海防Pho越南特式美食

营业中

休息中

My wife and I are just temporarily in Jordan for a few weeks while our apt in Mong Kok is being fixed. We each ordered a Pho. My wife ordered the Lemon Grass Pork Chop. I ordered the raw beef, but got the beef brisket. The Lemon Grass Pork Chop was cooked perfect and tasted amazing. My wife’s noodles were delicious and the broth was flavorful(although not the best broth I’ve had, but a good one)My Beef Brisket was chewy and extremely fatty, more so the fat wasn’t rendered so it was not tasty. My

係附近行完街， 開openrice 見到呢間越南餐廳冇乜差評， 就入黎食la叫左個 全日餐 C . 好似好抵食咁 又有粉面， 又有雞翼串燒同春卷雞翼炸得好香，個調味做得好好， 春卷都炸得好脆 , 裡面好多餡 , 幾好食個串燒牛都唔差 , 好juicy 唔乾 本餐重點： 生牛肉河 一上枱就有陣味 , 似係啲牛， 嗰種牛味，跟住啲粉又有少少味咁 好奇怪，一啖我都食唔落 其實啲小食就ok 嘅 , 唔知點解個pho 炒哂車 真係一啖都吞唔落， 嗰陣味。。唔知係咪天氣太熱定點

喺佐敦地鐵站附近想食越南野隨便search 最近的一間店。細細間餐廳小店，十零個位，家庭式經營（見到店主個囡做緊功課😂)。******************************OpenRice 見唔到好多食評，本身唔係太有期望。晚餐set $70幾蚊有牛河，三隻雞翼兩條春卷，平到咁我以為自己眼花！！生牛河好食冇投訴，牛肉(依個價錢嚟講)正常質素。雞翼同春卷即炸！！春卷重要好好食，問店主原來佢係自己包，真係好有心******************************晚市坐唔滿，冇人等位。但佢咁平又好食，希望多啲人識佢，加油

千祈千祈千祈唔好外賣！上次外賣，一時又話無單，一時又話另一個伙記接咗，我去到佢先話即做俾我。今次再俾多次機會佢，仲衰！先係透過openrice外賣自取下單，再打電話去確認，我去到餐廳又取消我張單，要求我用現金俾正價。我本來已經網上付款無帶現金在身上，所以提出用八達通俾，又話機壞咗，門口貼有八達通支付寶微信支付的貼紙，卻話所有都唔收，只收現金，結果要我去提款再回來取餐。不能使用優惠之餘，仲製造麻煩！無下次！

Wandered here for lunch on a Friday. At 12.30pm, there were no customers in the shop, but plenty of food delivery orders on the front table already. A promising sign, that they are doing a good takeaway business.I ordered the fresh beef pho ($45), and you can add a hot drink for $3. The bowl was satisfyingly generous, and what stood out was the complexity of the broth. Strong notes of anise and cinnamon, heavy on the sugar, it had a deeply herbal aroma which went fantastically with the silky pho

今日天氣涼涼地，忽然好相食碗熱辣辣湯粉做午餐，就跟同學仔去咗呢間正宗越南美食小店食最招牌嘅海防生牛肉湯粉。店舖雖然細細地，但也不會感覺太局促!本人對越南生牛肉湯粉情有獨鍾，今次都唔例外，叫咗碗最招牌嘅生牛肉湯檬。不久熱辣辣香噴噴湯檬送到面前，再配上一小碟紅辣椒及青檸，我先試咗一淡湯底，牛肉味道極之濃郁及鮮甜、生牛肉及檬粉嘅份量都唔少，肉質感覺非常鮮嫩，還配有適量芽菜及葱花，入口有如置身於越南嘅感覺…真令我回味無窮!

晚餐，叫了越式雞飯，炒金邊粉，蒸粉卷雞飯又熱不“鞋口”，蒸粉卷夠熱多料好味，炒金邊粉多料不過油較多。三個菜，每個都夠熱上枱，總數百多元在此區巳是低價。可以再賞。

📍 海防Pho越南特式美食🌟佐敦⁣⁣🔹生牛肉金邊湯粉⁣💰45⁣👅8.9/10⁣食生牛肉河最緊要牛肉唔可以太熟 喺香港好多生牛肉湯河上碟嘅時候都已經差唔多熟透 但呢間岩岩好🤤 湯底清香 金邊粉夠彈牙⁣⁣⁣🔹香茅牛肉撈檬⁣💰45⁣👅8.9/10⁣牛肉熱辣辣 非常香口 配埋涼涼地嘅檬粉 同埋酸酸甜甜嘅sauce 次次去到都會叫佢黎食🤤🤤⁣⁣🔹越南炸春卷⁣💰45⁣👅9/10⁣呢個春卷真係值得一讚炸得非常香脆再用佢既生菜包住黎食 食落冇咁油膩 Balance返 👍🏻

大熱天時，下午成三十幾度，好多時食野都想食反啲涼浸浸既食物除左食冷麵，寿司之外，越式撈檬都係一個幾唔錯既選擇個檬粉唔熱再加埋個魚露甜酸汁都幾開胃下今日試下依間海防pho越南特式美色先其實依間越南餐廳，我見都開左一段日子，今次都真係第一次幫襯餐廳啲牆壁同燈飾布置都用反類似越南風格，全店只有五六張枱，一眼睇哂今日食既係下午茶時段，36蚊碗其實都幾抵食嗌左個牛肉撈檬牛肉有炒過，幾香檬粉份量都幾夠，唔会因為下午茶平左就好細碗個魚露酸汁都幾香，唔会話好酸，幾開胃雖然凍飲要加五蚊，但係都幾抵食

一個人的晚餐，去左朋友極力推介嘅海防食點名要試嘅香茅豬肉，我揀左無咁頂肚嘅湯檬底，再加多個牛油雞翼。其實一般食越南湯粉我會揀生牛河，因為鍾意啖牛肉湯超濃郁。最初見侍應攞住碗粉時見顏色清淡諗住中伏，點知一放低就聞到好香，即刻試飲，真係好鮮甜。至於個香茅豬肉亦相當唔錯，味道同肉質都好食，唔會嚡口。不過相對地牛油雞翼就輸左喇，醃味唔夠，不過勝在唔係翻炸，皮脆肉嫩，都有75分嘅。咁樣食都唔使100蚊，有咁嘅水準真係相當唔錯，值得再去。

星期日和太太去了佐敦行街，兩點幾食飯時段行過松街，這裡有好多食店唔知食咩好剛好經過一間吃越南菜的小店，在門口看了餐牌一會覺得價錢實惠所以入去試吓。店內裝修有越南色彩店員態度有禮見，進去時已有一兩枱人在用餐。他們的特價食品選擇多而且全日供應，越南食品當然要試一試生牛肉河、太太點了一個香茅豬扒撈檬。上菜時生牛肉河香味撲鼻，個湯頭好甜，牛肉分量亦唔少，配料檸檬葉亦帶出額外鮮味。👍🏻👍🏻太太嘅豬扒撈檬豬扒份量足，檬粉和醬汁十分配合。還見到餐牌有越式拼盤、春卷、蒸粉包，決定下次再來一試其他美食。👍🏻👍🏻

有人放工突然好想食越南菜，就同男朋友OpenRice 下，原本都想食飯佐敦區另一間老字號，但係聽過朋友講越嚟越唔得就放棄左，試吓呢間。入到去人唔算多，坐低左我地一碗香茅豬扒撈檬，一碗火車頭，一客牛油雞翼，只係記得影我自己個碗嘅相。😆因為一上枱啲食物已經好香，忍唔住要開餐！香茅豬扒撈檬：香茅香好夠，豬扒唔乾夠juicy，配嘅少許蔥油都十分唔錯！火車頭：湯底夠清甜，冇乜味精，牛肉質素都唔錯，其他配料都OK牛油雞翼：我男朋友食完一啖就已經話好好食，外面唔會油淋淋，雞肉keep到juicy🥳簡單講，一定會返轉頭！

行過佐敦吳松街，見到我至愛嘅越南嘢，即刻入去試下先！兩個人食左三樣嘢，堅係好味，性價比重要高！尤其個生牛肉Pho, 湯底清甜，牛肉新鮮！都係不過係HK45元，香茅豬排撈檬，豬排鬆軟入味有少許香芧味，加埋酸酸甜甜嘅魚露零舍開胃！另外個小食拼盤，有牛肉串燒，春捲同埋蝦片牛肉都係HK98元，由於個餐牌有太多嘢想試，我地一定會再幫襯！值得一提是㕑房大厨原來係越南人，老板娘係正宗诃內人，唔怪得咁有地度風味啦！

轉咗新office，有星期五rest day。約埋女朋友食lunch，原先揀西餐，但今晚又食西餐，所以轉咗食呢間。1:15去到仲有半滿，揀咗窗口二人座位，地方寬敞又舒適。點咗兩個set lunch。其間仲見到個名人單拖過嚟食飯，我都離遠偷偷大模施樣影咗佢相。黃薑飯個牛肉好食、個汁都好味👍🏻配埋好稔嘅蘿蔔（冬瓜？）炒麵個味都好濃👍🏻連熱咖啡（下次去可以試試轉特飲）埋單$106，整體質素不錯👌🏻

於晚飯時後經過廟街每一間食肆都不大排長龍果唔到呢間冇乜人本來諗住冇乜驚喜， 點知食落啲嘢食 味道都算唔錯 ，而且有別於一般越南餐廳嘅味道 正唔正宗就唔知啦不過都算係好食。叫咗個二人套餐當中有生牛肉河， 個湯有種特別嘅香味有別於一般越南菜但係都幾特別， 感覺有丁香嘅香味。 牛肉份量亦都唔算少。 另外我哋仲要咗一個蝦餅， 一份有四件 算係唔少有好多鋪頭都只係得三件而且啲蝦餅唔係覺得好硬好乾， 口感唔錯味道就同平時嗰啲差唔多， 另外叫咗 兩個牛肉串燒， 牛肉味道唔錯佢有別於一般泰國串燒並冇醬料配合但係本身啲牛肉有味。 之後仲有一個月式炒金邊粉開頭估計會係同泰色差唔多點知原來完全唔同， 炒金邊粉都算香口有扎肉有蔬菜又有雞肉但係我個人鍾意太息多啲， 仲有一個馬拉盞炒通菜， 算係十分爽口味道都唔算好咸。 仲有一個菠蘿炒飯係用鑊仔上， 老闆話佢用鮮菠蘿莉炒所以都幾香甜 都算好食。