渝滿酸菜魚

营业中

休息中

從來未食過酸菜魚係每塊魚肉包含5-6支魚骨，完全吾明係咩刀工。好想指依間舖頭用咩魚可以搞到咁多骨，鯪魚都冇咁恐怖。而酸菜湯辣都唔辣，得返個咸字。想求其用湯撈飯食都唔得。酸菜魚落生菜係咩玩法，加上啲苦味海帶。仲有白飯似係珍珠米，又濕又粘。食咗1/3 頂唔順當廚餘。最興嘅就係今次落單我叫外賣，舖頭將兩張單掉轉，叫二至三人餐嘅外賣加個湯，你居然比一個人份量嘅外賣單我。荃灣有幾間酸菜魚食，本身諗住逐間試，好克制咁試咗你依一間，其他店舖嘅酸菜魚啲魚肉完全冇骨，都唔知點解你哋夠膽煮啲依啲餸出嚟。

之前剛開業時食過好味，前幾天再去食感覺是食过最油嘅酸菜鱼，回想起都觉得作呕嘅味道。汤底油油嘅，鱼肉又咁少感觉好唔卫生… 汤又油配菜感觉唔新鲜都唔知搞乜睇去铺头污糟邋遢唔卫生，想食嘅心情都冇。仲不如多花啲钱食十二味

之前去開呢區搵朋友但又唔知食乜，原來樓下個幾企理嘅 food court，都有唔少選擇 👍🏻 個人幾鍾意呢間酸菜魚，舖位細細，但選擇都唔少。有辣有唔辣，有魚又有肉。同朋友叫左三個 sets 試下唔同口味 😃 叫左老壇同騰椒酸菜魚仲有水煮牛肉。套餐有飯有飲品有甜品，呢個價錢幾抵食，魚仲可以揀無骨，值得一讚夠細心 👍🏻 老壇風味夠地道，騰椒就再惹味啲，水煮牛肉都有驚喜，夠哂辣 💥 配埋飲品同冰粉真係大滿足 🤓 同朋友叫多左個糍粑試，細細粒煙煙靱靱好好味 😁 下次會再試佢地嘅胡椒豬肚先

荃灣樂悠居food court新開酸菜魚，好抵食，$68/餐，包嘢飲及甜品，質素唔錯👍我哋倆公婆叫咗兩個餐，一個叫酸菜魚，一個叫水煮牛肉，飯可以選擇白飯或者炒飯底。本身我哋唔係食得好辣，所以落柯打嘅時候，冇要求到什麼辣度，好彩食落去唔太辣，如果想食辣嘅朋友，我覺得有需要講加辣。味道不錯，食完之後唔太口喝，因為最怕太多味精。魚同牛肉質量OK ，不得不讚他們配料好豐富好特別，好多配菜都好食😋贈送飲品，我哋選擇豆漿及洛神花茶，洛神花茶好似酸梅湯好開胃，另外甜品有冰粉，好似涼粉咁幾好食。整體來講，以$68一個餐，可以比，一定再幫襯

樂悠居foodcourt開左間一人份酸菜魚，岩岩新開張送左一碗冰粉，食得好飽。金針菇同外面吾太一樣，黄黄地好脆好脆嘅，有d重口味，岩晒餸飯跟餐有杯重酸梅湯，紅紅地色酸酸甜甜都幾好飲