漁一海鮮火鍋料理

营业中

休息中

平日晚上三個frd 打邊爐飲下生啤傾計吹水 如果有Guinness 就更好座位唔迫 坐得幾舒服最欣賞係沒有加MSG 的湯底好正 整體食物水準頗高 鯇魚片質素高 手打丸好出色除手切肥牛份量略少

「犇」: running cows嘅意思，用金牛上枱勁有氣勢😂 款款都唔錯bor, 我最愛爽爽嘅牛胸油個個都嗌肚餓，前菜小食叫咗一口豆腐、椒鹽魷魚鬚、涼拌豬耳、爽脆魚皮、炒蜆。。。嘩！食飽咗一截先開始打邊爐🫠開始火鍋梗係先飲為敬啦～ 竹笙花膠冬瓜盅湯底ichiban👍🏻 指定款式啤酒買2送1，試吓漁一house beer OK幾抵飲！食落其實樣樣都幾好味，可惜我最愛的豬天梯太靭，一度懷疑放湯太耐，但快灼都係爭少少，期待下次更完美不得不讚吓店員嘅又warm又醒目🥰 送蛋糕上枱同時加送happy birthday后冠一頂，逗得媽咪好開心，幫我哋影大合照又上中下三路📸勁多張，小朋友跌咗隻初音公仔落地佢又飛身撲去執返！好多謝佢令我哋餐飯食得更開心🥳

有K唱，每人叫了第一round飲品就免開瓶費可以帶酒過來7人order咗小菜同小食小菜：金盞沙律欖角骨杏汁豬肺唐排燉雞湯👍芥未牛柳粒拼金沙蝦冰鎮咕嚕肉👍竹笙蝦滑浸娃娃菜豉油王炒麵👍小食：冰鎮魷魚👍燒粟米鹹蛋魚皮鹹蛋墨魚丸太子雞翼👍炸鮮奶卷👍每次必食冰鎮咕嚕肉，但建議最好預約，第一次試嘅雞湯非常濃郁，個個讚不絕口，唯獨金盞沙律欖角骨鹹咗少少呢間店仲有一個特色，就係有好多品牌新鮮生啤，有outdoor，有些房間有K唱歌，當然K嘅系統就唔係非常專業，每人$500左右，免開瓶費都算係超值👍🍷🍺

食物超新鮮, 羊腩煲一絕。 VIP房坐得勁舒服而且仲有得唱k！ 員工服務一流同老細都超好人。只要時間夾得好的話, 攤住杯啤酒可以喺出面睇埋個日落,非常之寫意。絕對值得推介！

很少在中港城食飯朋友預約了這家火鍋店試一試因為這邊人流不多所以沒有限時我們四個人叫了$1388 海鮮火鍋套餐湯底我們選了花雕醉雞食物有：聖子4隻大連8頭鮑魚4隻海蝦一份（大概8-10隻）安格斯肥牛(小)自家鮮蝦雲吞4粒手打墨魚滑即炸饗玲蔬菜併盤鴨血湯底是濃郁的花雕酒味道鴨血和蝦很新鮮鴨血不是一磚一磚的而是半固體煮熟後很嫩滑的那一種蝦上枱的時候還不斷的動鮮蝦雲吞也很足料！大大的一個墨魚滑也很彈牙好吃不過整個套餐份量不是很多我們另外叫了其他食物食飯散叫的價錢較貴准山麵 $49 2餅芝士腸 $69 大概10條脆鯇骨腩片 $119 份量不多飲品我們點了2 Jar 紫貝天葵味道還可以這裡的價錢不算便宜醬油每人也收$18 （其實就只是普通醬料）但整體食物質素還可以環境比較安靜沒有限時而且服務態度很好個人認為性價比一般

試過同屋企人嚟打甂爐，啲嘢食唔錯，發覺佢門口原來可以安排戶外位置用餐，今次就特登嚟happy hours 😀啤酒選擇都唔少，我就揀咗黑啤，甜甜哋，幾易入口要提吓佢哋既花生，原來係有特別味道架，越食越過癮😆襯住夕陽日落，人生幾何！

因為疫情關係，都好耐無幫襯漁一，今次一訂位先知原來搬咗去中港城！中港城新舖位嘅位置都幾正，成件事Chill咗，食食下行出去食支煙都舒服啲，仲可以望下個海添！講到嘢食，就都同以前一樣咁好咁精美，雖然價錢唔平，但食才真係有水準，無變過！打邊爐仲有一樣好緊要，就係個湯！我每次都會叫嘅花膠雞湯底依然高水準，宜家仲變埋係原整半隻雞咁上，煲到咁上下會有人幫你剪開件雞再落返煲，等啲雞唔會一嚟就老晒霉晒。落配料前記得飲返兩啖湯，食埋啲雞，之後再食配料，Perfect！

同事見到menu好似幾吸引就去試下啦！點知……伏哂！酸菜魚片配上海幼麵 $68湯：辣度真係人人接受程度都唔同，但佢地湯底既辣同其他好唔同，湯底一d紅色紅油都無，但可以辣到我眼水鼻水一齊流，咁當然可以話我唔食得辣所以咁誇張啦～麵：份量好少，軟硬度適中，係ok既～魚：以$68蚊黎講，份量算係咁啦！但係，個湯底咁辣都掩唔住d魚既腥味，如果無咁辣既話，d魚咪腥到食唔落口～配菜：竟然有2舊厚切窩筍係值得加分既～奶茶：幾香滑，如果茶底可以再濃d就好啦～侍應們好有禮貌，服務其實好好～

搬黎新舖後第一次試，舖頭無之前咁大，但房間歸一，多左幾款生啤，尤其比利是Leffe同埋盧雲堡比較少有，刺身都比之前多左，除左象拔蚌同龍蝦，我地仲叫左個海鮮盤，湯底今次就揀左花膠雞同杏汁豬肺，足料湯底👍🏻👍🏻👍🏻下次試下冬薩功🍲

放工攰攰地，今次來到漁一飲craft 啤。都幾多人放工過黎Happy hour 環境好chill. 飲啤最緊要有小食送酒. 南乳花生夠脆香， 雞軟骨仲正。乾身唔太硬，值得一試！

見之前食開既火鍋搬左去中港城依家有lunch食，諗住放假同屋企人去試下。佢地有台灣野同埋中式粉麵餐，之前舊鋪食過當然試返佢地個火鍋餐，lunch 一人火鍋餐$118，有牛/豬/海鮮揀，叫左個牛試下，中午一人火鍋黎講個份量係飽到上心口，牛肉靚，仲有兩粒超大雲吞同其他配料，阿仔第一次在街食一份lunch係話飽😅😅。我地仲叫左明爐烏頭餐$78，成條魚好似食泰國菜咁，$78真係抵食，佢配果個湯汁係之前打邊爐果個冬蔭公湯，無得頂👍🏻👍🏻全家讚口不絕😋😋😋呢度放假人流唔多，基本上唔洗等位就有得食，又唔會好趕咁食到要趕住走，慢慢嘆左個好chill既lunch😆😆😆😆😆

一直都喺附近返工， 四五點做到嬲嬲哋想搵個地方飲杯啤酒。 行行下發現咗間新開嘅打邊爐 餐廳門口有生啤機，仲要係有我最愛嘅比利時Leffe黑啤。唔駛講嘢就和同事坐低叫小二比兩杯黎啤啤佢先，門口又有海景又可以圍爐取暖，啱晒Happy Hour。吹吹下到六點幾見開始多人食飯，見到人地個 雞煲湯底幾有睇頭，不如call埋樓上同事一齊四個打個邊爐先。嘢食同價錢都不過不失， 勝在有老闆熱情招呼，可能因為新開張的關係，老闆親自招待每枱客人，眼見大部份都係熟客仔，加兩杯酒落肚氣氛一流。又過一Day, 正!

14:58入座，午餐點咗咖喱牛腩，川味回鍋肉同蕃茄焗豬扒飯，等到15:31食物到，跟餐有一碗白飯，餸同一碗菜，女店員仲話個飯啱啱叮完，聽到我哋o咀，叮好快姐唔洗半個鐘，個焗豬扒飯上枱完全唔熱，係凍凍地都算，仲要係生米，食咗2啖無再食，淨食碗白菜，做野求其上餐又慢，如果嚟到係熱，等真係唔係問題，凍奶茶唔甜無味似飲水，唔會再有下次，完全失望，唔值咁嘅價無水準，廚房掛住嘻嘻哈哈，得3枱客都可以咁，建議食飯時間無兩個錢都唔好去