清真惠記

营业中

休息中

話說五月份我同朋友未食過呢間餐廳，諗住入去試吓，一坐低叫極嗰個負責嘅女人都唔肯埋嚟，好似我哋喺度坐緊霸王枱一樣等咗好耐，跟住先至見到另一個相信係佢哋請返嚟嘅女仔，叫落單咁就終於叫到羊肉飯同埋燒味飯，燒味飯好一般基本上去燒味舖食應該好食過佢，佢最有特色嘅應該只係嗰一Pat咖喱汁，羊肉嘅份量得兩三粒，所以基本上係咖喱汁撈飯，其餘嘅都係羊骨，一分錢一分貨，平嘢真係冇乜好嘢

今日去左鵝頸橋熟食中心附近睇中醫，順便上去食左間之前有街坊介紹過既餐廳。雖然喺附近番工，但係冇行過過黎呢頭，估唔到一上到黎就見到有幾條龍，主要都係排牛腩麵，素食，同我今日食既清真惠記。今日叫左份掛爐燒鴨肶飯(58蚊)，睇落已經好靚仔，食落有烤鴨既油香，鴨肉重要超嫩。之後加埋啲惹味香辣既咖喱汁，真係好有驚喜。不過因為餐廳喺熟食中心，環境比較一般，而且客人比較多，所以多數要疊枱，介意既人可以叫外賣。呢間我應該都會長期幫襯架啦。另外我見清真惠記個咖喱羊重多人叫，下次一定要試埋佢。

約了友人食Lunch，之前睇YT介紹清真惠記，個燒鴨脾及柚皮好吸引即想試下，位於鵝頸街市位置冇難度。因我地就到11:30提早去到果刻唔算太多人，之後就越來越人(這當然)。餐牌，都係食最出名果幾樣，可惜果日冇柚皮...。等食中都乳到幾多街坊熟客幫襯。掛爐燒鴨肶飯，$58，賣相普通(有件甩左皮)，份量適中，鴨皮燒得脆口，肉嫩香口又多汁，美味!但因似乎唔係燒得好平均，唔係件件都咁好食，部份係唔夠皮脆但肉質都係幾好味。咖喱羊飯(含骨)，$58，友人叫的，試左點，分閞汁上呢下幾好，咖喱味香料味較重，味道濃郁但唔算好辣，羊肉大件，肉質軟腍夠入味，唔太有羶味果下不俗。食物有水準，呢個價幾抵食，態度正常，可惜冇柚皮，下再有機再食。灣仔寶靈頓道21號鵝頸街市1樓鵝頸熟食中心5號舖

銅鑼灣的清真惠記一直深受食客喜愛，我們的長年粉絲，每隔一段時間就要來朝埾。這次我們點了咖喱羊腩飯和咖喱羊腩瀨粉，羊腩保持一貫水準。咖喱羊腩飯的羊腩肉質鮮嫩，入口即化，搭配上香濃的咖喱醬，咖喱的香氣撲鼻而來，微辣的口感剛好，讓飯粒吸收了咖喱的精華，既有味道又不會過於油膩，十分開胃。而咖喱羊腩瀨粉則是另一番風味。瀨粉滑順，與咖喱完美融合，每一口都能感受到羊腩的鮮香。特別是瀨粉的彈性，讓整個菜式更添層次感。

呢間食咗十幾年，以前公司距離約十分鐘步程，每個星期總要食一次，其貌不揚但絕對係 THE BEST IN TOWN（沒有之一）。如果早嚟，佢舊炸過嘅薯仔個外皮炸漿重係脆脆地，羊入晒味，冇得輸，特別係嗰一千零一舊筒骨入面嘅羊髓！最緊要最緊要，當然係個咖哩，香濃味重，記得有期《飲食男女》訪問過佢哋，鋪頭老闆以前殖民地時代喺警局煮飯畀印度籍警察，所以咖喱風味係偏印度風格，頭盔，希望冇記錯今次星期六三點去到差唔多二十個人排緊隊叫外賣，可能真係太迫太多人，有時會聽到店員佢哋講嘢燥燥地，不過都係呢度特色嚟嘅，同埋熟食中心/大排檔，執枱冇咁快，枱面有咖哩漬，坐得迫，就預咗，介意者留意，自行衡量！

我都勁鐘意食羊，聽到朋友介紹呢間鋪於是尋日就去試吓，由於未夠十一點半我就到位，去到都唔係好多人唔使排隊。仲未坐底隔著口罩就已經聞到咖喱香。🥢【咖喱腩】/ $82連皮帶骨嘅羊腩稍微肥DD肉基本煲棉喇，瘦肉係咁扯吓就成條狀。每一條縫隙都充分入味 微辣辛香咖喱真係好醒神，撈飯食真係冇得頂。我同朋友埋頭苦食完全唔出聲。🥢【掛爐燒鴨】/ $78油淋淋嘅肥鴨掛喺展示台，除開羊腩，燒鴨係惠記TOP2嘅另一招牌。好彩切到成隻鴨比，肉質細嫩多汁，皮雖然唔係好脆但好薄，冇多餘油脂，蘸埋酸梅醬真係好食。

😅早兩日終於去左食咖喱羊腩。由於11：15去到未係好多人！個羊腩用個飯碗庒住放喺碟飯側邊。首先講飯係熱辣辣軟硬適中。輪到講羊腩，放第一舊入口，🤩嘩！味道令味蕾直沖上大腦，有相逢恨晚嘅感覺....👍羊腩林而不爛，好夠味好入味小小辣，小小穌味, 👍咖喱汁好正，怪得D人要加多碗汁。臨走時見到有2位南亞裔哥哥叫左燒鴨飯另加羊腩真係識食，下次我都咁叫！😄我會定期黎食希望水準 keep住🙏！

聽到電台介紹呢間咖喱羊腩飯，於是就一試，因為我勁鐘意食羊，香港好味嘅唔多，以前翠X嘅咖喱羊腩都算我Top3, 今日嘅翠X只可以話「再見啦！」，所以我就去試下呢間. 我係平日lunch去，舊式大排檔，預左要搭枱，衞生，舒適度唔好太大期望，重點係咖喱羊. 個度人人都係食完就走，好快，我同落單阿姐講我第一次黎，要小小時間睇下再order, 阿姐就指俾我睇最多人叫咖喱羊&燒鴨飯，要搵返佢落單&收錢，態度好，仲問我夠唔夠位放袋！我就order 左咖喱羊+蝦子柚皮.咖哩羊飯 - 咖喱係東南亞個隻咖喱，好香，幾辛辣，係我鐘意嘅個款咖喱，味道更勝以前翠X，撈汁KO成碟飯 ! 我個人鐘意羊腩SO味，佢嘅羊腩就無乜SO味，變相我就覺得羊腩唔夠味，但$58呢個價錢都算超值. 佢個咖喱汁真係好正，可能下次我會試下配牛/雞. 蝦子柚皮- 我係好鐘意食柚皮，功夫錢，係私房菜/酒樓食，全部都好鬼貴。呢度一份細嘅柚皮$20，好好食，索晒味，抵到爆！

鵝頸橋街市都係我以前經常嚟嘅飯堂，因為價錢合理大眾化，而且食物啱我哋呢啲麻甩仔！不過我哋都係通常中午過嚟！有時都要等位啦！佢哋呢個清真羊腩真係要試吓，我覺得好好食，羊腩唔會臊味，咖喱味亦都好香濃，另外值得推介嘅就係燒鵝飯都唔錯㗎！

大隱隱於市，在銅鑼灣商業中心區屹立多年的清真惠記，專門售賣清真食物，同層還有同區同樣著名的九記車仔麵。在惠記必點當然是羊肉咖哩飯，也有不少人單點咖哩汁配其他碟頭飯。通常如果我和朋友一齊來，都會單點咖哩羊肉，然後另外再點餸。大家都知道羊肉必試，但如果你再加點蝦籽柚皮和少爺雞😉那就是很懂行的食客。咖哩羊肉，肉一咬脫骨，咖哩汁香濃。滷水掌翼蝦籽柚皮，不是每次去都有貨，可以試試運氣超厚身入味的柚皮，配飯吃一流蘿蔔🤌🏻

嚟到這家飯店，率先抵擋唔到嗰份香濃非常的咖喱氣息🍛！首選無疑係佢嘅招牌咖喱牛腩飯，呢個盤盤香濃嘅咖喱汁簡直係滲透到每一塊牛腩肉入面，嬲牛腩肉質嫩滑，入口即溶仲有啖啖肉咁滋味，襯以滑嫩嘅白飯，天啊🤤，真係再正不過！話說唔止牛腩，羊腩都一樣引人注目。咖喱羊腩飯嘅羊肉腍滑得嚟唔羶，滿口肉香中帶點咖喱嘅辛香，食落有層層次感，令人一啖又一啖。另外個蝦子柚皮都值得留意喎，彈牙嘅蝦子鋪滿，加埋微微苦澀嘅柚皮，令味蕾感到新鮮刺激啲。即使係嚟自熟食中心嘅快餐配搭，呢盤菜都驚喜到唔少食客，包括我！👌雖然話湯水就相對平常D，但食咗滿滿一腹嘅咖喱，有湯解解膩都幾好。仲有架，等如此食物原汁原味，真係食得滿足，價錢又合理，真係令人喊出嚟：「呢啲嘢就係香港嘅寶貴文化咁！」下次繼續襯繁華嚟一場味蕾盛宴啦！👍

去完銅鑼灣影相，諗起呢間好岀名既餐廳，所以慕名而來（不過天氣太熱，打算睇下個環境再決定食唔食）點知原來而家熟食中心係有冷氣，環境又乾淨，所以就坐低試下咖喱羊飯 $56係傳說中好好食既咖喱羊 咖喱上碟時已經好香，入口香料味濃，帶有羊味而且辣勁夠，超惹味，令人食唔停（個人中意食更辣，如果餐廳有辣度揀就更好啦。）羊肉份量唔算多，不過羊肉味好香而且肉質嫩滑，好食。本來覺得個飯份量太多，點知個汁真係太好食，輕鬆食哂（仲額外$8買多碗咖喱汁食飯）本來想試柚皮可惜賣哂，下次會再幫襯

收藏佐一年幾 今日終於搵到機會去試下 嗌佐一個鴨髀飯+一個細咖喱羊腩（特意問佐 唔可以雙拼😅可能因為我唔係熟客）一次試晒啲嘢燒鴨真係有料道‼️熱辣辣皮薄脆油潤 皮下脂肪少 所以唔膩 我覺得唔輸甘牌燒鵝 同埋鴨汁撈飯都係好香咖喱羊腩都係質素好高👍🏻 同樣都係熱辣辣 羊肉軟爛 入味 咖喱都係調味好好 香料味都適中唔會搶佐羊味 又唔會太淡 撈飯一流 我覺得咖喱要好食過新景園 個羊真係我係香港食到最有羊味嘅 真係好感動🥹好過巴依唔知幾多😑本食肉獸今日又係滿足的一天😌雖然價錢對於街市來講係有啲貴但出品質素我覺得值後悔冇早啲來😅

幾年前食過一次之後，都冇機會再試，因為好少係港島活動。今日有事要去灣仔，抽個時間嚟食午飯。咖哩羊飯（$56）咖哩好味道，辣度適中唔太過龍，香料味有但唔重手所以唔太出，啲咖哩夠撈哂碟飯嚟食。羊件（帶骨）大約有六七件，冇羊騷味，但稍為韌咗啲，因為唔肥，所以都偏嚡。

大約10年前開始光顧清真惠記。都是朋友介紹上來的。水準多年都沒有改變，維持非常穩定。中午12點上來，搵位都有困難！最後坐都在天橋的出口，由於有人出入的關係，應該是最熱的位置。也沒有辦法吧。姐姐很快的過來落單，我叫了一個咖喱牛肉。大約兩三分鐘便上，效率非常高。賣相就不值得一提啦，多年來都是這個樣子！咖喱呈現深色，但是並不是好杰的那種。味道濃烈，八角味比較重，由於冇得揀有幾辣，個人認為是中辣。說起清真咖喱牛肉，當然不能不提巴基斯坦咖哩。剛才提及過這店，八個角比較重，佐敦的那一間店，我覺得洋蔥味比較重，咖喱比較希。各有各好的吧。五十幾蚊食個午餐，OK啦