海風士多

营业中

休息中

2010年10月28日 西貢 ( 海風士多 - 1 ) 西貢後花園之旅，從黃石碼頭出發，沿郊遊徑，經東心淇村，接回麥理浩徑，再沿麥理浩徑逆向而行，沿途經赤徑上大浪坳，落鹹田灣，差不多用了約2小時30分，再次來到美麗迷人的鹹田灣。接近沙灘的位置有兩間士多，分別是安記士多及海風士多，兩間士多同是有奶茶、咖啡及炒粉麵供應，行了這麼多年山，兩間店都光顧了不少，並不是這裡特別好吃，皆因這裡一帶風光美好，又是歇腳的理想地方。朋友帶來不少食物，再次在此謝謝友人，吃過乾糧後，連隨叫了一碗豆腐花，朋友話：(吃過最貴的豆腐花都只是8元一碗，這裡卻是10元碗，好貴喎！)我說：(山長水遠，環境地理位置、條件都不同，又怎可以混為一談呢！如要說抵，上水河上鄉的鴻淘豆品廠，8元任飲任食豆漿及豆腐花，未重抵！... )。回說這裡的豆腐花，滑度未算滿意，甜味是自由隨意添加的，有薑汁黃糖水及黃糖碎沙可選擇，我卻喜歡添加薑汁糖水來吃，特別喜歡那種不太強烈的薑味，雖然豆味並不濃，但喜歡這裡的豆腐花帶着微微的燶香味，如要說這種味道是代表有個性，Johnny 絕對是欣賞這種個性，如這種味道再強些，喜愛會更多些；不過，這種味道

2008年7月一年總行幾次西貢大浪灣, 一黎~多上落, 可多出汗排排毒, 二黎~方便而且景靚, 三黎~中途行至鹹田可補給減少負荷~~ 而且我隻狗狗亦很喜歡哩段路, 因可以係沙灘跑跑跑添 !!每次都係海風士多稍作休息補給, 並避避中午猛烈太陽, 補給多以碳水化合物為主, 炒米粉, 炸薯角,及炒時菜等 !! 最估唔到係, 每次既蒜蓉白菜都蒜香菜嫩, 炒米粉亦夠乾身, 食完碟底無多餘油漬, 食得健康又安心 !! 而炸薯角亦十分香脆可口 !! 食飽飽, 休息過後又再燒脂肪去 !!

行山行到中途, 梗係要醫肚, 當日星期日好多人, 佢地做到冇停手, 我都明.... 叫左 2 個面, 加魚蛋 + 飲野, 魚蛋 + 飲野好快就黎左, 但 2 個面.... 相信都等左半個鐘, 好耐之後先開始追, 唔知係咪漏單, 眼見其他 " 遲黎先上岸", 追左幾次先黎...個面好耐好耐之後終於到左, 但係咸到爆, 好肚餓既我地都唔覺得好食... 可以想像有幾差....後面張台既人岩岩黎, 叫人執野... D 人串咀到: 唔得閒執... 下... D 客唯有自己執, 真係睇到 O 晒咀......** 隔離仲有一間, 點解要受氣???

隻蛋半煎炸得幾好,唔會好多油,但係個黃又會有少少流出泥,不過條腸仔麻麻,唔係太有味.公仔麵話係出前一丁,都似,at least聞得出係麻牛味包粉.不過食落都係淡淡的.又啱o既,做完運動食咁咸,身體已經dehydrated,仲食咁多鈉好易出事!

今朝早開步....經過大浪西灣沒有坐下Hea...黎到鹹田村, 10:00am 先食個粉麵打底! 老公叫腿蛋丁麵, $25, 好立克, $12, 我覺得淡, 寫紙叫之前問問亞姐, 可唔可以做個菜米俾我...佢話得無問題! 等幾分鐘...我既菜米, $25, 好大碗, 菜好多, 唔知係咪自己種, 白菜仔好甜...食完, 努力向上行!P.S. 對住個海食野好好view and feel, 臨走前人地開飯, 魚粥...係煎魚!

10月尾, 第一次去大浪灣行山, 朋友推介黎呢間士多開餐, 叫了一碗雞翼一丁, 咸魚雞粒炒飯, 友人就叫炒烏冬和咖喱炒飯, 出事了, 一堆"蒼蠅"飛埋碟咸魚雞粒炒飯度, 為保自己個肚, 立即拎住碟飯轉檯, 如果都係一樣, 最後只好蓋住, 每食一談都要開蓋.....向老闆反映, 佢都話無計, d 咸魚係佢地摯愛...十分鐘後隔離檯發生相同事件, 又係拎住碟飯四圍走XD, 食物質數整體上OK, 即叫即炒.因為轉過檯, 之前個張檯又有人坐, 收銀姐姐又唔信我地講既價錢, 係都要問返上菜個位伙記, 擾攘了十分鐘先埋到單..價錢方面, 麵好似$24, 飯/炒粉麵$38, 飲品約$10-15, 比出面略面貴少少, 無計, 呢度係偏遠地區

我到去邊海風士多食午餐,我叫左星州炒粉,干炒牛肉烏冬,鹵水雞亦,好好味炸燒賣,我覺得d野食好0正,叫左4杯涼粉紅豆冰0正,d冰高到成座山咁呀,我地4個人食到好飽,都係食左$200都唔洗,下次一定再去,星州炒粉一定要叫

月前同一班食友去行蚺蛇尖，鹹田灣是每次大休的地方。好多時不知何解會去了安記，今次就選了隔離的海風試試。找了位子坐下，這裡是自己剔紙仔，雖然是自助，但好處是不用麻煩找店員來寫單，寫了檯號及吃什麼，自己交去廚房就得，幾好。價錢方面，沒有想像中的貴，如紅豆冰賣12蚊，芝士蛋治也是12蚊，跟出面的茶餐廳也沒貴了許多。紅豆冰是我們這檯大部份食友的選擇，當然還有餐蛋麵及米，同埋我的芝士蛋治。食物上檯，賣相也不差，我的芝士蛋治還烘了底，在這偏遠的鹹田灣海邊茶座來說，是沒話可說；紅豆冰紅豆不多，可幸不太甜，前面還有一大段路上蚺蛇尖，正好補充一下先。埋單也方便，埋去講檯號就得，幾企理又清晰。下次再行蚺蛇尖，都一定吃這裡。