滬小館

营业中

休息中

兩個人也不太肚餓，就點了以下三款食物：清燉牛腱湯麵：麵條和清燉牛腱分上，麵條不會因為泡在湯中而變得過軟，這安排很好。先試一口湯頭，頗為清淡，當湯喝尚可，用來吃麵就太清淡了。麵條軟硬度適中，分量也算足夠，但牛腱則不成，首先是有點柴，像煲湯之後剩下的湯料，而且份量太少，只有薄薄的三四片。重慶紅油菜肉抄手：抄手很大隻，可惜煮得有點過了頭，外皮太軟而且有點鬆脫。內饀份量很大，但味道偏淡，加上醬汁辣味不足，味道也偏淡，我們請店員給我們烏醋伴着吃，才比較好一點。鮮肉小籠包：這是三款食物中最好吃的了，雖然皮不算太簿，但內裏湯汁充足，味道也不錯，就是用來沾小籠包的醋味道太甜。店子似乎人手有點不足，雖是午市時段，樓面也只得一個店員，為顧客量體溫、點菜、上菜、收錢和收拾盤碗，也只有她一個人在忙，不過服務尚算令人滿意。

這下午茶，有醉雞，有擔擔麵，有豆漿，才三十九元，抵食。又是個吃過早餐，沒吃午飯，到外面辦事的日子，路過這條街上，見這上海小館子門外的易拉架上圖文兼備地寫著「百搭套餐」和「下午茶套餐」的介紹。「百搭套餐」相對地貴，我就不考慮了，「下午茶套餐」的 A+B組合，加上免費的「豆漿」，全部都是 $39，價錢便宜，選擇也多，正是我今天的茶。從 A的六款前菜選擇中揀了「招牌醉雞」，雞有三件，骨少肉多，皮光肉滑，酒味雖非甚濃，也不會索然無味，味道都算適中，及格。也從 B的六款主食中揀了「老重慶擔擔麵」，這擔擔麵份量不少，味道過得去，但芝麻味有點不足，不夠濃香，辣度也可再加一點兒，吃來會更加暢快。一碟醉雞，一碗擔擔麵，還有一杯解渴豆漿，四十元還不到，這頓抵食下午茶可真相當抵食呢！

最近疫情間間餐廳都做足晒防疫措施，但原來都有啲可以自出自入今日經過這小店，見到時間尚早，又熱又攰，所以就試下一入到去見到職員處理緊雜務，同佢講兩位，以為佢忙緊所以無測量體溫，轉頭會測回。坐了3個字到，眼見陸續有客進店，一樣沒有量度體溫😫我們點了一個自選3款小食拼盤，一個小籠包，一個水煮魚，一個三絲春卷，紅燒牛肉麵，酸辣湯3款小食，我們點了醉雞，鎮江肴肉和口水雞醉雞超級柴皮，但醉雞味道還可以肴肉🆗，口水雞味道差爆小籠包👎，皮薄多汁，但肉質不夠鬆化，怪怪的水煮魚得一個字，就是辣😫而且是龍脷魚柳，不是魚片🤔三絲春卷最正常😂紅燒牛肉麵，差過大排檔牛腩麵😅酸辣湯足料，但又係得一個字，就是只有酸味服務態度差爆，眼見隔離啲食客都超不滿。落單時跟服務員說了有一款食物需要後上，但服務員也沒有理會一句講晒，從未試過這麼差，食物質素差，服務差👎👎👎

有次同同學行過呢條街， 發現有好多間食肆，於是乎，我哋決定每星期試一間， 今個星期試咗呢間，滬小館上海嘢， 我哋三個人叫咗酸辣湯 ，酸辣湯普通， 仲叫咗豬扒擔擔麵， 擔擔面望落去好似唔夠味， 但食落去，個面好爽，同埋個味道都ok， 個豬扒仲有少少脆口，分開上嘅， 我哋仲叫咗雪菜肉絲炒年糕， 煎鍋貼， 上湯小雲吞， 試完覺得鍋貼最好食，所以再叫咗一碟， 個小雲吞普通， 因為佢太細口感唔夠， 同埋可能整咗先，加熱之後啲皮有啲浸到爛爛地

最近喜歡光顧小店，這間餐廳已經來過幾次， 三個字形容：平靚正！糖醋魚塊已經encall了N次 魚塊炸得剛好外脆內軟，醬料酸酸甜甜，每一塊魚都能沾上醬汁，十分開胃大愛！葱油香雞都是推介項目，雞很嫩滑，醬汁有有沙薑、豉油、蒜和糖，醬汁不用很濃已經很豐富點了兩道肉， 當然要配上一個菜啦。青瓜 十分新鮮，咬落去脆口。 海蜇不是煙韌的那種， 而是偏硬身的那種，很有口感食上海菜當然必點小籠包啦！ 我們點了鮮肉小籠包和蟹粉小籠包，兩款都十分多汁。相比之下蟹粉小籠包更優勝，咬落去有一股鮮甜味湧出。 價錢也不貴，鮮肉小籠包30元4個，蟹粉小籠包58元4個，CP值超高

星期日閒逛旺角，行到攰攰地，想找個位置坐坐，見到黑松露小籠包即刻入去試一試，黑松露小籠包，皮簿，肉汁好鮮甜，配上醋汁，小小酸味，好開胃。放入囗中好juice, 加上黑松露有少少香味，感覺好幸福喔！價錢也唔貴。再叫了一個懷舊小菜，土豆絲，即係薯仔絲，吃一口感覺好爽翠，少少甜, 不錯，但仔細睇土豆絲比較油，如果怕肥嘅人士，就唔應該叫呢個小菜。最後還叫了一個菜飯，二人份量嘅菜啱啱好。菜飯，一般，不會太油，味道剛好。總括來講，這間上海菜館嘅菜式價錢味道不錯👍

星期日出旺角行街買嘢有朋友突然想食上海菜於是乎見到呢間滬小館咁就試一試佢啦一開頭來的係自選三小拼邊三個小食其實可以自己揀嘅而我哋就選擇咗手撕烤夫，油炆筍，鎮江肴肉烤夫同油炆筍都唔錯係個鎮江肴就爭小小啦唔夠香，口感亦一般⭐️⭐️⭐️(5⭐️為滿)雞絲粉皮呢個都幾好味佢嗰醬除咗香之外亦都非常之夠味⭐️⭐️⭐️⭐️雪菜肉絲炒年糕雪菜肉絲略嫌少左d令到食嘅時候唔係每一舊年糕上面都有所以唔係好夠味⭐️⭐️⭐️上海菜肉大雲吞呢個非常多餡不過湯就冇乜味而且個人唔係特別鍾意食雲吞⭐️⭐️⭐️上海生煎包呢個可以話係最好味嘅一樣野皮嘅上層唔夠鬆軟而下層亦都剪得夠香夠脆而且啱啱上嘅時候一咬落去仲會爆汁⭐️⭐️⭐️⭐️⭐️酒糟蔥油辣椒雞呢個鍾意食辣嘅朋友一定要試非常入味香辣味同雞尾配合得相當唔錯⭐️⭐️⭐️⭐️最後埋單三個人一共係$260正常價錢不過服務就真係一般般

今日經過旺角，不忘再次幫襯呢間上海餐廳！不但好好味，覺得價錢又平民化！又正又低！小籠包多汁肉鮮甜！皮薄又大隻，食要小心，汁會包曬出來，建議先品嘗小籠包鮮甜的汁水，在食肉～個上海粗炒好入味！同之前去上海食的本地上海粗炒一模一樣，很有上海本地味道，絕對可以試一試。粗炒裡面有冬菇的香味，以及有肉絲，又大碟，划算！冷盤我叫做個小三拼盤，精緻好味，選擇多多，青瓜以及海蜇非常爽口，清脆。糖醋排骨酸酸甜甜，越食越開胃。醉雞少少酒味，雞又滑又嫩，食完好似上天的感覺！總體來講，呢間餐廳真的好正，每次經過旺角一定要過來食，極力推介，大家可以去試下！

一心歡喜咁入佐呢間鋪 我地嗌佐水煮牛肉 回鍋肉 紅油抄手 飯 及 蔥油面 當紅油抄手黎到面前 我一望個款 就知一定好難食 因為未試過見到咁大隻既紅油抄手🤷‍♀️果然 勁難食 直接係皮厚 肉多 冇味 回鍋肉就見到成個底都係黑色既老抽🤦‍♀️ 勁鹹 水煮牛就勁重火鍋底料味 果一陣 d油就凝固佐🤷‍♀️ 綜合所食 簡直係難食 不過都有樣好食既 就係飯啦1🤣

下午茶時間有咩食？左揀右揀，揀左這間滬小館。下午茶套餐A+B $39, 我地揀左招牌醉雞+雪菜肉絲湯麵+豆漿；以及雞絲粉皮+餛飩豬骨湯麵+豆漿。豆漿雞絲粉皮+餛飩豬骨湯麵餛飩豬骨湯麵雞絲粉皮雞絲粉皮中規中矩，餛飩豬骨湯麵不過不失。招牌醉雞+雪菜肉絲湯麵雪菜肉絲湯麵招牌醉雞招牌醉雞份量超少，唔覺得招牌醉雞有幾招牌，味道普通。雪菜肉絲湯麵食到一半，食到鐵絲刷清潔刷的殘骸，應該唔洗再評論落去，令人失望。今次真係左揀右揀，揀著個爛燈盞。這店鋪衛生情況有待改善。

店內裝修又新又靚，但係中菜就好似有d格格不入。菜色相對一般上海舖平，叫左紅燒牛肉面$48，雪菜肉絲炒年糕$48同小籠包$30，一杯豆漿$10，都係$136，真係幾抵食。紅燒牛肉麵有別於一般上海舖，食落同雲吞麵店既牛腩麵差唔多，麵有鹼水味。小籠包不過不失，夠熱，但肉汁唔多，$30四粒，都幾抵食。最失望係雪菜肉絲炒年糕，比較細碟，賣相亦相當差。肉絲全部都係肥豬肉，年糕亦相對淡味，好彩雪菜夠咸，先有d味，年糕質地剛好，唔韌，但有咬口。特別一提，豆漿係凍既，但隻杯係消毒過，所以熱，差d俾佢呃到，以為熱豆漿。整體味道普通，但價格相對平，裝修精美，但冷氣不足。

今日照舊做完運動去搵野食～雙腿已經無哂力見到有野食就沖入去～舖頭裝修好光明～好舒服～開始睇菜單～三個人簡單點左小食同蔥油拌麵～豆沙窩餅～幾香口～豆沙餡都好多口水雞～食左幾舊先記得影相😂😂個汁唔係好辣～不過幾野味～肉質係小小實正既口感雞絲粉皮同青瓜海蜇～不過不失～水煮魚～都幾大碗同好多魚～仲有粉絲底～尼個我覺得好正😋😋😋～魚夠鮮嫩～青瓜同粉絲都入哂味👏🏻👏🏻👍🏻👍🏻蔥油拌麵～唔好睇好似好小咁～三個人分都夠食～食到好飽～埋單都係每人100蚊左右👍🏻抵食

周四晚既九點鐘竟然係旺中附近可以有位泊🤩 搵咗滬小館，個位啱啱好對住泊車😂食飯高峰時間已過，唔駛排；其實已經target 好食小籠包，其餘再叫個麵同小菜😊 舖頭空間還算寬闊，無旺角度焗束，裝修都有花啲心思，唔係茶記格局👍係點菜紙上明明揀咗「自選三小拼」，醉雞，青瓜海蜇同鎮江肴肉；點知一黎係分開左三份完整既前菜🤨 原來係要求你係三小拼個度再剔一剔😞 但大佬，明明你下面各自有小菜既位置剔，我剔得上面點會係分別要三個小菜🤔 後來發現有其他食客一同中伏，而落單時店員亦都無提到，其實係咪有心欺騙🙄三個小菜質地尚可👌 要嫌個青瓜拍得唔夠散，都幾大舊下，肴肉就肥膏多，肉少😶去到期待既小籠包，原味四隻上枱有煙🌫️ 咬落去，意外發生⚠️ 太大口咬落去，必晒啲汁落恤衫同西褲😫 小籠包質地尚可，湯汁夠，餡唔太多豬扒擔擔麵都幾搞笑，碗麵超大🍜 ，豬扒🐖好細塊🤣 豬扒炸到有點乾，湯麵本身帶辣🌶 呢點要留意兩個人埋單178，其實還好，撇除三小拼個因素，係旺角黎講算中上。始終旺角有質月素既店難搵，希望店家可以主動處理問題，免得食客再度中伏🙄

朋友話太子開左一間上海菜, 佢覺得個雪菜肉絲湯年糕好好味, 話要帶我去試試! .....點知一試…平平無奇! 湯唔濃, 有雪菜味同埋無味精而已! 連相我都唔想影 (同小雲吞嗰張相差唔多, 因為個湯幾乎一樣)! 反而第一粒小籠包幾好, 皮薄 (頭頂除外) 餡靚! 點解話第一粒呢, 因為4粒痴埋晒一齊, 夾第一粒, 其他3粒全部爆皮, 流汁晒湯出嚟! 蔥油撈麵不過不失, 麵軟硬剛剛好, 蔥夠多, 但油亦多! 小雲吞是很小的一粒, 湯底同湯年糕湯底一樣, 只係無左雪菜味! 註: 點解我個朋友話好食呢? 匪夷所思

係旺角行行下街，見到有間食上海菜既餐館，見店面都唔錯，就入去try try la~~首先order一個自選三小拼，我今次就揀左糖醋排骨、招牌醉雞同青瓜海蜇～～糖醋排骨味道甜甜地，醃得好夠味，肉質都ok~醉雞好嫩滑，有酒味，雞皮都好滑溜，讚！青瓜海蜇就都一般啦，青瓜略嫌有啲油，唔夠爽脆～另外，仲有必點既小籠包，由於想食黑松露小籠包，又想食蟹粉小籠包，心多多惟有俾多少少錢食晒兩款～黑松露小籠包雖然有好濃既黑松露味，但係始終都係蟹粉小籠包味道比較夾，更原汁原味，岩我口味～芝麻混醬蝦肉雲吞雖然大大粒，但啲醬有啲辣～～豬排粗炒夠晒色水，炒得不錯，豬排香脆嫩滑～