滾爺火鍋 (上海街)

营业中

休息中

見到食評好似都唔錯就去試吓，伏晒！我相信冇咩人鍾意全餐飯催你食快啲，都冇人鍾意張枱細一次上晒啲餸。首先黎左個椰子雞湯鍋，跟住就不停上嘢，個湯焗緊就已經叫我地快啲飲「你地仲有好多餸未上」，湯唔熱架？點快！我哋都盡飲，已經見到個牛肉出左佢地櫃頂，由於未食到枱面嘅嘢，上唔到牛，個牛就不停起出面等，到上枱已經溶到開始出水變色，又要張2款餃自己合併一碟，全晚食到好似限時餐咁！得一樣嘢叫好味（椒鹽魷魚），其他都唔得！肯定只此一次！🤬除非你想食快餐！

一年四季香港人都好鍾意打邊爐, 真係唔會悶既！諗唔到食咩就啱哂啦！同阿囡黎食,全部佢發板, 呢度質素有保證,唔會參次有啲好食有啲唔好食,我好放心任佢揀。蕃茄鍋湯底, 好濃郁好香, 放咩配料入去都好入哂味 ,一上枱已經好大鍋, 可以原汁原味一直滾！美國安格斯板眼,即炸魚皮,唐生菜,松葉蟹棒,烏冬, 食得好盡興好飽！中上級數之選！選材一啲都唔馬虎。我地坐低無耐, 聽到大枱又有,細枱又有陸續入座, 好在早啲黎咋，大家黎食記得打個電話預約左先。

唔理咩天氣，只要有冷氣一年四季都會想食打邊邊啦!依間火鍋店近油麻地站 A1 出口，位置方便，設有自助醬料區，最特別既係有新鮮青檸，可以整個青檸豉油試下🐥招牌椰子雞鍋（半隻雞）$248🥥椰子湯底即開即倒：有2個椰皇加上2個椰青，完全冇加水！店長教我哋用大火滾熟雞同埋珍珠馬蹄（聽講三年先會成熟）、海底椰等配料，煲滾後熄火焗5分鐘即可煲蓋一拎起就聞到濃濃椰子味🥥老闆建議我哋飲湯先，第一啖飲落真係好鮮甜🤤🐔雞肉好新鮮，選用左文昌雞，肉質特別嫩滑，雞味濃郁🐓配埋個青檸豉油真係正到呢~~~手打四寶丸$88有4款：🐮牛肉丸、🐟鯪魚丸、🦐蝦丸同🦑墨魚丸，手打果然特別好食，我最鍾意蝦丸，夠鮮味又彈牙🐂美國安格斯板眼 $188一盤份量都幾多，放上檯果陣仲有陣陣仙氣，好有儀式感我地叫左最平果款牛都好正，油花紋路好靚，肉質好嫩，厚薄適中，又夠肉味即炸紫菜響鈴 $68即叫即炸，好香紫菜味，索滿湯汁超好味平時自己買/出街食既響鈴都會有陣油溢味，依度即叫即炸夠新鮮，好食好多

「滾爺」火鍋店舖位於上海街，交通方便，而且很多人介紹，後來我發現尖沙咀也有一間分店呢！在眾多湯底之中，我們選了招牌椰子雞鍋 （半隻），店員細心地替我們即場用2個椰皇加2個椰青開鍋，還細心地向我們介紹，湯底沒有其他水份，只有椰青和椰皇，真的十分鮮甜！文昌雞雞肉也非常嫩滑，我而且份量十足！其他的火鍋配料都很新鮮，我們叫了手包鮮蝦雲吞、白滑急凍米線、（唐三藏）田園菇菜拼盤等。我最喜歡的是手打鮮牛滑，令到湯底更加味道提升，又可以吃到粒粒滑牛，值得一試！

朋友好火鍋，黎到油麻地的滾爺火鍋店。原來週末都幾多人，同友人要上樓上雅座。由於近排食得太多野，決定叫得清 d。招牌椰子雞鍋(半隻雞)上檯，哇，有兩大椰青和兩小椰皇，再➕🐔果然真材實料。店員幫手倒椰皇、椰、,馬蹄、桂圓,加入雞肉大滾後焗。5分鐘後便可食🉐，先飲湯，非常清甜！雞肉鮮嫩滑溜。爽口手打鮮蝦滑 蝦滑爽口彈牙,鮮味十足鮮淮山，韭菜餃子鮮味爽口，波浪形狀，更添口感！餃子 4 只一 碟，皮薄餡多，韭菜綠油油，够鮮味。食食下，周董的歌響起，氛围歡愉！整體來說，食材新鮮，美味又價錢吸引！

行完朗豪坊，想去打邊爐，見到呢間滾爺火鍋都有好多好評，去到的時候唔使排隊，就入咗去試吓。間餐廳唔大，以黑色為主調，所有枱都係放兩邊，所以全部都係梳化位或者卡位，都幾好坐。因為得兩個人，都叫唔到太多嘢食，原本係想試佢招牌椰子雞鍋，見到佢有胡椒豬肚雞鍋，就俾佢吸引咗。胡椒豬肚雞鍋同椰青雞有啲唔同，上枱嘅時候雞同埋豬肚都已是煮熟了在鍋入邊，熱返就食得，個胡椒豬肚湯好香濃，都飲咗兩碗。另外叫咗個佢嘅招牌四寶丸，一碟牛肚，同埋一碟菜。招牌四寶丸係新鮮手打丸，個擺盤都好靚，最好食係蝦丸。整體嚟講，餐廳都好乾淨企理，最鍾意佢個電磁爐火力夠晒勁，好快滾。另外，醬料係自己行出去拎，都有齊芫荽蔥生熟蒜，豉油等等，不過醬介要收$18一位。店員親切有禮貌，因為係小店，就冇連鎖店那種匆匆忙忙，服務唔錯。酒水主要就有啤酒汽水可以選擇，兩個人埋單六百幾蚊。

窩夫與蝦子餅日前光顧旺角的「滾爺火鍋」，是少數營業至凌晨五時的餐廳。被安排坐在地下那層，主要是二至四人枱，設有大電視供球迷們觀看足球賽事。入座前已經想好要哪款湯底。點餐後先取醬料(每位$18)，衛生情況叫人滿意。職員將招牌椰子雞鍋($248)的材料分開送來，相機食完才將全部材料放進鍋裏。先放野生馬蹄和椰肉，然後放半隻海南文昌雞，最後倒入兩個泰國椰皇和兩個泰國椰青的水。煮至出煙便熄火焗五分鐘，餐廳會提供沙漏計時。椰子雞湯原汁原味，鮮甜無比。兩個人吃不到太多火鍋配料，點了牛魔皇拼盤($298)，有牛肩胛、牛舌、牛骨髓、金錢肚和牛柏葉，五款水準都不錯。手打四寶丸($88)的賣相有驚喜，四寶丸分別是墨魚丸、蝦丸、牛丸和鯪魚丸，墨魚丸有很多墨魚粒，蝦丸爽口彈牙。蔬菜方面，點了當造的西洋菜($28)，顏色翠綠，口感爽脆無渣。

旺角食火鍋🍲對於滾爺火鍋真係非一般的愛，只要想食得好，食得養顏又滋補，都一定要來滾爺火鍋。來到滾爺火鍋🍲必須一定要吃這個招牌椰子雞鍋，這個椰子🥥汁是以新鮮的椰青水，椰皇水倒在一起燜這個雞，雞以半隻雞份量，用固定的時間來燜，這個椰子水清甜好喝，變成椰子雞湯更好喝，而且超級養顏喔 $248主要的火鍋湯底介紹完，這裏的火鍋料和配菜都出名新鮮，食材品質高，所以我們還點了：脆鯇魚片 $88 超級大塊又新鮮的魚片，個人超級推薦即炸紫菜響鈴 $68 這個必吃也是新鮮炸出來的，好好吃的響鈴手包鮮蝦雲吞4 顆 $44 手工雲吞也是招牌喔鯪魚滑釀豆卜 $38 這個也是手工的豆卜，份量也多喔皇帝菜 $38 超級鮮嫩的皇帝菜，對於這裡的食材毫無質疑。

【旺角尖沙咀打邊爐🍲滾爺火鍋】-今日約咗朋友係旺角食飯😗諗住打邊爐於是去咗「滾爺火鍋」嗌咗個『滾得飽②人餐』加埋醬介，人均$350～-😋滾得飽②人餐🍲$598+1推薦指數：🌕🌕🌕🌘🌑因為兩個人好難嗌又唔想諗食咩😂所以就嗌咗②人餐🍲湯底揀咗「胡椒蘿蔔豬尾鍋」幾暖胃啲蘿蔔幾清甜～配料有西班牙無激素豬頸肉🐷食落幾爽口又唔會太肥膩，仲有海蝦4隻同埋花甲🦐啲海鮮都幾新鮮，蝦肉彈牙，而且用竹籤拮住好好搣👍🏻另外仲有山根同埋鮮甜手打鯪魚滑🐟～佢嘅手包韭菜餃都唔錯，皮薄餡靚好飽滿😗最後用個湯底煮埋個讚歧烏冬🫶🏻啱啱好🤭-😋醬介每位 $18+1基本嘅醬料都有，豉油、沙茶醬、辣椒🌶️、炸蒜、蒜蓉🧄、香蔥、芫荽、麻油同醋～-二人餐嘅份量兩個女仔食就啱啱好👧🏽👧🏽男仔可能要加餸😂同埋見隔離枱嗌咗個椰子雞鍋好正咁🥥下次有機會再試😋-📍滾爺火鍋 @bubblyfeasthk 旺角：旺角上海街428號地舖尖沙咀：金巴利道58-60號金碧閣地下A號舖💸人均消費：$350

見近排天氣凍冰冰，就諗起打邊爐😍😍記得上次朋友介紹喺旺角一間打邊爐餐廳，話好好味！一於就去試試啦！😋😋🥬芫荽皮蛋湯底 （$138）我哋兩個都好鍾意食芫荽皮蛋湯，今次個湯底十分足料同芫荽味十分濃味，鍾意食芫荽嘅朋友就唔好錯過啦！🥩美國安格斯牛肉（$188）呢個安格斯牛肉一擺上枱就驚為天人，仙氣彌漫，牛味濃郁，肉質嫩口，食到停唔到口😋🐟魚皮餃 ($48）8粒魚味濃，皮薄餡靚🥬手包韭菜餃 ($60) 6粒手包韭菜餃果然不同，皮薄餡多，大大粒🫔即炸紫菜響鈴 ($68)打邊爐必備當然係炸響鈴，呢間舖頭係即炸響鈴，響鈴連同芫荽湯嘅汁，擺入口果然係人間美美😍😍🥩芝士牛丸（$78) 8粒芝士牛丸好好味，大家嚟到一定要叫，牛丸彈牙內裏係大量芝士，食到仲要焫親條脷🤣其他嘢食就唔作太多介紹啦，我哋仲嗌咗唐生菜金菇菜同埋讚岐烏冬。另外我哋仲嗌咗兩杯嘢飲，一支係青島啤酒打邊爐必備，另一個係原隻泰國椰青，清甜多水。另外都想讚一讚職員嘅服務態度，佢哋會好積極同你推薦食物同加湯，食得開心又滿足。☻味道：9/10☻環境：7.5/10☻服務：7.5/10☻價錢：7.5/10☻回頭率：90%☻人均消費：$400📍 滾爺火鍋

天氣乍暖還寒，今天仍然凍凍地。兩口子到旺角上海街吃火鍋。起初以為店舖面積不太大，原來還有上層。上層面積是下層的兩倍，店員說還可以上去唱「卡拉OK」！店舖牆身以黑色做主調，一直播着悠揚特別的英文和西班牙歌曲，連器皿也非常考究，真是不一樣的火鍋店！餐廳門庭若市，未到六時已在滿客人。可想而知，食物一定有質素了。我們點了二人套餐，套餐份量十足，材料很新鮮，我們都吃得飽飽的。湯底：胡椒蘿蔔豬尾鍋湯底十分濃郁，煲至呈奶白色。豬尾也煲得很腍，令整鍋湯充滿骨膠原的感覺。湯底味道鮮甜，配合着胡椒的微微辛辣，蘿蔔尤其出色，非常爽甜，入晒味。寒冷的冬天裏，呷一啖湯底，整個人頓時變得暖和。海蝦：肉質鮮美，口感彈牙。沙白：沙白頗大隻。肉質鮮嫩，放在湯底內令湯底更加鮮甜。西班牙無激素豬頸肉：豬肉爽脆，質地柔軟，而且有豐富的肉汁。廚師切得不太厚，一灼便熟，非常好味。手包韭菜餃：餃子皮很薄，內裏的韭菜很多，包得脹卜卜的，經淥熟後多汁好味。鮮甜手打鯪魚滑：充滿綿密的質地和魚的鮮味。爽口彈牙。山根：吸收了湯底的味道，非常有嚼勁又入味。讚岐烏冬：非常有彈性。吸收了湯底的味道，入口很順滑彈牙。手包鮮蝦雲吞：皮薄多汁，內裏的鮮

餐廳資料:滾爺火鍋 (上海街)地址: 旺角上海街428號地舖電話: 68906890=====================朋友想食火鍋，揀了呢間油麻地地點方便的火鍋店。今次唔想用腦，點了一個二人套餐，湯底揀了胡椒蘿蔔豬尾鍋，鍋底一上枱香氣四溢，是不錯的選擇😊今日主要係想同朋友傾偈，四點去食打邊爐下午茶都係第一次🤣已食午餐當然唔係好肚餓，所以只叫了套餐便非常足夠，套餐都有以下多款食物：～海蝦：有新鮮大蝦四隻，蝦肉鮮甜美味，口感彈牙👍～沙白：有八大隻多肉鮮嫩的沙白，稍稍煮一煮放進口裏就能感受到海洋的鮮味，正❤️～西班牙無激素豬頸肉：豬頸肉不厚切，好處是一灼便熟，夠爽脆，且質地柔軟，有豐富的肉汁，好味之選🤗～鮮甜手打鯪魚滑應該真係手打的，因為夠爽口彈牙，而且食材新鮮，魚味濃郁😋～手包韭菜餃：四粒真材實料的韭菜餃，我一向喜愛食韭菜，餡料的豬肉亦新鮮，好味道😬～山根吸收了湯底嘅精華後，不點任何醬料也美味😀～讚岐烏冬：入口順滑彈牙，連埋美味的湯底一齊吃，實在是高級享受🥰整體來說，這裏坐得舒適，食物質素高，能一邊打邊爐，一邊嘴不停的跟朋友傾偈確係人生樂事，感覺相當唔錯！

😍😍😍woww~~超正的椰青汤底😍😍😍今次朋友介绍來呢间滚爷火锅估唔到真系咁正👍🏼我地嗌左招牌椰子鸡锅汤底系2个椰子、2个椰皇、少许椰肉、少许莲子、半只文昌鸡，好吸睛😍汤底😍汤底材料來到，侍应会逐样介绍帮你放入锅到时间帮你熄火再俾个漏斗你计时焗多阵，好细心🥰够钟可以先饮汤同食鸡椰青控一定钟意饮😍好好味！鸡都好滑，半只都唔少我地每人饮左2-3小碗才开始加汤打边炉其他食物样样都好新鲜我地无食牛，但见邻枱啲牛都好靓仲要放埋干冰好梦幻好吸睛😍食完最后再试个汤😍仲好味左层次丰富左🤭好好饮啊！最紧要唔觉有味精，饮完返去都无口渴🤣

今次黎到油麻地附近搵嘢食，天寒地凍搵個打邊爐打下先，見到一間滾夜火鍋入去試下，餐廳職員介紹他們嘅招牌菜有椰子雞鍋，這裏 鋪面好似好細，其實有兩層㗎一啲都唔細，見到有八人一齊打邊爐好開心，適合家庭，朋友聚會， 呢度係任你坐，唔會有限時，傾計一流招牌椰子雞鍋(半隻雞) 上菜嘅時候店員好細心講解用海南雞，珍珠馬蹄，新鮮椰皇和椰子，材料好講究，放落去全銅鍋，銅鍋傳熱快可以焗住啲食物唔會畀佢啲 熱力咁快走，煮雞一流因為佢可以keep住個溫度令到啲雞好軟滑，煮五分鐘再焗一陣啲雞就熟曬啦，啲湯係鮮甜椰子味，個味好出真係同其他一般椰子雞唔同，雞有半隻但係我們好快就清光了因為太好味 🤭之後可以加湯，再嗌其他唔同嘅火鍋配料一齊食， 我哋就嗌咗雲吞枝竹等手包鮮蝦雲吞4粒鮮蝦雲吞裏面有一隻蝦和豬肉，睇得出係新鮮人手包的，煮熟後蝦彈牙，整體軟滑和滿足即炸枝竹驚喜之作，枝竹是新鮮炸的，上枱嘅時候係熱的，可以就咁食，亦可以淥湯再食，正 🤩即炸響鈴響鈴都好好味都係淥3秒即上即食 😆鯪魚滑釀豆卜鯪魚滑係新鮮鯪魚滑， 自家製出品當然唔同啲，魚滑好軟熟配合豆卜有少少煙韌，有唔同嘅口感 😊冰鮮魚皮餃8粒魚皮餃正常發揮，有點像

夜晚天氣有點涼，我和朋友逛完果欄後，決定打邊爐取暖，去了附近的「滾爺火鍋」，餐廳看落地方不算大，但有地下和二樓兩層，我們坐在地下的一層，座位尚算寬敞。隨便點了一個最便宜的二人餐-滾得飽(二人餐) $396，包括有芫茜皮蛋鍋、海蝦4隻、花甲8隻、西班牙無激素豬頸肉、手包韭菜餃4粒、鮮甜手打鯪魚滑、山根和讚岐烏冬。湯底好正 好清甜，食材非常新鮮，海蝦和花甲不算大隻，但非常鮮甜，豬頸肉是無激素的，食得放心，最驚喜是鯪魚滑和韭菜餃，我一向不喜歡食韭菜都覺得很好味。套餐不包括飲品，點了竹蔗茅根$25和無糖可口可樂$18，另外醬介每位$18，人均消費大約$260。有別於一般餐廳的任食火鍋以量取勝，滾爺火鍋以質取勝，價錢少貴，但食材高質，下次經過會再來，試試招牌椰子雞鍋。