深宵 (已結業)

免開瓶費！免收加一！第二次黎食，餐廳細細得幾張枱，但就係咁先夠舒服，傾計食飯都好啱涼拌皮蛋 $ 26賣相靚，份量有睇頭，味道唔錯，比平常嘅仲豐富多料，除左皮蛋仲有生蒜、辣椒、花生、青瓜絲，口感豐富，中辣惹味邪惡芝士咖喱牛肉撈烏冬 $ 58咖喱牛肉味道濃郁，牛肉雖然一粒粒好細，但口感爽彈。要彈嘅係舊芝士，乾、硬，應該係微波爐加熱😅希望可以改善！多春魚 $ 26 / 4條香脆，魚春爽雞軟骨 $ 20 / 2串正常發揮娃娃菜 $ 21應該有半棵菜，咁樣燒真係幾好味，味道鮮甜，菜葉好爽鹽酥雞 $ 39份量唔少有約10粒，味道絕對接近台灣風味，外脆內軟燒茄子 $ 34大大條，加上豐富嘅蒜茸，味道一流，肉質軟嫩Juicy鮮甜必點！上次叫咗個魚Set收30x，呢次只叫其他食物先收226，非常抵食，仲可以自己帶酒認真爽老闆服務都唔錯，一見自來酒都即時遞上酒杯仔，絕對會繼續幫襯

今次黎一間好穩秘地方位於長沙灣同深水埗中間既串燒店！裝修簡約但係味道令人回味加高質推介！建議晚上早小小到因為位置唔多好快滿座！呢間串燒令我諗起日本道道頓掘的感覺，串燒樣式多，而且味道不同，每一種唔同既串燒都有佢秘製嘅醬汁點綴，重點係好完好似上左癮甘不停食！真係好高質素！首先出場一定係我最鐘既菜式，鵝肝多士！鵝肝沾上左甜甜的醬油，配上香脆可口的小多士，鵝肝汁爆出黎個下真係好正😍多士今次唔係甜既汁液，係似醬油味但一樣甘好食！2片都有飽肚感！之後一定要試佢既燒韮菜同娃娃菜！必試！燒得超香同菜唔乾身有醬汁好惹味！仲有燒秋葵質感燒到岩岩好！完全唔會硬身咬唔到！最後就係芝士牛粒咖哩飯，牛肉唔會油膩，咬感可以接受，重點係芝士好誘人拉開可以超長，同芝士食落香滑，唔膩！呢間店叫深宵，快D試下啦！

深水埗區好多小食店主打串燒，今日揾到呢間深宵，舖頭細細十鬆張二人枱，用白板筆喺過膠Menu上落單，環保👍開瓶費：零服務費：零主要都叫返啲燒烤串燒類，真係唔係度度都燒得好食，試過無味又試過好重蒜。外脆內軟芝士年糕 $ 27 / 3粒外脆內軟，不過外層小小粉粉地，咁樣燒法係有唔同嘅感覺，唔錯👍。燒魷魚乾 $ 33應該只有一隻，剪得碎過籠。味道非常正，唔會好鹹，同時魷魚乾果種鮮味不停飄上黎佐酒一流。小甘薯 $ 17正常發揮。鹽燒霜降一口牛 $ 35牛肉味非常突出，有咬口但冇筋，質素應該唔錯。雞軟骨 $ 20 / 2串同樣正常發揮，雞油未燒乾晒，保留到啲油水同時骨頭脆脆。汁燒五花腩 $ 21連唔鍾意食肥肉嘅女友都話正，真係要試口感爽脆唔膩。原條燒茄子 set $ 147蒜茸超幼細，香氣味道濃郁，正宗港式燒茄子嘅味道食完都未至於成口臭。鹽燒盲鰽 set $ 147連茄子叫可以優惠價$147一套，非常抵食。盲鰽魚大條少骨，肉質多汁，店主落重新鮮薑燒焗，上枱已經聞到超香此店裝修簡單，但係食到好味道好服務，店主一見我開酒已經遞上冰凍酒杯仔，非常好招呼

星期六放假落街搵食，諗住食個茶記算，但去到要等位咁兜兜睇下有乜食啦行過見到呢間串燒店午市就開左門原本以為佢淨係食串燒點知原來lunch都有飯餐睇到個menu有鹽燒鯖魚飯$46咁抵食就入左去試下佢10分鐘個鯖魚飯飯就上枱嘩，相當大條，$46相當抵食食落肉質唔散，唔太冧，幾肥美，唔乾曾曾$46有杯嘢飲其實相當抵食錯有錯著放假食得抵食ge 野btw 個日見到有好多人叫 芝士咖喱牛肉飯 下次 再去可以去試吓

今日去長沙灣探朋友，之後佢帶咗我去食呢間串燒叫深宵朋友之前都食過，今之再帶我黎試試入到去有好多必食推介見到都流哂口水。不過首先要讚嘅係店員真係好nice 因爲入到去見到會同其他客人推介當有客人走咗又會馬上執枱再放上筆同埋點野食嘅紙係枱面準備好唒我地首先叫咗d 串燒，都幾特別嘅因為佢係比個木盤放係枱面然後 木盤上面會有張紙，然後串燒就係放係上面比我地食。首先黎咗汁燒五花腩同埋汁燒豬頸肉，味道都好相似，但唔同嘅係五花腩肥d！唔記得講點餐紙有得選串燒嘅辣度我地選咗小辣，因為覺得食串燒少少辣特別惹味！佢嘅燒汁少少甜，再加上少少辣原來都幾夾！之後黎咗1份牛仔骨同埋2串牛舌芯，牛仔骨真係要讚一下，唔會燒到好老，肉唔會好粗糙同埋都幾「淋」最鐘意係佢鹽燒！又有少少辣夠哂味而牛舌芯都好味，而且都好「淋」都幾鐘意呢個口感！但係我果串就落少咗鹽但辣味都好夠之後係雞軟骨，都好好味而且一份包2串都幾化算原條燒茄子，好多肉，可以夾到出黎食，不過可能茄子偏吸味所以就偏咸，如果一大班人叫黎送啤酒就好到牛油蒜蓉焗金菇，超多蒜蓉味同牛油味好重，都唔錯 另外仲有呢個燒豬仔脾d肉燒到岩岩好，唔會好粗糙，夠哂味，拎住條骨黎食好

尋日同朋友經過深水埗又五知食咩好，就見到呢間串燒，質素都唔錯～好味道👍🏻👍🏻肉類黎講個人覺得牛舌真係勁勁勁正，淋得來又爽！！必點！另外，我仲好鍾意食白鱔，見到餐牌有都叫左，燒到啱啱好🤤朋友叫左個串燒，睇番餐牌好似叫蝦豬串(?)，食落個口感好特別，明明食到係豬肉，但又好似有蝦醬味！真係好過引，下次真係要再試真d先😮😮佢地仲有其他套餐，小食，但試五到咁多😭食到差五多飽個陣見到隔離枱上左個燒蠔真係好吸引阿，後悔無叫。。整體上都真係五錯，價錢都合理，同朋友每人食左200左右。一開始見五算多人堂食，仲驚好冷門，食食下愈來愈多人，仲爆場，好彩早入，如果五係就要等位😵‍💫😵‍💫不過原來有得打電話book位，下次就可以五怕無位~~

呢間店員好友善 野食仲係即燒 又夠多樣化座位都唔會太逼燒蠔好飽滿 又唔腥 值很得試芝士金菇邪惡到呢 一夾起 芝士拉絲 好惹味最推介燒茄子同花枝丸花枝丸茶左蜜蜂燒好甜又小小脆 花枝丸夠哂彈牙有咬口 食到粒粒花枝茄子無燒到乾哂 調味夠好香 保持到口感多春魚同台灣腸都唔錯燒鱔略賺細舊左啲 不過囗感唔錯燒牛舌牛味都算濃郁又夠juicy唔錯家~值得試仲有好多野揀 可惜得兩個人試唔哂！之後再叫左次外賣 打電話叫定再行去拎 時間剛好 做宵夜一流

支持小店，主要食串燒既店，上菜係比較慢小小，因為應該係即叫即燒，反而仲有信心，因為感覺唔係已經燒好再翻熱，推介牛舌心同燒生蠔，只係好正，牛舌心，入口即溶既感覺，燒蠔有埋蒜蓉倣配笞，但冇話搶晒倜蠔既鮮味，另外，主要見到一個樓面負責落單同傳菜，但冇亂單同唔會叫極唔應，真的不錯！黎左幾次，都見到晚上都會比較fll建議可以先致電訂座，眼見黃金時間，都有客人想食但未有位，要留電話等陣再黎！所以想食既你，建議先致電留位

早排同朋友經過覺得五錯就入去試下，即叫即燒夠曬’新鮮’~個一口牛好juicy🤤羊架又香又軟！個焗娃娃菜整得啱啱好😋五似其他鋪一係就淋過頭，一係就五夠汁😞😞整體上都幾好，有下次阿🤤🤤🤤

小妹第一次出食評 寫得唔好大家唔好介意 今日行去長沙灣天悅商場買咭比呀哥 諗住去雲南米線度解決個午餐就算數 點知佢冇開到 去咗隔離間燒烤店食 原來依家啲燒烤店開咁早 嗌咗個燒鯖魚飯加可樂 都係46蚊 估唔到又幾好食 除咗佢即叫即燒之外 魚肉越燒越香，魚皮魚鰭越燒越脆 不過係等候時間比較耐 等咗8分鐘先有得食 唯有呢點係美中不足 老闆娘話因為即燒所以就要耐dd 下次可以提早落單 同佢地講大約幾點會到 等佢地可以預定d時間燒 原來而家仲有啲餐廳有咁嘅服務

上次我地5個人係呢間到食野 雖然我哋成日都係呢間度食嘢㗎啦 但係上一次真係好有特別嘅驚喜 真係要讚一讚佢哋 事源係咁嘅 咁大概我哋已經食咗一段時間 突然之間事頭婆攞一條佢哋舖頭冇嘅嘢出嚟 話佢特登送俾我哋食 咁我哋幾個梗係好愕然啦問下佢點解嘅 事頭婆講笑咁講話送俾有緣人食喎🤣🤣 我哋見到隔籬枱小朋友又送棉花糖食雖然我哋冇食棉花糖食 但係我哋都覺得好窩心最咪事頭婆驚我哋唔飽又送咗盤餃子俾我哋食雖然係送嘅但係味道都唔錯 係真係用心去製作好少仲有呢啲咁有人情味嘅舖頭可以幫襯介紹返先 我哋成日多數會去食白鱔同埋生蠔因為佢哋啲白鱔真係好好食 而且生蠔又真係好大隻 唔會好似蠔屎咁 其他都仲有好多好好食嘅 不過呢兩樣真係嚟到必食仲要重複再嗌