海灣燒烤大王 (已結業)

星期五的晚上, 一行7人去西貢燒烤.從巴士總站走到燒烤處, 寒冷的10分鐘. 然而, 環境和食物質素卻沒令人失望.$88一位, 包一支水和一罐飲品. 食物種類甚多. 細心的安排是有不少熟食供我們在未烤好肉類前溫肚. 如curry 魚蛋, 燒買, 魷魚鬚. 質素不差. 燒烤是用鉗子的, 在movable燒烤爐上燒--- 1-2個人燒, 其他人等食-- 此為當中的不足處.食物種類也多, 除了一般的肉類外, 特別的有煙肉(難燒, 太多油會弄出火來), 金沙骨, 秋刀魚, 多春魚. 而雞中翼做味做得很好味. 只是有點salty 了.不限時, 環境優美, 是另一賣點.整體來說, 值得再去.

淡而無味!唔係落雨話都已經去跳蚤燒仲要貴過人!D雨水仲要係條喉流落地下搞到成地水

位置就腳, 西貢巴士總站旁, 全海景, 最愛用具乾淨, 但服務一般,凍肉放在凍櫃內保存新鮮食物味道ok, 尤其牛扒味道不錯!但燒烤爐是用網和拑來燒, 若嫌不夠風味,眼見有人自備燒烤叉來燒,和帶同附近買的海鮮, 很吸引~平日$88/位, 若要求不太高, 值得一試!

當然「乾手淨腳」的意思，是完全不用準備也可以來燒野食，而吃完還是滿身油煙味，要內內外外的徹底洗一次才行。約了足球隊的波友來燒野食，因為好多隊員都拖男帶女的，所以就一切從簡的選了這裡，雖然價錢比自己買的貴，但勝在什麼也不用張羅，只需要進場買票就得。一行接近三十人，安排了兩張長檯，五個烤爐，大家排排坐就可以開始燒，好企理。食物放在幾個大雪櫃中，清潔狀況可以接受。食物種類不算少，一般的燒烤食品如各類丸、腸類、牛扒、豬扒、雞全翼、雞中翼、肉、咖哩魷魚、墨魚、金沙骨、多春魚、秋刀魚等等等等，都一應俱全。除了未熟的食物，還有熟食如魚蛋、牛什、蘿蔔等。食物不停的加添，在份量而言，是相當足夠的。味道都還可以，當然不能苛求太多。還包蒸餾水一支及汽水一罐，汽水還有多款可供選擇，不錯。當然如果想吃貴一點的食物，可以自，我們就在西貢買了貴妃蚌、帶子、羊扒等食物來燒。飲品方面亦可以自，任何種類都可以，只不過樽裝酒精類飲品要收50蚊開瓶費。成人票每人118蚊，小童票就蚊，都算不貴。飲飽食醉，由六時許吃到近半夜，算是一個不錯的自助燒烤的地方。

其實BBQ呢啲嘢,好唔好食好多時都係睇自己燒既手勢好唔好,所以都冇乜好講,只可以話啲嘢食醃好哂,ok啦.不過服務就真係見底喇.以前去過,唔係咩大日子,服務都ok啦,因為自助,都唔駛咩服務,都係帶吓位,拎個爐俾我哋.但係尋日中秋節前一晚,我哋就一行十一人去.可能我哋遲啦,即使有bk位,去到得啲露天位,上面撐住把大陽遮.咁都冇計啦,但係嗰日有少少落雨,啲枱同椅濕哂,request換位當然冇啦,有蓋地方真係冇哂,不過真係冇服務囉,係咁咦俾幾墊枱膠袋我哋,要我哋自己重新墊枱,係自己墊,啲椅濕哂,想拎多幾張墊住,佢仲話已經俾多咗一張我哋,當施捨呀?駛唔駛多謝佢?!諗住用紙巾沫乾佢,點知沫完出嚟張紙巾黑哂,好污遭.之後燒燒吓又真係落咗陣大雨,啲大陽遮廢既,完全擋唔到雨,啲嘢食同人都濕哂,一直去到停雨,都完全冇職員理過我哋,好似冇事發生咁.跟住換飲品個職員,後面有排雪櫃,見到啲嘢飲7788,冇乜得揀,咁咪是但叫囉,點知原來係仲有,佢枱面張list有既都仲有,咁咪想換囉,即刻黑口黑面,做得呢行呢,要對客就點唔老黎都唔可以黑面囉,換支飲品成日都有架啦,預咗架啦,嗰日係忙,咁又點?唔想做咪去乞囉,每一行都

放假同屋企人去遠離市區的西貢, 去bbq就最好, 有地方落腳, 呢喥可以比狗入塲, 食下又同狗狗落沙灘玩下, 食物都係一般燒烤, 不過不失啦, 唔可以帶飲品入塲, 不過响佢度買都唔係好貴啫, 十元八塊, 有人好pro自備醬汁, 下次都可以試下先!

拖友們如果心血來潮，兩條友突然間像燒野食，自助燒烤最好不過，唔駛攪咁多野嘛。這裡的環境很不錯的呢！平日都無乜人，格離仲有間酒吧！都有好多食物可以揀，各種腸仔都有，仲有金沙骨同魷魚添！只可惜這裡燒烤並不是用燒烤叉燒，而係用燒烤網燒的。

前晚去過這兒BBQ,真的不是太合意,服務係無人服務,食物不太好味,值得一讚反而是他們的消毒碗碟櫃,其他就不值一提...別的bbq場,可能會在入場時免費贈送飲品一支,這兒就完全沒有了...另在那兒買支水飲(細size) 都要$8一支,咁又係...說實話人地都要做生意的,所以都不算太過份,只希望他們會改善一些服務的質素,那兒的景觀也很一流.

朋友仔之極力推介.由西貢碼頭步行至燒烤場都不過10分鐘度,沿途風景真不錯,到燒烤場坐低後,嘩,風景真係唔錯喎. 食物同環境方面都好衛生,至於食物質素方面都OK，我最愛既就係咖哩雞翼同牛扖,而秋刀魚都一流，燒完後即刻食，魚既肉質嫰滑美味，熱騰騰吃下真係無得頂，食既時候加上檸檬汁，仲更加好味．至於價錢方面都係假日98一位，仲可以坐足12個鐘，都算抵啦．唯一就係不准外帶飲品，嘩，入面買野飲都幾貴架．　　

上個月幾個同朋友去過，發覺食物的種類都算多，味道亦不錯，但係飲品就比較貴啦，約$12一罐汽水。平日大人$68，小童$58，假日就大人$98，小童$68，價錢都算合理。仲有幾個清毒櫃放碟，比起其他食肆都算衛生。佢地亦有簡單調味料供應。如果落大雨都唔使驚，因為佢地有大帳篷擋住，但係有d地方就會積水，著拖鞋就唔使驚啦。仲有呀，佢對住個大沙灘，環境好正架。

平日幾錢唔記得, lunch 幾錢唔記得, 不過星期日夜晚$98位(唔包野飲, 不限時間)~ o野飲大約$12罐, 外來飲品會charge$50~ 環境幾好, 對住無敵大海景~ 就算我o地只係兩個人, 都俾個幾大o既俾我o地, 自成一角, 不過一定要book位先咁好~ o野食種類都算ok,不過無頭盤同甜品(heheh.... 貪得無厭o添~ ) 最欣賞o地用三大個有雪櫃凍住d o野食, 衛生好多~ 服務全無咁濟o架啦, 加炭都要自己o黎~ 一大班人同二人世界都得~