滿記甜品 (已搬遷) 新店位置

士多啤梨涼粉好好味!!! 同平時食開既水果涼粉有分別因為呢度唔係用花奶or椰漿係用返士多啤梨汁值得一讚~有3粒士多啤梨=)呢樣不過不失啦當然再多d仲正!比出面糖水店貴少少啦!!!話哂係滿記.... 都正常既

四月三日(星期四)食完唔錯既udon之後,又係食糖水既時間喇...不過呢排真係肥左好多-.-!!!係lor,又為食,又要keep fit,真係矛盾!叫左老公話好味既雜果豆腐花加芒汁d生果幾好味!不過芒果就唔係甜,而木瓜都ok!加埋個芒果就好好味!!老公話記得要同佢講話加芒果汁wor,好味道好多架^^

星期三接老婆收工跟住去左食糖水本來想去許留山，o念o念下遠左d，都係去就近既滿記算~滿記個人最喜愛既甜品係西米焗布甸，但見到湯丸突然想吃於是叫了碗薑湯湯丸($15)，老婆則叫了楊枝金露($25)湯丸味道方面薑湯有強烈薑味，飲下去喉龍有灼熱感覺，亦不盡掩蓋甜味，算OK。湯丸應該不是自製，味道同超市買到的。但較細粒，不是利川湯丸。老實說買也應該買利川，因為較大粒多饀~ ~"。廚窗寫著有芝麻和花生兩種口味，但出來的六粒是麻蓉味的....楊枝金露自問未喝過一級的，這裡的也不見得和其他舖或酒樓的分別很大，以招牌甜品來說似乎小了點驚喜，或許要到西貢主店才見功夫。$25來說個人覺得偏貴。總括來說這間滿記最吸引我的始終是它的地點~ ~"

55/3/2008家姐睇雜誌見到有個焗荔芋西米布甸($22),話想食,就叫男友買.試下味道,唔多好味,除了唔太甜比較可取外,真係無乜特別感覺,當然還有買榴槤班戟,今次有一盒榴槤比較苦,麻麻地.我覺得滿記甜品越黎越退步,又貴真係唔值得

有人請吃芝麻糊配豆腐花, 芝麻糊不夠香, 豆腐花滑但豆味不重(可能給芝麻糊蓋過了). 可惜豆腐花是凍的, 芝麻糊是熱的, 如果可以選擇熱豆腐花會更好.

食左一個唔係好飽晏, 於是乎師傅轉戰黎呢度食個甜品, 最後柯打左一個凍芝麻糊湯丸!凍芝麻糊湯丸芝麻糊夠香夠滑, 而且唔係太甜, 而湯丸一碗有三粒, 不過就比較細粒, 湯丸皮就厚d而個餡就少左d, 好在唔算太甜, 湯丸就一般d啦!總括黎講師傅覺得呢個食店甜品始終都有一定水準, 有一定保証, 十九蚊一碗芝麻糊湯丸係就係貴左少少, 但師傅覺得都物有所值, 下次都會再黎!

食完麵後,買d甜品返屋企同家人品嘗xdd叫左榴槤班戟,芒果班戟,楊枝金露同西瓜涼粉落完單.俾完$,再俾番單佢,囉野食,前後唔駛5分鐘,快到我都嚇左一跳...食物水準:保持一貫水準la,不過不失咁今日食左好多野,好飽呀!

27-10-07昨天同媽去APM食左好多野。食完午餐媽仲去滿記買左榴槤班戟食,未開膠盒已經有好香榴槤味,我試了半件,味道不錯綠色外皮給人很清新感覺,班戟忌廉與榴槤肉份量平均榴槤肉新鮮又夠味,好像食緊一舊舊榴槤咁,好正,果然係出名推介!個人認為這甜品最岩想食榴槤但又唔想食到成手都係GE人又或者想過下口癮GE榴槤FANS!

average food but too expensive

叫了一客mango pudding, 淡而無味出名之後的定律就一定是忘記本業嗎?

雖然係$16蚊一碗芝麻糊, 係普通鋪頭只係賣十蚊八蚊, 但佢要16蚊, 而且呢間仲要自己買票自己搵位同埋自己拿, 但都係好抵, 因為d芝麻真係好細滑好香芝麻味, 好掂, 所以都係好抵食~~

睇完戲想食啲野, 揀左滿記嘅糖水, 芝麻糊加湯圓–芝麻糊好香好滑, 有啲舖頭好似用芝麻糊粉開水咁, 又未溶得晒…依度唔會, 湯圓係芝麻花生餡, 好香口喎楊枝金露涼粉–唔錯嘅楊枝金露加上涼粉, 芒果甜, 涼粉爽口, 好好味, 雖然係凍野, 但唔係凍到冰冰咁, 都有透心涼嘅感覺, 天時暑熱食番個真係正…不過價錢就高左少少, 芝($19.00) 楊($27.00)

食完摩斯之後, 仲有d未夠皮感覺, 決定整個甜品吃下!行到去滿記counter睇左一陣決定叫個楊枝甘露同埋芒果班戟!芒果班戟有兩隻, 冇發記咁大隻, 不過賣相唔錯, 食落口芒果都幾甜, 不過忌廉就多少少, 班戟皮就幾薄幾軟身下, 仲夠凍添, 好好味; 楊枝甘露賣相都幾靚幾吸引下, 芒果好甜, d西柚肉有d甜有d酸但係就冇澀味, 楊枝甘露又夠凍又清, 又唔係太甜, 少少西米都幾好咬, 正呀呀!雖然事隔兩日, 又係食番一模一樣甜品, 但係師傅我個人就比較鍾意滿記喇, 佢地味道始終係好味d! 最後師傅我勁滿足咁離開, 繼續搏殺!

阿爸向來都鍾意食飽飯再食個甜品先至滿足...以前去開許留山...去得多都要轉下口味...前後都食過十次八次...其實未至於難食...但的確會有更多更好o既choices...印象中試過芒果豆腐花:::::都ok la...始終我相信芒果唔會難食得去邊...合桃糊:::::都好稀下...果次係諗住未食飯食個糊夠飽肚,點知食完都仲係要去篤燒賣...芝麻糊拼紅豆沙:::::芝麻味幾重,完全蓋晒d紅豆味...如果唔係食都有紅豆粒粒,真係只會以為佢係一碗芝麻糊...流連忘返:::::姑姐大力推薦,只可惜我係唔食榴槤o既...不過聞落榴槤味勁重,見到食緊果位榴槤粉絲食得津津有味,仲有衝動想打包多個,我相信真係幾正...楊枝金露:::::唔係我食o既,見到個,感覺上好似幾少料咁...無乜粒粒...d西米,柚子...etc好似唔見晒咁...仲有其他果d已經無乜印象la...不過大致上都係一般...我都係寧願去出面d街舖or even許留山都好過去呢度...

一間這麼有名氣的甜品屋,沒有想到出品原來係咁差,最簡單一碗芝床芝麻糊＋湯圓,仲慘過飲水,招牌貨－楊枝金露淡而沒有味道,真係沒有唸過咁差,完全唔可以接受,令人完全失望.