港味道

营业中

休息中

今晚唔想煮，去咗港味道買外賣，點咗一盒章魚雞粒蒸飯，再加幾款小食：炸燒賣同大魚蛋，一餐滿足又唔太油膩，啱晒返到屋企慢慢歎。章魚雞粒蒸飯飯面鋪滿餸料，雞粒嫩滑入味，章魚爽口彈牙，飯粒吸晒醬汁香氣，整體味道鹹香適中，唔會太重手。作為蒸飯，飯底唔會過濕，食落舒服。炸燒賣外層香脆，內餡飽滿，配甜辣醬一齊食夠晒惹味；大魚蛋煙韌彈牙，熱辣辣食最正。一餐簡單外賣，卻帶來熟悉的街坊滋味。港味道嘅蒸飯同小食水準穩定，係晚餐唔想煩、又想食得好嘅不錯選擇。下次會再去試吓其他蒸飯款式。

我平時好少打負評，但最近喺康城嘅Fresh買晚餐，真係令我唔開心。當時收銀姐姐話買三樣嘢可以有全單八八折，所以我加咗一個奶皇包$10。我本身諗住買一個蒸飯$32，一碗湯跟餐$20。因為後面排咗好多人，我就冇睇價錢直接用八達通付款。點知後來計吓，發現比預期貴好多，返去問先知原來所有食品都要計原價，實際上我只係平咗0.4毫子，蒸飯要$35，湯要$25。收銀姐姐仲話可以省幾蚊。我真係覺得呢種做生意手法有啲唔老實。佢哋嘅食物質素普通，只不過喺康城呢度算係相對平啲嘅選擇。

午飯/放工時間行過見到好多人排隊除咗另一間蒸飯舖頭之外多咗一個選擇比其他食客揀係好事，始終有競爭先有進步～今次叫咗🍚砵仔鹹蛋肉餅飯🍲食 $32首先～份量都叫幾多！食完唔會覺得意猶未盡另外味道都係中上嘅～肉質軟嫩～一啲都唔韌，唔會太老有時好驚食肉餅會加咗好多肥豬肉～好油但今次食晒個飯～喺飯盒底都見唔到油淋淋感覺好安好😉另外兩個姐姐見到咁多人都友好嘅態度而且合作無間（唔計排隊）由落單、俾錢到拎走個飯 一分鐘都唔使 ⏱️除咗港味道。仲有港態度（快！）

康城啲嘢都係比較偏貴, 而呢一間嘢食嘅價錢就相對親民, 一到食飯時間或者放工就會好多人排隊.有時候肚餓想食少少嘢,但唔係想食飯,我都會買下佢啲燒賣腸粉.馬拉糕嗰啲飲茶食物.如果差唔多食飯時間我就會買佢嗰啲蒸飯, 佢啲飯都有包咗唔少肉㗎喎,都叫做ok食飽一餐.

呢個小食拼盤真係好正！裡面有燒賣、魚蛋同埋腸粉，樣樣都好味。燒賣嘅肉餡鮮嫩，外皮薄薄，搭配少少辣椒醬，味道更加出色。魚蛋方面，煮得啱啱好，彈牙有勁，食落去咁滑，真係唔錯。再加上佢哋嘅醬油，味道好配，食完一啖又一啖腸粉就係另一個驚喜，柔軟滑順，裡面包住嘅餡料都幾豐富，食落去好有滿足感，亦可以加埋醬油或者花生醬，味道更加出色整體來講，呢個小食拼盤份量足，適合同朋友一齊分享。呢個拼盤絕對值得一試，肯定會令你回味無窮！

呢間港味道算係康城恩物，佢哋的蒸排骨飯特別受歡迎，排骨蒸得恰到好處，肉質軟嫩，飯粒吸滿咗排骨的肉汁，食落去好入味。而且，佢哋的鳳爪排骨飯都幾好味，鳳爪煮得啱啱好，軟滑入味，搭配排骨，真係一碗滿足感十足嘅飯。另外，餐廳仲有各式各樣嘅包點同點心，無論係蝦餃、燒賣定係流沙包，全部都好正，味道都唔錯。整體來講，呢間港味道都嘅菜式簡單但好味，份量足夠，適合一家大小一齊來食。美中不足既就係價錢上面就貴左少少。

間唔中都會嚟呢度買點心食，但係呢度嘅食物同服務真係令人失望。1. 食物買過幾次菜肉包同香菇雞包，不過佢嘅餡真係好少，味道又唔多惹味，大部分都係包，而且包嘅口感仲係好硬嘅，餡料份量少同味道普通、口感都唔多掂。2. 服務呢間鋪頭好似長期都係只有一個職員，有時甚至係要等一陣先有職員過嚟，效率方面相當之慢。3. 價錢比較同相同類型嘅鋪頭比較，無論係食物、服務、價錢都輸比康城地鐵站嘅唐包點，所以唔建議大家嚟呢度買👎

每逢下午都會幫襯買碗豆腐花外賣，$20兩碗，價錢合理，又夠滑。不過最討厭個外賣碗、還有外賣膠袋，好薄好容易爛，個碗蓋又難打開，又容易爆，拎到返屋企，個蓋巳經爛咗，啲水漏到出嚟，個膠袋薄到不得了，放一碗都勉強，放兩碗一定斷手挽，最好自備袋再袋一袋隱陣啲。公司應該要改善一下這方面，如果係成本問題，可以加多一蚊，應該可以接受，唔洗買到返屋企，個袋斷咗，裏面又濕晒。每次返到屋企打開食，開好耐先開到個蓋，又攪到周圍濕晒。