源發潮州粉麵 (已搬遷) 新店位置

今晚女朋友ot, 所以去左九龍灣接佢收工, 黎左呢度食...其實都唔係第一次食,雖然唔算得上好食, 但亦未致於其他食家講到咁差既..- 魚旦魚片米+腩汁"多青" $17: "青"真係夠多, ok啦...- 蠔仔肉碎粥 $25: 普通啦, d蠔仔都新鮮既...- 魚皮 $12: 分量少左d- 生菜 $6: 冇特別...食完有d口乾, 應該都唔少"師傅"...不過$60者, 仲想點....

天氣熱爆，卻又想吃蠔仔粥就買左碗返地盤﹗打開熱辣辣香噴噴，全場工友問我食咩咁鬼香﹗25蚊價錢合理，都幾大碗，米質圓潤而綿長，吃落有咬口質感岩岩好﹔肉碎份量亦多令粥吃落更鮮甜。主角蠔仔相當大粒，有相為證真係成個羹咁大隻，洗得乾淨無沙，不過其實我都係鍾意細隻0的既蠔仔，大隻用來送粥味道是夠卻嫌味道過濃搶去粥的鮮味﹗有個個人問題就係小弟唔食芫茜，但呢度就芫茜蔥及蒜粒早已較好一碟，一係就落一係就唔落，無奈地落左返到地盤先發現芫茜切到碎哂，想挑番佢地出來真係慘過大海撈針，挑左成十五分鐘先食到，仲要仍有芫茜味真係慘情﹗只可怪自己唔識食吧﹗

很久無去淘大, 難得來到, 會來這兒食豬什各式粉麵 $17/ 碗我選了以前常食的豬什河, 不過今次很失準, 兩條粉腸都是苦的! 食過咁多年都未試過. 其餘豬什就保持水準, 不過份量比以前少了.朋友是牛腩精, 今次叫了蝴蝶腩, 可惜只有"蝴蝶"是稔, 主角牛腩又乾又硬, 而且又少又碎濕濕. 朋友話下次唔再來

在門口大大個招牌寫明"馳名蝴蝶腩"覺得好吸引,跟友人商量於是入內一試每人order左一樣的lunch set(蝴蝶腩米 + COT) $23一上枱,蝴蝶腩碎碎的,一d都唔完整份量又小得可憐再望望友人的,三碗都一樣咁碎咁小心想賣相差唔緊要,最緊要好味道夾件蝴蝶腩,一食落口嘩!!!!無肉味既,好un呀 淡而無味,想點呀?同友人你眼望我眼,大家都無講野,得!完全明晒!!好後悔,早知去隔離富記或行遠d去日月星好過很失望,真係一次就夠晒 呢間野,等執la

本來諗住去富記食車仔輀,點知收左檔,又見到隔離咁大個牌寫住馳名蝴蝶腩,所以就入去試下...叫左咖哩蝴蝶腩撈公仔麵同一個碗韮菜豬紅豬腸...先講後者,呢個幾好味,豬紅夠滑味夠甘,而豬腸亦好肥好大舊,個湯亦好香,可能落左炸蒜粒同不少味精-_-之後到撈公仔麵...嘩呢個真係唔掂,麵''lup''好似一''pat''野咁,咖哩又唔香又淡0的伴碟既椰菜好凍又硬...最緊要係0的蝴蝶腩,真係唔掂,好'un''好鞋口而且又乾,好似食緊煲湯瘦肉咁...本人絕對唔推薦大家試蝴蝶腩...完全唔知有咩特別...

一向都知A問D亞姐服務差,見成半年未食過經開就比次機會佢啦! 一入去坐左都未有2分鐘以經有個亞姐走過來揸住張單企係到吹你問你叫乜,2個人叫左一個豬手河,蠔仔粥,炸大腸,先來蠔仔粥(曄)!味精勁到呀!自問我都係食得濃味但係都好惡頂,要叫支可樂先得,食食吓數吓D蠔得10粒好似豆甘細粒,灰曬!!!! 再來炸大腸,唔係吓成20蚊得幾粒!都唔知有冇8cm長,不過味道都ok! 到豬手河,2舊豬手都一D肉都冇仲好硬,最大鑊D芽菜味煮過就放落去碗河粉到,同個亞姐講佢仲話係甘!到最後食左2啖冇食,一問甘難食嘅餐廳都唔知點解會成日甘多人食?

星期日一班人決定黎e度食午餐,今日朝早都食左d野,所以叫個九菜餃生麵食算la,味道不過不失la,價錢又唔係貴唔係第一次黎,一大班人食係迫D,今日仲要倒捨水,搞到幾狼狽下...不過D伙記唔會話你但又唔幫你清潔下咁....同之前D食家一樣,你一入去阿姐就問你食乜野,完全唔俾時間你諗...p.s:蝴蝶腩唔掂,賣相同味道唔得豬頸肉配米線賣相唔得,但friend話味道唔差係咁多

由舊鋪食到新鋪, 身為九龍灣老街坊都真係睇住佢慢慢沒落...新鋪服務態度一向都極差,黑口黑面,十叫九唔認,不過由舊鋪食開覺得食物水準唔錯,而家新鋪就係屋企樓下,唔理服務態度有時想食下粉麵佢都係幾好既選擇.而家...唉唔止d 服務差, 連食物品質都極滑落尋晚先至食完黎, d蝴蝶腩鞋口,無肉味,乾,好似蘇絲黃話齌仲硬過佢條命,離晒譜.豬什無件入到個胃. 如果蒙埋眼試都真係唔知食緊d 咩.一路食一路就淨係覺得乾鞋硬無味. 係得個大腸係keep 住次次食都覺得幾滑.最嚴重既問題係佢極重味精! 次次食完返到屋企都係甘勁飲水, 次次食完果晚都成晚眼光光訓唔到, 後來先知關味精事.你d 野係肉黎,如果係新鮮既就自然有鮮肉既味有咩理由仲要落甘多味精?仲要d 人叫極都唔理,由入門口到收錢都黑口黑面,好似佢次次都免費請我食甘.真係食到火都黎埋.一次半次係甘其實我都可以接受...次次去食都係甘就真係無可能再去.我要乜丸物丸粉麵度度都差唔多,我唔好去搵個服務好既地方?

今日食了招牌蝴蝶腩河,味道ok,少少偏咸...凍奶茶,一般味道,冇咩茶味,奶又唔夠...服務就最差,d待應大聲講細聲笑,傾閒計,總之就嘻嘻哈哈傾計唔做o野,感覺佢o地好似開party！！！

以前會尊登搭車去食，自從開咗呢間新店後質素差咗好多，Ｄ蝴蝶腩好硬、豬肝有Ｄ酸味一定隔咗好多日己經有Ｄ變壞，舊店阿姐好好人架，佢事頭婆不騮都黑口黑面，我地幾個女仔以前係舊店有次同老細講笑佢見到想殺人咁既眼神，宜家新店個Ｄ全部都係親戚所以係同事頭婆一樣寸到爆，可以一試Ｄ水蛟好新鮮不過最喜歡食既豬肝同蝴蝶腩都走哂樣所以唔會再去食，如果蔡瀾去到佢試下比佢食我試過酸味壞豬肝，我唸蔡生重會否推介去到羅湖都值得去食

招牌蝴蝶腩河...的確不夠腍又不入味...河粉還算ok另點了黑椒豬軟骨，凍冰冰，味道一般不過不失吧!阿姐們真的幾串~

食完件炸肶，唔夠喉...坐低食碗招牌蝴蝶腩河...嫌單調，來個雙併，加埋水餃添...蝴蝶腩韌到無倫，不入味，不吃也罷...心中正盤算要俾個大喊臉，一口咬啖水餃，咦...水餃包得胖嘟嘟，木耳絲及筍絲下得足，蝦及肥豬肉参半，出色，忽然想起劉森記嘅出品...OK臉la..

試過招牌菜蝴蝶腩及豬雜,不太特別亦特別去試豬肺,分兩種,果皮紋豬肺很稔,質感軟軟的;另一種是清湯豬肺片,好多片,好大塊,但好像有陣羶味,不太接受到故會選擇食返雲吞河,湯底好多芽菜,雲吞唔錯,不過要等耐啲(即使炎夏質量都保持到水準)以往冬天會出煲仔飯套餐,三十多元,有菜有飲品,此套餐一個人食啱啱好,是冬天放工後不錯的選擇其實好多朋友都唔鍾意嚟,因侍應往往會催客人快啲點菜,食食下又要迫客轉位(完全無得say no),問佢攞杯水又不情不願

我次次去親依間野,都要扮做時運高架..點解?因為成間舖啲人嘅眼都係生喺額頭度,冇話正視對住個客.咩人養咩狗,啲伙計同老板娘一樣咁cheap,同朋友黎食,每order一樣食物,佢會即係講,係未咁多?大佬呀,我都要等你落好order先可以繼續叫,如果唔係到時漏單,佢哋未又黑臉...都唔知咩世界,反而客人要睇佢哋臉口...

一向食開舊舖, 尋晚9點幾先到九龍灣, 舊舖收左檔, 咁唯有去新舖試下. 9點半坐低, 舖頭大約坐左6,7台人, 台台都食緊野.廚房冇咩做, 心諗都唔會好耐, 叫左個豬什豬肺河.等到9點8, 又多左三,四台人入泥坐低, 但我碗野都未到. 心諗舊舖1分鐘就上菜, 新舖點解咁耐?! 我背住門口坐, 特登望返門口睇下佢地做緊乜, 同等d侍應注意下咁, 見到班侍應o係度傾閒計,飲檸水, 冇咩做咁.....不過都冇咩關係好喇, 等到9點9, 開始火都泥o既時候, 見到9點8果三台人乜野都泥齊已經食緊, (包括幾杯野飲,腩飯,什河同肺河之類) 即刻嬲到爆炸. 5分鐘做到三台的order, 15分鐘都做唔到一碗粉!? 諗都唔諗轉身走人. 終於有個四眼仔想留我, 話做緊.....喎. 當然我冇理佢.之前睇到舊舖上的剪報,蔡瀾話"為左呢碗豬什, 店開在羅湖都要走一趟." 我會覺得可惜, 同埋......舊舖一執我呢世都唔會食源發了. 垃圾.