1186
17
11
| 餐厅: | 漁獲浜燒 |
|---|---|
| 优惠: |
于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
影片
港铁铜锣湾站 D2 出口
继续阅读
电话号码
52695682
开饭介绍
浜烧指将海鲜在岸边即捕即烧，而这间餐厅亦有三组鱼池，里面有由日本新鲜运到的不同海鲜，让食客感受日式浜烧滋味。
继续阅读
营业时间
今日营业
12:00 - 15:30
17:30 - 23:00
星期一至日
12:00 - 15:30
17:30 - 23:00
以上资料只供参考，请与餐厅确认详情
有关奖赏计划
优惠
8折
日韓式餐厅$500通用现金券 (堂食)
$400
$500
85折
日韓式餐厅$100通用现金券 (堂食)
$85
$100
| 餐厅: | 漁獲浜燒 |
|---|---|
| 优惠: | 国泰会员于伙伴餐厅消费可赚高达HKD4 = 2里数。受有关条款约束。 |
|
条款及细则:
|
|
|
|
相关文章
［📍銅鑼灣｜漁獲浜燒］最近發現一間幾有名氣既燒海鮮餐廳，試左$728 的雙人龍蝦饗宴套餐，菜式豐富而且勁滿足。前菜先黎一份麻醬豆腐，豆腐口感軟滑，豆味濃郁，帶有鮮味，係一個滿意的開始。套餐仲包括蟹籽蟹肉沙律同埋刺身三點，沙律以酸甜醬汁調味，超清新，配埋新鮮蟹肉，味道調得岩岩好而且勁醒胃。刺身三點包括拖羅、深海魚及赤蝦，刺身勁厚切，拖羅油脂分佈均勻，赤蝦勁大隻又特別鮮甜，全部刺身都好新鮮。燒海鮮部份有龍蝦浜燒同埋活帆立貝浜燒。成個海鮮浜燒過程由店員負責操作。首先選擇左白酒高湯燒既方式黎煮帆立貝，咁樣可以鎖住帆立貝既鮮味，仲避免左煮得太熟而變靭。浜燒龍蝦既時候，滿滿既芝士真係見到都流哂口水，龍蝦爽甜，肉質細嫩，無論是視覺同味覺都好享受。龍蝦頭既部份就會用來煮龍蝦頭味噌烏冬。湯底鮮味十足，好有龍蝦味道，烏冬柔軟滑順，仲掛哂味噌湯的味道，暖暖既湯麵係一個滿足豐富既收尾。紐西蘭牛柳，牛柳炒到岩岩好，肉質有嚼頭，香蒜片非常出色，完全無令人失望。甜品是綠茶紅豆大福，外皮Q彈，內餡係紅豆，甜度適中，真係完美句號。餐廳環境好有日本風，簡約而舒適，而且性價比高，岩哂中意食海鮮的朋友。
继续阅读
漁獲浜燒 是日本的一種傳統飲食文化，我喜歡食材的新鮮度，享受儀式感，烹調過程中的風味。海邊漁村特色，新鮮捕獲的海鮮在燒烤爐上直接烹調。享受美食的同時，感受氛圍，對自然和食材的尊重，朋友社交和情侶交流的好地方。蟹籽蟹肉沙律蟹籽搭配蟹肉，新鮮的沙律菜，爽脆提升整體的口感。刺身三點+$98升級拖羅｜深海池魚|赤蝦中拖羅、蜜柑鯛、赤蝦，油脂豐富，厚切肉質，鮮紅肉色緊實，微微濕潤鮮甜。活龍蝦浜燒龍蝦發揮出色，季節限定新鮮的食材。店員火候掌握好，細心又溫柔，火焰打卡一流。芝士味道濃郁，龍蝦肉外焦內嫩，烤得有焦香味。外脆內嫩，金黃酥脆有韌性，外面微焦，內部柔軟。活帆立貝浜燒帆立貝、高湯、蒜蓉牛油店員在烹調前，適當的清洗和處理，去除內臟和不必要的部分，短燒生熟度適中，保留活帆立貝最佳鮮嫩口感。帆立貝肉質鮮嫩，燒烤時加入高湯、蒜蓉牛油，風味更加豐富。紐西蘭牛柳紐西蘭牛柳肉質鮮嫩多汁，最嫩的部位，嫩滑口感非常細膩。牛味濃郁，無需過多調味也能展現其美味。龍蝦頭味噌湯烏冬龍蝦頭豐富龍蝦膏，味噌湯調味，海鮮自然風味滲透烏冬，鮮美彈牙。甜品口感佳，有特色，口感柔軟，讓人垂涎欲滴。
继续阅读
嚟到月尾，又係時候食餐好嘅慰勞吓自己啦😙 呢晚嚟到銅鑼灣呢間日式餐廳，主打食新鮮生猛海鮮，一入門口就見到海鮮喺水缸入面游呀游😆 我哋嗌咗signature嘅套餐，入面已經可以食到幾款生猛海鮮👍🏻刺身三點先嚟一份刺身，話明食餐好嘅，我哋就額外加錢升級成為拖羅、金目鯛同埋赤蝦🦐 拖羅唔算係好肥美嗰種，但係冇筋。個人幾鍾意金目鯛嗰種實淨嘅魚肉質感。另外，赤蝦都幾大隻，而且口感彈牙。浜燒♦️波士頓龍蝦浜燒講到主打，一定係呢一份波士頓龍蝦啦，店員喺處理龍蝦之前，又俾我哋睇吓龍蝦嘅size同埋有幾生猛🦞 呢個龍蝦有得揀芝士、蒜蓉牛油、泡菜或者清酒口味，個人覺得較邪惡嘅芝士口味同龍蝦會好夾，所以嗌咗芝士🤣 龍蝦入面都幾多蝦膏，可以望住店員烹煮，整個體驗唔錯😌 再加上大量嘅芝士，真係冇得輸🥰♦️活鮑魚活鮑魚都非常特別，生猛到好似跳舞咁🤣 新鮮煮出嚟真係一啲都唔韌啊，加埋側邊嘅柚子胡椒，鮮味出晒嚟。♦️生蠔呢個生蠔，店員將佢開殻之後都有輕輕喺火爐上面燒吓🦪 生蠔好Creamy，帶點海水味，配少少檸檬汁，更加鮮甜。燒物呢個都有四款選擇，店員就特別同我哋推介伍魚一夜干，話呢一個今日係用馬友魚整成🐟 見到呢一個嘅一夜干原條上，就咁望已經見到佢好脹卜卜，好似都幾厚肉。呢個一夜干燒得好香，魚肉係幾嫩滑，但係唔係好肥膩嗰款。店員又同我哋介紹可以點埋側邊酸酸地嘅醬汁，不過我個人就偏好就咁食個魚肉，因為已經唔錯啦😍白蜆湯呢個白蜆湯一大碗兩個人分享，入面嘅蜆都幾多，蜆肉都幾大粒。湯底就比較清甜，幾鍾意佢唔算好濃味，咁先會食到蜆嘅原汁原味🐚海膽炒飯主食方面，我哋嗌咗海膽炒飯，入面嘅海膽份量都幾多，仲有香菇、紅蘿蔔等等唔搶味嘅配料😆 所以每一啖都有海膽嘅鮮味。甜品♦️藍莓芝士窩夫呢個餐包咗兩款免費嘅甜品，可以揀一款雪糕窩夫。有朱古力、士多啤梨同埋藍莓芝士口味，我哋揀咗藍莓芝士味🫐 窩夫就唔係好香脆嗰款，包住藍莓芝士雪糕食落口唔會咁膩。♦️椰子雪糕另外亦都可以加$10加配特別嘅雪糕或者雪葩。有檸檬雪葩、蘋果雪葩同埋椰子雪糕，椰子雪糕嘅擺盤好特別，係喺半個椰子入面🥥 椰子雪糕嘅味道好香濃，亦都幾Creamy，幾值得加配呢個甜品。呢排有好多人北上消費，但係其實香港亦都有好多值得消費嘅餐廳😗 要好好慶祝都有好多唔同嘅選擇㗎，呢間餐廳都唔錯😎
继续阅读
為咗嚟緊個event，呢排 #小秘書 日日做到無停手😅 難得呢晚唔使O.T，梗係要搵埋朋友仔出嚟陪我食餐好嘅，間中都要對 #自己好啲 先得㗎嘛🤭 喺 #銅鑼灣 返工嘅朋友仔，佢話早排試過一間專食 #海鮮浜燒 嘅餐廳「漁獲浜燒」食物同服務都唔錯，咁啱餐廳嘅《龍蝦饗宴》最近做緊promotion🤩 人一世物一世梗係要試吓佢🤤🤤🤤🦀#蟹籽蟹肉沙律沙律菜上淋上特製嘅醬汁，配以鮮味嘅蟹肉、同脹卜卜嘅蟹籽一齊入口，感覺好清新🐟#刺身三點（拖羅、赤蝦、深海池魚） 新鮮嘅魚肉刺身，肉質特別有彈性，赤蝦白裏透紅，簡直係味覺同視覺嘅一個享受🦞龍蝦、#帆立貝浜燒店員先將 #龍蝦、#帆立貝 遞上👀 #小秘書 當然要把握機會餵飽個相機先啦🤭 海鮮清洗過後，店員隨即將食物放到火爐上… 原來唔只有得食，仲有現場示範浜燒實況🔥 令成餐飯頓時都變得好有儀式感❤️ 店員喺肥美嘅帆立貝灑上白酒，令海鮮味更加突出🤤 而龍蝦就用咗三色芝士放上面一齊燒，焦香嘅芝士味道配以龍蝦嘅鮮甜，呢道菜做得相當出色🦀#味噌蟹甲羅燒滿滿嘅蟹膏同蟹肉讓喺蟹蓋裏面，同味噌獨有嘅味道相當配搭🤤 再將大大啖嘅蟹膏放上梳打餅上面，既可以減膩，口感亦變得份外滿足🐮#紐西蘭牛柳嫩滑嘅牛柳肉，肉味濃郁，放上薄薄嘅蒜片，零舍惹味🍜#龍蝦頭味噌湯烏冬師傅將龍蝦頭放入味噌湯裏面熬製，鮮甜嘅湯汁配上昆布同彈牙嘅烏冬，呢個熱食好暖胃、有家嘅感覺 🍮甜品 - 綠茶味嘅小丸子味道唔會太甜，咬落去煙煙韌韌，好有口感餐廳以和式做設計，地方唔算太大，但就充斥着浜燒嘅鮮味🤤 店員同客人有講有笑，氣氛非常溫暖❤️ 唔怪得weekdays佢㗎都咁好生意啦😉📍漁獲浜燒（銅鑼灣）軒尼詩道525號澳門逸園中心18樓
继续阅读
星期五Happy Friday! 在銅鑼灣逛完街，與朋友相聚，就來到這家居酒屋。好少見食居酒屋真的成隻生龍蝦放在你的面前給你看，海鮮用料絕對保證新鮮，龍蝦還會逃跑，餐廳環境很舒適，有分開幾個小空間，不會覺得人多好雜，好適合同朋友上來食下嘢，傾下心事。刺身三點三點有三文魚、蝦、油甘魚，肉質柔嫩，脂肪分布均勻，入口滑順，帶有自然的鮮味，蝦咬落好有彈性。波士頓龍蝦龍蝦在烤的過程中還在動，感覺肉質很結實，在烤的過程中已經聞到淡淡的海鮮味。龍蝦上加了非常多芝士，有種濃濃的奶香味，加上新鮮龍蝦的鮮甜海鮮味道，一啖落去，鮮嫩彈牙。發塔紙白蜆湯白蜆在湯中釋放出濃郁的海鮮鮮味，湯底清澈，味道鮮美，食完龍蝦食這個，可以化解芝士的膩感。燒蠔燒蠔保留了蠔的鮮嫩口感，外層微焦，內部仍然多汁，蠔的天然海味與炭火的香氣相結合，清酒的香氣融合進蠔肉中，提升了整個層次感。貴妃蚌貴妃蚌可以有多種不同的做法，這裡用清酒燒，感受海鮮的原汁原味，清酒的醇厚香氣能夠提升貴妃蚌的鮮味，同時平衡了蚌肉的海味。海鮮雜炊雜炊現場即煮，用料非常豐富，包含多種新鮮海鮮，如蝦、貝類、魚片等，米粒吸收了海鮮的鮮味和高湯的精華，味道鮮美，口感滑順。檸檬雪芭整個造型是一個檸檬，有很濃的檸檬的天然香氣和風味，雪芭的質地通常柔滑細膩，入口即化，味道酸酸甜甜，清新爽口。在這裡，能看到店員即場烤食物給你吃，質量能保持最新鮮了。
继续阅读