影片
附加资料
Banquet or Private Party with special menu can be arranged.
营业时间
星期一至三
全日休息
星期四
12:00 - 19:00
星期五至六
12:00 - 22:00
星期日
12:00 - 19:00
以上资料只供参考，请与餐厅确认详情
餐廳裝飾簡單舒服，磚紅色的牆壁，水彩畫般的檯布，四處放了一些書本。氣氛cozy 而放鬆，一看就感到這是個喝杯咖啡，吃件甜點，hea一個下午的好地方。雖然我和朋友剛在別的地方吃完午餐不久，但女士就是天生有另外一個負責消化甜品的胃。所以見到甜品餐牌，就立刻點了法式燉雞蛋布丁 和 海鹽焦糖crepe加香草冰淇淋,。甜品水準令我驚艷，燉蛋香滑帶濃濃的蛋味，薄薄的crepe帶麵粉的香味，海鹽把焦糖的甜味帶來平衡。是我個人覺得在香港食過最美味的crepe。法國大廚在進出餐廳時，與顧客親切地閒聊幾句，讓幾年沒法出去外遊的我，仿佛去了外地享受了一個慢活的下午。在結賬時，餐廳同事自豪地提及，餐廳的大部份食材，包括麵包和pate，都是餐廳的自家製品。本來想在週一離開長洲前，再來試一試餐廳的主菜，可是它的例假在週一，只好下次來長洲時，再去品嘗一下。I will be back!
继续阅读
搭著木艇仔走到西堤發現新大陸，長洲法國情調小店，有室外室內座位，供應法式小食及主菜，推介！這家餐廳沒有茄汁供應我鍾意，同我諗法一樣，法餐意餐都應當沒有茄汁提供，美餐港餐茶餐先會有。書架上竟有驚典漫畫飄流教室，真使人懷念！非常有內涵有味道的故事百看不厭。坐低嘆杯冰凍啤酒㗳片煙火腿超超超下先，疑似老闆突然送贈煙火腿稱送啤酒一流，受寵若驚多謝多謝。眼測係意大利黑椒風乾火腿，用黎煮卡邦尼意粉絕配。外觀及顏色應該係自家手切，油潤反光，色澤通透，室溫入口最舒服，慢慢嘴嚼讓她溢出所有油脂及肉香，甘甜香醇再灌啖啤酒，完美！吸啜精華殆盡後，筋位可以吐掉了！自家製法式血腸伴焦糖洋蔥，望到餐牌即時兩眼發青光，我最喜愛的血腸啊！仲以為血腸係整條連腸衣侍候，竟然光禿禿無衫著躺在白碟端到面前，創意地配白飯在旁，真係估您唔到！其貌不揚到底故事會如何發展？結局出人意表，不嗜飯的我竟然食到一粒飯都無得剩，連碟都舔得乾乾淨淨！鬆軟濕潤的血腸蓉，甘香醇美散發獨特的芬芳，跟白飯拼起來出奇地美味，女友異口同聲話想要多碗碗啊！仲有隔離的焦糖洋蔥絲，不吃甜的我們都十分讚嘆，粗條爽甜帶焦香，不是過份的死甜，溫柔地輕撫味蕾。洋蔥絲沾點忌廉拼埋白飯再夾血腸蓉，味道無與倫比，撞得繽紛燦爛！超好味自家製漢堡包，連個名都改作超好味，真的嗎？除左漢堡扒自家製外，連麵包都係自家製。不喜歡硬包的我免強接受，微脆食到麵粉香。硬包皮幸好遇上漢堡扒夠多汁，爆汁酸瓜是其精髓，幫所有食材融和再提味！慢煮8小時煙牛腩三文治，其實我一心專程搭船到訪係想食法式小食可麗餅，但疑似老闆極力推介煙牛腩限定菜式，盛情難卻好啦好啦就試試。原來係我討厭的美式唔係法式！牛腩片鞋鞋乾乾咸咸，醃味陰沉悶悶濁濁，配埋乾硬多士刮到嘴都損。十分不喜歡，禮貌上我盡力全部食晒，只剩下包皮部份。如果好地地比我食可麗餅，就唔洗食到我嘴妙妙啊！雜菜沙律及酸瓜在跟牛腩片多士相比下，格外美味可口多汁，果醋如果多一點及撈勻一點更好味。
继续阅读
啲嘢又貴又唔好食食咗佢個牛肉飯 要百幾蚊 但係食落去同普通$40快餐店嘅差唔多重點係佢啲可麗餅食咗一個鹹嘅一個甜嘅甜嗰個OK嘅 我係食朱古力榛子醬加香蕉加雪糕 好普通嘅水準但係如果有得揀 我會寧願比少啲錢食個好食啲嘅 因為出面真係好多平過佢但係好食d嘅可麗餅但係鹹嗰個好難食本身諗住叫火腿芝士實冇死點知嚟到個賣相勁差 睇到完全冇食慾個樣已經伏 點知浸味仲伏 明明就係火腿芝士餡 但係完全冇味 完全唔知點解佢可以令火腿同埋芝士變到咁淡食落口就係一塊淋啤啤嘅嘢然後個海盜雞翼又好難食成個結論就係 去長洲最唔好食嘅一餐亦都係最貴嘅一餐
继续阅读
週末過長洲島行下，因為好熱所以入黎飲d野。點左兩份crepe，一份鹹味一份甜味。服務員可能上多左一份鹹味，因為係crepe所以我地切左先知。同服務員確認解釋完，結果距擺面色，將份上多左嘅拿走。態度很不好，但係明明係距地做錯。好莫名其妙！！
继续阅读
𝘗𝘪𝘳𝘢𝘵𝘦 𝘉𝘢𝘺 @ 𝘊𝘩𝘦𝘶𝘯𝘨 𝘊𝘩𝘢𝘶 - 𝘮𝘺𝘴𝘵𝘦𝘳𝘪𝘰𝘶𝘴 𝘴𝘱𝘰𝘵 𝘧𝘳𝘦𝘯𝘤𝘩 𝘩𝘰𝘮𝘦𝘵𝘰𝘸𝘯 𝘤𝘶𝘪𝘴𝘪𝘯𝘦👧🏻_長洲一日遊1️⃣中午前到達長洲 大家都好肚餓 所以就快快租單車之後就向右踩去西灣覓食！同行親友就高度推薦我地去一間以法國家鄉菜聞名嘅餐廳💛內部裝修充滿家的感覺 而且用色暖和 加上有老闆同老闆娘親自打裡 非常熱情 有一種好似去左外國民宿嘅感覺😽𝘖𝘹 𝘠𝘦𝘢𝘳 𝘚𝘱𝘦𝘤𝘪𝘢𝘭 - 𝘉𝘦𝘦𝘧 𝘗𝘰𝘵é𝘦Potée係一道法國傳統名菜 中文係蔬菜燉肉 今次食嘅哩個Beef Potée薯仔同牛肉都非常入味 湯汁唔會太澀 個人認為湯汁味道可以再咸啲 加上哩道菜好適合配白飯一齊食 牛味重而不膩！推介👍🏻𝘖𝘹 𝘠𝘦𝘢𝘳 𝘚𝘱𝘦𝘤𝘪𝘢𝘭 - 𝘗𝘪𝘻𝘻𝘢𝘪𝘰𝘭𝘢 𝘍𝘪𝘴𝘩另一個牛年推介菜式係以番茄以及其他醬料烹煮而且嘅魚塊 再配以一塊可麗餅喺底部吸盡所有醬汁嘅精華 味道雖然未有燉牛肉咁驚艷 但係都好有驚喜 作為番茄愛好者 肥Glor好鍾意佢個醬汁 有濃烈嘅番茄香草蒜蓉等等嘅味道 口感豐富 配合可麗餅一齊進食 就冇咁油膩 而且可麗餅餅皮完全吸入醬汁 味道更佳！3 𝘭𝘪𝘵𝘵𝘭𝘦 𝘱𝘪𝘨𝘴 (𝘏𝘰𝘮𝘦𝘮𝘢𝘥𝘦 𝘤𝘰𝘭𝘥 𝘤𝘶𝘵 𝘢𝘯𝘥 𝘴𝘱𝘳𝘦𝘢𝘥) $168唔係我嗌的 但係老闆話配料全部都係自家製嘅 望落好吸引啊 適合鍾意食麵包/清淡啲嘅大家！𝘚𝘵. 𝘗𝘦𝘵𝘦𝘳 (50𝘤𝘭) $50𝘓𝘰𝘯𝘥𝘰𝘯 𝘱𝘳𝘪𝘥𝘦 (50𝘤𝘭) $50𝘈𝘴𝘢𝘩𝘪 𝘋𝘳𝘢𝘧𝘵 (𝘩𝘢𝘭𝘧) $45除左小食同大量法國傳統美食 餐廳亦提供唔同種類嘅好多特別嘅酒精同非酒精飲料供食客選擇 一路踩單車過嚟除左一身汗 經過飲番杯都係一個唔錯嘅選擇喔！😽#𝙛𝙚𝙞𝙜𝙡𝙤𝙧_𝙚𝙖𝙩 #𝙛𝙚𝙞𝙜𝙡𝙤𝙧_𝙥𝙡𝙖𝙮📍海盜灣長洲 (長洲)長洲西灣贊端路13號地舖
继续阅读