源興隆麵家

营业中

休息中

墨魚頭米魚疍粉西洋菜菜芯汽水合共$59.00佢主打係墨魚頭，食過覺得係新鮮，但唔夠墨魚味，好普通魚疍都有彈性唔腥，魚味唔係好濃西洋菜好清甜，依家好多粉麵店都係生菜、菜芯、通菜，食到厭，所以好鍾意有得食灼西洋菜嘅舖頭

今餐想食得清D，所以走左去食粉麵源興隆的墨魚鬚頭粉好多人食完都讚，但係我唔食墨魚，最後叫左:魚餃河粉($16) OK啦，魚餃不過不失。如果可以多番D餃 少D粉就好啦西洋菜($10) 好新鮮 真係諗唔到會咁好!食物平平無奇，無令我再返黎的衝動，不過都算係一個唔錯的選擇

是日午餐, order 如下:墨魚頭鬚麵 - 正! d 墨魚鬚超爽脆! 條條都好脆好易咬 個麵 gei 簡水味又唔重, good 呀!overall,成碗麵都好正!大大碗都只係 $16, 抵!冷氣夠唔會食到成身汗.會再來試下雲吞 or 鯪魚餃!

自從搬出西環之後, 就好耐冇嚟西環, 上個禮拜六經過呢度就諗起自小食到大的源興隆麵家, 因為細細個就好鍾意食粥粉麵, 唔鍾意食飯. 墨魚鬚頭河粉....$16一坐低就嗌咗碗墨魚鬚頭河粉, 鬚頭好爽, 河粉好滑, 湯底又鮮味, 正...炸魚皮 ...$10呢碟炸魚皮脆得嚟真係好香, 好有魚味, 正...樽裝汽水...$5食完之後仲同呢間既老板傾咗幾句, 贊佢d 嘢仲係我以前食過既咁好味, 令到我一邊食一邊懷念住係西環既開心日子, 好幸福.

我和sheep深夜覺得有點餓…本來想去波記碰一碰運氣…波記沒有開…宵夜想吃麵的就只好來到源興隆…店內一個人都沒有…只是伙計在洗地…我和sheep點了墨魚頭河和雲吞麵再加西洋菜外賣…我是第一次吃墨魚頭…我想會不會和魚片頭差不多的呢…原來墨魚頭是墨魚頭部連鬚的部分…咬落去十分彈牙…很有咬勁的…不錯…~不過河粉呢…就不夠滑了…Sheep的雲吞麵沒什麼特別…雲吞不算大粒…普普通通的…西洋菜就有點失望…不甜而且有渣的…可能我一心以為會有榮記的水準吧…而且份量有點少…不甘心呢…!!最後值得一提的是我和sheep的粉麵裡面都加了大量的蒜(不是我們要加的哦…我們不知情的…所以如果不喜歡的要跟伙計說聲呢…)…味道很濃烈…而因為有蒜的關係…湯底喝起上來和其他的有點不同…不過可以確定的是吃完之後必定是充滿口氣的…

呢間粉麵店唔經唔覺有二十幾年架啦果時食既係魚蛋粉云吞麵湯底好青有九菜味香現在當然無咩特唔特別係未有咩魚蛋王時期呢度既魚蛋牛丸都係人手打叫做係西環最好既廣州粉麵店佢, 江記, 英記 可以話係果時石瑭咀既宵夜三大天王.佢就粉麵, 江記粥同西米露, 英記牛舌蘇培住我成長!所以吃起上來有親切感又好吃可惜佢對面既新華園齊賴已不在............ 我6歲吃一次要吃2碗才滿足..... 童年呀

昨晚放工覺得肚餓,想食潮州粉麵就入去食番碗豬肉丸拼墨丸河!!墨丸雖彈牙但肉質較'實',不過墨魚味好濃,豬肉丸盯爽夾彈牙,河粉很滑唯一缺點湯底較淡,如果舒適度及等候時間同祥興相比,呢度好好多,但味道及價錢則祥興優勝,各有千秋!!

呢度其實只係一間普通的粉麵舖，吸引來幫襯的原因純粹因為門口標明這裡有「墨魚頭麵」，墨魚丸就食得多，墨魚頭就好少粉麵舖有得供應，所以今日就有興趣傍晚入來試試。墨魚頭即墨魚的頭部連鬚的部份，口感比墨魚肉或墨魚丸更有咬口，但就比較硬，如果胃力不佳者要趙爛至好食，如果牙力都唔夠就建議唔好食。15蚊一碗，唔算太貴，一試無妨。