添添鮮果汁

营业中

休息中

正所谓，每逢佳节重三斤，中秋食月饼食到滞晒，加上天气闷热，午餐整杯鲜搾果汁真系健康又清新，我宜家一星期起码有一日以鲜搾果汁做午餐，顺便让肠胃休息一下。鲜搾果汁最紧要材料新鲜，即搾即饮，某些水果有强劲酵素，饮完舌头有轻微麻痺，大商场连锁店雪柜中的瓶装果汁真系无得比。身为红磡街坊，每日都见添添入货，送来的水果都系高级进口货，识货的街坊早就成位熟客，我当然系其中一个啦。又咁啱，睇咗 BBC 一篇一百种有营养的食物，杏仁居首位，对心血管有益，咁就整杯杏仁、菠萝加香蕉，杏仁落得重手，大大杯，加上香蕉同菠萝，香滑有纤维，唔会太甜，饮完有小小饱肚。问老板，呢杯嘢有乜名堂，佢话未谂到，我提意叫 BBC1 啦，话晒我都系因为 BBC 报导先点呢杯嘢，平时我饮开燕麦，合桃加蓝莓咋。