清玉 (香港工業中心A座)

营业中

休息中

402珍珠奶茶 is my favourite ! 荔枝角香港工業中心附近，有數間奶茶鋪，都係青玉最好飲 😍 總有人排隊，但店員有禮快手 ！ 店舖在轉角位，每天返工放工都經過，總忍不住誘惑 😏 其實，佢哋既果茶都好出色，我的同事都常常幫襯 ！

叫左杯檸檬蜂蜜，加寒天，微糖，少冰，成杯依然甜到喊，唔知點解仲有啲苦味，加錢寒天得幾粒，感覺有點搵笨。飲左幾啖完全飲唔到落去，承惠$31蚊😤未試過飲過咁難飲。

今日路經荔枝角，內心突如其來有點瘀悶，剛好經過清玉茶店，就點杯嘢飲一解內心嘅憂鬱。今日點了一杯檸檬愛玉，清甜可口，檸檬嘅微酸澀令人有為之一刻嘅醒神。再加上軟滑清新嘅愛玉鎖住味道，停留於口中，頓時令人憶記起置身台灣嘅旅程，回味無窮

見到新推介、薑茶系列就試下、點知—— 一言難盡， 茶味Ok 、我飲微甜、薑味都很夠，但好明顯推新產品沒安排試過才推出街、犯了一個很低級的錯誤！為什麼不用薑汁代替薑蓉？ 為了足夠薑味、一大杯熱飲都泡滿很微細薑碎、飲每一啖滿口都是薑碎…. 這樣犯的錯很低級也大大扣分！ 很可惜！ 飲品味道本來很不錯、但滿口細細似芝麻的薑碎、口感很怪、咽喉很不舒服！

呢間上網落單好方便去到就有得拎，預返大概十五分鐘外賣自取。今次試飲鋪頭五大皇牌之一鐵觀音珍珠奶茶。飲落奶味唔算太重，味道偏甜，鐵觀音茶味就好夠，整體而言飲落都ok，珍珠唔算大粒，但就好足料，目測有50-70幾粒，個人覺得珍珠太多，飲到好飽。anyway, 下次會再飲。

云云眾多的台式飲料店，我獨愛清玉，想當初，香港未有分店時，常常懷念在台灣的日子。現在，每次經過清玉都會情不自禁的買兩杯翡翠檸檬清玉，特愛它獨有香味，是其他檸檬比不上的，檸檬🍋的酸度同糖水的甜度，店員都調得剛剛好，酸酸甜甜的，超喜歡💕！

唔係第一次飲清玉，之前都係喺店面即叫即付。原來OpenRice有預訂自取，仲有首單優惠減$20添！點左兩杯飲品402珍珠奶茶🧋🥤(半糖，少冰)奶味唔錯，有茶味，滑，不過由於唔係黑糖珍珠，加上係細珍珠，所以味道口感扣左啲分。蘋果冰醋🍎(微糖，少冰)因為飽飽地，所以叫杯醋消消滯。無得去冰，好在少冰都唔會太凍。可能係微糖關係，飲落有啲啲嗆喉，不過都可接受，解渴又唔heavy。自備飲管減塑，杯洗淨回收♻️

荔枝角C出口尼邊工業區一到周末假期就水靜河飛清玉真係always open, 如綠洲般存在由於我就係周末同假期先出沒附近當見到佢開就會令我不其然想去買杯嘢飲吓-五大皇牌 真係缺一不可每款我都經常random 飲㗎！講吓今日買嘅-檸檬愛玉🥤$25夠哂解渴醒神, 揀微甜是必須的, 味道就會最perfect, 愛玉又會令你有d飽肚感, 所以好啱tea time飲!-蘋果冰醋🥤$24入面有蘆薈粒粒, 醋對身體好腸胃好, 又解滯, 好鍾意餐後隊一杯！

清玉除咗可以去門市部購買之外，仲可以網上落單，六杯或以上更可以貨到付款，送到上門。喺落單嘅時候，佢仲會話俾你聽，大約幾點先會到，你可以預留時間，方便快捷。今次我哋等左大約一個鐘頭，叫咗六杯嘢飲，有凍有熱，價格正常，唔係特別貴嗰種，熱飲仲有分大杯同細杯，仲會俾埋隔熱墊你，都幾窩心。啲嘢飲唔算太甜，珍珠係細粒嗰種，茶🍵味幾香，當下午茶飲下都幾relax,職員姐姐送來嘅時候，仲會帶定啲散子，方便找續，好貼心嘅服務

好多手搖飲其實都有供應芋頭產品，但最近好似特別熱烈，甚至蓋過黑糖風頭。以往喺清玉我地多數點蘋果冰醋，今次試左芋頭鮮奶綠茶呢。由於我係過黎取快遞，唔係經常喺呢區出沒，就唔知呢間清玉係咪新開。門面幾大，收工時間都有幾個客人，沖泡過程有效率，唔需要等好耐。餐牌選擇多，有鮮奶、奶茶、檸檬、原茶、果茶等，定價$15-32。甜度、冰度自選，可追加珍珠、愛玉、仙草、胚芽等芋頭鮮奶綠茶 $32/半糖/正常冰另有芋頭奶綠，相差4蚊，我就揀番鮮奶喇。點微糖正常冰，雖然大杯啲，但芋頭約佔1/4，唔淨止得鮮奶，仲有加茶，有點少貴。芋頭夠腍，未去到泥狀，口感較raw，不過真係偏甜啲。鮮奶茶底可接受，有綠茶味，用冰碎形式，唔會愈飲愈淡。如店員所言，飲品本身偏甜，半糖都仲有好突出嘅蜂蜜甜味，建議微糖或以下