清溪川韓國配菜

营业中

休息中

同標題所講嘅一樣，呢間小小嘅食店座位唔多，而且真係韓國家庭經營的食店，店主不諳廣東話，可以簡單英語溝通，説實話的確配服離鄉別井毅然到外地生活的勇氣！店主夫婦主要打理廚房內工作，兒子主在樓面，食物價錢合理，而且非常道地的韓國味！店內的裝橫簡樸而且座位不多，食客可以看到廚房內的情況，廚房前有一個雪櫃放了一些飲料和一些道地的韓式泡菜和飲料，飲品全部一律$10！是次選了這一罐在香港很少見的梨汁很清新，而且每口也喝到果肉是一個很好的選擇通常在韓國吃到的泡菜味道會偏鹹，這裏的餐前泡菜可能迎合香港人的口味，咸度適中然後這個韓式炸雞，看起來似會很乾，可是驚喜地，肉汁保留得非常好，外脆內嫩部隊鍋的湯底滿滿的韓式辣醬味道，可選擇跟飯或是麵！但可炎熱天氣下，吃了會身發盪！還是涼一點才吃！總結, 這所店子性價比高，豐富的午膳只雖數十元，是不錯的選擇

-韓國人自己小本經營既小店，食物都係一些簡單既家庭主食同小食，價錢都幾親民，平時都有唔少人黎呢度午餐同食晚飯。 不過係呢度食，真係要識嗌，如果唔係就會有伏既感覺。-泡菜炒飯 $45 女仔食黎講都幾大份，簡簡單單既一道菜式。有芝麻煎蛋同紫菜碎於炒飯上，味道很樸素卻實在，仲有兩個配菜。雖然稱不上正宗韓國菜既味道，但係係呢度簡簡單單食一個午餐亦幾知足的。另外仲嗌在個年糕餃子麵$40，呢個既賣相確實不吸引，就冇影相了，而且食物亦很普通，建議不要點了

呢間小店係由韓國人開，佢地識得簡單嘅中文同英文，點菜嘅時候就咁指menu都可以，唔使驚溝通唔到。呢度算係平民小店，有啲韓國住家飯嘅味道，係媽媽嘅味道啊，前菜有泡菜同芽菜。----------😋炒牛肉飯 $52牛肉比較韌，但出奇嘅係個牛肉汁好香，仲好濃牛肉味，牛肉汁帶甜，撈飯一流。😋牛骨粉絲湯配飯 $65牛骨粉絲湯好濃好香，飲落唔似係味精湯，係真係有牛骨煲出嚟，小編成碗飲哂。牛肋骨帶牛肉嫩滑，不過牛骨份量小，得幾舊唔係好夠食。😋泡菜湯配飯 $50😋泡菜煎餅 $50泡菜煎餅係小編最推介，份量多，又唔油膩，外脆內軟，加上泡菜有少少辣，食落幾野味。😋紫菜包飯 $30紫菜包飯有十件，入面有魚糕、火腿、蟹柳、酸蘿蔔、紅蘿蔔、青瓜，因為有酸蘿蔔，甜甜地酸酸地，所以好開胃，食完一舊會想繼續食，仲有少少麻油香。----------因為呢度係小店，大約得12個位，夜晚呢度都幾多人，想食可能就要等一等，如果唔係就可以叫外賣。----------🔎清溪川韓國配菜🚩紅磡湖光街1-7號聯成大廈燕安閣地下

係紅磡同男伴睇完戲，經過一間韓式小店，見到價錢唔貴，於是入去試下新餐廳。小店入面座位唔多，大概十三至十四個座位左右，牆上貼了不少食物照片。餐牌上既菜式選擇算多，但可惜無我想食既海鮮煎餅於是點左紫菜包飯同辣炒豬腩肉飯。下單後，老闆俾左兩款前菜，有荳芽同泡菜。由於我對荳芽無乜興趣，所以無試，但泡菜唔太酸係好食既。紫菜包飯材料豐富，味道唔錯唔會太乾。辣炒豬腩肉飯都好食，辣度適中，豬腩肉加上其他配菜同白飯一齊食好惹味開心可以食到好味既平民韓國美食。下次會再去試下其他菜色

九點零要揾嘢食都真係唔容易，本身想食上海嘢，但去到己經關了門，所以只好在附近睇下有冇食。行下行下，來到依間韓國嘢食面前，有好多食物相張貼在門口，其中一張就係韓國shshi,就係咁俾佢吸引左入去。坐底見到餐牌，見到好多嘢想食，但二個人可以叫的款都唔算多，最後擇左一個炒粉絲同人參雞湯。個人參雞湯真係超正，味道好足，連d骨都可以咬碎，一定煲用好耐。依個相對上有咁值得推介，比相像中細，但味道上都係唔錯。成晚遺憾是sushi 賣曬，冇得食。唯有下次來過。

小編最近又迷上韓劇、韓綜，看到主角食得咁滋味，真的心思思想食韓菜～如果是深夜煲劇，就更加痛苦😖今天難得約到一個「哈韓」的朋友，就決定找家韓國餐廳聚一聚，大快朵頤🇰🇷——————————🔹辣牛肉湯 $60 📍4/5這個辣牛肉湯真的짱 맛있어요！不只食材多多，有牛肉絲、韓式冬粉、蕨菜等，調味也超完美！湯汁濃郁，牛肉味很重，配飯超正🤤辣度頗高，加上是湯水，所以會有點嗆辣，不能吃辣的朋友建議點其他菜🔸紫菜包飯 $30📍 3.5/5紫菜包飯共有十件，每件都很飽滿足料，除了魚糕、火腿及蟹柳，另一半料都是菜～當中最鐘意的是黃蘿蔔條和紅蘿蔔🥕，甜甜脆脆好開胃，令人一件接一件😊不過正宗的韓式包飯應該加香油調味，這個就吃不出麻油香，但整體性價比不錯～🔹辣炒豬腩肉飯 $50📍3/5一上桌就覺得很像茶餐廳的碟頭飯，一半餸、一半飯，份量無得輸！餸有豬腩肉、椰菜、翠玉瓜和洋蔥，每一種都很入味，加上肉的份量比菜多，好驚喜🤤本身辣度普通，但椰菜好吸汁，所以越食越辣。整體味道只有辣，沒有韓餐那種甜，個人比較喜歡吃hungry X的鐵板辣豬肉多點～

行行下紅磡，發覺其實紅磡都幾多韓國菜食，今次試左呢間比較家庭式既韓國餐廳，佢店入面既裝潢都比較平實，令人感覺好似返左屋企咁。入正題，今次同朋友一人叫左一樣主食，朋友叫左個餃子拉麵鍋，入面係有蛋同年糕既，所以都唔驚會唔飽肚啊。而我就揀左個辣牛肉湯配一個白飯，估唔到湯入面仲有d粉絲係到，非常飽肚啊，味道香而唔太辣，都幾適合唔係幾食得辣既人食，肉就比較少，中意食肉既朋友可以選擇其他。

在2019年2月4日星期一年三十，有不少韓國食店開始收爐，在紅磡湖光街這裡都不會例外。在公司收爐之後，來到這里午飯。在這里的韓國姐姐們，雖然不會廣東話，但是會肯說廣東話，話廣東話的韓國姐姐們只有幾個。👏👏👍👍當天order了一份泡菜炒飯，炒飯保留了韓國🇰🇷🇰🇷🇰🇷當地的製作方法，再加一點香港特色🇭🇰🇭🇰🇭🇰，感覺有點Fusion。炒飯上面的太陽蛋非常夠大件，而且泡菜炒飯口感非常獨特，當慢慢吃的時候，泡菜的辣味從中散發出來。👏👏

紅磡自地鐵開張之後，餐廳數目有增無減。今日行過湖光街這條後巷，經過有間叫《青溪川韓國配菜》，就被吸引進去。店子雖小，但周全地每枱一盒紙巾，細心到極致甫坐低，老闆一臉笑容給我倆一個餐牌。患選擇困難症的小弟，浪費了少許時間挑選兩個主菜：芝士拉麵和紫菜包飯$30 十件紫菜包飯，足料炮製，配料當中的蘿蔔，口感十足，卜卜聲加上再有泡菜和豆芽作前菜，都幾抵食。$40 芝士拉麵一大鍋夠飽肚，有隻煎蛋在內拌勻一大片芝士食用，整個湯底的芝士濃度，相當豐足又平又抵食，下次落紅磡一於再食

行過見到呢間舖，細細地唔太顯眼，堂食同外賣都多人，諗住應該唔錯，所以入去買個外賣試下。間鋪好似係家庭式經營，個老闆應該係韓國人，斯斯文文，落單同比外賣個時都非常有禮貌，態度好好。我叫左個外賣韓式泡菜炒飯，發現呢間店食每個餐都會送埋一小盒細嘅泡菜。呢個泡菜炒飯味道唔錯，炒得幾惹味，好多泡菜，配埋個太陽蛋，d蛋黃流出來，撈埋d飯一齊食，幾好味！見到不少人無論堂食定外賣都係叫牛肉便當，決定下次來試下！

之前都寫過紅磡好多小店值得一試，今次就試下韓國菜，平日晚上，都要等一等位，小店只得12個位，要啦，啲相片唔錯都多韓國人幫襯店主識少少廣東話，主要都係韓文，韓式家庭味，感覺唔錯既，仲俾我買酒入黎飲，位就係窄啲架喇，你咪去下四舊水食三舊排骨個啲囉，坐到你樣靚身材正添係有個問題要搞搞，就係冷氣機滴水，都算嚴重，滴極仲有小店=好食x家庭warmthx扺佢係做到架，餐牌正常既，聽開有既韓國菜都會食到，其實仲有隱藏菜式，解鎖方式係1)仔細睇下幅牆 2) 望下周圍人食咩(特別係韓國人) 3) 識韓文第一個點左個冷麵，味道清清地不錯，有青瓜有雪梨絲，清新既，麵既質感相當不錯，彈牙有嚼勁既但如果有埋冰係水入面，而有啲芥末汁呀咁俾埋就會更上一層樓冷麵亦跟左兩小碟，泡菜不錯，食得出有心自家製，味道均勻，唔會粗製濫造之後黎拉麵炒年糕，拉麵其實即係韓國公仔麵咁，食完冰麵食，以為會好濃味，但無，辣度正常但偏甜得幾緊要，我自己好怕好漏，之後都唔想食野咁，係只會食頭幾啖唔錯食完唔夠喉就叫多個炸雞，記得去之前有睇食評都話佢啲野細碟，本人覺得唔太細啱啱夠食，不過就唔會好似平時大型餐廳咁夠一個大食人飽或者三個人食兩個，睇返

老闆是韓國人，每次我來買外賣或堂食，他們都會很友善，笑容滿面。我最愛點蔘雞湯，$68有半隻雞，肉很多，湯加上糯米飯不會太水，沒有太大蔘味，適合不喜歡蔘味的人。加上一碗白飯，吃完真的很飽。我還會點泡茶豆腐湯和炸醬麵。兩樣都不錯，炸醬麵的麵是厚的，真正韓國炸醬麵的那種麵。因為外面有很多店的麵都很幼不煙韌，但這店的不會。有次叫了雞蛋卷，但是是從凍櫃拿出來，有一點太凍，不太喜歡。紫菜包飯很大份，材料很多很好吃。

店舖細細唔顯眼，仲要晌後巷，但幫襯左一次，就會想返黎。因爲感覺似去左一個韓國家庭，由韓媽煮飯比我食，好溫馨🤗 每次黎，都好似返屋企食阿媽煮既飯，好好食，健康無味精。午市menu款式十幾個。唔知食咩好既話，望下幅牆既相，都總有幾款好想食 🤤 例如泡菜煎餅呀、紫菜壽司卷咁。我有時都會買左野飲再黎外賣紫菜卷，$30有成十件咁多，餡料又多，好抵食。而且仲會比kimchi(泡菜）。晌店度食飯仲多碟芽菜。但我最愛既第一位係軟豆腐湯跟飯。大碗滾辣辣，豆腐超軟滑。而且滑嘟嘟既豆腐豆味香濃。除左豆腐，仲有好多蔬菜，有翠玉瓜、蕃茄、蘿蔔... 真材實料好豐富。最驚喜係有好多蜆仔，令成個豆腐湯辣得更滋味😋第二位鐘意食既係蔬菜拌飯。蔬菜新鮮種類多，營養均衡又健康 😍 令我唔洗成日晏晝都要食味精或油膩野。韓式辣醬成支比我自己加，鐘意加幾多都得。不過我通常只會加好少，唔太食得辣呀嘛 😝第三位，辣炒豬肉飯。汁多味濃，拌飯一流 👍🏻 而且唔止豬肉，仲有好多椰菜。椰菜吸晒韓式辣汁，又香又辣😋 辣得黎有甜味，拌飯剛剛好。唔太食得辣既我都食得到，仲覺得好好食。呢日就食大醬豆腐湯。雖然普普通通，無特別，無驚喜。但咁啱胃口唔好

#黃埔 第一次食到有少少嬲既韓式店鋪😑😑-小編昨日同友人一齊去黃埔食晚餐，就揀左呢間韓式小店，老闆係韓國人來的，餐牌賣相好似幾吸引。小編就點左個【韓式辣炒年糕】＄40一上到黎嚇親，唔係驚為天人既好食，係驚為天人既細份！ 差不多只有一包紙巾既大小份量😫😫😫味道不錯，辣度適中，年糕都幾有咬口，入面有小量魚糕片，好入味，呢個要讚既！但份量真係太少喇。🤟🏻🐻身為餃子控既友人就點左【年糕餃子】＄40呢個上菜完全係睇到我目瞪口呆！餃子爛哂溶左係湯入面，（經打撈後發現Total有一隻半，你無睇錯真係半隻）😨年糕都係得三、四片，一上菜個樣已經好似人地食淨左咁。小編做左廿幾年人都係第一次食野見咁誇張既情況。入面有個辛辣麵，味道就係百佳買果D，無咩好特別介紹。-無咩誠意既一餐，細食既小編食完都唔飽。希望店家品質方面真係要改善下呀！中伏指數：7/10推介程度：1/10打卡指數： 1/10性價比： 2/10