源記餐廳

营业中

休息中

剛剛過去嘅 #星期日 #小秘書 忙過不休，朝早未夠9點，已經準備出門口去尖沙咀學整 #甜品，見早咗少少到，就喺附近嘅 #源記茶餐廳 食埋個 #早餐 先去上堂。見自己病咗咁多日，一於叫個大餐等自己高興吓🤩 我要咗個 #豬扒麵 併 #餐肉煎蛋，再加 #熱奶茶🥳 係咪聽到都想食呢？個 #麵底 唔錯，好爽口，煎蛋+餐肉可以夾入 #白面包 裡面，#自製三文治 見塊 #豬扒 大大件又炸得幾靚，諗住唔錯啦，味道都真係唔差嘅，可惜有1/3都係肥肉，食到 #小秘書 成口油😪 要扣哦分囉👉🏻👈🏻

Yesterday, we wanna have lunch in YuenKee, but there're such a long long queue outsides the restaurant. It's funny that no one waiting for "new Yuen Kee" which located right next to YuenKee. But no one wanna go insides, lol guess the "new" one is for touristsCause there're few tables before us,  we left for another day trying YuenKeeFinally, today, we waited for around ten minutes and got inside. The shop is quite small and crowded.I ordered shrimp dumpling noodles, and it surprised me in good w

凌晨時段係尖沙咀想食麵 周圍行下見到呢間茶餐廳仲開緊 價錢都合理 就入左去叫左碗牛什麵 結論就係好鹹好鹹好鹹 重點要講三次 首先無可否認佢個麵質係彈牙好食既 但男朋友叫左碗撈粗 鹼水味十分重 相反我碗湯幼又冇事 然後講下啲牛什啦 咪道係好食既 但因為真係好鹹 我食到一半都分唔到到底係個湯底鹹 定係啲牛什鹹 總之就成碗野都好鹹 同埋啲腸好肥 仲有個師傅同侍應都黑口黑面咁 態度都麻麻地 不過$30幾蚊碗 仲要凌晨時段就算啦 我唔會話佢難食既 始終個麵同啲牛什係大舊同好食 份量都ok 但真係好鹹。

第一次食呢間😪，見評論正正常常禁以為無伏啦，結果真係太失望😔。首先服務態度好差，好唔耐煩禁，最緊要係買單個陣！佢地會偷偷地係單度多加錢！！！明明燒味雙拼係50蚊，佢地入單係59！差成九蚊！但餐牌都係寫明50，結果呢，佢地死都話係要加9蚊，最後我真係發脾氣！然後叫我同屋企人死開一二邊企，然後有個男人就話加6蚊就得啦，細牌有寫。收銀個婆婆真係好惡。。。係會鬧你話你嗮佢時間，食霸王餐。最後就唔知點解收多我6蚊就完啦。大家睇清楚張單啊，呢間真係呃錢💰同埋見人講普通話就會態度更差😊

好耐好耐冇食呢間喇咁啱OT完畢想食嗰間車仔麵又閘左門😭所以大家同事決定轉陣地去源記以前成日都嚟呢度食粉麵，事隔~我諗應該有起碼五年冇食，我嗌咗個雲吞牛腩米粉，大家同事share個油菜，所有野都維持不變，味道不變，五年前後都係咁上下，中規中矩不過可能係其他粥粉麵飯會有啲唔同嘅，但係我以前同今次黎食，都係食呢一款野居多😅😅😅評價唔到其他嘢食添😝不過同行嘅同事話尖東嗰間好食啲，但係呢間乾淨啲🙂

有事去到尖沙咀，錯過了午餐時間，到了下午五點鐘，實在太餓了，便在附近搵食。路經這間源記餐廳，便打算隨便吃些什麼填飽肚子。店舖外面的招牌寫著是牛腩專家，但是我選了西式扒飯餐，任選扒一款配餸兩款，可選飯或意粉。我選了魚柳炸帶子腸仔意粉，配羅宋湯，選了之後暗暗後悔，因為其他人都是吃下午茶餐或者牛腩麵，這時不是午餐或晚餐時間，恐怕要等很久吧，幸好五分鐘左右便可上菜，而且熱度剛剛好。羅宋湯有點太鹹，但湯水濃稠，蘿蔔蔬菜夠多又夠淋，不錯。意粉也很好味，軟硬適中，汁也充足。進食期間有一位女士搭枱，她點了牛腩河， 說也奇怪，她吃完了所有河粉，卻剩下大部分牛腩。幸好我沒有點牛腩麵。

晏晝行尖沙咀，想搵食飯地方，絕不困難，一去加連威老道加拿芬道附近全是食肆， 最後有點指兵兵走大法去左一間「 源記茶餐廳 」， 如果食茶餐廳來這間的選擇很多， 炒粉麵飯燒味樣樣俱全，價錢在尖沙咀來說也算合理。餐牌分佈分明。環境也算整潔，雖然有點迫。今次特意選上一個燻蹄飯， 燻蹄都算肥美，但有點韌，分量牽強能夠滿足一個成年人。 幸好這杯熱咖啡，都很香滑夠味。在尖沙咀這地方，這個價錢來說，都可說是一間價錢合理的餐廳。

Always been here for breakfast.Fired egg today was so so, more creamy normally.Tomato soup noodles was tasty, with some beef and think texture.

我每星期都會有兩三次去食，近公司，食物係ok既，但我今次去完之後，永不會再去，因今次食完之後，去收銀俾錢，發現自己揾吾到銀包，應留低左係公司，身上只有$35（應付$54），之後我同收銀阿姐講（年長的：「吾好意思，我留低左銀包係公司，我放低$35元，即刻返公司拎。」即俾粗口回答：「叫我留低部電話」，我話：「我成日黎食。」，佢話：「總之我吾x理你。」，其他在坐的客人都望了過黎，令我好尷尬，只好放低部電話回公司拎，俾人用粗口咁話，就算野食好，都吾會再去，同理估吾到佢咁爛口。

放lunch同班fd是旦揀間野食，結果就伏了。我就食西多士嘅，個多士唔知係過期定點，食落怪怪地，啲糖漿都遮唔到啲怪味。食完格左幾個鐘，成班fd係厠所相與，痾到有聲。大家知咩事啦。

香港人出名忙碌 日日返工見同事嘅時間仲多過見屋企人 有乜野難得過係公司遇到一個好老細呢 而我就好好彩 公司有個好老細今日就請我哋所有人食下午茶 咁我哋就叫咗尖沙咀呢一間源記餐廳嘅下午茶 係第一次試食架咋 因為我哋公司樓下啲餐廳最近裝修緊 所以我地就試吓新野雖然呢一間餐廳係出名食牛腩同燒味 但係估唔到佢嘅下午茶都好有水準咁我今次呢就叫咗吉列魚柳配雜果沙律 佢啲沙律好多沙律醬 而且啲雜果好大粒啖啖水果幾好味 但最正嘅係佢塊吉列魚柳 好大塊而且熱辣辣 外脆內軟 咬完一啖即刻有煙出 果然好有水準 依間餐廳啲下午茶平均三十幾至四十蚊 我啲同事都話遲啲會再encore!! 唔錯😁

Eaten the worm……so sick.And the service attitude is poor.Besides they have long waiting time.No more coming……

今日係美麗華做完物理治療後, 本身都係的出的入點到點GA LA~因為行動不便嘛, 不過今日做完之後有D餓, 而且又遇上的士交更時間, 係乜車都冇既...咁...唯有去食個TEA 先啦...係香港食下午茶真係好開心, 去到外國想食TEA, 最多咪搵CAFE 坐下食件CAKE, 香港茶記真係世界級!!!要乜有乜勁多選擇!由於病左好耐, 難得放監, 就梗係叫D 邪惡野啦..有肉既下午茶餐有豬扒/雞扒/雞翼/雞脾/炸雲吞/魚柳揀.因為我呢幾日食過雞脾同雞翼, 所以就揀雞扒..點知咪失手咯XDDD換轉平時我一定揀雞脾!!!跟餐配薯格/ 沙律, +3蚊轉半件西多.係係西多呀!!!!西多!!!!!!!!!抵就唔抵家喇, 不過可以過下引咁解啦, 又唔洗食哂FULL SIZE 行自我感覺良好路線!!!雞扒好乾... 賣相都唔係好得~~算啦, 放監有得食過下引已好好喇. 好返先揀好野食啦~食完快快脆返屋企休息算啦~~~

因為趕時間先入去食。地方好逼又成地垃圾。價錢貴過一般茶餐廳好多，下午茶時間食個墨魚丸麵加個熱奶茶要成$55。又唔係特別好食。侍應服務OK，但如果我要食服務我都唔洗去呢度。上菜時間合理，個奶茶三分鐘內到；墨魚丸面就10分鐘內到。D侍應既態度都算幾好，我俾錢時問點解杯奶茶咁貴佢就提醒我佢地呢到食面係冇餐既。但係咁點解唔係落單時提我呢？佢仲叫我下次記得呢度係冇餐，我就同佢講都唔會有下次㗎啦！墨魚丸麵個味道正常，但係份量真係比較細，如果唔係當下午茶食，應該食兩碗先至夠。

係尖沙咀想食碗雲呑麵唔係易事🤦‍♀️🤦‍♀️🤦‍♀️因爲附近太多特色餐廳啦 見到呢間半茶餐廳就二話不說咁入去啦 叫左一個雲呑牛筋麵 一個墨丸麵 芥蘭加腩汁 凍檸茶少甜少冰 兩個人食好飽😂 個雲呑牛筋麵 d雲呑得兩粒🤷‍♀️🤷‍♀️起碼都要有三粒啦下嘛⋯⋯牛筋就正常腍啦 不過不失墨丸真係食到我阿🤦‍♀️🤦‍♀️😂勁油 一d都唔彈牙🤷‍♀️感覺食左成粒肥豬油落肚🤦‍♀️🤦‍♀️湯底又整到好油 係個芥蘭好食d 因爲當造😂😂下次真係唔好亂試墨丸😭