海記合桃坊甜品

营业中

休息中

今日热辣辣，就谂住买返啲冻糖水返屋企食。老公话呢间嘅合桃糊几好食，就买咗个沙沙合桃糊，同埋椰皇炖鲜奶。合桃粒系分开一包，返到屋企至打开倒落合桃糊入面。合桃粒份量都唔少，合桃粒唔止增加咗口感，仲加重咗合桃嘅味道，真系几好食。另外椰皇炖鲜奶都好有惊喜，刮咗啲椰子肉出嚟，配埋炖鲜奶一齐食，椰皇味好重，唔会有其他怪嘅甜味，炖鲜奶又够滑，觉得仲好食过沙沙合桃糊。不过呢间净系收现金，落左order先知，要走返去车度问老公攞现金，八达通都冇就唔太方便。