添添鮮果汁

营业中

休息中

今日食完嘢經過呢間果汁店，見到餐牌有好多唔同嘅combo 唔似平時旺角嘅榨汁店！d combo 都幾新穎！ 仲見到有滴漏咖啡❤️叫咗杯白日夢有士多啤梨菠蘿同西柚我朋友飲落覺得有啲酸我飲落又覺得啱啱好，因為本身覺得西柚汁減到肥幾健康🤣🤣👍🏻加埋士多啤梨同菠蘿都夠甜。 唔知係咪因為算係冬天，老闆娘問我哋要常溫定係冰d 。 飲落真係常溫，我估佢有啲放雪櫃，有啲放室溫👍🏻👍🏻幾適合女性 又有維他命C又唔驚寒涼❤️

本身見到d生果用料配搭同普通果汁店有d唔同，有d驚唔啱口味，但真係好想飲果汁，於是叫左杯 Bloody Mary有驚喜💯正，超fresh嘅感覺。飲完覺得全身充滿營養，好開心👍🏼推介！第日再試其他味道😋

路過見到溝兩款果汁28元，開心地叫個蘋果雪梨汁，點知個老闆娘做完後就收我30元，我話menu唔係寫28元咩，之後話最近雪梨貴左加左價，要貴d，真系臨時老屈喔，嘢飲都做好左先講，真系老屈店一間

一直都有幫襯依間健康果汁小舖～最近又出左新產品我好鍾意依杯果汁叫做天空之城， 由日本抹茶， 芒果 ，香蕉同埋牛奶混製而成。 味道出奇地夾。 芒果同香蕉味唔算特別出眾， 散發著少少嘅甜味， 啱啱好中和咗抹茶粉嘅苦澀味， 配埋牛奶成杯果汁入口好順滑， 值得一試。

‧˚₊*̥(* ⁰̷̴͈꒨⁰̷̴͈)‧˚₊*̥添添鮮果汁•添添主打無添加無糖無色素100%鮮制，好多時經過都忍唔住買返杯嚟清吓腸胃(๑•̀ㅂ•́)و✧而且menu列晒唔同水果材料嘅配搭同功效出嚟，是旦揀杯都有益身心(๑˃̵ᴗ˂̵)و因為小妹好中意香蕉🍌產品，今次就講吓兩杯都有蕉嘅鮮果汁！•🥤《偷脂者 Fat Burner》($30)話明係偷脂者梗係幫你減肥，而減肥嘅要訣就係痾得( งᵒ̴̶̷᷅ωᵒ̴̶̷᷄)ง⁼³₌₃！呢杯野入面有燕麥、蕉🍌、士多啤梨🍓仲有一樣小妹睇唔明嘅嘢，就咁聽都知呢啲嘢加埋可以幫你清腸胃！好明顯飲得出唔同材料嘅味道同質感，小妹飲完都飽到唔洗食其他野了(๑ ˊ͈ ᐞ ˋ͈ )ƅ̋•🥤《固本潤燥 Hercules》($30)呢杯同偷脂者陣味同成份差唔多，不過今次係蕉🍌、藍莓🫐同另外兩樣小妹都係睇唔明嘅嘢，相對冇咁有份量同咬口，但一樣可以幫助排便\(◦´-`◦)/♡•٩(ˊᗜˋ*)و✧*｡📍 添添鮮果汁 (紅磡)紅磡寶其利街53號寶利閣地下10號舖•💰人均消費：>$50

原來紅磡有間鮮榨果汁店～～ 可以自選配搭 亦有好多店家推介配搭 仲有好多都list佐功效😍.▫️陽光哈密瓜 $28😋👍🏻：👅👅👅.8/5分即叫即榨好新鮮😚 由於我唔係好有勇氣挑戰羽衣甘藍🥬所以簡佐大路啲既款😛哈密瓜🍈香蕉🍌牛油果🥑飲落好清新同fresh 好解到渴😍質地好cream甜甜的～ 因為唔想沖淡生果們既味 所以成杯野都無乜冰 但飲完都一樣咁爽 仲覺得健康佐😚不過果然有香蕉🍌既出現 永遠佢都係最突出都係最safe😂.小店雪櫃擺滿新鮮水果🍉🍈飲得出係無添加既新鮮天然榨汁😍下次口渴唔洗淨係飲肥仔水～可以轉換下口味之餘健康下 話唔定飲完仲可以暢通啲🤫

🍯 My Honey Bee HK$30佢可以自選水果材料，不過我費時唸，所以揀咗啲現成嘅配搭。材料有薄荷、熱情果、青蘋果、蜂蜜。有熱情果，所以成杯飲品好有咬口。整體水果甜得黎，有淡淡嘅薄荷味。夏天熱辣辣，飲杯鮮果汁，酸酸甜甜幾爽。

夏天出街真係熱到搞唔掂，行幾步路就會口渴想飲杯嘢，但日日珍珠奶茶嘅話就會越嚟越肥，越肥就會越怕熱，到時就返唔到轉頭🤢 所以要飲就要飲得健康啲，鮮果汁夠晒健康啦😝 😋 滿口生香 $28 呢杯係mix埋菠蘿、熱情果同埋青檸，酸酸哋又唔係好甜就最解渴！睇住佢喺雪櫃度拎啲生果擺晒落個攬拌機度，攬完就凍落杯真係幾治癒😗 杯果汁唔係好凍因為無加冰，將水果嘅原汁原味留住。如果唔話畀我知呢杯有咩生果，我一飲就會飲到菠蘿同熱情果味，青檸味要留到舌咗再dap真啲先dap到，夏天飲杯真係唔錯㗎😆 ⭐️評分⭐️（5⭐️為滿分）味道 ⭐️⭐️⭐️⭐️ 抵食 ⭐️⭐️⭐️⭐️

買咗杯大嘅鮮榨蘋果汁，要$30，但冇諗到會溝糖水，好失望，咁點解我要買你杯所謂嘅鮮榨果汁呢！ 如果係咁，你就唔好標榜係用一啲新鮮食材去整鮮榨果汁啦！睇門面間舖仲以為係做一啲新鮮野點不知係呃人嘅！一入去佢有張好高嘅工作櫃枱，其實係完全可以遮住佢喺枱後做乜，正因為咁，擋住哂視線，我見到佢榨完汁後用嘅壼仔，左倒右倒原來喺度mix緊糖水落去一杯鮮榨果汁度，何其可惜！如果係咁，我過去對面有7-11買一樽果汁飲品都得啦！

Tim tim 紅磡果汁店有次因爲工作原故，正好經過紅磡區,行左幾個街口，有d口渴，正諗住搵d便利店買下野飲，就見到呢間果汁店，諗諗下買杯果汁都幾好喎，就入左去睇下有咩野飲。見到佢個餐牌都有好多款式既飲品揀，例如有d特別d既:變形俠醫，小魔怪等等，同埋店舖都標榜係純天然既生果，唔會添加其他色素香精去製作，所以都令我放心去買，而我同同行既同事就分別選擇左’奇異果’同’陽光哈密瓜’。奇異果🥝份量比例剛好，適合不太愛太甜飲料既人，而陽光哈密瓜果杯就好香，同埋有少少牛油果🥑味，都幾特別。

世界上水果百幾款，有生果被稱王稱后，但被稱為神，可能係得紅石榴！紅石榴，超市都有得賣，但有d會叫佢做神石榴：「其實神都係人，只不過神做到人做唔到的事，所以係神。」（參考頭文字d）近年紅石榴已經被不同研究組織吹奏為superfood，因為佢真係好屈機。不單止抗養化抗衰老，排毒降血壓血脂，仲對男人好有功用（飲過你就知）。但因為神石榴meet開之後係一粒粒，而且入面又有核，所以食起上來好麻煩，同樣道理，榨汁都好煩，所以坊間賣神的精華的地方不多。而添添鮮果汁，就係少數有得賣新鮮神汁的鋪頭（另一間比較出名，話全港得佢賣真正神汁的鋪頭在西貢，得閒再寫）。呢支神石榴，雖然都唔係即榨，但起碼都係即日榨定入樽，因為榨神石榴汁工序的確好麻煩，但都係新鮮衛生的。味道鮮甜，雖然飲落唔係100％果汁，但30蚊一支鮮榨神石榴汁價格已經相當相宜。given that 係超市買一粒神石榴都要20－30蚊，榨出來先可能得300ml！添添仲有好多其他好飲的特色果汁，可以因應你要求而整榨出合適的果汁。希望添添永遠都在紅磡，與飲了神石榴汁的手足一齊，屹立不倒。

正所謂，每逢佳節重三斤，中秋食月餅食到滯晒，加上天氣悶熱，午餐整杯鮮搾果汁真係健康又清新，我宜家一星期起碼有一日以鮮搾果汁做午餐，順便讓腸胃休息一下。鮮搾果汁最緊要材料新鮮，即搾即飲，某些水果有强勁酵素，飲完舌頭有輕微麻痺，大商場連鎖店雪櫃中的瓶裝果汁真係無得比。身為紅磡街坊，每日都見添添入貨，送來的水果都係高級進口貨，識貨的街坊早就成位熟客，我當然係其中一個啦。又咁啱，睇咗 BBC 一篇一百種有營養的食物，杏仁居首位，對心血管有益，咁就整杯杏仁、菠蘿加香蕉，杏仁落得重手，大大杯，加上香蕉同菠蘿，香滑有纖維，唔會太甜，飲完有小小飽肚。問老闆，呢杯嘢有乜名堂，佢話未諗到，我提意叫 BBC1 啦，話晒我都係因為 BBC 報導先點呢杯嘢，平時我飲開燕麥，合桃加藍莓咋。

病到面色蒼白，無咩胃口，叫左飯都食唔得晒，好少野落到胃。自己驚自己有事，都係買杯健康新鮮果汁飲一飲，睇下可唔可以順便增強免疫力。嗌左杯蔬果汁，即嗌即製，有菠菜苗、牛油果、青蘋果🍏、奇異果。全部都綠色，成杯綠。雖然有菠菜苗，但無草青味，反而有好香既奇異果味，同甜酸既青蘋果味。兩者味道相對突出，但又配合得好融洽，無發生味蕾爭霸戰。而牛油果味道淡薄，但令果汁質感更厚滑，豐富左成個口感，飲左又更飽肚。再者，蔬果汁唔會加冰，就算傷風感冒飲都唔怕會引起氣管敏感而狂咳😝飲完都覺得自己健康左，好過成日飲埋果D咩糖精化學果汁，奶精茶。呢度既果汁真材實料，日日飲都無問題，只會愈飲愈健康 😁

紅磡寶石戲院附近可以找到不少的生果店，但是這家果汁店友人多次推介，而且說跟其他一般果汁店有點不一樣，質素比其他的好。這次經過便試一下她說的高質水果店。一進去看到一個超大的冰箱放了各式各樣的水果，而且水果都是非常新鮮的。他們除了有果汁飲料之外，還有水果岀售，看起來都很新鮮，而且還有一些特別的水果。餐牌如下: 他們家的飲品可以自己配搭不同款式的水果和大杯/小杯。還有一些有功效的果汁，如果不想用腦的話，也可以選擇不少特色飲料。很多選擇之中選了杯 Signature drink,裡面加了牛油果、薄荷葉、菠蘿，青蘋果。這個配搭外面的確比較少見。可以喝岀來水果很新鮮，而且入口清新香甜。

港鐵觀塘延綫通車後，才真真正正令紅磡黃埔與外面接軌，以前紅磡港鐵站可以去的地方，來來去去都只是紅館、火車站、置富都會或者都會海逸酒店幾個地方。現在可以乘搭港鐵到黃埔，一樣從黃埔徒步到達遊覽紅磡的商舖景點。以前開在紅磡的食店，很多人就因為路途太遙遠，轉車太轉折太麻煩，最後望而卻步。幾日前我在黃埔新天地附近食晚飯時，就給我無意中發現到「添添鮮果汁」，這間隱藏在紅磡某暗角落，完全不起眼的果汁店。其實我本來想即場買杯鮮椰汁來試飲，可惜我去到時已經售罄，我已經很久沒有品嚐過鮮搾椰汁了，所以感覺很可惜。結果我另外買了杯攪拌果汁，是藍莓、芒果跟香蕉三者的混合物。香蕉味道較甜，糖份又高，藍莓是補眼恩物，現在的芒果味道亦偏向不夠熟的微甜和酸味。結果三者攪拌後的結果，是微甜中帶酸，但又不是難以入口那種味道。「添添鮮果汁」一杯外賣自取的攪拌三款口味果汁，盛惠二十二元一杯，為健康也好，為了試試新奇味道也好，我也覺得很物有所值。