滕王閣 (已搬遷) 新店位置

呢間嘢搬咗嚟呢度之後 我都好少過嚟因為實在係好遠不過去親都會買大量醬料返屋企 整返我最愛嘅湯底食但係唔知點解現場食真係好味好多因為佢有濃濃嘅人情味佢嘅韭菜餃依然皮薄餡靚其實你都可以買㗎不過現場食好味好多唔知點解同埋佢嘅滷大腸真係 好淋好入味次次叫親都叫大量餸扣底超級大辣湯底再加啤酒簡直人生一大快事真係好想佢搬返北角佢仲有新嘢就係腸粉我嗌咗齋叉燒其實係我朋友揀嘅非常之滑真係好好味如果自己一個人食 就真係試唔到呢個腸粉實在係太多好食嘅嘢啦

昨晚去長沙灣公園球場睇朋友踢波打氣，完場後都很夜了，成10點多，成班人一齊想搵地方宵夜，蒲行出街口就見到有間小店還開，一行十人有著落試吓街頭風味，這店專營腸粉和粉面，我地叫咗肉碎生菜腸，羅漢齋腸，叉燒腸和炸両，炸両認真正，油條係即炸，香脆，腸粉又滑，還有酸辣粉，好好味個雲吞粉亦唔錯，份量剛好，還有其他小食，嗰晚有風，風涼水冷，在大樹下別有一番風味。問阿姐，佢哋只係做夜市，下午6:00至晚上11點，有客就收遲啲。

想試依間小店好耐了🤩以前只有北角對我黎講太遠了🚌所以一直都無食過北角結束營業。都覺得可惜。🙁後來知道在長沙灣開左，終於有機會可以一試了！🍜同朋友每人叫左一碗粉🍜另外仲叫左個腐皮卷，不過無影到相。依到適合食素人士，因為有素食配料同湯底。湯底一樣係可以自己選食幾辣🌶🌶🌶亦有薯粉可以揀。今次揀左薯粉，但下次再食嘅話我會揀返米線。🥢因為薯粉唔係自己平時鍾意食個款。最鍾意係猴頭菇丸，係素丸，味道同口感都好得意。下次都會再揀！辣度揀左小辣，對我黎講一d都唔辣😂所以下次要試中辣🌶🌶支持小店💪🏼💪🏼一定會再幫襯👍🏼👍🏼

又黎解下題先👨‍🏫重點⚀:點解「滕王」識移動架❓滕王閣近來領悟左「移形換影之術」，中下午時份☀️會係長沙灣東京街，到左黃昏6時後🌙，就會「轉移」左去深水埗荔枝角道架啦。重點⚁:「登堂」係乜解❓滕王閣決定和「葷食」say goodbye👋,成為一間素食店，登入「素店之堂」🎉🎉了。重點⚂:「入室」係乜解❓顧名思義，「入室」即係「進入室內」囉。晚上的滕王閣，借用了「譽興餐廳」的鋪位。現時正值炎夏，大家可以在室內歎住冷氣開餐🥘，食得更加暢快了。是晚的車仔米線，點了「雙卷」~千層豆卷、腐皮卷作材料。千層豆卷是新食材🆕️，不過和腐皮卷相比，都是材料豐富的腐皮卷較吸引😋。此外，今次也揀選了素火腿，賣點是夠哂厚，咬落口感十足，也是不錯。除了車仔米線外，今晚還點了以下的食物:1 香煎腐皮卷2 素肉碎青菜腸粉3 紅油抄手4 涼拌辣椒圈首3款都是之前品嚐過的小食，腐皮卷的香脆、腸粉的熱度和滑度、紅油抄手的微辣惹味，都是一如以往的吸引😍。最厲害的要算是新推出的小食涼拌辣椒圈🌶，辣椒入口，辣味十足，頓時覺得「舌頭有餘辣，胃部變火爐」。有朋友說:「入口唔辣，但係...... 係喉嚨兜返轉頭就辣🥵」，也有朋友說:

自從北角果間無之後。都無再食過最近佢地係深水埗開有分店 就腳好多。宜家轉左全素。岩哂啲食素人士我今次叫左砂鍋拉麵。自選菜式味道同以前一樣咁好食可惜新店暫時無我鍾意既紫米漿 希望第時有啦

自從男朋友轉為素食者後，我們已很久沒吃到香濃惹味的米線了。坊間素食米線的湯底大多淡如清水，令人提不起食慾。無意中在素食專頁發現這間小店，一試後甚感驚喜。米線質感滑順有米香，素湯底濃郁鮮味，男友整碗喝掉也不會口渴，應該沒有味精。值得一讚的是它的配菜，白蘿蔔大大的兩條，餃子有五粒，份量絕不吝嗇，兩份配菜幾乎鋪滿碗面。我們還嘗試了他的堅果豆漿和即拉腸粉。堅果豆漿的豆味濃郁，甜度適中。即拉腸粉皮薄餡靚，配料份量適中，軟滑可口。十分推薦給素食的朋友。

今次揀左正宗素食酸辣粉，女朋友揀左麻酸辣。都係鍾意素食麻酸辣湯多d. 配料方面，我鍾情白蘿蔔，可能依家唔係時候，蘿蔔比較多楂，但仍然好好味。麻酸辣湯比起正宗酸辣湯層次更豐富，牛蒡丸也不錯。餐廳環境係戶外，幸好當晚冇落雨，氣溫也不算太炎熱，配上清涼嘅啤酒同埋汽水，份外寫意。其實今次亦都有時到佢嘅拉腸粉，感覺上細滑度不及外面嘅正宗石磨腸粉，豉油亦不像配以香料煮過，因此略欠正宗風味，但煮食器材和肉食分開處理， 值得嘉許。

佢而家搬咗去長沙灣 我亦都跟埋去竟然好似以前一樣咁熱鬧咁多人雖然坐得冇咁舒服落雨天可能開唔到檔不過至少可以做外賣當然麻酸辣湯底仍然係我至愛食完唔會口乾嘅湯底佢嘅新嘢就係豬肚喇幾好食喎鹵得夠入味又有咬口因為呢間做素食好多佛教嘅師兄係唔可以食蔥蒜嘅呢度做嘅韓式泡菜專登為佢哋而做老實講我都係鍾意食普通泡菜多啲但係 俾佛教素食者 多一個選擇我今次試咗佢個孜然雞軟骨老老實實我真係覺得佢落粉多咗油溫太高所以至會出現 睇落去燶燶地佢嘅齋蘿蔔糕真係好正入面有木耳有咬口素腐皮卷大大塊有咬口足曬料酸齋煙煙韌韌少酸美味夠曬醒胃

即叫即製腸粉，腸粉質地又滑又爽口，皮薄而挺身不糊口，係食過最好吃嘅腸粉。佢哋滕王閣有分素食和肉類，砂鍋米缐做得出色，湯底選擇多，有全素湯底和葷的湯底，煲煲獨立煮，又分開食具，非常貼心。腸粉亦有分素同肉，最難得係腸粉亦分開爐具處理，令素客食得放心 ，係非常有❤️嘅食店。營業時間放在下午七時至十一時，方便晩收工和宵夜人士，舖頭細但外面空地大，可放多張檯凳，夜晚坐在外面食嘢好有街頭風味，別具一格，服務亦好，時常問你意見，好有專業精神。

註:如果純粹想看食品介紹，請看「滕王閣的現在和未來」👀如果想估下自己諗唔諗到版主諗乜🤔，歡迎睇埋「滕王閣的過去」😆⚀滕王閣的現在~吃在當下到滕王閣開餐🥘時，腐皮卷通常都是熱門的「召喚對象」。無他，腐皮卷的size夠大嘛。不過，得個「大」字還是不夠的，不然，也不會有「大而無當」🙈這成語了。滕王閣的腐皮卷，size夠大，而且美味足料，絕對是既「中看」，又「中吃」，值得推介。除腐皮卷外，昨晚的另一「巨無霸」是蘿蔔。俗語說：「冬☃️吃蘿蔔夏☀️吃薑」，冬天是蘿蔔「當造」時節，今晚的蘿蔔，份量十足，味道很鮮甜。近來光顧的朋友，可考慮一下蘿蔔這個「口甜之選」。「紅油抄手」和「煎餃子」，也是昨晚的「桌上客」。職員把「抄手」端來時，已聞到微微的酸辣味道，「抄手」蘸上紅油，配上芫茜，滑滑的外層，豐富的餡料(紅蘿蔔、雲耳、椰菜、素肉粒)，再加上脆脆的煎素餃(可選煎餃或湯餃)，一口滑的，一口脆的，美味帶來的溫暖感覺，把寒意都一掃而空了。註:抄手和素餃，每碟均多於10隻，絕對是好味又抵食⚁滕王閣的未來~火煱黎啦📣📣上星期wtsapp谷的朋友講開，話滕王閣仲未有得打邊爐♨️，昨晚來到，已見到宣傳「韓燒火煱」的易拉架，

吃這碗鍋仔麻辣素車仔烏冬，寒風颯颯，一點也不淒涼，其實很爽。天氣冷，因為多了吃素，常覺得不夠温飽，所以決定今夜破戒吃些濃味熱辣辣的，素人界中滕王閣享譽甚隆，決定專程一試。可能今夜太冷了，差不多七時，也祇有兩個客人，店好細，不外賣就要在行人路上的枱吃，路上有參天高樹，對面是李鄭屋邨，很有街頭風味。熱呼呼的烏冬是即叫即煑，大蘿蔔是signature dish, 吸满微帶麻辣的湯汁，好味到不得了，腐皮卷是自家製，真材實料，牛蒡丸有牛蒡和香菇味，彈牙有咬口，熱騰騰的烏冬伴着木耳、椰菜和素肉碎，吃得十分滋味，湯汁鲜甜，我好快已把烏冬和湯吃光渴光，立刻暖笠笠。

此店雖然係葷素店、但對素食者非常尊重！盛載食物的碗碟砂窩都會分開的...抵讚！另外職員細心有禮貌、難得！ 店員會照顧客人口味、可隨時跟店員溝通食物味道👍🏻他們還有自家製 綠豆糉 花生糉. 還分別有蛋或走蛋兩款素糉供應. 純素者又多一種選擇.每次必叫 素食版砂窩底另加腐皮卷、蘿蔔、木耳絲、豆卜、雲耳、炸枝竹、米絲或米粉.他們營業時間係晚上7:00至零晨12:00. 適合夜放工或喜愛食宵夜一族！飲品方面 有紫米豆漿及我個人喜愛之 竹蔗水！十分好味！正！

賀"喜嘆美推素心歡"滕"素友紛來尋陳李"王"張諸姓臨名揚海"閣"天涯問無肉食品"展"巧手終成素店兌"鴻"願各區開業遍地"圖"昨晚終於到訪 滕王閣的長沙灣新店，3號風球下，涼風吹拂🌬，在室外用餐，別是一番風味。每次光顧，米線當然是「必然正選」✔。微度麻酸辣的湯底，令人倍覺開胃，吃完再喝👅，不但把素火腿、猴頭菇丸、炸腐竹等吃光光，更把湯底喝了個大半，要不是喝得有少許口乾(可能是有些味精吧)，真會把湯全喝掉的。除了米線外，今晚還吃了「香煎腐皮卷」和「雞蛋、木耳、青菜腸粉」。即叫即整的腸粉，大大碟，保證新鮮，入口又熱又滑，配上3種不同的材料，讓味蕾又要忙於分辨各式各樣的味道。腸粉內的木耳和青菜都是大片的包在內裏，並非切絲，所以咀嚼時，會清晰的聽到"颯颯"的聲音👂，感受到爽爽的木耳和青菜，這碟「即拉腸粉」，也值得一試👍。