滿記甜品 (朗豪坊)

营业中

休息中

在銀行中心辦妥機票事宜後，到這兒吃些東西以消磨時間。見滿記居然唔使排隊，便吃碗野。花多眼亂，選擇繁多，挑選了「杏仁露豆腐花」（$21）。豆腐花質地滑但略結實，杏仁露味道OK。又係果D 一放底匙便催促你離座的店子！

朝早食兩個包, 遲遲也未食下午! 成兩點...本來想去食件蛋糕, cheesecake...cream cake...忍下先, 都係揀中式糖水, 熱薑汁金蕃薯糖水, $13, 蕃薯大大件, 不過, 講鬆化...就真係唔夠荃灣蘭苑! 薑味都幾辣, 糖水稍甜!

因為晚餐食得唔夠滿足，就去左食糖水。次次去滿記都係食芝麻糊拼其他野。今次諗住拼湯丸。點知佢話，無熱ge芝麻糊，凍ge紅豆沙。呆左……結果叫左紅豆沙加湯丸。湯丸，我覺得個花生饀太咸了，但係芝麻味好香。而紅豆沙就一般水準啦。食飽飽，好滿足咁離開！

我覺得好正`好好味`價錢一般,,我食左個楊枝甘露.超耐冇食,,我覺得幾好味啦`D芒果最正.不過西柚就麻麻,,服務幾好丫都..=]

這間滿記不過，芒果豆腐花好好味，芒果冰很多，混在豆腐花一起剛剛好，而且不比西頁主店差。

食完毓民牛肉麵, 好熱, 又麻麻, 於是返屋企前黎嘆個糖水, 我要個海底椰涼粉冰, 唔錯, 不過我覺得可以凍! 老公既楊枝甘露, 我食一啖, 甘柚有苦, 個糖水底酸少少!

白雪黑珍珠：出奇地香！原來是雲哩娜！甘露豆腐花：豆腐花不夠滑，雖然夠凍。西瓜涼粉：西瓜汁底，清涼！

飯後十居其九都會糖水癮發作。不想多走，近近地在這裡解決啦。我提意到上層滿記，因為環境比foodcourt滿記較靜，chill好多。八點幾來到果然少人好多。紅豆沙涼粉：涼粉好彈牙，有好香的涼草味。紅豆沙卻不算出色，的確起沙非常，但粒粒紅豆份量就少得可憐。是沙＋幾粒豆豆之作。麻麻地呢。椰汁西米露涼粉：本身椰汁西米露味道幾好，但椰汁不夠稠，西米也少，影響了整體的口感, 給人"偷工減料"的感覺。配錯了涼粉，覺得椰汁跟量粉總是怪怪的。到連鎖店就是有價錢跟貨不成比例的幣病。賺死他喇!

剛在鈴本出來，大家都想多逛一陣，到幾層樓下的滿記，見她讓著要來客點品，就進來坐下，點了份楊枝甘露及芒果西米露。先不說味道，這兩份甜點真的冰凍非常，涼透心的感覺真好；她鍾情的芒果西米露沒嚐到，而楊枝甘露不過不失，總覺當中的柚子肉不夠多之餘酸味不太夠，中規中矩，始終是中央工場之作物而矣。這裡有兩間滿記，這間是較高層的那間，環境及地方比起低層的那間好得多。

自從知道榴槤很不健康，已經數年沒吃。一直對滿記印象麻麻，品質一般價錢貴。但心血來潮叫了個榴槤忘返，就記起滿記出名的是榴槤，其他甜點不好也理所當然。榴槤忘返是一個榴槤球和一個黑燸米球加椰汁。吃了一口榴槤，好正氣的果肉啊！久違！這個甜品的材料盡是我喜愛的，喜出望外！不過難為了我的朋友了，哈哈哈哈！

無無聊聊...因為陪男友ｈeａ,所以又去左食野,今日既下午茶係糖水...行左好多間,最後都係入左滿記."不聽本小姐言,吃虧在眼前"男友唔聽我講,叫左海低椰黑糯米甜甜,我唔知好唔好味,但係我知道佢想要既野係流質既糖水,而唔係椰汁糯米飯,最後咪搞到勁後悔咁既樣咯,我都話左架啦,又唔聽我講...==而我自己就叫左店員姐姐推介既白雪黑珍珠,低下係雪花雲尼拿,面度鋪左芒果+香蕉+龍眼肉同埋黑珍珠,可能我未食過啦,所以覺得好新奇好得意,唔可以話係好好味,但係都唔錯呀,都值得一試架啵～呀...食佢要食快ｄ,因為ｄ雪花雲尼拿都溶得幾快,我碗野越食越冇味...講到ｓeｒvｉcｅ,很好!某女店員真係好醒目,睇餐牌佢又會俾下意見我地,唔小心滴左野落件衫度,佢又會好快手咁拎紙巾俾你,哈哈～而且仲幾靚女ｔiｍ～

試過呢間o既涼粉之類普通甜品，冇特別又唔係平。不過pancake就幾好，特別係榴槤味!一次過買香蕉、芒果同榴槤pancake 三款外賣。香蕉肉好在生生地，咬落實d 同埋幾香味。芒果肉好酸，酸到cream 甜味都遮唔到(芒果唔合時)榴槤肉好多、好甜同好香~一打開個包裝袋已經飄出陣陣榴槤味~~~不過街食就會幾尬尷，一來未必人人鍾意聞到榴槤味，而且食完隔好耐，間唔中打(C 益)仲有榴槤味呢v_v

一向都覺佢地D dessert ok, 而自己就特別鍾意食糖水加豆腐花, 但佢地d豆腐花真係唔係好得, 個質感好假, 又冇豆味, 我諗佢地如果用百幅豆腐花撈落去都好過佢地個d豆腐花, 希望佢好可以改善一下.

叫左芒果西米露- 西米唔會淋到爛, 有口感, 但味道很單調, 好像缺少了什麼似的.

平安夜，睇阿發哥之前行過foodcourt，女友忽然想食甜品(少有! )，啱啱企响呢度門口，相請不如偶遇la..平時若果有得揀我都唔會入嚟，因總覺呢度名大於實。但嗰晚食嘅榴槤pancake確實不俗--- 又香又甜，cream相當之滑，食到唔停得口；焗西米芋茸布甸係袖珍版，呢個就爭D --- 芋茸量不夠，焗得亦不夠香，都係鳳城嘅西米蓮蓉布甸勝幾籌...講起都流口水..