添添廚房

营业中

休息中

今日又係OT 夜，放工坐車返屋企都好累了，一於去堪稱飯堂嘅添添廚房買個飯返屋企食。大大盒3餸飯，真係平靚正之選。甜酸生炒骨排骨夠薄粉，炸起嚟仲食到厚肉嘅排骨，甜酸調味適中，夠開胃。食落清爽唔油膩，加埋最重要嘅大量菠蘿。西蘭花炒肉片西蘭花嚿嚿都爽脆鮮綠，雖然係三餸飯但都唔會淋哂又散開得返啲莖，姐姐都夾得好慷慨，肉片同菜嘅比例都好好。招牌黑醋骨黑醋十分之香，唔會淨係得個甜字，而且比生炒骨又係另一種酸甜，味道嘅餘韻更加強烈，肉質有咬口又有口感，大件夾抵食。

呢排晚餐想食少啲，最後去咗元朗雞地得添添嗰度食咗個常餐，最驚喜係晚餐時段都可以仲有常餐，呢度仲有其他選擇有小炒亦都有鐵板餐，街坊價所以晚餐時間都full House。常餐點了煎豬扒，加兩個餸加飲品豬扒好大塊，正常發揮坐喺度食好有溫暖感下次可以再試吓其他款

方便又抵食～～～今日揀咗三個餸飯～$43～～～西蘭花炒牛肉～～～今日西蘭花軟硬度啱啱好～啱我口味～牛肉就少咗啲～～～魚柳蒸粉絲～～～味道不過不失正常水平，份量足夠～～～炒蝦～～～正常水準～～～～三餸飯有蝦有魚有菜仲想點👍🤭～～～有機會都會再幫襯～～～

雙餸飯方便好吃不用煮，還要菜式夠多📍地點：元朗🍽️菜式：中菜💰人均消費：晚餐 HK$34~42🔖服務費/ 茶芥：❎ / ❎🧻餐巾/ 濕紙巾：✅ / ❎🪑座位類型：外賣📝落單方式：侍應生落單【三餸飯】💰HK$42蒸鯇魚、炆豬手、蒜蓉炒菜心。蒸鯇魚頗厚一塊，有半隻手那麼大，蒸得剛好，不老。炆豬手入味之餘夠軟，膠質重。菜心炒得剛好，份量足。【兩餸飯】💰HK$34鹹蛋蒸肉餅、西蘭花炒豬頸肉。肉餅鬆化，調味適中。西蘭花炒得偏淋身，小編接受得到。#foodcourt #foodxcourtx #foodxcourtxYL#元朗搵食地圖 #元朗美食 #元朗 #中菜.添添廚房🏷️元朗鳯攸南街3號好順景大廈2座地下4號舖

元朗人氣兩餸飯兩餸飯 $34盒三餸飯 $42盒招牌京都骨招牌京都骨真係冇介紹錯，醬油味超級重仲要鋪滿芝麻真係夠晒入味，嗰種味道唔係偏鹹，反而剛剛好配埋白飯真係一流，仲要姐姐超級好越夾越有！咕嚕肉另一樣真係唔可以叫咕嚕肉，你睇見佢個色水真係好吸引，大大件啖啖肉真係好抵食，每一件醬汁都好均勻，重點係佢會夾埋菠蘿俾你啊，酸酸甜甜好開胃，用嚟襯埋其他餸，再撈白飯真心冇得輸！菜心新鮮嘅菜心淨係睇個樣已經可以知道，食落去爽口鮮味，喺兩餸飯入面配埋一個肉類就剛剛好！魚肉粉絲呢一個比較特別嘅餸都好推介大家試一試，佢嘅蒸魚肉粉絲都比較偏向清淡，但係口感好特別，雖然醬汁唔係多，但係粉絲吸收晒魚肉嘅精華都好鮮甜！豉椒蒸魚重點係如果你叫剩餸的話，一定要叫呢個蒸魚，真係大大件咁夾俾你，仲要配上超多嘅醬汁，姐姐一啲都唔會留手，將佢可以調味嘅配料一次過入盒俾你，真係完全享受到一個完整嘅蒸魚！姐姐重話6、7點最多餸任你揀，記得早啲嚟啦！添添廚房 (元朗)元朗鳯攸南街3號好順景大廈2座地下4號舖

正為豬先生的晚飯苦惱，誰知食完茶餐廳，發現正對面便是添添廚房，專賣雙餸飯盒，簡直是一條龍服務🤣。$34兩餸算是超值了，餸菜款式甚多。煎炒煮炸蒸焗，素葷皆齊備。買飯盒的人流亦絡繹不絕。店員姨姨推薦招牌京都骨，醬油色灑滿芝麻，令人很有食慾。而波蘿咕嚕肉酸味味，肉多骨少，很下飯！重點是姨姨下手闊綽，餸量將飯盒都塞得滿滿。真是1個飯盒，2個人歡樂都可以😆😆。

見到啲餸好吸引咁，價錢又好相宜。兩餸飯$34一盒 三餸飯$42一盒好多選擇呀🤩新鮮出爐，好多人排隊好多款餸，有少少花多眼亂😆覺得啲人好犀利呀，咁快揀到食咩麻婆豆腐、椰菜炒豬肉、蕃茄炒蛋、炒豆角、炸豬扒、炸雞翼、豬手………..我叫咗個炸雞翼 麻婆豆腐 同椰菜炒豬肉嘅三餸飯，啲雞翼炸得好香🤩麻婆豆腐炒得好惹味😋辣度完全係接受到嘅辣。椰菜炒豬肉嘅調味都剛剛好👍🏽👍🏽另一個雙餸飯就要咗炒薯仔絲同豬扒薯仔絲嘅份量好多 而且都好惹味👍🏽

OT太攰想快速食飯休息通常會買兩餸飯無可置疑真係快靚正，$34有交易晚飯時段條隊都幾長不過超有效率，勁快手熱門餸菜去得快又返得快Keep住熱辣辣㗎個人心水炸雞翼（一餸三隻）西蘭花炒肉片（我叫多菜少肉）酸辣豬扒（三塊左邊）炸蠔餅（三舊左右）咸蛋肉餅（冇相）飯可以叫少飯，費事浪費呢個價位元朗係咁上下係咪好抵食我就唔知道但佢啲餸係好食嘅，唔太油唔太咸我就寧願食佢好過食老麥所以已返兜咗幾次如果你都係住元朗雞地一帶推薦大家試試呢間

住元朗附近嘅朋友都知道元朗邊到多好嘢食，但有時食得太多餐廳都會厭，尤其係收工時間又趕住返屋企，得一個人又唔想煮飯食，呢間雙餸飯就啱晒我哋呢啲上班族😋佢嘅位置位於雞地，唔算非常就腳，都要行一段路仔先至到，不過平時覓開食嘅朋友都知道呢一頭係好多好嘢食。有時真係諗唔到食乜，咁就可以選擇呢一間雙餸飯🤤唔好諗住雙送返求求其其，呢間嘅雙餸飯住呢頭嘅朋友都知道係大件夾抵食，同埋味道一啲都唔差，好多時夜晚都會排長龍。如果想食的話就要諗定食乜嘢，因為太多人，姐姐到時就唔會等你諗食啲乜😹😹

元朗雞地開咗呢間雙餸飯!成為咗同事們嘅飯堂😂份量都好多每日有好多唔同嘅餸!如果細食嘅朋友記得要少飯同事鍾意食魚成日都會特登早啲過去睇吓買唔買到條魚。學生餐成條魚都只係$30送嘢飲我自己比較鍾意食粉絲魚(味道好似粉絲蒸帶子咁)咕嚕肉，南乳炸雞翼，蒸肉餅同黑醋骨希望繼續推出唔同新嘅送

聽朋友講呢間餐廳幾抵食，再加上雙送飯餐廳到處都可以見到，試下唔同類型的雙送飯都唔錯😁$33雙送飯來說還算抵食，看一看食物的質素如何😎點了一個雙送飯，選擇算挺多的，最後選擇了炸雞翼同蒸鯇魚🥰溫度夠熱，雞翼如果脆多少少會更好，鯇魚方面還是挺鮮味的，吃下去啖啖鮮味，算是不錯好吃指數：7/10性價比指數：8/10餐廳名稱：添添廚房餐廳位置：元朗鳯攸南街3號好順景大廈2座地下4號舖

豬扒硬肉餅有渣蕃茄炒蛋有酸縮味屋企人叫我買兩盒三餸飯返去食，叫我買另一間。但我就想試下哩間啲味，結果就出事。見到佢門面視視正正，應該都唔會差得去邊。坦白講，$38一盒飯我都懶得寫食評。但真係無下次建議餐廳重新選購食材，可能係你地啲食材出咗事

聽朋友呢間野底食 收工買左個淨2送（牛肉苦瓜加椰菜炒牛肉） 炒椰菜有點兒 苦瓜牛肉剛剛好 。芋頭扣肉很香 另外魚香茄子就普普通通 煩就好彩係分明的，唔係林啤啤 整體來說價錢適宜，唔好一味 死鹹味，三餸飯嚟講算係淡味 😜

剛開試業時，已經急不及待排隊試試，餸嘅味道不過不失，勝在$42揀兩餸，份量都ok，款式唔少，閒時加餸都係首選。不過開業兩星期後，份量起變化，揀剩餸同兩餸飯嘅份量差唔多，特別係熱門餸（如生炒骨）會俾得特別少，連埋洋蔥配料加埋半盒都唔夠，數完應該有6粒（冇計炸粉碎），開始失望了。雖然有個別員工會出手闊綽啲，但冇一個統一份量，一時多一時就好少，好難預計。同區附近有不止一間餸飯店，睇黎可考慮試試唔同選擇。