影片
营业时间
今日营业
07:00 - 19:00
星期一至六
07:00 - 19:00
星期日
全日休息
以上资料只供参考，请与餐厅确认详情
週中跟同事的平常飯聚，在茶記解決。同事叫的公仔麵餐，有火腿煎蛋加奶油脆豬，奈何都是不夠熱的。煎蛋火腿都是正常貨色，可惜脆豬完全不脆，徒得一啖錬奶甜甜地。更離譜的是所謂的扎肉公仔麵，就僅僅在一碗公仔麵上放兩小片扎肉，少得可憐！小人喜見午餐居然有西冷扒，毫不猶豫即時落單。牛扒靭以及多筋乃意料之中的事，可幸仍有八十巴仙食得到。一坨杰撻撻的黑椒汁淋在扒上，詎料竟是鹹到無影！薯條即炸，老正發揮。至於菜蔬有蕃茄仔、紅蘿蔔和翠玉瓜，好食與否，好疑惑矣。扒餐還可以，公仔麵餐不行。
继续阅读
今次真係迫我上黎寫我既第一篇食評，原因係，從未食過一碟極之難食既茶餐廳碟頭飯-豉椒肉片炒河，又名豉椒凍肉片濕碎炒河，無鑊氣之余，又無味😮💨。最後似係大家姐既侍應，問我做咩唔食呀？我本來唔想講，打算埋單當買左杯$45熱鴛鴦就算。佢話：唔緊要，你講啦！我咪話碟野凍架。最後佢都有良心，只收我單點熱鴛鴦錢😅。唉，問題出左係廚房，其實好食既野，環境一般，都會有人食，難食既野，環境幾好都無用。認真 夜晚既大廚要換！唔信，可以去試吓廚師手勢。
继续阅读
見到外賣紙所以試下結果真係難食到爆個外賣一嚟到啲湯瀉咗好多出嚟 搞到啲盒好油個擔擔麵勁咸 雞扒有啲粉粉地唔敢食50幾蚊真係好唔抵！！！！！！！！！！！！！！！！！！！！
继续阅读
本身係付近返工 收工諗住是旦食晚飯見到門口好似桑拿咁 諗住唔會差 點知真係差到我唔夠膽相信叫左個叉鴨賴粉 野飲超快上左 之後等左成半個鐘先上到賴粉叉燒平平無奇 燒鴨無斬哂 三舊連埋一舊 又多骨第一次食燒鴨要用刀之後個賴粉有一半係生 未熟。。。心諗應該好快收皮
继续阅读
最近荔枝角開咗好多新餐廳，咁啱經過呢間就入咗去試。估唔到工廠區茶餐廳有點心食。 試左一個鳳爪排骨飯同埋蟹子燒賣。排骨飯有茶樓水準，燒賣個樣都幾靚幾好食，可能我鍾意實在啲嘅口感，如果有啲肉粒係裏面更加好。另外仲叫咗一個沙嗲牛肉麵早餐，沙嗲牛肉好夠林，沙嗲味夠濃，個麵夠爽同埋彈牙，腸仔嘅味道同一般都好唔同，一定唔係廚師排腸仔。最難得係杯奶茶有傳統港式茶記嗰隻味，仲係用黑白奶夠晒香濃滑口，整體個早餐都唔錯。原來中午仲有小菜同燒美食，搵日真係要再試。
继续阅读