港南湘蜀食堂

营业中

休息中

今日甘啱探朋友，路過依間食堂，走入去食個宵夜，估唔到屋邨入面都有d質素唔錯既食堂。食品除左有普通茶餐廳既食物，仲有醉辣粉，水煮牛等辣野食，啱晒鐘意食辣既朋友。我點左個水煮牛紅薯粉，麻同辣既味道剛剛好。唔鐘意食辣既朋友，可以試下佢既厚豬扒飯，塊豬扒好厚切又大件，最啱大胃王食，肉質鮮嫩，一d都唔「鞋」。唔想食得甘heavy，可以試下佢個豉油皇龍鬚炒面，好夠鑊氣，魷魚鬚好彈牙。以上食品隨餐附送餐飲，60蚊都唔洗，抵食。

其實呢間都食過好幾次，次次都係叫炸豬手，今日都係。同朋友2個人叫左個2人小菜套餐208蚊，有3個餸，都幾大碟架！炸豬手🐷： 新鮮炸起，塊皮超脆。🦐蝦醬通菜：個樣普普通通，但好有蝦醬味。毛血旺：好似D 水煮野咁，入面有牛肉，豬肉，牛栢葉，豬潤，芽菜等等。。。重點麻辣個味道幾好，唔會得個油字，亦唔會一味得個辣，有麻香味，唔錯唔錯。套餐仲有2個湯，2個飯🍚最終2個人係食唔晒😬淨返小小

難得老公放假，一家三口落樓下一齊嘆早餐，好鍾意呢架茶餐廳，服務員雖然市井，但人情味濃濃，見我地帶住仔仔，係拎水嘅同時已經拎埋碗仔俾我地！食物方面，早餐牌得4個餐，算係選擇比較少，就揀左個最簡單嘅火腿通粉俾仔仔，味道不過不失啦跟餐仲可以揀炒蛋/煎蛋、太陽蛋，最特別係烘底厚多士，搽滿左牛油蒜蓉，超級好味！老公叫左沙嗲牛肉公仔麵，同出面差唔多，想食靚公仔麵就要加錢轉出前一叮，好彩唔會煮過龍，都仲食到一條條麵，沙嗲牛肉份量都多，但再多d沙嗲汁就更好啦凍飲加3蚊，但都抵俾，出到嚟唔會成杯熱，又唔會溶哂冰得層水，最重要係夠味熱檸水水準正常，基本三片檸檬加馬克杯，俾小朋友飲就最適合啦

昨天早上和友人去了九龍城港南湘蜀食堂吃早餐，其實之前都試過很多次早午晚用膳，其食物的餐牌是很久很久都沒有改變，而食物味道都算整区來計算數一數二的，坐位也很多卡位，空調也足夠，算非常舒適，服務員則個別性，唯獨有一個短頭髮身型比較矮瘦的態度比較主動殷勤，食物種類都算多，套餐類別也很多款，有早餐、午餐、常餐、焗飯餐、下午茶餐、晚餐、烧夜餐等等，但本人光顧了幾年了，餐牌幾乎只郁動過一至两次,如果有要求的客人可能會有厭倦感，價錢则不貴，因為是做屋村生意。

佢門口寫住食湘菜，以為淨係食類似四川野得辣野食，點知原來午餐都有港式食物，普通茶餐廳嘅食物都有得食，我就叫咗個厚切豬排叉燒通粉餐，件豬排真係幾大塊，都幾juice,唔會鞋烚烚，叉燒通粉就普普通通，冇乜等別

淡而無味，服務態度也是真的差，經理態度還是一副理所當然，叫了個炒鮮魷，完全不是炒的，經理還說有蒜茸炒，一點蒜蓉都看不到，完全就是白灼，叫了兩個菜，一點味道都沒有，完全差評

第一次跟同事嚟啟晴搵食，佢哋介紹呢間非一般茶餐廳，佢嘅午餐有好多款式，攪到有選擇困難症嘅我好難先諗到食乜!呢度比較出色嘅可以話係佢嘅厚豬扒，大大塊，雖然厚身，但好`冧'，一d都唔會韌，食落都夠味，又唔會太咸，係唔錯嘅!不過d配菜例如酸菜就似乎過咸，同埋有好多，食唔哂，有d嘥!呢個茄子排骨味道唔錯，好有住家feel，唔會太咸，排骨都唔韌!扣肉飯就比較咸，賣相都唔太吸引!鹽水雞，睇落唔錯，唔會太咸，但雞有d韌，唔夠嫩滑，最唔掂係d白飯唔熱，仲有d凍，完全影響食慾!不過呢個價錢，都唔會期望質素有幾高，作為普通午餐算ok 啦!

<不過不失既雙豬扒飯>😌🐷呢間地址係九龍城 其實係近彩虹站多 d既港南湘蜀食堂 如果唔係約左附近做野既朋友食 lunch都唔知有呢間野 食店附近都係屋邨 所以應該都係 for街坊食😃 一般既小炒川菜 都有， 但朋友話 lunch set有 雙豬扒飯 大食既我緊係要試下🐷🍴雙豬扒飯 60 蚊🐷🐷🍚一上枱其實幾開心既 兩塊大豬扒 係勁厚啖啖肉質般女仔係食唔哂 豬肉出面少少脆 唔夠脆 但個味 煎得 ok既咸度適中 入面既豬肉都夠咬口 😆 點埋甜豉油汁撈飯 整體都 ok配菜就 hea d . 得 d罐頭椰菜 粟米 榨菜 🌽🥬 60 蚊 甘多料 仲有例湯同熱飲送 唔可以要求甘多 😂 所以我覺得經過開食下無所謂#炸豬扒 #豬扒飯 #食堂 #茶記 Score 平均分 <6.5/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻~~~~~~~~~~~~~#港南湘蜀食堂 九龍城沐翠街晴朗過場地下 b19 號鋪~~~~~~~~~

去到公屋區，一般都會寧願吃大排擋，夠風味嘛！不過今晚經過港南食堂，見到門面又幾光鮮，而且仲有卡位，價錢也不算太貴，就試下啦！打開餐牌都幾多選擇呢！每個column都有十幾個餸去選！而且價錢都好扺喔！我們叫左A+B+C餐！A我們選左梅菜蒸菜心！係屋企唔會煮呢個餸，所以出來吃！梅菜幾好，不太咸，咁樣蒸幾好味！下次要自己試下！B選左炭燒豬頸肉！一般啦！個人認為可以乾身點。。。不過表面塗了蜜糖，甜甜的，幾吸引！最後C叫左酸菜烤魚！我以為係酸菜魚，但原來魚係炸的！而個湯的做法都很不一樣！但酸菜湯夠酸夠辣，魚肉都好厚，還不錯！加錢叫左可力同檸蜜！

平時lunch都會嚟食，今日試吓下午茶，下午茶都多選擇，$3x-$5x都有，由於肚餓關係，想食飽肚嘢，揀咗咖哩牛筋腩撈烏冬。老老豆豆，賣相係極不討好再帶點頹，但人不可以貌相，D牛腩煮得好淋，咖哩辣味適中，烏冬亦彈牙，撇除賣相，佢係一碗幾好食嘅烏冬，無奈就係個賣相扣佢一粒星。加杯凍啡，承惠45個大洋，無加一！

今晚叫左金銀蛋浸白菜仔！已經經常食了！但份量一次比一次少.我先生總要咬到整口鴨蛋殼.食到都好無奈，同經理講就話：D份量係咁，師傅可能一次煮幾份個份量分的吾好！-

第一次去德朗邨， 要醫下個肚。經過呢間茶餐廳，就 入嚟食下。點知中伏， 服務態度差…… 嘢食超級難食。 永無下次。。。不過，德朗無咩野食而且開得好晏，就係咁佢唔執喎！唉，德朗人真慘。

本來已經打左一大篇評價！點知死機😭又要重頭打過，但已經唔想再詳述喇😤😤😤總括黎講，呢間只係普通到爆既食店！例湯：青紅羅白湯涼拌木耳：唔酸又唔辣魚香茄子煲：契女話茄子唔熟又唔熱，而且個汁太杰身腐乳通菜：不過不失，份量太少酸辣土豆絲：中伏！顏色紅噹噹，以為會幾辣，點知一入口，失望兩個字酸菜烤魚：落單前已講明要加到特辣，部長話要加$10，我話無問題，只要整到特辣比我就得，可惜！一上枱食第一啖，我已經知道呢間難有下次⋯⋯呢餐埋單$292，平時我一定比貼屎，但今晚一蚊都唔比😓服務：強差人意！樓面呀姐仲串過我！我第一次幫襯，叫服務員介紹比較辣既菜色比我，一句叫我自己睇就行開，好忙咩？第二次再叫人，求其介紹兩個菜比我就話係特辣，跟手又扮忙走開，第三次，我搵部長埋黎，叫佢介紹吓⋯⋯又係敷衍我，又話要加錢，無問題丫！錢解決到就唔係問題，問題係比錢你賺都解決唔到呢⋯⋯所以我都唔會再幫襯呢間！身為員工都唔識介紹餸菜比客人，好難有回頭客😤

頭先lunch食得份三文治同飲品，2個幾鐘乜都消化哂啦，咁等到人啦，就去樓下食個tea先啦先黎一份葡式原件豬扒包~豬扒包個面係脆既而且個包係熱既（出面有d係冇烘番熱既），塊豬扒都幾大塊幾嫩，夾埋d洋䓤好好味西多士拼吉列豬扒~ 西多士剛炸起很鬆軟，配上牛油加糖漿很不錯，而且半份感覺不會太肥吉列豬就稍嫌薄了一點有點乾身…唔夠飽追加一個雪菜肉絲米，罐頭野冇咩特別好講~值得一提的是這裡的即磨咖啡挺不錯的，不是每一間茶記都有啦，用來配豬扒包一流

不知所謂的夜晚收銀、話說今天想要買外賣、叫了三個小菜、其中一個浸時菜、當時問佢有什麼菜可以選擇、佢啲不知所謂的態度說乜嘢菜都有、咁我就要莧菜、佢話冇喎、咁我就要生菜佢就好悔氣話都冇喎、咁我就話咁有乜嘢菜、佢就話你想要乜嘢你講先得㗎我點知你要咩、我就火都嚟話佢咁你又話乜都有、叫乜你又話冇、真係呢D祖國收銀真係想車巴佢你話呢D乜嘢服務態度、其他的樓面大部分都有禮貌、剩係得呢個不知所謂夜更收銀佢間餐廳又冇得投訴。🔥都嚟。