影片
专做街坊生意嘅港式茶记，晚市小菜套餐连白饭、例汤，人均都系$100，经济抵食，环境干净，伙记态度亲切，好有屋企楼下饭堂嘅感觉。猪骨萝卜例汤例汤足料，唔似味精水。萝卜猪骨熬得够火候清甜有诚意。沙姜鸡鸡件份量合理，鸡肉质嫩滑弹牙鸡皮仲有鸡油香，配上沙姜酱汁够香而不咸，仲有白菜仔，送饭一流。豆豉鲮鱼油麦菜经典配搭，家的味道，镬气十足，油麦菜新鲜炒得翠绿，豆豉鲮鱼嘅咸香吊出蔬菜甜味。奶茶茶底浓滑带红茶香，口感顺喉。价钱合理，简单又快靓正食个家常便饭。街坊小店嘅人情味同抵食度，整体份量足够，味道也有惊喜。
继续阅读
💫蜜椒薯仔牛柳粒饭首先上到枱, 闻到好香蜜椒酱香味, 唔洗食已经觉得好好味😛牛柳粒外层煎得微微焦香, 里面keep到嫩滑多汁嘅口感, 每一口都充满肉香, 薯仔炸到金黄酥脆, 少许㶶边, 仲有洋葱同彩椒, 平衡返牛柳粒和薯仔的浓郁滋味, 蜜椒酱嘅调味有d甜又有d辣, 提升左呢个𩠌嘅风味同层次感👍💯💫椒盐肉排饭卖相真系好吸睛, 望落去好似避风塘炒蟹咁😂流哂口水肉排外皮炸得酥脆, 入口每啖都感受到香脆的口感同埋肉质的多汁, 椒盐和蒜末增添了香气, 咸香中带有微微辛辣与蒜香, 增添左层次感😋😍🥤冻奶茶茶香奶滑, 出色!!!!! 夜妈妈9点几仲饮到杯岩口味嘅奶茶, 赞🥰💯🥤冻柠茶酸甜度岩好, 茶底不错👍
继续阅读
呢间茶餐厅好受附近街坊支持，因为佢哋坚持无味精，食物健康又美味。每位顾客仲会送一份例汤，汤底清淡，充满鲜味，饮完令人觉得特别舒服。我试咗豉汁蒸白鳝，白鳝肉质鲜嫩，豉汁调味恰到好处，唔会遮住鱼嘅原味，反而将海鲜嘅甘甜充分引出，真系好好味！再加上配菜，色彩缤纷，食得好开心。仲有云耳冬菇蒸鸡，鸡肉非常软嫩，云耳嘅脆口同冬菇嘅香气相辅相成，每一口都好有层次感。食材新鲜，厨师对品质嘅要求非常高，令人食得放心。呢间茶餐厅唔单止有美味嘅食物，仲有健康嘅烹调方式，真系可以话系家庭聚餐或者朋友小聚嘅好地方。下次再回来，仲想试其他菜式！
继续阅读
Lunch 想平平地食一餐，荃湾川龙街附近有好多经济实惠嘅餐厅选择。今日放早，去咗呢间滋味屋，家庭式经营，充满人情味嘅茶餐厅。Lunchtime 好多打工仔黎食饭，餐厅似打粤式小菜、茶餐、午餐等，炒得几日镬气！经济实惠。1） 腐乳南瓜蒸鸡- 比左鸡脾位🥰，鸡蒸得好滑嫩，鸡肉大大旧，软淋淋嘅南瓜，入口即溶。 腐乳同豉油汁捞饭最正！2）莲藕肉饼饭- 好大块莲藕肉饼，咬落去丰满爆汁，肉饼炸得金黄酥脆，肉质鲜嫩，一试难忘！3）莲藕排骨汤- 套餐附送，清甜美味，莲藕吸收咗排骨嘅肉味，饮完好开胃！
继续阅读
同事约我食饭，我哋去咗荃湾川龙街65号地舖的<滋味屋>食家常小菜，晚饭时段，小菜配白饭、例汤和餐饮，好经济实惠呀！唔怪之得气氛咁热闹。我哋点咗：🥢红烧豆腐 $77：豆腐嫩滑，配菜有 厚冬菇片和白菜仔，口感丰富又好味，唔错。🥢金银蛋苋菜 $77：份量不少，金银蛋好味，苋菜青绿好食。🥢豉汁蒸大鳝 $110：大鳝新鲜厚肉配豆卜，鼓汁惹味，送饭一流。🥢例汤系青红萝卜猪骨汤：足料老火汤，好好饮。🥢餐饮系冻柠檬茶（$3）和热柠檬水：消滞解渴。
继续阅读