源 · 茶

营业中

休息中

今次嚟到屯門稔灣嘅T.park，係呢個世外桃源原來都有一個幾優雅清靜嘅小餐廳。由於今次係食咗嘢食先你，主要嘅目的係你浸Spa，只係咁啱浸之前經過呢度嘅Cafe，見到餐廳裏面都有啲輕食，所以就試咗佢嘅甜品—— Tiramisu其實未到上我都唔會俾太多特別嘅期望，因為始終位於呢啲比較偏遠嘅地區，同埋見到去餐廳裏面並冇一個特別做甜品嘅工房，所以都係透過外來入貨嘅甜品。不過令我有啲驚喜嘅係，呢度食甜品嘅餐具都會配合返呢個園區轉廢為能嘅主題，食甜品嘅餐具係一支可以食得嘅餅乾，概念上係幾有趣嘅，不過未到上同口感上就有待改善。同埋呢度食嘢嘅方式係全自助式，即係除咗你買餐要自己拎餐之外，食完之後仲要自己處理餐具，要自己清潔乾淨用過嘅餐具，算係一種幾新鮮嘅體驗。

去到山旮旯咁遠一嘗環保再生能源cafe。成間餐廳有無印良品feel，枱椅用翻新木頭，包括舊灣仔碼頭拆卸嘅木樁，份外親切。邊食邊望廣闊既后海灣，簡直心曠神怡，仲可以出露台影海景相，十分推介。cappuccino 賣$28，物超所值，唔會輸蝕一般嘅Cafe。雲石芝士餅$25就係預想中既普通，不過啲人係推介熟食，我太飽就食唔落。呢度記得要預約，有免費接駁巴士往返V city，車程大約半個鐘。導賞團大約45分鐘。係親子、打咭及了解再生能源既好地方。

估吾到T•Park有一間咁舒服嘅cafe！第一次去 T•Park, 浸完嗰舒緩嘅『源 · 泉』，肚仔好肚餓， 當然要醫下肚呢間cafe 野食好食，又提倡環保，值得支持！係舒緩和放鬆身心的好地方。

星期六日想遠離香港既繁華鬧市，不妨去位於新界西屯門T•Park。佢本身係一個獲獎既多元建築，集合不同功能於一身，適合情侶拍拖或一家大細玩反一日。T•Park 入邊既餐廳叫做 Tea Cafe 源•茶。除左出售有機食物之外，佢更加鼓勵顧客惜食，量力而為，不浪費。而且用餐後，顧客要自己清潔餐具，完全建立一套與別不同既用餐體驗！餐廳整個廚房及用餐區，遠眺后海灣景色。源頭減廢。減少廚餘及碳排放，惜食素食。相右邊係食客自行清潔餐具區域。提供天然有機清潔濟及用具。廚房亦會先進行高溫消毒再使用用具，乾淨衞生，十分貼心！既然著重環保，餐廳所有枱櫈都係用灣仔碼頭既舊木加工制造。不單止環保，而且十分美麗！由T•Park團隊提供餐廳使用。今次叫左一個素肉丸意粉輕食版($40)，一碗紅菜頭雜菜湯($12)，一枝有機洛神花果汁($18)。共港幣70元正，真係價廉物美！紅菜頭湯好甜。用料充足新鮮，用左紅菜頭、腰果、蕃茄煲。真係好值得加12蚊享用！洛神花果汁係新生精神康復會製作。好好味又支持到佢地個會運作！素肉丸意粉原價45元。由於係輕食，有5元優惠，折扣後40元。坦白講，份量完全唔少！若果唔算大食既朋友，應該都會

難得平日放假，友人約我T.Park浸SPA鬆一鬆。我們係導賞集合的時間前已到，於是就試試裡面既餐廳 《T.Cafe》。整體感覺比我想像中好，環境寧靜，而且食物水準不錯。我們點了3款食品，意粉份量大，而且有機意粉粗，口感實淨。(下次來要選「輕量」可以減$5)《有機菠菜忌廉火腿有機意粉》，素火腿肉質彈牙，飽肚感十足。不過忌廉汁味唔夠濃。《鮮果沙律》(全份)，生果種類不多，有火龍果、雪梨，但新鮮多汁。《鮮茄煙三文魚有機意粉》，鮮茄汁味濃，令我食唔停口，最值得推薦！而且價錢合理！吃完lunch，跟朋友參加了T.Park導賞團，雖然只是聽佢講有少少悶，但最後頂樓的風景真係好靚！值得逛逛！

今日黎到T park參觀 行下行下 行曬全個園區 影下相 行左大概一個幾鐘 起等待回程既接駁巴士我地黎左呢個源區內既源茶位置 享用午餐雖然只係一個角落位置小小既cafe但有幾多配搭既沙律 咖啡 蛋糕 可以選擇 當中有兩種比較飽肚既主食我地叫左牛助條 煮到岩岩好時間 仲好入味質地唔錯 旁邊既意大利包就有好濃郁但好天然既香草味 兩樣野食落都非常醒胃另外杯飲品拉花同味道都唔輸比一般商場既連鎖咖啡店到最後黎返件芝士蛋糕 入口有淡淡既天然豆味 芝士蛋糕食落輕盈清新呢度既食物俾我既感覺係比較貼近食材原味 食完都唔會好有負擔感

如果唔係book到黎T-PARK參觀都唔會有機會試到呢間餐廳餐廳以素食為主，格局係開放式，相對感覺舒適。而食品選擇雖然唔算多，但食品既質素卻令人覺得驚喜意外平時好少嘗素既我地就order素肉丸肉醬意粉估唔到肉丸無肉類成份但味道就好相似仲好入味另外就試左豆腐cheesecake，味道清新又唔會好甜 呢到既特式係自助所以用完所有餐具要記得清新乾淨先歸還臨走既時候就買左樽有機豆漿(無糖)淺嘗，可能無糖既關係所以好重豆味 🤣🤣下次有機會要簡有糖試下😂

一早預約了到t.park走一圈，地方不算大，原本不打算吃東西，但浸完spa走了一會有點肚餓，見到有一小餐廳，人不算多，種類還可，坐底叫了個意粉和一杯朱古力。 落單後要自行取餐。南瓜肉丸意粉做起時熱辣辣， 肉丸內有少許馬蹄， 拌着幾片蔬菜，還不錯呢！熱朱古力一般般，味道不夠濃， 若然不夠甜可加點糖水， 但對原本已經不夠濃的朱古力來說，有點溝稀了其味道。員工服務態度不錯， 可能同休閒環境有點關係。 食完要自行清潔餐具， 對環保出一分力。

第一次來到T. Park參觀，裏面有一間輕食餐廳，全自助，還要自行洗碗。絕對配合節能減排的意念。這餐廳面對后海灣，景色相當優美，絕對是非常休閒的好地方。今次點了一個蕃茄意粉，味道有點出乎意料。番茄很新鮮、很鮮甜，意粉硬度適中，肉丸很彈口，面對着這美景，這一餐的確休閒滿足，讓自己慢活一天

位於T park內的源·茶，可以享受大自然簡約的餐廳，還有教育意義。餐廳內以輕食為主，環保節能，全自助餐廳，用餐後，要自行清潔碗碟啊。餐廳外有露台，對開正正喺一個開揚嘅海景，望著對面嘅海港已經係大陸嘅地方，景觀一流美絕。

T Cafe 位於T park 內, 非常簡約的一間 Cafe, 主張低碳生活及低碳食物, 餐具全部可以循環再用, 場內的木檯木櫈都系由循環再用的木制造的, 非常環保。呢啲木嘅傢俬全部是實木, 非常重, 但木質及木紋就超靚, 愛死它了。這間Cafe 最吸引人之處除咗坐得舒服, 就系背後這個無敵大海灣, 開揚的美景盡收眼簾Cafe 只提供簡單的輕食及飲品。選好了食物.....選了這個靚位吃我的午餐。車厘茄、腰果、水耕沙律菜配牛油果醬 + 即磨咖啡套餐($49)即磨比我想像中好飲, 香濃而不苦澀。沙水耕律配搭營養豐富, 有齊一日所需之營養要素, 可以隨個人喜好再加陳醋及橄欖油, 環保水耕蔬菜夾雜陳醋香, 清新爽脆, 簡單美味。食完唔該自己攞返d杯碟去洗碗盤洗乾淨先好走, 相信此舉會嚇怕不少港男港女顧客.