湕承 · 台式便當

营业中

休息中

呢間係1間外賣店，之前都有食過早餐，好方便就咁whatsapp落單同店主order同講低時間就可以，今日中午突然諗起好耐冇食過呢間，於是上佢地社交平台睇1睇menu，佢地嘅午餐餐單每日都有少少唔同，可以11點半前用whatsapp pre-order定，超級方便。 今日嘅餐單有6款小菜，可以揀2-3個菜，價錢由$55起，咁今日就叫左個麻婆豆腐加椰菜炒豬肉片配白飯，麻婆豆腐比較冇乜辣味，椰菜炒豬肉片相對地我會比較喜歡，啲菜炒得好鮮甜，整體份量對於女仔嚟講應該岩岩好。對比平時嘅兩餸飯，可能會清淡啲但相對感覺上會健康啲。

今日要預備下午開會，唯有買外賣，食個快飯。社交平台 見到今日有Ok 骨， 就試下啦。有驚喜，夠淋入味，份量岩岩好，仲要有菜飯，最重要係食完唔口乾，證明無味精，仲有菊花茶，岩晒熱氣既我。WhatsApp 落order好方便，唔洗等，夠鐘落去拎，返到公司打開係熱既。香港飲食業唔容易，用心做既小店係絕對值得支持佢仲有其他台式lunch set, 同事食過都話ok呢個價錢，真係算係甘，企理乾淨好食健康，真心推介。

喺附近返工, 好多餐廳都食到厭晒，而且lunch 超多人，有時都想買外賣返公司食，呢間又平份量適中。已經幫襯左呢間小店幾次，今次嗌咗豬軟骨同三杯雞，豬軟骨質感唔錯，入口即融。 三杯雞都唔差，好入味，冇得輸😌飯可以㨂菜飯，而且小鹽小油冇加味精，值得一讚 👍🏻呢間外賣真係出乎我意料之外咁正！下次仲要試下其他嘢同埋胎菊桂圓蜜，希望味道一樣保持得咁好。食物質素又高，選擇又健康，真係讓人吃得好開心😋😋😋

又到午餐時間金鐘區上班， 搵食係其中一個大難題， 所以外賣就係其中一個選擇。呢間小店食過幾次， 發現到同隔離幾間外賣店有d唔同， 最令我驚喜就係佢地唔係煮定一大煲不斷翻熱嘅餸菜， 見到廚師每一份都係即製， 唔係普通2餸飯店咁樣左夾右夾， 感覺到佢地既用心同新鮮😋最重要係小鹽小油同埋食得出冇加味精， 我本身都冇寫食評嘅習慣， 但都想讚一讚呢間店， 希望日後佢地會做到更多款式同埋繼續keep住呢個質素啦， 我一定會繼續幫襯😋

幫襯過幾次，所以鋪頭開始send menu黎提早落單，點知落完俾埋錢都冇人應，去到先知11:30之後落嘅單係唔會有人理。而呢樣嘢佢係唔會提啲客㗎，直到今日我收到佢地d menu，依然係冇講，由啲客落單俾錢。咁我當時唯有現場再落單等啦，等咗足足半個鐘都未出餐，問仲要等幾耐，被告知仲有成16張單先到我，結果退咗錢，仲冇晒時間食飯。好心冇咁大個頭唔好接咁多張單。等嘅途中見到佢地不停同啲落咗單嘅人講呢樣冇，嗰樣冇，呢啲唔係落單嘅時候應該講㗎咩？而且，雖然$55兩個餸唔係不可接受嘅價錢，但啲餸嘅份量極少，所謂嘅菜飯係得兩滴菜。永遠都唔會再食。

Ordered beef soup udon noodles. The taste was good but the portion is so small. Udon is less than half a pack of standard udon from a supermarket and not much beef. Definitely not worth 72$. See the photo for yourself 🤣Need to up their game if they want return customers.

蕃茄湯底比想像中濃味，湯料有啲洋蔥蕃茄肉得3塊好珍貴，同埋呢隻烏冬唔夠煙韌。重點係份量好細，食完只係六至七成飽下午茶時間又要再食野所以計落$62有啲貴！無小食亦無野飲！睇返以前啲食評係有得免費加烏冬、同埋配送小食飲野而家乜都無晒，變相仲貴左。

今日係金鐘返工 係地鐵站樓上就有好幾間便當Lunchtime都好多選擇😋我啲同事鍾意呢間是日套餐日日都唔同😍會包一個main一個side或飲品仲全部都超抵食超大份添😙-🐔🍜雞肉壽喜燒湯燉讚岐烏冬 $68我揀左雞肉壽喜燒烏冬🤤啲雞肉好嫩滑 唔會又老又巢皮🤣湯底甜甜地好味😋烏冬都好彈牙🤭-🐷🍚日式燉豬軟骨配白米飯 $68🍛🥚加滷蛋肉燥（$8）豬軟骨燉得好淋 好推介呀☺️個飯加埋滷蛋肉燥可以送多碗飯添🤤🤤-🥤熱紅棗蜂蜜🍲紫菜豆腐湯我地揀左一個湯同一個飲品兩樣都係甜甜地架🥰

11點半前落定單 lunchtime過到去就唔使等 即刻有得拎每日嘅special 都唔同 $68有飯+小食或者飲品 都算幾抵食另外仲有其他粉麵飯選擇嗌咗一個粉麵+一個飯日式豚肉野菜鍋 $68(新竹米粉)湯底好香好濃郁新竹米粉食落真係唔同啲咬口啲 又索晒啲湯豚肉係薄切 好淋身 唔錯唔錯古早肉燥飯 $65(烤台灣腸,烤花枝卷,滷蛋)都係我鐘意嘅台灣小食台灣腸真係無得輸肉燥撈飯 食極都唔會厭至於冷泡阿里山烏龍 清清哋 仲有陣陣嘅回甘

朋友喺金鐘返工,就約我喺金鐘食飯.. 本身諗住去餐廳食飯,但因為朋友公司太忙,佢話不如食外賣，之後就帶咗我去人氣極高嘅餐廳點外賣。餐廳嘅位置好易搵，而且店員都好好👍最好whatsapp落單，因為嗰日我哋去拎外賣嘅時候都有好多OL 喺度等外賣朋友搵咗公園嘅位置，其實都幾寫意對住成個草地食飯朋友好早就whatsapp咗我今日餐廳有啲咩食，所以好方便可以用whatsapp落單，去到就咁拎就得啦👍👍午餐一份68元，我覺得係金鐘嚟講，其實已經算好抵食有飯又有飲品👍食物配搭都好有心機😝☺️韓式蜂蜜排骨🌶白米飯排骨夠淋，而且醬汁入味，辣同甜配搭好好好開胃👍👍排骨既肉同骨好易咬開，好岩斯文既OL❤️ 配料芽菜同木耳一啲都唔馬虎，份量亦都多☺️慢煮牛筋.烤花枝卷. 滷蛋肉燥飯（滷蛋肉燥只限配飯）慢煮牛筋很淋很入味， 而且份量都大， 最鍾意佢牛筋配咗青瓜同雪菜作配料， 令人感覺唔會太快飽， 而且爽脆嘅青瓜令你更加開胃。 烤花枝卷用薄薄嘅蛋皮去包住花枝卷咬口香濃而且彈牙❤️❤️滷蛋肉燥飯：滷蛋夠入味，而且肉燥飯上嘅冬菇都好好味☺️蒜蓉椰菜椰菜新鮮翠綠鮮甜，而且有濃濃嘅蒜香味， 所以我冇揀飲品揀咗食菜，亦都令自己健

湕承 • 台式便當 金鐘夏慤道18號海富中心2座2樓98舖Shop 298, 2/F, Tower 2, Admiralty Centre, 18 Harcourt Road, Admiralty每日都有DAILY SPECIAL LUNCH SET, 讓人轉轉口味的台灣便當外賣小店, 因今日要上ZOOM MEETING 上堂, 之後仲要考試做功課,買外賣邊食邊做追趕落後的課程。用紙碗比膠質更好, 唔怕高溫同熱酒令發泡膠釋出有害物。台式便當來講,滷肉飯是深入民心的古早平民美食了,滷蛋好香滷汁味, 紅燒排骨燉蘿蔔一個蘿蔔吸曬湯味極入味好下飯, 排骨也是味道濃郁。$68醋香手撕雞白米飯 ,淡淡醋香唔嗆喉, 醋有甜味中和, 手撕雞有咬口, 醋香幾岩沒什麼胃口的日子吃。小食蒜蓉椰菜簡單唔油, 健康之選飲品冷袍阿里山烏龍食完好滿足, 肚子飽飽擁有力量投份工作及一天活動, 如果有杯珍珠奶茶就PERFECT了

朝早同個同事去金鐘搞少少公司文件既野，平時好少過黎呢邊食，一到lunch hour周圍都係人又要等位，經過呢間台式便當外賣店一於買兩個餐返公司食🌟午市套餐: 雞肉壽喜燒湯燉讚岐烏冬 ($68)同事揀左個湯烏冬套餐，湯底可以揀牛肉濃湯或者蘿蔔清湯，平時食開重口味既同事當然揀左牛肉濃湯啦🤣烏冬煮到剛剛好食落好彈牙，吸收哂湯底既精華，雞肉壽喜燒嫩滑多汁，配料仲有紅蘿蔔同菜夠哂健康💯🌟午市套餐: 黑麻油雞翅、烤魚卷配滷蛋肉燥飯 我就叫左個肉燥飯，肉燥汁鹹度適中，上面有冬菇粒 (1/4隻冬菇既size👍🏻👍🏻👍🏻)雞翼好大隻又夠入味，連烤魚卷都好出色，表面烤到微焦有嚼勁，呢個套餐性價比好高😋😋😋🌟熱檸檬柑橘蜜飲品方面同事揀左熱檸檬柑橘蜜，甜度適中，呢啲天氣飲就最正😉🌟冷袍阿里山烏龍我就揀左杯凍既阿里山烏龍茶，口感清新☺️

經過金鐘見到呢間台式便當外賣店——🌟湕承 · 台式便當🍱 @taishibiandang 🌟一於買返個外賣返去試下😋呢到嘅餐牌好特別，每日Menu都唔同，唔怕食厭保持新鮮感👍🏻每個套餐都可以配小食或飲品架💕._.🐖｜燒汁豚肉湯燉米線 · 牛肉濃湯｜🐖🌟飲品：冰枸杞桂花蜜呢個可以揀麵底，我就揀咗米線🍜濃濃嘅牛肉湯底索曬啲米線好正，豚肉份量多，又夠濃味，正😋飲品都好有誠意，清清地又唔會太甜👍🏻·🐂｜慢煮牛筋 · 烤魚卷 · 滷蛋肉燥飯｜🐂 🌟小吃：紫菜豆腐湯呢個慢煮牛筋好正，慢煮完好腍身🤎仲有好香嘅烤魚卷，旁邊仲有好多配菜，好豐富🤩飯係配上滷蛋肉燥飯，成個餐都好豐富✨而小食我就揀咗紫菜豆腐湯，紫菜都有好多好足料架🌟._.@taishibiandang📍湕承 · 台式便當 (金鐘)📍金鐘夏慤道18號海富中心2座2樓98舖

約咗人嚟金鐘交收，順便一齊食晏。金鐘一向出名搵食困難，唔係超貴就超多人。唔想同人逼，提議嚟海富中心 2 樓呢間「湕承」買外賣。餐廳主打台式便當，食物分為幾個系列，有湯燉、乾拌、古早肉燥飯，另外每日亦會有三款是日便當提供，價錢好經濟，劃一價 $68，包小吃或飲品。我哋每人揀咗個便當，蒜蓉海蜆粉絲鍋.白米飯 配 蒜蓉椰菜 ($68) 同 台灣車站烤雞.滷蛋肉燥飯 配 冰胎菊桂圓蜜 ($68)。蒜蓉海蜆粉絲鍋.白米飯：粉絲鍋好足料，海蜆有成十隻，肉質飽滿，食落鮮甜又無沙。粉絲索晒啲蒜蓉同蜆汁嘅精華，令味道更有層次，用嚟送飯一流！台灣車站烤雞.滷蛋肉燥飯：烤雞水準亦唔錯，雞皮燒得好香口，肉質嫩滑，咬下啖啖肉，很滋味。伴吃嘅滷蛋亦做得很用心，食落蛋黃香味非常濃郁，加埋酸菜、青瓜同惹味又唔油膩肉燥飯一齊食，夠晒豐富。蒜蓉椰菜煮得火喉恰好，食落口感好爽脆，有蒜香味，用嚟送飯啱晒。另外杯冰胎菊桂圓蜜用料亦唔馬虎，打開見到入面有唔少杭菊花蕾，入口帶蜜味，唔會過甜，清熱解毒，有助抗疫。

今日經過金鐘海富中心，順便試一試台灣菜，每天都有不同的精選套餐供選擇，如果不想等的話可以選擇Whatsapp訂座，這家湕承· 台式便當位於金鐘，主打外賣，價錢以金鐘的位置來說算合理，主要是性價比較高🤩主菜+小吃/飲品 $68燒汁豚肉湯燉讚岐烏冬豚肉湯無得頂，而且豚肉係半肥瘦，食落去口感岩岩好，呢個幾唔錯，而且還要是燉烏冬，這種食法也是第一次食到，確實又係幾好味😋所以忍不住把整碗湯飲曬佢慢煮豬軟骨.烤魚角.滷蛋肉燥飯之前食過慢煮美食之後，的確是有點食過翻尋味，所以一見到慢煮豬軟骨，二話不說，立即點了這個，其實都幾足料，有豬軟骨、烤魚角、滷蛋、肉燥，一個人食已經超級飽🤣好吃指數：8/10性價比指數：7/10餐廳名稱：湕承· 台式便當餐廳位置：金鐘夏慤道18號海富中心2座2樓98舖電話：69391910