海悅

营业中

休息中

今晚一人豐富晚餐，屋企隔離嗰條長亨邨有間小酒樓叫海悅，自己家常便飯好豐富咁叫咗兩個餸。1.Lee碗大蝦上湯伊麵真係正$108！大蝦爽彈有蝦味，伊麵掛住濃郁上湯，嗦落口鮮甜夠味。湯底似熬過雞同豬骨，喝到最後都唔覺鹹，配埋青菜解膩，一碗落肚暖笠笠，正！2.Lee碟紅燒上素豆腐夠晒入味$75！豆腐煎到金黃外脆內嫩，汁收得濃稠，甜鹹平衡帶少少豉香。齒尖輕壓就爆汁，配白飯簡直絕配，不過今次要一個人食成碟伊麵，所以我冇叫白飯了！大把機會再來，下次搵埋屋企人嚟做節。good 👍😊！

上班前到酒樓買了碗外賣粥，叫了春菜豬骨粥，當時酒樓2名員工沒有提及沒春菜豬骨粥，我也沒有認真去看，就是按餐牌上叫，結果酒樓都是直接收錢打包給我，當我坐巴士回公司才發現粥是錯的，而我也不能吃蠔豉，致電給酒樓，員工才說現在是轉了蠔豉豬骨粥，那為什麼客人付款時不說清楚呢？😑雖說有提及叫我現時拿回去，可換其他，我已說人在油尖旺，如何回青衣換？之後員工只懂得不斷說不好意思，也沒其他處理方法:例如安排明天補回相同價格食物🫥！所以我投訴過後，已表示粥我會掉在垃圾桶內，而酒樓今次行為亦令我感到大為失望，之前我和家人們都有光顧多次，但相信以後都不會再光顧了，員工語氣尚算友善，但欠缺細心，希望更改食材也跟客人温馨提示一下，因為客人可能對所更改食材敏感/不能吃！

新年長假期去青衣探叔叔，叔叔話附近商場開咗一間細細哋嘅新酒樓可以一齊飲下午茶傾下計。酒樓除咗可以用點心紙點餐仲可以search qr code點餐，暫時我都未見過。雖然細細間不過點心唔錯幾好食。蝦餃都幾大粒，蝦肉爽口。燒賣都唔錯呀。金沙流沙包，流沙效果做得唔錯，如果重啲鹹蛋黃味會更好。海皇脆皮紅米腸，呢個腸粉好味呀，裏面有蝦肉㗎。蛋散係必點，不過有啲位硬硬哋。鮮茄肉片湯烏冬，烏冬有啲硬。乾炒牛河有啲油，可接受範圍，味道可以。