溢駿餐廳

营业中

休息中

個日收晏左，同老公2個搵間餐廳食個快飯見到啲到小菜都好多選擇真係好多種類，花多眼亂，睇左一輪都係揀啲好送飯既小菜粟米魚塊粟米底仲有啲菜絲、入口爽脆魚塊炸得好脆口，粟米汁都夠多送飯一流沙嗲牛仔骨煲份量好足，都有好多牛仔骨，仲有唔洗配料，有洋蔥、青瓜、仲有菠蘿！汁料味到岩岩好、夠曬濃郁，又係送飯一流！簡單2味，上菜都真係好快👍🏻每一個小菜套餐，都包白飯 連飲品或例湯！會錢經濟實惠，而且仲要快靚正！簡簡單單又一餐！

我前日前往灣仔一家茶餐廳用餐，這裡的經驗並不令人滿意。該餐廳的環境昏暗且殘舊，衛生狀況一般，桌與桌之間的空間也很狹窄。在看了菜單後，我選擇了他們每月特價的魚香茄子飯。然而，這道菜讓我感到失望，因為它看起來非常油膩，雖然都幾大碟。此外，我加了$3點了一份例湯，湯裡有蓮藕和蘿蔔等配料，份量還算不錯。我還點了一份特餐，其中包括五香肉丁面，炒蛋和兩隻炸雞翼。但是，這裡的雞翼非常硬，難以入口，讓我只吃了一小口就放棄了。此外，我另外加了$4點轉了公仔麵。公仔麵的味道還算正常，並沒有什麼特別之處。對於這家餐廳，我並沒有太多期望，只是因為求其路過，趕着填飽肚子而已。總括而言，如果你對餐廳的期望不高，因为平，或者只是為了填飽肚子，或許可以考慮一下。然而，如果你追求舒適的用餐環境和美味的食物，我建議尋找其他選擇。

今日lunch同四個同事落去食有三個叫咗喇沙米線嚟到嘅時候賣相正常當我哋都想試吓嘅湯底既時候就完全出晒事只可以話係有喇沙味嘅水完全冇任何調味清過清湯睇個顏色完全唔明點解可以咁淡喇沙米線嘅餸係有味嘅但係啲米線淋晒之餘，就好似浸左係兜清水到咁當我哋同店員講想睇吓係咪廚房唔記得落調味佢話俾啲鹽我哋好似完全唔驚訝我地所講既野見怪不怪一樣最後同事們落左成支鹽先有味呢個米線已經唔係好唔好味或者抵唔抵食既問題係個清水一樣既湯底應該將呢道食物完全下架希望唔好再有人中伏

去開灣仔，諗起當年灣仔返工有間好平好抵食既茶餐廳，一於去舊地重遊餐廳依然冇變，下午茶一樣係好多選擇，只係個價錢比當年加咗，呢個價以灣仔區都仲係抵，太多選擇諗咗好耐，終於揀咗咖喱香茅豬扒飯🍛、黑椒雞扒燴意粉🍝黑椒雞扒燴意粉，黑椒汁加咗洋蔥，味道調教得好好，亦唔會好辣咖喱香茅豬扒飯，裏面有薯仔，好大碟，咖喱好香濃，豬扒醃得好入味只要識係灣仔捐窿捐罅都可以揾到平嘢食，又多款式選擇，價錢又經濟，而且呢度啲姐姐服務態度仲好好添👍🏻

環境大，價錢合理，後一條街X島係超貴，質素大家五五波，我一定揀尼間，食過好多次都係下午茶，價錢比附近茶記平，較大碟，服務很好，食物熱辣辣，如果咁arm係灣仔，想平平地，選擇多，服務好，坐得ok舒服，可以一試，今日食咖喱牛腩撈公仔面，牛腩一d都唔hea, 有筋，有腩，有膜。面同汁都不錯。平野正。

灣仔平民化既茶餐廳😉灣仔食茶記 呢一間已經相對黎講叫實惠既茶餐廳 價錢合理份量足夠 而我經常都會捕捉佢下午茶既尾尾去食 佢下午茶時間2:00pm-6:30pm 算係灣仔區下午茶最遲既茶餐廳 所以我經常都會係度打等 今次一個人食🍝沙爹金菇肥牛炒河 $43肥牛份量非常之多 無論賣相味道都比好過評價 下午茶既份量真係會食到你好飽 有時都可能食剩tim😂🥤茶走呢間茶餐廳既奶茶完全冇令我失望過 茶味重 香滑夠甜😋餐廳環境其實有啲殘舊 坐得未必舒服 見到卡位沙發都爛哂 真係需要裝修一翻 但論食物而言呢間真係抵食冇得輸

餐廳舊，坐位很迫，坐得唔舒服。重有烏蠅飛來飛去！價錢平，員工有禮親切。叫了沙爹牛肉蛋麵加咖啡32元算是很平。沙爹牛肉冇乜沙爹味，個人覺得麵就太冧，咖啡一般。最差是多隻烏蠅飛來飛去！五分鈡食完走人。冇下次！

限聚令放寛咗可以去食晚餐，今日揀咗去食勁耐無食過嘅茶餐廳。我無特別睇食評，淨係見佢近地鐵站就走過去。入面無咩人，但係啲枱擺到好密，連一個中等女仔身型嘅人都攝唔入咁制，卡位張枱又同張凳拒離勁近，食野要坐得直過用矯形凳，勁唔好坐。🍜麻辣米線配金菇肥牛 ($47)到重點，食物，碗麵一上枱嗰陣有少少嚇親，肥牛份量多到成個碗面都係，食極都有淨，米線分量更加唔駛講，仲要搭多兩隻荷包蛋，分兩餐食都食唔哂。不過平民餐廳就唔要求肥牛薄切湯底靚啦，麻辣湯底唔麻又唔辣，淨係多紅油。份量嚟講超哂班，品質嚟講就不過不失，普普通通嘅茶餐廳啦。

返工經常要去不同的地方見客， 又可以試下不同地方的餐廳， 今次到位於灣仔譚臣道105-111號A及B舖的溢駿餐廳。 午餐時段點我最喜歡的咖哩牛腩飯+ 凍咖啡$55， 價格正常， 咖哩味道普通， 不算突出， 薯仔只有兩舊， 牛腩有幾件，但口感不夠腍， 整體屬於一般水準。 凍咖啡質素也是一般， 咖啡味道普通。一向對茶餐廳沒有太大要求的我， 食飽已經好滿足， 可以有時間周圍試到不同的美食， 都是一件樂事。 溢駿餐廳地址: 灣仔譚臣道105-111號A及B舖

溢駿餐廳位於譚臣道，一出灣仔站就到，由於朋友在附近工作，所以他久不久都會過來探吓這裡的奶茶認識這店已有多年，但始終覺得食店名字有點難記，每每和朋友相約在此，都只會說在譚臣道茶仔等，所以自從寫了開飯食評，真的會令自已對食店印象加深。下午二時許仍有許多食客。下午茶由2:00pm -6:30pm , 價值由$29-$41,不等，而且選擇種類多，由包點至碟頭飯、炒粉麵，足足有46種選擇，梗有一款啱你心水。喜歡這裡可以選擇上海麵或是辛辣麵，所以相當有彈性。由於今天已吃了午飯，所以只點了奶茶和西多士。香濃奶茶~店員端上檯面時熱騰騰的，她不小心倒瀉了一點那滿滿的茶，即時很有禮貌地賠個不是，一讚。茶夠熱已加分，加上那茶味香濃滑溜，值得一試。西多士$29~下午茶餐$29 包餐飲，西多內還有花生醬饀，灣仔區抵食之選。涼瓜魚塊飯$39~朋友未吃午餐點了碟頭飯，點餐前向店員要求少飯少汁，當端上檯面時，滿滿的一碟，筆者再看鄰座食客的標準Size ，份量相當足，單憑這點就吸引到很多食客。

今日由於要黎灣仔一早search定有咩好食但連食碗粉都要$3x起跳...食個扒餐都要$65...心灰意冷之際見到$48蚊午市飯狗衝啦仲駛諗?每日有6款@@ 每月3日重覆都夠多款特餐好大份...無叫到 好似好食d咁隔離飯好香我既意粉意粉無炒過 無油好健康但d汁就好多..唔記得走汁....好耐無食過炸野了豬扒夠軟有炒許肉汁帶子就普通料凍飲加3蚊下次飲熱飲啦都係~50有找嘛我就忍唔住加3蚊啦行到咁熱總結:灣仔食飯連熱飲$48！仲要近地鐵站。抵呀！上菜快!但預左一定要等位除非你1人啦

湾仔茶餐厅林立，今天吸引我幫襯就是这个口水鷄肶飯 。口水鸡"这名字乍听有点不雅，不过这名字的来历倒却有着文人的温雅。郭沫若在所著《賟波曲》中，有："少年时代在故乡四川吃的白砍鸡，白生生的肉块，红殷殷的油辣子海椒，现在想来还口水长流……。"烹调赐拈来"口水"两字，倒成就了大名鼎鼎的"口水鸡"。口水鸡之所以叫口水鸡是因为有很多花椒，吃了会麻到嘴巴瘫痪不由自主流口水。可能因为要遷就港人口味，完全没有麻的感觉，返而多了酸味，再加上微辣，雞肶做到嫩滑，送飯还是不錯。

話時話，明明係呢條街打滖過，都無幫襯過呢間茶記，皆因灣仔大把平野揀，我就專食平野既，下午茶時段貴過40都要諗諗，但今日入到黎，見到呢個特餐，有芝士、餐肉、肥牛等既野，忍唔住食呀。 環境:門店玻璃貼左防窺貼紙一樣，唔會睇到入面既，餐廳黎既算好大呀。 食物:特餐，奶茶，夠滑幾好，車打芝士火腿奄列，份量正常，無車打芝士味，係好淡既芝士，好微蛋味，勝在火腿多，餐肉肥牛辛辣麵，辛辣麵唔太辣，份量都多，好多肥牛，但無乜味好鞋，餐肉厚薄味道正常，味道唔太得，份量合格，不過呢個價，唔抵食呀。 溢駿餐廳

中環的《溢駿美食》是一家快餐店，而灣仔的《溢進餐廳》，以茶餐廳的形式經營，環境比中環的老店好得多。由於這兒是茶餐廳，堂食絕對沒有像中環店般用即棄餐具，而餐飲選擇方面，也同中環的老店有很大的差別。早餐，是一個香茅豬扒公仔麵，大大片的連骨免切豬扒，夠硬，夠味，再加上了香茅的味道，很是香口。在沒有特別要求的情況之下，我只有一匙、一叉，食這樣的一塊大扒，沒有刀，幸好，我還有牙。午餐再來，點的同樣是豬扒，是一碟洋蔥豬扒拼漢堡扒飯。這一個洋蔥汁十分之濃味，基本上，整個飯的味道都是來自這一層厚厚的汁。豬扒的質素同早上的豬扒麵一樣，夠味亦夠硬，而同樣地，我只有一匙、一叉，食扒要用牙力，也要用手力。漢堡扒是超市常見的細片裝豬柳漢堡，作為這一個飯的大配角，合理。奶茶，是夠香滑的一杯茶，同中環店比，這奶茶是比較出色的。我本人對奶茶的要求，相對來說比較簡單，夠濃夠香夠滑夠奶已經可以滿足我。中環的浪漫是《溢進美食》，簡單的快餐，簡陋的飲食環境，以平價做出了大眾化的美味早午餐，是中環工友之福。灣仔的浪漫是《溢進餐廳》，地方寬敞的茶餐廳，食品多元化，是灣仔區打工仔的其中一個早、午、晚三餐必到的好地方。

忍唔住特登開個a/c鬧爆呢間野今日見落雨近近地去食lunch, 叫左個咖喱牛腩飯兜野黎到一倒, 牛腩得三粒, 係三粒呀! 仲要係牛腩碎咁其他果d係咩呢? 咪牛筋囉, 成兜都係牛筋乜而家牛腩好Q貴咩, 價你就識得加食完仲要趕客即刻收走晒你D野隔離位個客碟飯食到一半玩緊手機, 問人仲食唔食想拎走人碟飯真係搞笑!呢間野永久blacklist!