影片
营业时间
今日营业
14:00 - 00:00
星期一至日
14:00 - 00:00
以上资料只供参考，请与餐厅确认详情
食家推介
【九龍城區】【海記合桃坊甜品】呢晚食完飯，同而家已經慘成我上司嘅變本姐食糖水。冇計，呢啲都要應酬吓嘅。即係本身我對件事都唔反感，只係多咗呢一重關係之後，就可以咁樣解釋件事，幾有趣。其實我哋本身唔係諗住食呢間，但另一間甜品店係不合理地多人，無謂等，呢度都好。其實喺 1am1547 食太子分店嗰陣，都係有佢份嘅，所以大家對呢間嘢都係唔陌生嘅。佢食嘅係 $30 嘅「桃膠燉木瓜雪耳」，係冬日系列嘅產品，啱晒重視養生嘅變本姐，然而佢就對碗嘢冇乜感覺。可能咁啱我另一位上司感應姐唔喺度，攪到佢食之無味啦。我就幾中意呢度嘅椰青凍，見到開心果又想食，細路仔先做選擇，我全都要。先食 $38 嘅「特濃開心果焦糖燉蛋」，係幾濃開心果味嘅。而另外就再食 $52 嘅「龍眼冰鮮果椰青凍」，我硬係覺得呢間冇太子嗰間做得咁好。夾埋 $120，多謝變本姐，估唔到。。。（地址：土瓜灣馬頭角道33號欣榮商場地下4號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區：1am1547#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龍城區 #宋皇臺 #土瓜灣 #海記合桃坊甜品 #桃膠燉木瓜雪耳 #特濃開心果焦糖燉蛋 #龍眼冰鮮果椰青凍 #1am1638 #1ambackup
继续阅读
今日熱辣辣，就諗住買返啲凍糖水返屋企食。老公話呢間嘅合桃糊幾好食，就買咗個沙沙合桃糊，同埋椰皇燉鮮奶。合桃粒係分開一包，返到屋企至打開倒落合桃糊入面。合桃粒份量都唔少，合桃粒唔止增加咗口感，仲加重咗合桃嘅味道，真係幾好食。另外椰皇燉鮮奶都好有驚喜，刮咗啲椰子肉出嚟，配埋燉鮮奶一齊食，椰皇味好重，唔會有其他怪嘅甜味，燉鮮奶又夠滑，覺得仲好食過沙沙合桃糊。不過呢間淨係收現金，落左order先知，要走返去車度問老公攞現金，八達通都冇就唔太方便。
继续阅读
海記合桃坊既果仁糊類一向都幾出色，感覺上應該無乜加澱粉去增稠，食到好原始既果仁味道。食合桃糊一定要叫沙沙，即上面既合桃粒粒，先夠香口！除左果仁糊類，佢既芋圓都係，之前食過有d地方既芋圓，包括我自己整既，都有一陣可能係木薯粉既怪味，但海記既就無，大小剛好之餘，又食到芋頭蕃薯既天然真味，仲要煙韌度剛好，不會過硬過淋。個雪糕都係出色，唔會有化學味不過佢serving size真係幾大，食完飯再食個紫米露，飽到行唔郁
继续阅读
海記喺土瓜灣屹立多年，一直為街坊提供平靚正嘅甜品，作為煙韌控，我最鍾意嘅就係芋圓系列，每次去到都一定會叫紫芋芋圓仙草凍/西米露($39)🥰佢嘅特別之處係面頭嗰兩球雪糕，食落又有啲芋頭冰嘅口感，但絕對唔係雪到起冰嗰隻，味道好濃郁好正😋芋圓唔算特別好味，偏向硬身咗啲，不過都叫到合格，咬落都有淡淡嘅芋頭香，嚟呢度主要係食佢嘅豐富餡料同埋雪糕，又有紅豆又有蓮子，食完真係飽到上心口😆強烈建議住附近嘅買外賣同人share🤣
继续阅读
我前陣子去咗海記甜品試咗佢哋嘅芒果腸粉。佢哋嘅腸粉係用椰汁皮包裹，口感好滑順。芒果肉鮮甜多汁，同腸粉一齊食真係好夾味。每一口都食得到芒果嘅鮮甜，好開胃。不過，我覺得海記甜品嘅價錢稍為貴咗啲。腸粉唔算大份量，但價錢卻比較高。如果你追求價錢平實嘅選擇，可能要考慮其他地方。如果你係芒果腸粉嘅愛好者，同埋對於價錢無特別要求，不妨去試下海記甜品嘅芒果腸粉。
继续阅读