港味

营业中

休息中

開左大半年既港味，今天終於有機會去試下了。港味主打創新粵菜，餐廳裝修不錯，檯與檯之間空間足夠，不會太迫。野食食落都有啲驚喜既，不過不失。價錢又未至於離地（相比隔離果間台式餐廳就真係太貴）。先來了一碟叉燒腸，雖然味道未至於一流，但腸粉好重要既一樣野-皮薄，佢就做到了。蟹肉超脆麵又真的很脆，可惜個芡太少了，如果可以另外給一碗芡汁自己淋上去，咁就完美了。唯一要彈既就係呢個流沙包。一籠一個，咁大個點食呀？皮又厚，流沙全部係個底，上面啲皮就掂唔到啲蛋黃。下面啲皮怕穿又整到特厚。比例錯晒。流沙包要細細隻先好食。

呢度好好食連爸爸傳統飲開茶，都話好味。點心係廚房入邊即叫即做燒味工場都係廚房，啲蒸餃皮唔會太厚唔會簿，碟碟點心都新鮮熱辣。腸粉皮好滑，點心賣相又好吸引。下次飲茶都會再返嚟好味。

一向水滾茶靚再配上一碟碟點心，就是我們的飲茶習慣，沒分甚麼式樣的飲茶，食店的名字……港味，何來的港味，只賣弄花巧的點心式樣，這就是港味嗎？點心只是一般味道，沒甚特別，令人沒法可留下深刻印象，飲茶之道沒了……水滾是有的，但茶不靚，只有色而沒味道……有色的滾水，侍者只奉上一玻璃杯浸泡着茶包的茶，沒了用一般茶壺滿載茶葉沖茶的味道，另一選擇是一杯玄米茶，更與我們的點心，更不相配，唯一可取的是花膠螺頭湯，有着濃郁的熬煮的味道，暖着心頭，最後只想說出心裡話，創新是好，傳統都有着它的道理，飲茶加上好味點心，配合上悠閒看報的心情，還有茶客互不相熟間的閒談，一家大小樂聚天倫飲着茶水吃着點心，這就是大眾的飲茶文化

今日中午我們喺上水做完嘢之後去咗喺較早之前食過覺得相當唔錯喺上水中心嘅「港味」飲下午茶！我們叫咗菠蘿叉燒餐包嘅菠蘿皮好香甜酥脆，包質好軟熟，蜜汁嘅味道好香甜！銀籮脆皮腸嘅外層軟滑嘅腸粉，包著炸得好香脆嘅米網同清甜嘅蘿蔔絲，食落層次感相當豐富，而且完全無油膩嘅感覺！由於近年好流行食秋葵，兼且係對身體好有益，所以本人特意叫咗兩款唔同嘅煮法，雲耳百合炒秋葵係清炒，所以感覺比較清新，而秋葵幹燒蝦球係加咗辣醬去炒，所以味道比較惹味，秋葵唔會炒得過熟，所以質感相當爽脆，蝦球都幾大隻，而且非常爽口彈牙！港味桔仔蝦餃係用溫室豆苗做莖，放喺橙色嘅餃皮包著爽甜彈牙嘅蝦肉，造型賣相好似一隻桔仔咁，真係好趣緻吸引！黑金流沙包嘅包身係黑色，而且再喺表面搽上一層金粉，令人有一種好神秘嘅感覺，好想快啲食咗去，睇吓入面究竟係咩餡料，撕開一半之後見到香濃嘅流沙餡！關東遼參包嘅造型賣相真係好似一條遼參咁，就連啲刺針都做得相當細緻，真係非常逼真，而餡料就係香辣味嘅雜菌，「辣辣地」感覺好醒胃！玫瑰煎餃子真係成朵玫瑰花咁，餃皮相當薄身，餡料嘅肉質好軟滑多汁！叻叻豬流沙包嘅造型賣相係一隻超趣緻可愛嘅肥豬仔頭，撕開一半見到入面嘅流

都係食蝦餃燒賣，不過全部有新意，平時飲完茶唔記得食過乜嘢，今次有d不同：蝦餃係桔仔，叉燒酥係天鵝，奶皇包係豬仔，芝麻卷變咗黑炭，賣相贏曬！食物質素同價錢都滿意，最開心係每人一個茶包，唔使就人哋飲乜嘢。又冇嗰啲舊式嘅手法，加20元比碟唔會食嘅花生大家⋯。

今日去完朋友屋企.....兩餐都係上水搞掂.....本來晚餐上水都叫做多嘢食.....點知周圍都排晒長龍....見到呢間有排隊嗰間又排隊.....仲要間間都要等十幾20人....真係心都煩曬....後來見到呢間港味...都冇乜人排隊....走咗入去試吓....點知竟然有驚喜似係海港嘅附屬餐廳環境都好舒適.....而且幾特別....係裝修方面見得出佢哋有花心思其實呢度又有中式點心....小炒....甚至用嚟氹細路仔嘅食物都有所以細路仔嚟到一定好開心呢個黑松露海鮮炒飯係我誠意極力超級推介....佢唔單止足料足🦐足蠏柳仲要好香黑松露味....而且我見我隔離......周圍都有叫尼個飯.....呢個返夠四人份量....剛剛好一人一碗係我極力推介嘅至於呢個龍躉班球西蘭花.....賣相就一般般不過勝在味道搭夠啲西蘭花好入味到呢個蒜蓉開邊蝦就失色少少雖然價錢吾貴.....但肉身較梅.....而且冇粉絲說感覺始終爭啲啲但係整體嚟講都尚算唔錯......我見周圍枱嘅人客都食得幾滿意可能我哋唔識叫.....我見其他枱所叫嘅餸賣相都唔錯架咁又值得一試嘅

依家好似好興d特色點心飲茶都已經唔淨係老一輩既玩意依家d點心整得好的骰好盞鬼比人打卡⠀今次黎試下上水岩岩新開既中菜(?)茶樓(?)有好多特色既點心⠀比佢個橙色既的骰外型吸引左嗌左呢個⠀⠀ 港味桔仔蝦餃 ($28)食落其實同普通蝦餃無分別 姐係色素餃不過影出黎又幾得意幾過癮皮唔算好厚 蝦都幾爽 同埋都熱辣辣！ 米網煎鍋貼 ($28)個米網煎得好脆 個鍋貼都幾大舊⠀仲嗌左d臨時點心紙既 羅漢齋腸粉 ($25)腸粉皮都好滑 唔會好厚 入面既羅漢齋同個甜豉油幾夾⠀ 脆皮皇子鴿 ($28/隻)28蚊一隻都幾抵 不過略嫌太油 皮唔太脆都ok既 只係普通飲茶外既另一個option未至於會再想番黎食⠀餐牌如下：

上水中心原本海港位置重新裝修後，感覺確實young了，多了幾間新食肆。就連海港也轉型，改了名叫港味，裝修就採用最近流行的懷舊路線，但菜名就用估你唔到的創意名稱。部份點心賣相也得意，都幾潮架。先來叫茶，一杯普通酒樓未必有的玄米茶。然後叫了腸粉、饅頭、咸水角、蝦餃等。不要以為是普通野，其實每樣都各有特式，腸粉內有脆脆炸網及絲絲蘿蔔，唔油膩又有咬口玫瑰饅頭，靚靚賣相，淡淡玫瑰香，最適合送給媽咪，母親節快樂聽說係即叫即炸的咸水角，漲卜卜架，正最後的桔仔蝦餃就較一般埋單後，見到隔離枱的叻叻豬流心包超可愛，下次要叫先，最適合呃like, 呵呵

星期六晚外出吃飯，剛好不用等位便入內一試。其實較早前曾在此飲茶，點心價格不便宜，相對之下感覺晚上㸃主食及小菜比較抵食。1）五穀炒飯 $58--- 飯炒得粒粒分明，材料有紅腰豆、百合、粟米、松子、杞子及雞蛋，味道偏淡，健康之選2）海鮮喇沙米線 $58 --- 米線軟滑，湯底很香椰奶味。配料有青囗、蝦仁、魚腐、蟹柳及鳴門卷，十分足料，好味！3）梅菜蒸芥蘭 $48 --- 梅菜開胃，但芥蘭蒸後稍嫌淋了一㸃，而且帶㸃㸃苦澀味，如換成菜心應該會較好另外還點了頭抽豉油雞半隻 $68 及鹽燒沙甸魚 $18/兩條，吃著吃著也忘了拍照了。埋單約$300，價錢合理，不錯。

上水中心改裝後出現很多食店，這是其中一間，原來是某大集團的分支！年初二，因為小編打算和爸爸吃好一點，所以選了這一間，點知爸爸最後沒有來~~=.=" 唯有小編一家自己吃。新年，可能大家也想吃好一點，所以貴一貴都去。這間算半中半西的食府，食物價錢屬中上。當然，環境和服務也OK。因為小編已經預感自己不會短時間內有第二次光顧，所以都叫了所有ORDER紙上的特式食物。HAHA！ 這裡原來是用茶包~~我之後沒有對單，不知道茶包有沒有附加費，但我見過有人要求多要一個茶包。 無花假地狂吃~~HAHA 首先~蔥油XO醬炒飯~~ 這個好味，乾身而帶著XO醬的味~不算太油，會有想添的意欲。 蜜汁叉燒腸~~不算差，但份量比較少，而且皮也不算滑。可以的就不需在這裡吃這個~~ 金磚豆腐，外脆內滑~~真心不騙，真係滑。好有趣的口感，外皮有味。 試新的這個不錯！ HAHAHAHAAHAH~~下圖的是漢堡神偷！是比較貴，而且細，但小孩會很喜歡。這個大家要預計味道普通，但吸引眼睛就是了。 港味桔仔蝦餃....單純係新年，所以才叫，並不特別好味>"<

年初一去拜年，一家人先去醬肚食個lunch，去到上水中心搵食，見到有間港味，湖水綠配白色鐵閘的門店，細看先知都係海港集團，應該味道唔差，又見冇乜人幫襯，於是試下呢間了。 裝潢十分西式化，用上湖水綠、白色及木色為主調，感覺柔和，架上擺放了港式公雞餐具作裝飾、湖水綠的街市燈，西式中戴有港式之感。 茶芥每位$8，要了鐵觀音，是茶包來的，感覺有點hea。 蜜汁叉燒飯，$36，蜜汁叉燒肥瘦適中，口感鬆化軟嫩，惹味又好食，而加好少食都好味的叉燒呀。 上海小籠包，$26，有3件，熱騰騰，都幾多湯汁，味道正常水準。 港味桔仔蝦餃，$30，有3件，好可愛的桔仔，外皮唔黏口，入面原粒鮮蝦夠爽口，幾好味呀。 叻叻豬，$28，大大個的，好可愛的豬頭，是奶皇流沙包來的，切開share，熱騰騰的流沙湧出來，又甜又滑好味呀。 漢堡神偷，$36，有3件，賣相好攪笑，眼是糖來的，餡是生菜及炸雞塊，味道普通。 鮑魚燒賣皇，$48，有3件，好貴，同時又好名貴，上層是細的小鮑魚，尚算彈牙，第二層的鮮蝦大粒爽口，燒賣大粒味道不俗。 食物賣相吸引造型是公仔來的好得意，食物有水準，環境西式幾靚，座位上，幾個人

未寫過食評，但今次好有衝動。第一次食港味，因為年初一唔駛等都有位。服務好好，阿姐們好友禮又友善。但啲點心好貴、份量少、味道緊緊合格。叫咗幾籠點心：1）濃湯花膠螺頭湯：全湯水，但廿蚊唔駛，算係咁。飲到好香螺頭味，花膠都係有嘅。所以幾滑。2）芫茜牛肉腸：廿八蚊（大點），有六粒。即傳統茶樓嘅兩條。味好清淡，冇乜肉。豉油冇調過，得個鹹字。3）小籠包：中點，三粒。皮、肉、湯緊緊合格。有隻個皮未落籠已穿咗，咩湯都冇曬。有醋冇薑絲。4）叻叻豬流沙包：大點。造型可愛。內裡有奶黃冇蛋黃、冇流沙，但tep真啲有啲啲蛋黃味。總括：嘢食好睇，味道用料全部緊緊合格。直接啲：得個樣。所以當精品咁用眼睛食會開心啲，但服務係抵讚👍

今晚我們做完嘢收工之後去咗上水中心，行到去見到一間新開嘅「港味」有好多人喺門口排隊，所以我們就決定入去食晚飯！一入到去見到店內嘅環境裝修相當有特色，感覺都幾舒服！我們叫咗漢堡神偷係用三個惹味迷你漢堡組合而成，頂層仲有兩粒眼珠造型嘅糖，賣相非常趣緻可愛！港味桔仔蝦餃嘅造型賣相真係成個桔仔咁，餃皮好煙韌薄身，蝦肉相當爽甜彈牙，而莖係用溫室豆苗做成，真係超精緻吸引！乾爸安康「窩巴龍躉」嘅窩巴炸得相當香脆乾身，龍躉嘅外層炸得好金黃酥脆，炸粉唔會好厚身，入面嘅肉質好鮮味彈牙！大紅大紫「紅菜汁鮑魚炒飯」嘅炒飯係加入咗紅菜頭汁嚟炒，令到色彩非常鮮艷奪目，鮑魚仔好爽滑彈牙，而且份量超級多，差唔多每一啖都有一隻鮑魚仔，真係超抵食呀！金牛踏火「咖哩牛腩安格斯」一上碟嗰陣店員會喺菠蘿嘅外層點火輕輕燒一下，之後打開個菠蘿蓋就有擺放到滿晒嘅安格斯牛腩同菠蘿，真係份量十足！叻叻豬流沙包嘅外層係一隻超級得意可愛嘅豬仔頭，入面嘅流沙餡極之流沙，味道非常香甜濃郁！映雪白切糕嘅糕質超煙煙韌韌，味道唔會好甜，外層沾滿晒燕麥，感覺好健康！櫻花水信玄餅相當晶瑩剔透，可以清楚睇到入面有朵櫻花，由於水信玄餅本身係無味，所以要配埋香