涌口茶餐廳

营业中

休息中

今日嚟咗呢一間茶餐廳食早餐，朝早嚟講唔算太多人，可能地點比較偏僻。✔️沙嗲牛肉通心粉，份量都比較多，而且我覺得男士去食都係會飽，沙嗲牛肉有六至七件，呢一個數量已茶餐廳嚟講都算幾多，而且調味上都整得幾好食，加埋通心粉味道啱啱好唔會太鹹，整體嚟講我覺得都可以，牛肉亦都唔會好韌，所以呢一個沙嗲牛肉通心粉我都覺得係合格✔️炒蛋腸仔多士，炒蛋都做得唔錯，正常嘅質素再加腸仔，腸仔就冇乜太大驚喜啦，最後加多杯熱檸茶，埋單$42

鍾意XO醬又鍾意炒飯但又唔鍾意青豆既絕對一試無防👍🏻勝瓜代替青豆0違和感，XO醬多好出，成兜飯都唔油，雞肉粒都滑，值得一試！雖然位置偏僻左少少，入面位置唔算好多，之前堂食都覺得坐得舒服，今次選舉外賣，速度都叫快，唔洗等好耐，客都無出面茶記/商場咁多，所以如果唔想食貴野又唔想爭茶記，涌口都係可選之一，食完行入D仲可以去埋舊碼頭吹風，正！不過認真講，$58量又唔算超大兜，雖然夠食但都略貴，但都算係一分錢 一分貨，味道都值$58😊👍🏻

叫得做癮世當然唔近市中心，係馬灣涌村內，近逸東村，東涌港鐵站就要轉巴士。茶餐廳格局，店內座位唔多，衛生環境還可以，主打菜都係鋸扒，有分普通碟同鐵板上，當然鐵板上最大塊最好味。點選了鐵板厚西冷牛扒（五成）唔單止厚，更重要堅大塊，成個鐵板咁大塊，大胃王絕對喜歡。當然唔可以同和牛質素比，對比茶餐廳質量既西冷牛扒已經算鬆軟，牛味都濃，梳打粉唔算好重味，大胃王可以一試。值得留意嘅係營業時間只係日間時間，夜晚就已經關門。

疫情情況有好轉，決定外出享受美食，不過都不能鬆懈，即便如此，餐廳🍴都會為客人檢查體溫，及提供搓手液，所以都好放心💕一直知餐廳晚市有鐵板餐提供，有鐵板雞扒、豬扒、牛扒同埋雜扒，可配黑椒汁/茄汁/蒜蓉汁，而且奉送薯條🍟、蕃茄、椰菜同牛油🧈甜餐包，同埋羅宋湯。若要加飯/意大利粉🍝都是加八蚊。甜餐包熱辣辣奉上，好鬆軟，大大舊邪惡牛油🧈香氣撲鼻。羅宋湯都好有誠意，加上大大條紅蘿蔔🥕，自家製，好濃蕃茄味。今次食西冷牛扒🥩(七成熟配黑椒汁）：大大塊牛扒，淋上黑椒汁，「炸炸聲」，兒時回憶番曬黎，薯條🍟好脆身💕配上一堆椰菜三色豆，非常健康。七成熟不會OVERCOOK，沒有雪氣味，牛味濃，70幾蚊包咁多抵到爛。總結：西冷牛扒鐵板餐🍴🥩 誠意之作性價比高

一個好悠閑既下午，去左舊碼頭搵食。好耐無黎呢邊，發現有一間新既茶記叫「涌口茶餐廳」🍴就入去試下。空間吾算大，大約容納三十多人， 只有數十張自由拼貼的桌子，環境夠光猛。食物款式算多，有基本常餐、牛扒餐、三文治🥪、下午茶，特色飲品等。四寶飯（HKD 48): 好新式同西式，竟然吾係傳統四寶，有已經煎香左既紅腸，香而不油、流心既太陽🌞蛋，就算豉油吾夠都可以用蛋汁撈飯。配上超濃味既瑞士🇨🇭雞翼，雞皮嫩而多汁，雞肉扎實。佢竟然用上鴨胸肉代替咸蛋，感覺更健康同美味，夠曬咸到可以撈飯😍沙嗲牛肉公仔面🍜（HKD 39) : 沙嗲牛肉好濃郁味，好過食M記新出個款通粉。公仔麵不是出前一丁，正常發揮。奄列普通，不過配塔既面包🥯好鬆軟，熱辣辣，好有誠意。凍奶茶🥤加三蚊：茶味重，算順滑入口，奶味都係淡奶，茶7分，奶3分既比例。總結：價錢合理 衛生乾淨味道吾錯 平民街坊味道

是日晚餐🤓-今晚打算出街食，有人建議食涌口茶餐廳既鐵板餐，因為大大份又好抵食。-於是我地一行五人去左呢間茶餐廳，點左個鐵板薄牛扒餐，選左要黑椒汁，個餐配薯菜同羅宋湯，如果要加意大利粉或飯要加$8，個牛本身都好大塊所以我就無加到。-Order完之後好快就上左湯同餐包，個餐包系由個保溫櫃到拎出黎所以送到上枱果時都系暖既而且好軟好好味。餐湯同個包都未食完就好快上左鐵板，個速度好快😋-個肉不論雞定牛都好大塊份量好多，薯條都炸到好脆，個汁有好多，裝到好滿。凍檸茶叫左小甜，甜度上好岩本人口味，平時系出邊叫小甜但有時都會覺得甜，但呢間就岩岩好真系睇得出有小甜左😆-總括黎講個鐵板餐個性價比都幾高，70$一個鐵板餐凍飲加$3，上枱速度快🤓

其實8月尾時已知這間茶餐廳，之前一直唔敢試，因怕中伏，但係逸東真係無乜得選擇，唯有勇敢試一試啦。一食就連續食咗幾晚晚餐，真係好少何😊😊，無論扒飯，鐵板，海南雞飯，車仔麵，都好食，價錢也可算合理。最重要係唔止我一個覺得好食，連屋企果4口，每晚問佢地食乜，都話食涌口，希望唔會咁快食厭。強烈推薦鐵板厚切牛扒，和扒飯。厚切牛排雖然唔係次次都算厚切（因為試過有次係認真薄）但咁嘅價錢，都係抵食，這店的醬汁好味。另外，車仔麵都好食，但記得落埋枱上的菜舖，因湯底比較清淡。希望此餐廳可以keep住一直做好，生意都越來越好啦，到時可以擴充加多啲枱。