滿地可餅店

营业中

休息中

《滿地可餅店 - 紅磡》而家行街成日都係行商場，發覺近年比較逛少咗特色嘅地方，因為商場入面嘅舖頭好大部份都差唔多野，連買麵包都可能去多咗連鎖店，但係以前細個其實我好鍾意嗰啲街坊麵包舖的，好記得細個嘅時候$10有四個雞尾包，夠晒一家四口做早餐，而家物價貴晒冇呢支歌仔唱啦🥲連屋企人鍾意食嘅雞尾包都越嚟越少見啦🥲前幾日個黃埔花園行街，見到同一條街都仲有好幾間傳統麵包店見到呢間麵包店既叉燒包啱啱新鮮出爐脹卜卜咁好吸引，反正第二日嘅早餐都未有着落，我就順便買埋茶點同埋早餐😳我發現呢間麵包店都與時並進，製作咗好多新式嘅麵包，例如前排好受歡迎嘅鬆鬆麵包、脹卜卜嘅麻糬波波、特色嘅公仔蛋糕等等，當然都仲有啲傳統嘅烘焙嘢賣啦💁🏻‍♀️蜜汁叉燒包見到佢新鮮出爐脹卜卜，賣相十分吸引，摸上手仲係熱辣辣，忍唔住喺舖頭門口就食咗佢😂裏面嘅叉燒餡料都幾多，甜甜地好開胃，個質感都唔係氣球麵包黎架，食完起碼會飽肚先，作為下午茶不錯💁🏻‍♀️紫薯條由於食咗個麵包嘅關係，紫薯條就變咗第二日嘅早餐啦🤣其實就有啲似紫薯餡嘅麻糬波波，軟腍腍好彈手🥸裏面嘅餡料超多，一咬爆漿，味道唔算太甜膩，可以一試💁🏻‍♀️盒裝鴛鴦蝴蝶酥知道公司同事都好

地鐵站一出就係正出口嘅餅包鋪，廚窗一眼就見到開心果燒餅😍即刻買左個黎試！完全冇油淋淋嘅感覺～唔錯！啲開心果醬都算夠濃有味，未算一口醬爆，但平心而論係夠餡架啦～未到好驚艷，但口痕食下夠曬數，10蚊一個好正啦食完忍唔住又入去裝裝有冇咩正野。俾我見到有個鋪滿開心果碎嘅奶凍！衝埋！果碎非常乾身脆口☺️一啖有脆脆碎+滑滑奶凍，口感上已經好滿足～奶凍本身都有淡淡開心果香～加上開心果醬夾層，16蚊相當抵食啦！仲想點😂仲有其他開心果產品嘅，不過唔記得具體有嘜了，下次再戰！

滿地可餅店的黃埔開心果燒餅💚令人驚喜！呢款燒餅細細個都要$10，但餡料豐富，外皮煙煙韌韌，濃郁的開心果味令人忍不住一啖接一啖😋舖頭就喺地鐵站A出口對面超方便！無論是作為早餐或茶點，都值得一試！黃埔都有開心果燒餅💚經過見到買嚟食 竟然唔見有人介紹佢！細細個但滿滿嘅餡 好濃開心果味！

巨型麻糬波波 差不多有一支250ml檸檬茶般大!三個只是$12!買了原味和開心果味，還是開心果味較好!開心果麻糬波波 麻糬波波外層好脆，尤如油炸鬼。內裏則是網狀結構，每口都有回彈，頗煙韌。開心果味不太濃，略為點綴。

大集團連鎖嘅麵包店質素都比較參差，為控制成本，好多時都未必足料，又貴又細又未必好食。始終都不及地道嘅麵包小店，又有heart又真材實料！可惜而家嘅市道，小店越嚟越難做，好質素既小店真係好值得支持架❣️呢間好近黃埔地鐵站，唔好睇佢店面細細，見佢啲產品都好多款！肯每日出品咁多花款嘅曲奇、麵包、蛋糕等等，我覺得真係唔容易㗎，希望大家認識下呢間小店，行過支持下。麵包好多款，全部都係真材實料，唔似得其他空心包。蛋糕都好抵食,普通一個蛋糕100蚊就有,如果想靚啲有花款嘅都只係二百零蚊另外麻薯波波蛋撻質素都不錯每日都有好多款曲奇，仲有蝴蝶酥、杏仁條等等。杏仁條好香，甜度適中，口感酥脆，超好食👍最欣賞嘅就係可以有禮盒裝🎁個盒都幾型幾靚✨️

鄰近黃埔地鐵出口嘅人氣麵包小店，麵包每日新鮮出爐。除咗常見嘅傳統麵包，亦有前排好hit既布甸包🥳 亦有各款生日蛋糕選擇，價錢親民！-鴛鴦蝴蝶酥最近發現餅店推出咗禮盒裝嘅曲奇同蝴蝶酥，送禮或者宵夜睇戲之選。蝴蝶酥脆卜卜，甜甜地，口感相當出色，成日都會忍唔住口痕食幾舊😋麻糬波波每次嚟都會買嘅產品，最推薦係朱古力口味！味道不會死甜，本身都有少少飽肚感，可以當早餐。布甸包個人推薦焗返熱嚟食，會更有蛋香！

滿地可餅店🍞坐落黃埔地鐵站舊式麵包店出品多款糕餅、蛋糕、曲奇、西餅、甜品店舖內自設工廠！食品每日即製！新鮮出爐🍪蝴蝶酥鐵罐禮盒裝～入口又酥脆！牛油香味香🍫朱古力軟心包口感鬆軟～朱古力軟心好味！🫘日式紅豆包軟薄麵包皮包裏住微甜紅豆餡紅磡民兆街2-20號黃埔新村地下N1號舖

我喜愛杏仁條, 專門為些而來! 朋友介紹的一家地道麵包店, 不是集團式經營, 餅房就設在店後, 名符其實的新鮮出爐! 地鐵到黃埔站, A出口一出便是這家餅店, 超方便! 買了滿滿一盒杏仁條! 製作工序繁複, 層層酥皮內鬆外脆, 杏仁片滿滿, 牛油味超香的! 盒頗精美! 清蛋糕 ～ 平常很少買, 我不太食無餡的麵包, 但剛好遇見出爐, 那股清香味令我抗拒不了! 蛋糕超鬆軟, 入口柔和, 滿滿蛋香! 老婆餅 ~ 很少見小小一件的老婆餅, 那金黃鬆化外層超薄超香, 甜糯內餡很軟滑, 冬瓜蓉很清但又不會太甜, 讚! 走到店外已忍不住食了, 新鮮熱辣實在忍不住! 店內還有超精美的3D蛋糕, 價格十分公道呢!

黃埔有間特色餅店，係專賣懷舊小吃例如：老婆餅、豆沙餅、合桃酥、香蕉蛋糕、椰撻….媽咪專登去買啲餅餅俾我食，媽咪話呢啲舊式少少嘅店舖越來越少啦，好應該幫襯佢哋嘅！【豆沙餅】好香濃嘅豆沙味，唔會太甜，食落有少少起沙嘅感覺！【提子鬆餅】雖然佢個提子鬆餅睇落好似比較硬，但食落去一啲都唔硬過仲好鬆脆添！【雜錦曲奇】一盒曲奇餅入邊咩口味都有就最啱我啦，因為我可以每款試齊晒，所有餅都好鬆脆，店員姨姨話開咗要盡快食㗎啦，如果唔係淋晒就嘥咗㗎啦

黃埔地鐵站一出就見到佢”滿地可餅店”，鐘意食麵包嘅我，忍唔住入去參觀下，睇下小店有冇d咩吸引嘅麵包，喺門口就已經比佢嘅king size麻糬波波吸引左，仲見到有蝴蝶酥添，正喎。入去逛左個圈，見佢有好多新鮮出爐未切嘅方包放左出黎攤，好香呀🤤比佢嘅香味引誘，就想買定個麵包聽日做早餐，麵包嘅款式有好多，眼花撩亂，最後比碎蛋紫菜肉鬆卷吸引左，咁就揀好左，仲唔覺意買埋king size麻糬波波，同蝴蝶酥添😋⭐️麻糬波波：原味、朱古力麻糬波波：原味有黑芝麻粒粒，食落有淡淡嘅芝麻香、朱古力個面有d朱古力粒，食落有淡淡嘅朱古力味，但係唔會好甜，好正呀😋⭐️碎蛋紫菜肉鬆卷比碎蛋吸引左，冇諗過碎蛋除左配三文治，仲可以配麵包個頂有好肉鬆，蛋卷嘅造型，入面包住蛋碎、生菜、蕃茄、火腿，好豐富，好好食😋⭐️蝴蝶酥本身淨係諗住買原味，但係見到朱古力味嘅smile樣，就想試埋，因為怕成太甜嘅野，見佢朱古力味嘅比例唔係佔好多，都可以試下，中間少少位朱古力，可以吊下味，食到朱古力，又唔係好甜果種，正呀賣蝴蝶酥黎講，佢係一間好有誠意嘅鋪頭，用個鐵盒裝，入面仲有放潮包，送黎又好睇，又唔怕淋左唔好食，味道100分，誠意都有100分

前幾日係黃埔食完飯，見到門口又勁多大大個嘅麻糬波波🥰價錢仲要勁抵，即刻入去睇下仲有咩選擇先😗🍞提子鬆餅 $7鬆餅烤得金黃鬆脆✨提子嘅甜味恰到好處，份量都幾多！配埋咖啡☕️茶做過早餐同茶點都幾唔錯👍🏻🍞雞批 $12價錢中規中矩😙餡料豐富，勁多雞肉🍗外皮香脆唔油膩😚味道好夠味😗食落都幾有飽足感！🍞合桃酥 $7合桃酥勁大塊😍$7嚟講真係超值😚合桃味濃郁，酥皮鬆化，啖啖都食到合桃嘅香味😼🍞牛角酥 $12牛角酥層次分明，牛油🧈香氣濃郁🥰食落唔算太油膩😋🍞鮮油菠蘿 $10.5外皮好脆😻唔會太硬又或者太淋身👻入面仲夾左塊勁邪惡嘅牛油🧈🍞朱古力蛋卷朱古力味幾重😋質地鬆軟，雪櫃放過夜都仲保持到鬆軟🫶🏻呢度買咁多嘢先$100左右🫨香港真係越嚟越少，呢啲性價比咁高嘅麵包舖🙁性價比咁高，一定會再嚟幫襯😗！性價比:8/10好食程度😋：8/10回頭指數💓:8/10

紅磡又開咗間新餅店啦！喺正地鐵站出口，夠晒方便！呢間本地可賣嘅麵包同西餅，種類非常多，今日我就買咗佢每日新鮮出爐嘅蒸蛋糕，麻糬波波同自家製曲奇，款款都唔錯！蛋糕新鮮出爐，熱辣辣，非常柔軟，買返屋企再整返熱佢食做早餐一流👍🏻麻糬波波好大粒，煙煙韌韌，又唔會太甜，我鍾意！自家製曲奇有唔同嘅口味，我就鍾意佢個咖啡味，非常之香，曲奇亦都非常鬆脆，同啲friend一齊share啱晒🤣👍🏻👍🏻👍🏻

今日行黃埔，經過呢間滿地可餅店，門口已經擺咗兩個大櫃展示曲奇/酥撻，入去行吓，發現啲麵包好多款揀，仲要幾平，買咗兩個麵包做早餐，分別係日式紅豆包同肉桂合桃提子包。另外買咗盒曲奇返屋企食，平時都好鍾意食曲奇，食完幾推薦呢度嘅曲奇，曲奇入面有四種味，原味、抹茶、朱古力同咖啡，仲有兩種唔同嘅款式添！個人比較鍾意較為鬆軟嘅圓形曲奇，好鬆脆，一盒都有幾多份量，同朋友share啱晒！！可以好似我咁要成盒裝嘅，或者睇啱邊款直接喺門口揀磅都得～

唔知道大家一般都鍾意食啲咩包餅嘅呢？除咗幫襯大集團，其實我真係好鍾意一啲小店模式嘅！貪佢哋新鮮呀嘛！前面係賣嘅店舖門面後面就係製作工場，食得放心免去咗中途嘅運輸過程。今次去嘅呢一間餅店位於紅磡黃埔站a出口上面，一出地鐵就見到。裏面有好多新鮮製作嘅包餅特別好想介紹嘅就係佢哋呢度嘅紫薯包！杏仁條！蝴蝶酥！同埋馬卡龍。🌸少女感滿滿嘅馬卡龍佢哋都竟然有賣！一啲都唔貴只係60蚊左右就有一大盒，外脆內滑🥞紫薯包裏面真係有紫薯蓉㗎！香香糯糯非常好食🧆蝴蝶酥同杏仁條都係限量發售！為食嘅我當然要買一大盒返屋企啦呢度嘅蛋糕其實都非常之平只係一百蚊左右就有一個，3d蛋糕都係兩百幾三百蚊仲可以預訂製作款式又平又好食，仲有班戟焦糖燉蛋芒果布丁等等嘅甜品等住我哋大家可以去試下經過紅磡去開黃埔一定要過嚟！

行過見到新開嘅餅店門口擺咗好多牛油曲奇，太吸引，所以試試佢haha🤣買咗個曲奇禮盒、麻糬波波同埋叉燒包~~曲奇牛油味超重，可能新鮮整嘅關係好酥脆👍🏻👍🏻美中不足嘅係佢冇朱古力牛油曲奇（佢上面係擺果醬🥲）麻糬波波 中規中矩 好煙韌，朱古力味都好香濃。叉燒包就喺傳統麵包舖會有嗰種叉燒餐包嘅味道 不錯不錯。最推薦都係牛油曲奇禮盒 ，不過下次自己食可能會就咁買半磅～送俾人先買禮盒haha📍滿地可餅店地址 : 香港紅磡民兆街2-20號