源記餐廳 (已結業)

係門口聞到好大陣牛什味,所以吸引左我入去~牛什味好正:牛肚:好林牛腸:清潔得OK,無臭味,湯入左腸,好味牛肝:比較乾,但算可以米粉:吸曬汁!好正!跟手我加左菜,其實得好少,所以唔化算另外檸茶無特別~

當日19:00早早到左，基本上大圍市中心成條街都係餐廳，不過家人話食碗粉面就算就入左源記餐廳。既然黎得話明係牛什專家就試下一碗牛什面，湯頭濃郁，牛什洗得乾淨，唔錯之後叫多碟油菜=]

呢間野開咗喺大圍都有成年，今次係我第一次入去食。入面環境都算乾淨, 卡位都坐得幾舒服。咁我就叫咗個午餐楊州炒飯48蚊，味道都唔錯份量都算多，但真係好油好似好唔健康咁

今日黃昏時段路過在大圍，順便在源記餐廳食下午茶，叫咗一個焗一焗系列的椰香葡汁滑雞飯，$43蚊連埋奶茶。熱騰騰的焗飯要用飯碗舀取來吃，舀起接近有兩碗，四件雞肉都大大件，炒飯底粒粒飯香很清爽，起絲的椰香葡汁相信一定有芝士，味道香濃；奶茶香滑都唔錯，其實晚餐我也吃過椰香葡汁滑雞飯，$60，我覺得晚餐同埋下午茶個份量都好似差唔多。下午茶時間至到6:00完結，呢餐下午茶都足夠我可以當晚餐，好抵食！如果係禮拜六日同埋紅色假期呢每款係要加$2嘅，$45其實都抵食啦！

落左車好鬼肚餓，貪佢近大圍火車站，大大個招牌好易搵到佢，♥源記餐廳♥應該都係做街坊客生意多。晚上8點去到，原本一開始想普通叫個沙嗲牛肉通粉，點個無沙嗲牛，又無通粉，咁咪再嗌個炸菜肉絲米粉，點知又無炸菜肉絲，諗住轉雪菜，點知佢又無，已經肚餓但咩都無。。。真係好失望！😞算啦，咁就求其叫碗牛肚河，好彩佢有姐！不過食到碗河都唔係好事，因為唔好食。。。🙁牛肚同麵其實都幾多，見到啲湯咁深色以為好濃味好入味，點知一啲味都無，食完就好似無食過野咁。跟手叫左杯凍華田少冰，都係同碗麵一樣，無味，唔甜，好似飲緊啲溝稀左既野咁。。。應該都唔會再有下次。

今天星期五，今天下班，回家后冇飯開，自己落樓吃晚飯，新搬來，就冇原因下入左源記。點知乃曬野，乃到上心口，D味道差，好鬼難食，超唔新鮮D野食，最緊要D肉硬過橡皮，咬到牙交軟曬，痛住走，分分鐘要去睇牙科醫生，嘩，心里已經十分不爽。再加全場粗口連珠爆發，真係色又冇，味又冇，香又冇，牙又痛，耳又刺，5感完全被盜取，勁過聖鬥士天平座剎加。簡直是奇蹟餐廳，極樂淨土世界咁呀。下次，米搞我大佬。哎呀比＄都唔會再去。

點了一個茄汁雞扒焗飯，光頭侍應說葡汁雞扒焗飯?我話不是，是茄汁。他說: X (粗口問候!?!!!)我問是不是有飲料? 他說正價。我說要杯可立。我再看menu, 明明是送。我又問他，他說茄茸雞扒飯才送，我叫的是茄汁雞扒。我說餐牌根本沒茄汁雞扒，只有茄茸雞扒，他說: X, 給你玩死(!!!)，之後回來把單飛我桌上，掉到地上!!! 我沒當時沒發火，忍者吃飯這頓飯受氣飯便走。不想受氣的話千萬不要來這餐廳!! 是很少見到的這麼沒禮貌對待客戶的人。

今日去完踩單車, 去咗大圍, 踩到好攰, 身水身汗, 交咗車之後, 喺轉角位有間源記餐廳, 茶餐廳入面有燒臘之外, 仲有粉麵, 我叫咗碗墨魚丸麵, 大概十分鐘之後有得食, 麵質爽滑彈牙, 最讚就係墨魚丸, 非常之q彈有口感, 一啲都覺粉

食左兩個早餐 一個雞扒米粉一個豬扒米粉兩款扒d肉都好“鞋” 另外加左腸仔 蛋同牛油方包 腸仔條味都怪怪地 阿姐落單明顯吾熟手 好彩另一個人咁岩check左單 吾係就黎錯食物 總結黎講 吾會再去食早餐…………

晚上又到源記開飯，家人是芝士粉絲，兩款晚餐都芝士，第一款有餐飲送的芝士椰香葡汁焗豬扒飯有餐飲送，已經介紹分享過，值得推薦，不再重複。第二款是芝士蝦仁炒米，很香脆的炸米粉，芝士成濃汁，芝士味道又不太濃，雪藏蝦仁就一定爽口，有餐飲送。不過.......人，最怕反面，炸米粉，都怕反面架！反咗面，成碟油囉！真係試一次就夠哂了！我的牛肚麵走蔥，牛肚夠腍又入味，生麵爽口冇乜梘水，OK啦！是欠兩條菜咁啦！是晚飯人均消費$51

呢日去踩單車，仲要朝早落完一場超大雨，又黃雨。不過我地信天文台，佢話下午會無雨，於是我地就照去。出發前，都緊係要食餐好先啦，咁就黎左呢間食啦。金銀蛋肉蒸水蛋 $44，食落又幾好味喎，雖然呢間源記餐廳起大圍都有一定歷史，不過黎食呢個菜都係第一次，而且係星期六呢日先有，我都食到真好彩。水蛋加皮蛋，一軟一橡皮狀的兩種蛋，加起來個口感好令人難以忘懷，真係想一食再食。簡單又一餐，而且今餐清淡又健康，多啲咁食下都幾好，其實唔駛一定餐餐要有肉嘅，咁樣食下菜食下蛋都可以好好味。

作為一個大圍街坊，每次想食碗河粉時，都會想起來源記，尤其係呢度既牛肚河，這兒的牛肚炆得好焾，個湯頭都唔錯，河粉很滑(當然，這只是河粉廠的功勞😄)。之前，我也試過叫牛筋，一樣夠焾及入味。也試過叫燒焟食物，但燒焟食物的水準很不穩定，有時叉燒整得好美味又焾身，有時又燒得很乾，不知道是交貨來的，還是他們有自家燒焟工場??而這兒的即炒食物，都算Okay既。試過在這兒食早餐，等食物，等到頸都長，自此以後，都不敢來食早餐。經過無數次來這間茶餐廳，總括而言，我只會在這店叫牛肚河或即炒食品。

第一次叫牛坑腩河，已經貴過人，仲要比d垃圾我！第二次，比多次機會佢！叫牛筋牛肚河，無牛筋賣就轉牛腩，d牛腩完全咬唔開，牛肚好似絲咁幼！絕不回頭！！又貴又勁難食，都唔知點解開幾間分店！！垃圾！

同老婆喺大圍食早餐，佢話唔想成日食燉奶佬，所以就食源記。個早餐唔加七蚊得一碗粉麵，咁就梗係加啦！原來仲要加多兩蚊周末附加費。我叫沙爹牛麵佢俾通我！算啦，當公仔麵唔健康，所以冇叫佢換。d牛有d牛肉味，都OK。加咗蛋煙肉方包。蛋冇味，塊煙肉好普通，塊包都係普通水準啦，冇驚喜。老婆叫香濃茄醬鮮牛通，佢話個湯一d都唔濃，仲好淡！茄醬有一茶匙咁大把。d牛都係一般。反而佢加一蚊烘底變咗塊厚多士，好過我塊牛油方包好多。整體一般。

睇完演唱會諗住去大圍是但食d野就返屋企最近火車站 源記餐廳 心諗近近地是但就算喇！早知去阻離個燉奶佬！都只係一步之隔！好污jo lo! 一定唔會再去D杯杯碟碟已經好污jo!一路食一路大有好多野飛黎飛去！ D呀姐攞個面個時用手攞 d手指真係插晒落個碗到 佢重要無手套 插完個碗又汁檯又再插碗衛生超差差到第一次用open rice 打負評完全唔想再食落去 是但咬兩啖就走左！好彩佢碗野無俾我見到有任何生物！！如果唔係我一定xzy佢！