影片
营业时间
今日营业
09:00 - 20:00
星期一至日
09:00 - 20:00
以上资料只供参考，请与餐厅确认详情
炎炎夏日，想食啲清爽又好味嘅外卖，于是试咗喺街市里一间好有口碑嘅小店 — 添宝手撕鸡。虽然只系街市里一个不起眼嘅舖头，但佢哋嘅食物同服务真系俾人一种窝心嘅感觉。手撕鸡拼卤水墨鱼冷面
手撕鸡真系今次嘅亮点！鸡肉撕得细碎，肉质鲜嫩唔干柴，带有淡淡嘅调味，入口清香。拼上爽脆嘅青瓜丝，增添咗一丝清新嘅口感，食落去健康又开胃。夏天食呢款手撕鸡，简直系味蕾嘅小清泉，完全唔会觉得腻。
卤水墨鱼爽脆弹牙，每一啖都充满卤水嘅香气。墨鱼本身新鲜，卤汁入味得啱啱好，唔会太咸，咬落去「啖啖肉」，真是一个好惊喜嘅配搭。
冷面系夏日嘅绝配！面条爽滑有弹性，配上浓郁嘅麻酱，香气扑鼻，入口带点微甜同芝麻嘅香味。麻酱同手撕鸡、卤水墨鱼捞匀一齐食，味道和谐又丰富，凉浸浸嘅口感喺夏天真系好消暑，每啖都令人回味。
继续阅读
自从海达街市开咗之后，都懒行去南昌荟街市！而且近住门口位开咗呢间添宝手撕鸡，个个妈咪话食完好快又会挂住，想再食😋讲到咁，真系要试吓😍今晚煲粥，所以买咗个生肠同辣猪𦟌送下粥。。双拼都只系$55🥳🥳生肠加芥辣同甜酱，好爽，食到停唔到口😋个香辣猪𦟌个辣到好啱我，唔会辣到入唔到口😋😋猪𦟌又易咬，超级赞👍🏻👍🏻👍🏻👍🏻另外真心赞吓姐姐啲服务，倾吓笑吓，下次一定再帮衬😍😍😍
继续阅读