海港酒家

营业中

休息中

觀塘食肆林立，有大大小小嘅餐廳，但要揾一個可以：多人食、跨年齡、合各人囗味、可以圍住傾計嘅地方，都係會揀返飲茶最合適。公司有同事要離職，大家嘅「最後午餐」揀咗海港，主角話想一齊傾計又可以坐耐啲位置喺One Pacific Centre(APM隔離)，一到Lunch time就大排長龍等升降機，因為樓上有唔少餐廳。我地都等咗10分鐘先上到酒樓預早2日訂咗枱，唔洗等位就即時入得~點心選擇都幾豐富，另有午市優惠點心同套餐必叫點心：金磚豆腐，豆腐外層薄而鬆脆，略略灑上胡椒、鹽等調味，內層豆腐滑溜，豆味香濃。真係外脆內軟，令人食個不停第二必叫：胡麻醬脆燒茄子，就咁聽個名以為係普通加好多醬料個啲燒茄子，但原來係切條再炸，後加調味同麻醬。茄子熱辣辣咬落去係有汁流出嚟，外層鹹香惹味，加埋胡麻醬調味，香濃不俗都係第一次食到依個配搭，估唔到有驚喜！第三必叫：黑金流沙包(一籠三個)外表黑蚊蚊加埋金筆點綴，顯得別緻矜貴。食嘅時候要小心啲，因為流沙奶黃會湧出嚟，真係好誇張，三隻都100%流沙。奶黃餡香甜，賣相囗感同味道都好不錯十分推薦另外有叫金紗銀蘿腸，腸粉皮包住薄脆粉同蘿蔔絲，冇炸兩咁油膩，比較清新。軟滑腸粉

今日係媽咪嘅農曆生日，但因有工作在身，所以我們就揀咗喺尾站觀塘1亞太中心嘅「海港酒家」食晚飯慶祝！一開始店員好親切有禮咁同我們推介話阿拉斯加長腳蟹今期做緊$188一斤優惠，而呢個晚飯三寶$1568套餐除咗有長腳蟹之外，仲有鷄同魚，感覺都幾優惠抵食，所以我們就叫咗嚟食！清蒸極品長腳蟹王「5斤半」係新鮮即叫即劏，所以肉質極之結實彈牙，味道超級鮮甜，蟹膏非常甘香軟滑，而且斤両十足，真係超正呀！另外值得一讚嘅係店員好細心咁幫我們將啲蟹剪開，令到我們喺食嘅時候更加方便！海港醬油鷄「一隻」嘅外皮燒得相當香口鬆脆，肉質非常鬆軟嫩滑，就算係鷄胸嘅肉質都完全唔會有「嚡」嘅感覺，而且無乜脂肪，真係好正呀！清蒸大沙巴龍躉「2斤」真係超大條肥美，師傅控制蒸嘅時間火候係啱啱好，所以肉質極之鮮甜嫩滑，就連豉油亦都非常鮮味，最好係唔會過鹹，用嚟撈白飯一齊食，簡直係絕配呀！

中伏，中伏，20-9-2018下午六时到海港酒樓观塘店食晚飯，心想早点去冇咁多人，但去到还未够六点当然不獲安排坐位，知客葉少梅小姐已經好像晚娘面口，坐下叫了以下食物，其中涼瓜炒牛肉咸到吃了馬上腎生石，通知侍应後拿進厨房，以為会炒过一碟出來，再拿出來时就是用水沖一下再兜一下就再给回你吃，牛肉再番炒，你想一下是什麼口感，叫人怎可以吃下肚子，我發誓香港飢荒，全港食店关门，餓死也不会再光顧，附上相片及点菜单

接待員態度差，無論在電話內預约，到交訂金等候，詢問訂餐內容或想再加人數時，態度差，沒有禮貌比好的建議，發悔氣並cut 線！食物質量一般，如果是因為人流太多而需要 驅趕客人的話，管理層係咪要想一想點去處理……！真係唔憂做？！

呢間酒家嘅分店雖然好多，本以為點心好似其他酒樓咁一般，但原來都幾有自己嘅特色。一家人點了紫心蕃薯丸，中式花生薄餅，蘿蔔絲腸粉，流沙包，馬拉糕，蝦餃，紅棗糕。除了馬拉糕和蝦餃同其他酒樓一樣外，其他都頗有特色。流沙包由其深刻，黑色的表皮上有黃金色嘅裝飾，流心做的很好，不是濃稠的一攤，而是真.咬一口便流出來。蕃薯丸也不錯，金黃的外皮中間是黃色的蕃薯，內裏是紫色的餡，層次分明。酒樓環境不錯，平日嘅早上人不多，不失為一個與家人聊天嘅好地方。

朋友話想食蒸氣火鍋，心諗：都幾好，感覺唔會太熱氣，而且又有新鮮感！所以就簡咗呢間近apm嘅海港酒家食，食物有平有貴，但食蒸氣火鍋食海鮮先正，所以我地簡咗中價海鮮套餐食，入面仲有刺身食，起正😝😝😝食物都好新鮮，蟹超大隻，蜆好甜又肥，沒有沙因為3個人食，食到第三，四樣食物已經好飽，4個人食會好好多,仲送咗建康飲品，都好足料🤪🤪🤪入面包咗4位茶芥同加一服務費，所以都算抵食😋😋😋環境都可以，都舒服，服務員有點兇，叫我地唔好擺個蓋係枱面，會整壞電磁爐😣😣 整體也是不錯的😊

喺觀塘做左咁耐野，呢間海港午餐就叫dim sum 就試左好多次，第一次dinner 黎食晚餐，今次同同事黎，多謝老細！叫左個套餐，龍蝦大大隻，肉好多，反而條魚就一般，蒸耐左，有少少死實實，不過整體黎講都算抵食既。反正老細請，唔洗錢，free dinner is the best👍🏻反而最後個水果好鮮甜，飯後果一流，大大個菠蘿，估佢唔到。仲有籌包，熱騰騰，最鍾意就係奶皇，taste good!!人唔算好多，服務都唔錯

每次出街食晚飯都唔知怎樣選擇，因為依家太多太多選擇，而我哋就選咗我哋離不開的中餐，當然中餐都好多選擇，令人好頭痛。於是我哋就選擇了就腳的地方，海港酒家在我印象中都係唔錯的，聽人講佢哋d燒味都唔錯，於是就二話不說去品嚐美食，由於我哋來到酒樓都九點幾，客人都唔多，較為清靜d，我哋兩個人叫咗三道菜，值得一讚的係啫啫通菜煲，上檯時個煲仔真係滾得好犀利，在外面食煲仔菜式，能夠做到咁夠火候真係難得加上通菜份量一d都唔少，抵食。當然我哋都叫咗燒鵝例牌，味道幾好，雖然唔知係唔係新鮮鵝，但幾有鵝味，好新鮮和例牌都好抵食，好多肉，之後我哋有叫咗道酸菜煮海斑例牌，個湯酸酸辣辣，好開胃，雖然唔係好多海斑肉，但價錢都算唔貴，個人覺得幾好。如果你想食中菜，但唔知去邊度食，海港酒家係一個唔錯的選擇。

咁大間洒楼竟然冇茶壼……有人有枱冇得坐……而且這洒楼的侍應好像潑婦……服務這麽差……大聲尖叫……周圍同客人在收銀處狂叫……女服務員………這環境真的很差……真的不會再到訪……

全包宴 認真超值， 一圍12人， 食品一d也 唔差， 個個食到攬住個肚走， 我們在加多一隻蟹， 超大， 勁滿足， 員工服務 也好好。 環境尚可。 最重要係超值抵食。 每 碟送 超 大 碟。 最 岩 一 家 人 享用。

星期四晚上來到這裏，全酒樓都坐得滿滿的。環境裝飾都不錯，坐得很舒服鬆動。食物方面，我們一行四人叫了六碟餸，其中一碟還是全隻燒鵝，最後當然要打包啦。講返味道，燒鵝可算是皮香肉嫰，燒鵝碟底有小火暖住，這點算是比較體貼。其他的餸菜都很不錯，價錢亦不貴。唯獨糯米飯來到的時候有一半是很濕的，不過最後侍應都肯幫我地換一碟正常的來。另外侍應服務都很好。整體上我地全部人都好滿意呢一餐晚飯。

2/1/18我打電話唸住訂3/1晚晚餐，打去時接聽位女服務員仲係度傾緊計，幾秒後先得閒回應我，我話book七點鐘四大兩細，佢就話唔設細枱預訂!好啦!3/1晚我上到去攞位，佢話full晒，問題係比我發現booking list既訂位都有6位人數，這代表什麼?點解其他人可以預訂，而我唔可以?係咪選擇性接受預訂?還是因為我地有小孩可能叫的菜式不會太貴，唔想做我地生意?今次經驗令我對這食肆很反感!😡😡😡

觀塘區放工,今日行黎行去,又累又餓又口乾8點幾都唔想諗太多,去到亞太中心,同朋友二話不說就諗定海港不過首先要坐到電梯先,等電梯都等到第二部先入到LIFT上到去等左幾分鐘就有位,咁既鐘數都算好爆喎,星期四黎架大佬都咁多人既,感覺上無選錯啦今晚快叫兩樣野馳名燒鵝皇(例牌),上湯焗波士頓龍蝦1隻連烏冬馳名燒鵝皇(例牌)--先講個SIZE,例牌都咁大碟,食落去肉味濃....香口,連埋個皮食就真係好正皮下又唔算好肥,所以可以一口咬落去,鵝味十足,唔需要望都知係鵝上湯焗波士頓龍蝦1隻連烏冬--隻龍蝦都OK既,個汁加埋落個烏冬度都好夾下

今晚同女友一家食晚飯，Auntie Uncle 話想食長腳蟹，諗起早幾日飲茶見到海港做緊阿拉斯加長腳蟹Promotion, $188/斤收工急急腳黎到攞位，留左隻蟹先（如果賣晒我就要跪玻璃了），都真係好多人叫，我黎到已經得返兩三隻可以選擇（見酒樓張單應該一晚有十幾隻），最後選左隻重3斤4的蟹可以清蒸或者花雕蛋白蒸，Uncle話清蒸食鮮味，原來3斤幾已經好大隻😱，即係好鮮味好甜冇得頂，$700蚊左右真係超值！👍🏻另外在叫左燒鵝，咕嚕肉，魚頭煲都係水準之作

睇完食評覺得唔錯， 今日尼開觀塘， 而且酒樓新開無耐， 所以上尼一試， 剛到門口， 已見一大群人係度等緊， 但下午茶時間一到， 即時安排入坐， 都算有效率， 下午茶點心普遍幾抵食， 而且大中小點都係當小點計， 而且味道唔錯， 但最合意仲係個花膠燉螺頭， 幾滋味， 價錢又唔算貴， 下次尼都會再試。