影片
港铁九龙塘站 A2 出口, 步行约15分钟
继续阅读
电话号码
27208386
营业时间
今日营业
07:30 - 20:30
星期一至日
07:30 - 20:30
以上资料只供参考，请与餐厅确认详情
浸大食坊啲薯條每次都咁軟，唔脆嘅😤有次我叫佢地即刻炸，真係食到有少少脆嘅口感🤷🏾♀️ 但係已經冇下次😞 可能佢哋員工懶（？）或者人手唔夠（？）但都唔應該偷懶賣埋啲唔新鮮嘅薯條lor🤬 M記d薯條都脆過佢‼️薯條英文係French Fries😠 直譯係法國炸條🤬 係應該要夠脆啊！點解好似白灼咁？我哋唔係老人家唔使整BB餐我哋食ah🥵 呃學生錢，真係嬲死我啦😡😡😡😡😡😡😡😡😡😡
继续阅读
今次試左佢個黑松露蘑菇滑蛋帶子飯$40再加左十二蚊要左個藍莓芝士蛋糕我大概一點四十分落單要兩點十分先到我覺得廚房效率係慢左啲 過左午飯高峰時期都要等半個鐘 真係唔太好講翻佢個飯啦 今次佢嗰飯有啲硬 好似唔係太熟咁 黑松露嘅味係好濃嘅隻蛋都好夠滑 個蘑菇都好好食不過佢個帶子就好似燶咗啲 喺幅圖度都可以見到其實佢黑咗四成而且佢俾得唔夠多汁 令到個飯本身已經好硬之餘仲有啲乾 不過佢免費送咗一盒紙包飲品 都算有補鑊啦個藍莓芝士蛋糕就普通 都應該係來貨唔夠硬 攞到手已經融緊 仲要個底勁淋
继续阅读
至從裝修之後，canteen嘅食物質素一直有進步。我地兩個人叫左「豚皇叉燒拉麵」（$43）。食完都覺得比得上出面餐廳！首先，份量而言，拉麵一碗都非常大碗，一個女仔要食好耐先食完。食物方面，有齊曬出面拉麵店基本嘅配菜，配菜量都非常多，令成碗拉麵口感好豐富！麵線方面，餐廳係真係提供正宗拉麵，完全唔係公仔麵！湯底亦都濃厚！以$43呢個價食到，CP值係超高！值得再食！
继续阅读
今朝黎呢頭開會，入左去 BU canteen 食左個早餐，雞扒煎雙蛋，配塊多士，飲熱咖啡，$23.5，九龍塘應該冇啲咁平嘅早餐，味道正常嘅，雞扒都煎得香口，不過野食唔夠熱，咖啡都幾好飲呀
继续阅读
今日放左工拿拿臨仆去浸大進修，六點半上堂上到九半，上堂前緊係要搵d野醫下個肚先有精神啦！有讀過浸大的朋友仔一定知道宿舍樓下的浸大食坊一直被批評食物質素惡劣，衛生環境麻麻，今日就同大家搵d抵食又放到入口既菜式。平時好少留意，原來hall can係會賣中式小菜。今玫就同大家試下呢味水煮牛肉！話好好食就無咩可能，勝在佢都算足料，牛肉厚身有咬口，同埋配左好多粉絲。粉絲幾彈牙，吸左辣汁拌白飯食唔錯。而最重要個水煮汁，佢整得比較淡，辣味欠奉。但香料份量夠，香味不錯。適合喜愛麻香人士，埋單只是33元，非常抵食！
继续阅读
您可能会有兴趣的...