!咁通粉啦!如果唔係驚唔好意思,我真係想即刻起身走人!個粉黎到,雖然粉好多,蛋大大雙,但係燶到呢…啖啖食焦囉!唉!小牛既支竹火腩飯都唔好得去邊, 支竹無炸十分淋,火腩少到食幾啖就無,又唔係特