影片
以上资料只供参考，请与餐厅确认详情
一行12人有大有細去咗鯉魚門行吓，晚上去咗海景海鮮餐廳吃晚飯。我哋叫咗一條西星斑條班蒸得啱啱好好滑。瀨尿蝦兩食，兩隻攞嚟做咗椒鹽兩個做咗清蒸清蒸極鮮味。食得出海鮮係非常新鮮。清蒸鮑魚時間較得啱啱好，唔會整到啲肉好韌。我哋一人嗌咗六隻波士頓龍蝦開邊米粉底，米粉炸到好脆加埋啲汁非常之好食，食到停唔到口。估唔到咕嚕肉都好出色，粒粒炸到脆口均勻小朋友食得好開心。椒鹽魷魚好惹味中間有辣粉嗰啲小朋友食唔到因為有少少因為有啲辣不過大人嚟講就啱啱好啦。豉油王蝦碌蝦好好爽口。估唔到佢個炒飯都非常之大碟，完全食唔晒要打包。一定要試吓佢個炸饅頭加埋啲煉奶小朋友食到津津有味。今晚啲菜式樣樣都好啱食味道適中唔會太鹹，亦都唔會太濃味，食完唔會口乾即係冇味精。下次一定會再嚟食good good。
继续阅读
每逢假期前夕，最鐘意就係叫齊朋友落去鯉魚門到大食一場，我地揀左海景海鮮酒家，而今次我地都比較多人，叫左好多野食。首先黎講象拔蚌刺生，一啖落去，夠曬鮮味又鮮甜，好難得食到咁新鮮既象拔蚌。鼓椒炒聖子，聖子夠新鮮，用鼓椒黎炒，夠曬惹味。燒汁焗蠔，呢個真係好食到不得了，一咬落去，d蠔既鮮甜出曬黎，再加上用錫紙包住拎去焗，果個味道到宜家都忘不了。清蒸鮑魚，新鮮，清蒸可以好好咁食到鮑魚既鮮，同埋蒸完再落蒸魚鼓油，個味道岩岩好。西芹炒頭腩，炒得幾乾身，都唔錯咕嚕肉，炸得幾好食上湯菜心鹽焗奄仔蟹，蟹夠大隻，雖然話係鹽焗，但識食既都知道好食既鹽焗係調到蟹既鮮甜味出黎，岩岩好
继续阅读
父親節陪父親食父親喜歡的海上鮮去鯉魚門食海鮮, 又要價錢親民,又要回味無窮問10個第11個都答我梗係食海景第一次入去,果然係海鮮集中地, 林林種種, 包羅萬有,好似入左海鮮長廊咁海景位置比較入,睇地圖係唔會搵到路,一條路行到球場隔離就係海鮮可以自備亦可以到對面佢介紹既地方買呢度感覺唔似其他沿路既海鮮檔, 我唔覺得自己似獵物,可能我入世未深連檔口隻可愛狗狗都寧舍親民入到黎仲可以買下香口野做手信,例如合桃果D, 新鮮整好好食,價錢自己衡量5個人食, 除左自備3斤長腳蟹, 扇貝, 鮑魚, 瀨尿蝦,現場買埋琵琶蝦,仲有for刺身既象拔蚌、牡丹蝦book早d諗住睇埋日落,可惜多雲,不過最後見到曙光要睇海景記得book時講定,因為1樓都有分有景無景,唔係1樓就一定睇到海景入到去員工都好親切熱情招待先安排海鮮煮法, 加工費位位120 (唔知父親節有冇調整)坐低先飲杯茶食下開胃小吃, 子薑皮蛋我唔食,家人話普通無特別雖然節日爆棚,但好快就有得食,上菜適中唔會覺得要餓住等, 要開聲問下道菜幾時上~哇哇哇哇哇!刺身迷必食!黎到唔食既唔好話自己係日本達人象拔蚌刺身爽口鮮甜, 個膽唔怕膽固醇高既可以椒鹽食埋,好邪惡好香口的第一次食活牡丹蝦刺身, 真係超正超彈牙, 鮮甜美味,回味無窮,絕對值回票價爆肉清蒸長腳蟹連員工都讚隻蟹揀得靚, 話D肉實的的, 問係邊度買上湯伊麵琵琶蝦肉質、味道其實唔會輸比龍蝦, 唔駛下下食龍蝦椒鹽瀨尿蝦MIX牡丹蝦頭勁多配料,美味可口,又唔會過火太乾,送酒一流椒鹽鮑魚粉唔會太多,配料就多到唔駛錢咁惹味又夠腍粉絲蒜蓉蒸扇貝啖啖肉, 鮮甜嫩滑海鮮既拿捏時間真係好重要,多一分鐘少一分鐘都爭好遠自己係屋企點煮都煮唔到出呢個味道 而海景既廚師真係要讚,每碟海鮮既烹調時間都係岩岩好完全展現到海鮮最鮮既一刻, 比10個叻s你s最後有生果同桂花糕食~唔記得影價錢: 均真, 物有所值, 連自備海鮮5個人成餐用左約4600食物: 現場買既海鮮雖然唔多, 但刺身級數鮮味無窮; 讚完要再讚廚師既廚藝環境: 傳統酒家網修, 舒適親民, 空間闊落, 鬆動唔逼, 雖然唔係落地大玻璃最前排但都睇到海景服務: 不論對顧客亦見到員工之間既互動充滿親切感, 令人食得舒服自在總結: i will be BACK
继续阅读
跟團坐船入鯉魚門食團體餐，由碼頭要快步15分鐘至到海景酒家都幾遠。上菜幾快，由於疫情4人一枱，所以份量好足，雖然團體餐，海鮮嘅海蝦和黃立蒼幾有鮮味，咕嚕肉有鑊氣，豆腐，彷翅和菜okay, 個菜膽雞冇乜肉，個豆腐皮旦魚湯幾咸，整體算係唔錯，員工態度友善。
继续阅读
五月有人生日又母親節，一於出去高興下☺️一早訂左枱，有娜姐安排好晒餸菜同位置我地今晚叫左個set，六個海鮮一個菜一個飯同水果同甜品開頭驚唔夠飽，但食完海鮮連飯都食唔落😂啲餸菜好好食，好夠鑊氣特別想提因為娜姐話扇貝唔當造，幫我地轉左做砵酒煮蠔未食過，食完覺得好好食😍😍😍隻蠔表面有炸過，脆卜卜但入面又未完全熟晒，仲漲卜卜🤭好正好正💕今餐好好食，老人家都好滿意特別想提下，呢間酒樓啲侍應好好好好好好好同行有坐輪椅長者，侍應叔叔勁好服務態度主動提供剪刀可以剪野食，見我地上唔到去坐海景位就安排我地坐下面*有機會都想試下坐上面睇住海景食未試過去鯉魚門食海鮮都好驚比人劏睇左好多youtuber都介紹係買海鮮帶去比酒樓加工，但又驚比人偷龍轉鳳今次呢個體驗真係唔錯以為計人頭費，啲海鮮質素會好參差但又無喎，每個餸菜都新鮮好食而且份量夠晒足😗多謝娜姐安排💕應該好快又再黎過😆
继续阅读