海港酒家

营业中

休息中

由於父親節母親節夾唔啱時間同屋企人食，今日終於可以嚟海港。我哋家庭食飯總係會來海港！雖然海港不算不是最後的一間酒樓，但似乎水準比較穩陣，價錢又合理。我們一家已成為座上客。1. 壽包壽包算幾大隻，而且是熱騰騰，10分軟熟，一咬開奶黃餡香甜，屋企人好欣賞每次都會嗌😀2. 燒鵝每人上嚟海港，都必定會嗌海港燒鵝。燒鵝的皮十分之香脆，肥瘦均勻，吃時軟滑和鹹香，高水準的製作👏3. 柚子蜜蝦球燒得脆口，散發出柚子的甘香甜味，裏面蝦又增添口感，是完美之作😋4. 咕嚕肉醬汁調校得一般，酸得單調，肉又不脆，又冇咩味道，一般般。唔使特登叫。

趁住長腳蟹特價，即刻試試佢。提前訂咗蟹，經理會預早請我地去魚池稱蟹，然後叫先起菜。一上菜，勁大隻！仲有店員幫手剪腳方便老人家食，肉質鮮甜，啖啖肉。而蟹膏就放入蟹蓋到蒸，差唔多裝滿一半蟹蓋，所以都幾老實足料。趁蟹季推薦要食海港長腳蟹。

今日心思思想食點好料，就揀左間飲茶店大快朵頤一番。一入座，就嚟了個翡翠荀蝦餃皇，大個、新鮮、啖啖蝦肉，剛剛好嘅韌度，軟熟飽滿嘅皮包住啲趁趁綠荀粒，真係夠晒彈牙🍤。再嚟個香煎蘿蔔糕，啲外皮煎得金黃脆口，剛好撻出內裏蘿蔔嘅鮮味，滿滿嘅蘿蔔絲，食落爽口得很，但下次要覆命青椒加多啲啦！流沙奶皇包仲要特別提一下，咬開就見到金黃嘅奶皇似瀑布咁流出來，熱辣辣嘅口感伴隨甜美奶香，真係一流👍。當中燕窩少少凍個味道就有啲反差，都算特別啦，蛋撻嘅部分，唔會太甜，食得健康啲。湯浸蟹粉小籠包就有啲坎坷，小籠包同碗底黏住黏得緊，要小心夾起，不過真材實料嘅蟹粉味，一啖湯汁流出，值得表揚！最後話說返蒜蓉蝦春卷，新鮮熱辣，一口咬落去，外香內嫩，絕對係收尾嘅完美點心🥠。飲茶嘅樂趣喺於嗰種即叫即蒸，熱騰騰送到面前嘅體驗，今次嚟到這家飲茶店滿足到我嘅食慾，唔錯唔錯！

海港酒家📍 上水新豐路98-102號張知行大廈2樓味道：😋😋😋😋😋😋😋環境：🎑🎑🎑🎑🎑🎑🎑服務：😏😏😏😏😏-今個星期六同屋企人去咗飲茶，整體嘢食嘅質素都OK，不過因為佢哋人手唔夠，所以每次叫waiter 幫手都等咗好耐🥺-黑金流沙包 （中） $25.8一客有三個包包💁🏻‍♀️包皮鬆軟，餡料係由綿密滑順嘅奶黃製成，口感濃郁香甜，口感滑順，值得一讚👍-沙嗲金錢肚（大）$27.8有五至六件金錢肚同埋有兩舊白蘿蔔💁🏻‍♀️金錢肚好難咬，偏韌，好似咬緊橡膠咁😵‍💫，而且沙嗲汁嘅味道偏淡，唯一發揮得好嘅應該得白蘿蔔😂唔推薦👎-醬汁蒸鳳爪（中）$25.8大推😍醬汁超級濃郁入味，鳳爪肉質彈牙，口感豐富，辛香與甜味完美結合，讓人回味無窮😋-蟹粉小籠包 $28.8口感豐富多層次，皮薄而有彈性，餡料豐滿濕潤，蟹粉令到小籠包帶有微微嘅海鮮風味，豬肉亦都非常多汁，好好食呀😍-上海小籠包（中）$25.8呢間舖頭嘅小籠包真係做得好出色，同蟹粉小籠包一樣都係會做到皮薄餡靚😍-金磚豆腐 $36豆腐外層薄薄地、炸得好酥脆，裏面非常之嫩滑，但椒鹽唔夠，非常之淡🥲-家鄉炒米粉 $98有紅蘿蔔、椰菜、火腿等等嘅配料，火氣十足，唔錯

長話短說，叫咗隻蟹，上枱睇落無咩事，一剪蟹鉗就有海鮮唔新鮮嘅冤臭味，叫服務員嚟睇下聞下，她話唔到事就叫了經理出嚟(廚房師父就係酒樓經理)。他一行出嚟就先下手為強大發雷霆， 話佢d蟹一定冇問題，有問題係客人你們唔識食， 唔係同客人解釋下隻蟹有冇啲D咩問題，或者換個隻蟹定退回，就咁就攞走話你唔好食，他講野嘅夾硬嚟，連隔離頭枱都覺得佢好有問題， 先唔好話隻蟹有冇問題，服務態度超級惡劣。

今日嚟上水做嘢，之後順便同婆婆飲下午茶，佢本身諗住喺龍豐嗰度食，不過我睇一睇OpenRice同埋Menu，覺得又難食又貴，所以帶佢去附近質素應該比較穩定嘅海港飲茶精打細算嘅我睇完，發覺呢張點心紙係平勁多，因為少點17個8，大中細都係計小店喺下午茶🫖呢個我覺得太少肉，不過佢哋好鍾意，因為係髀位柴魚花生粥入面，原來仲有幾舊排骨仔肉，勁抵食金錢肚超靚仔有五至六件，每一舊都唔算快，而且新鮮嘅味道！我想講整體而言呢間海港嘅質素比我哋平時食開馬鞍山嗰間仲好質素！超級讚，有機會以後嚟呢度都要揀呢一間！難怪佢全部好評而且呢度嘅店員嘅服務態度都比較好，洗手間亦都乾淨啲呢度嘅雞蛋叉燒腸都好好味，潮州粉果，我就覺得今次嘅被弱啲，不過都合格我幫你我三個人食咗八碟，只係$200有找食得好滿足

和家人前天來了上水海港酒家，4個人點了一個孖寶套餐，也點了超鮮味的長腳蟹，美味極了！又新鮮、又爽。啖啖肉！份量十足，現在大約300多一斤，大時大節會再食😋😋😋

流心奶黃包入面有流質嘅奶黃餡，不過比較少，但都好食。上湯蝦球伊麵同屋企人一致認為呢樣係最好食！蔥花炸兩外皮薄嘅腸粉皮包住脆口嘅油炸鬼，好食！叉燒腸粉腸粉入邊嘅叉燒粒太少～XO醬蘿蔔糕味道偏辣～燕窩燉蛋白上面佈滿燕窩😍 下層嫩滑嘅蛋白，呢個甜品好岩女士！咖啡千層糕估唔到喺酒樓嗌西式甜品會係好好食！咖啡味濃但唔苦，咖啡同椰汁味好夾！必嗌！

早排去完相識廿年嘅朋友女女百日宴💃🏼💃🏼💃🏼💃🏼💃🏼係海港酒樓😎😎😎😎😎😎😎疫情關係 都見番好多好耐無見嘅朋友仔係開心嘅🤩🤩🤩🤩🤩🤩🤩🤩又可以食到平時少食嘅野😋😋😋紅雞蛋走唔甩 正正常常乳豬黎講 都脆嘅😝😝😝😝😝野食其實叫做不過不失唔係特別勁正，可能加上好似每樣野都唔夠熱 似係一早整定咁所以影響左個味道😅😅😅😅😅😅😅😅不過都唔會至在食，無乜所謂啦。開開心心又一晚

1.上菜碟一隻崩幾邊（你能想像我在長輩前有多難堪嗎？）2.碗的污糟程度去度用熱水加手狂捽都係仲有好多淺肉色有質感的污跡。結果自行換了幾隻，再換幾隻。3.枱細我都算，枱邊斜是甚麼玩法？4.冇提供匙羹，詢問職員，職員說是不提供匙羹，這刷新了我新的認知，向職員要求，也要要求兩次才分發給我們。5.職員速度異常勤快，餐具未洗完，職員已收起了我的洗碗兜。6.枱與枱之間的親密程度猶如開公司gathering，我有點懷疑這個符合政府的規定嗎?

今天來了上水海港酒家，3個人只點了兩個主菜：南澳龍蝦（上湯煮配伊麵底）：新鮮、爽脆、好味。龍蝦啖啖肉，伊麵吸收了上湯的精華，美味可口，軟硬適中。份量十足，吃了幾件龍蝦肉已經感覺滿足，吃不完的打包留明天午餐。乳香八寶齋煲：味濃較咸，要送白飯，主要材料為各式雜菌，如加竹笙和多些蔬菜中和味道較好，或添些糖中和過濃咸味會較易入口。澳洲龍蝦現在算是特價銷售，南澳的以前要HK$38-50一兩，現在賣HK$200多一斤；多謝祖國，讓澳洲龍蝦可以低價送來香港，令我們可以以優惠價錢品嚐。西澳龍較細隻，一份約HK$200連伊麵底，但我喜歡南澳龍多肉爽口。

習慣性和父母週不時都會食下可惜近來d水準真係有d下降燒鵝例牌細份咗好多又比之前油膩蒜香骨油餿味有點難以接受真的可免則免拯救了成餐飯嘅係海鮮蒜蓉蒸北極貝鮮甜但還是過油聽人講轉咗師傅唉上水又少一間就腳啱一家人食傳統中餐的好地方

今日去上水海港飲下午茶,由火車站行過去酒樓大概要十分鐘,酒樓要上兩條扶手電梯.估唔到平日下午茶都好多人等位,我哋大概 等咗15分鐘.擂沙煎堆仔,蔥花炸兩腸,蜆蚧鯪魚球,川芎白芷燉魚雲,鳳爪排骨飯 ,細鍋魚腐浸鮮淮山.煎堆仔熱辣辣,外皮芝麻香,黑芝麻餡又唔會太甜,炸兩油炸鬼好脆口,鯪魚球新鮮, 魚雲足夠份量,湯夠川芎白芷燉味,魚腐浸淮山,上枱熱鍋熱辣辣,好味到全鍋食清,點心質素好好，上點心速度也適中.酒樓燈光充足,地方乾淨,侍應做嘢快手快腳, 又有禮貌.

朋友生日，她想食阿拉斯加長腳蟹，見海港，價錢回落，由$288/斤，改咗$228斤，一行四人，星期五晚去食晚飯，順便聚舊😊當晚，入座不超過半，安排了四人位於埋牆邊，也算舒服，由於一早訂了，長腳蟹，所以服務員很快就過嚟招呼我們，我們還叫了幾碟小菜長腳蟹， 5斤，價錢$228斤，也算合理，去魚缸看了，生生猛猛，部長說，清蒸最好，蟹蓋肥膏，撈白飯。清蒸長腳蟹，但這隻長腳蟹，跟我上两個月，有所不同，肉質冇我上次食咁實，不知是否品種不同，但也算美味😂西蘭花帶子炒珊瑚蚌，好味😋花膠螺頭湯（例），好濃，正👍古法羊腩煲，送唐生菜一碟，味道得好，可惜羊腩比較少一點😢食了一半，21:00 左右服務員要求我們先埋單 ，原來收工收22:00，到21:30，全部客人也走了，我們都好意思還坐着，也提早離場😢，冇得吹水了。茶介，10%服務費，合共1770.00

為慶祝生日，一行五人去咗海港食龍蝦🦞決定豪一豪佢！😋本身係打算食長腳蟹㗎，但去到見到有巨型波士頓龍蝦$128一斤，就好似同我講緊非食佢不可咁🥳一入到坐，第一時間就衝左去揀龍蝦啦！選擇唔算多，得返最後三隻🤭梗係唔同佢客氣啦，要咗最巨型嗰隻，足足有13斤呀🤣🤣🤣🤣🤣就係因為咁，除咗龍蝦之外，淨係嗌左個小食同埋魚沙薑豬蹄粒 $48嗰張執酸微微好好食，另外主題嘅皮做到好爽脆加埋少少木耳，好快就俾人清晒啦清蒸龍躉班$298🐟條龍躉蒸到啱啱好，啲肉好嫰雖然只係$298 ，但足足有兩斤重呀一啲腥味都冇，連唔食魚嘅我都啱食呀巨型波士頓龍蝦（兩食） $1600🦞🦞🦞🦞🦞🦞🦞🦞🦞🦞🦞🦞🦞足足13斤嘅龍蝦，分咗三個碟上呀！有上湯伊面，薑蔥龍蝦頭！真係啖啖肉呀！呢啲咁巨型嘅食物，自己屋企冇可能整到啊！邊有咁靚嘅火候啊！基本上食完個龍蝦已經飽到食唔到其他嘢。龍蝦配上湯伊面，味道啱啱好薑蔥龍蝦頭，反而味道就比較鹹少少，如果可以送飯就一流啦