湯加 (麗閣商場)

营业中

休息中

成間舖頭有臭味、成浸尿味，應該用廁所地拖拖埋門面好臭 成功舖頭感覺好污糟🫠條馬友一定是極唔新鮮、又腥又臭個肉又嚡 🤬🤬個湯一啲味道都冇懷疑係加水再煲 再加味精 🤬🤬個湯一啲味道都冇懷疑係加水再煲 再加味精

依間野生存到咁耐仲有咁多間分店真係神奇。話澳牛服務差果啲一定冇食過湯加魚米。啲侍應態度衰到我懷疑係咪同個老闆有仇，繁忙時間你人少做唔切我明，好多餐廳都係咁，但寸到應都唔應你，就真係第一次見。最屈機係埋單果時，個侍應話淨係識收現金，要等另一位同事先可以收八達通或支付寶。再強調，唔係唔收，係佢唔識。收銀都唔識依間野個老闆真係開善堂。不過坦白講嘢食又唔太差，廚房果班係正常，不過管理同服務就真係不知所謂。

中午食飯時間，咁大間舖得兩至三侍應，幾張枱唔得閒執，叫餐大約等十分鐘，侍應見到你幾次，只係叫你等等，但係點解唔落咗單先做其他嘢，咁個客咪唔使一路舉手，一路吹你囉，嚴重人手不足，如果你趕時間嘅，想食快餐嘅，千祈唔好去。

明明有枱又唔肯執。一個職員叫自己搵位，轉頭另一個鬧你唔排隊。同佢講返係佢啲人叫客自己搵位既，而家你話排，又無飛又無隊，都算。咁咪話等佢帶啦， 仲要不停鬧你唔排隊。我再重覆係佢地叫人自己搵位，但而家咪等佢派，佢竟然無擋板下，叫人打對面搭枱，而其實佢有枱唔肯執！唔想做生意就祝你老闆快啲執左佢！服務零分，唔該。😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

趁公眾假期費時同人迫，去咗新裝修嘅屋邨商場食，晚餐時段人流少，坐得舒服。#清湯米線見佢個餐咁抵，原本諗住加多$4轉刀削烏冬，點知賣晒。無奈之下叫返清湯米線，以為實冇死，但食落發覺個清湯竟然係辣辣哋……可能係師傅唔小心彈到啲汁落去碗湯，不過對於接受到少少辣嘅人嘅講應該okay嘅。配料芽菜同腐皮都冇譚仔咁多。#蜜汁豬扒2塊中型size，但浸湯試唔出蜜汁味，下次要另上，同埋件扒大部分係肥豬肉🥲仲有少少油噪味。#心思思想食甜品，叫咗個涼粉伴紅豆，份量偏細，味道可以，奶味出，涼粉質地硬身但接受到。整體很一般。

食物基本冇問題，豬軟骨要讚但係服務態度好差，我都唔係要求5星級服務呀我埋位坐見張枱有污跡我叫黑衫呢個抹一抹枱，佢即刻黑面，講真係你地既應該要做好架嘛？仲有夜晚個後生仔(不過唔係成日叫到佢，可能係PT)叫佢執枱佢收兩隻杯走就算，係唔會返轉頭再執架，激到你爆炸

第二次去麗閣，路過新開既魚米，第一次來。 豬軟骨比較鞋， 炒辣雞和雞翼食落好硬，薯條不過不失 , 小朋鐘意食, 唯獨較好係炸魚塊好鬆脆， 公仔麵個麵都幾好食， 小朋友都比較鐘意食

平日早上冇嘢做，條街又少人去食個早餐先魚米雖然午餐晚飯主打米線，但早上餐牌頗多西式嘢選擇，同不段茶餐廳差不多甚至有班㦸都好多選擇，港式嘅都有我選了粟米火腿頂級通粉配炒蛋（我轉了煎熟蛋）及牛油多士跟熱飲餐來了，通粉好大碗牛油方包好厚切個通粉幾有驚喜大大粒，同連鎖大字輩嗰啲好唔同由於比較大粒，所以冇咁淋，好爽彈份量都幾多有4塊大火腿，除咗送通粉之外可以用來夾麵包通粉個湯有忌廉雞湯味即係罐頭湯嗰陣味都夠濃另外我將炒蛋要求為煎熟蛋蛋就正常可惜未完全熟晒

5月14號朝早九點幾去食早餐，落單叫左兩個M7，要炒蛋多士，兩杯凍檸茶。上左一杯凍檸茶一杯凍檸水都算，廢事麻煩都照要。落單果個阿姐負責上餐，我哋果陣明明叫多士又比班㦸，仲要係到話「你哋落單果陣有冇講啊」。果下炆到，落完單你又唔覆單又唔比單，仲要反問我哋係咪無講，唔係話麻煩客，你比左單先既我都可以喺你出餐前同你講你落錯啊？廚房又係，件炒蛋上面全部黑色一點點，果鍋用嚟炒蛋之前擺明無洗，成碟野啲油黑蚊蚊既，上餐前又唔睇，隻碗個邊全部都係油漬都夠膽死照上比客，咩服務？