漁之部屋 (已結業)

落左幾張單都神秘消失，坐左係到15分鐘乜都無黎，好少可食放題食左1個鐘都好似無食過野咁。服務都算可以，但二三百蚊食放題漏單漏到食唔太飽就覺得非常麻麻。唔知係咪因為多大枱，而我地得2個人食所以咁。

住咗將軍澳成大半年，好多人都話呢度無啖好食，又唔想同人迫將軍澳線，所以好多時都係自己煮，但今日真係好累，但我老公又好大食，所以今日就去到新都城中心食放題。呢度嘅選擇好多，而且送餐十分快，不用讓我們等太長的時間首先先點刺生，三文魚當然是首選，師傅刀功不錯，夠晒厚切，相當鮮甜，蝦，吞拿魚都係高質嘅食物。另外點了少量壽司，以放題來説，十分滿意。 仲有鮑魚送！口感還好燒物燒的時間比我想像中快，本人推介鹽燒海蝦，味道很配喔另外推介的食物是芝士焗蠔，好鮮甜，好好味，不斷encore到了甜品，除了一般Haagen-Dazs，蜜瓜雪條外，仲有自家製甜品，不會好甜，值得一試

每次經過都見好多人在食，也有好多人排隊。上週也去試食，食材都算新鮮，對日本小蕃薯印象深刻，不過座位太逼，環境普通，也經常漏單，看價錢份上，也可以接受啦，以後還會再去。

呢間日式放題，係屋企附近，一直都未去食過，今日終於去試佢一試!!由於係平日既關係所以唔使等好耐，最重要係無漏單既問題。先來左1 round剌身..樣樣都好新鮮，真係好正！刺身-厚厚的, 甜蝦都好鮮味軍艦-其中芥末八爪魚好味, 紙菜脆脆的　而壽司飯既份量唔會好多，想用飯質飽你咁。串燒-愛吃冬菇, 雞軟骨超讚。整體來講，我覺得燒物係做得唔錯，夠哂熱又唔油。天婦羅- 南瓜, 蕃薯, 冬菇都愛鐵板-牛柳粒大大碟，而最正係牛味香濃雪條-蜜瓜味雪條好好味當然唔少得燒菠蘿啦，酸酸甜甜夠開車消脂！服務方面都ok，侍應都好快清走枱上既吉碟。

星期日晚上同男朋友試下寶琳呢間放題 5點鐘入場 價錢係$258 +1 無book位就入到 唔算太full串燒既質素係真的唔錯 幾好食 推介蝦串呢個牛肉壽司都幾好味！都叫多左兩次鹽燒三文魚魚頭幾香幾好食 漁之部屋都做好多宣傳 like左佢fb後送既黑松露鮑魚味道就一般海膽魚子軍鑑都幾好味既 最不太滿意係佢既飲品 桂圓熱飲同有個綠茶紅豆飲品都只係飲左兩啖 最後都係轉返汽水 不過服務就唔錯既👍🏻

趁仲有時間先夠鐘睇戲，就決定食放題啦。當不少得的壽司和刺身類啦……刺身叫左三文魚，油甘魚，甜蝦，阿根廷海蝦之類，刺身新鮮又甜，吾會有咩雪和腥味，蝦仲要男人點名讚好添。壽司叫左鹽燒三文魚，牛肉同花之戀，好味喎。熱食都叫左少少……燒菠蘿燒得好甜吾太乾，牛舌保持到柔軟又香。必叫炒菜清清腸胃，份量適中每款菜都吾錯。芝麻雞翼 每次黎呢間放題我都必食, 非常欣賞表面炸得好乾身, 香脆可口, 不帶半點油膩, 內裡仲keep到juicy肉汁海蝦 唔會係死蝦, 入口帶爽口鮮甜天婦羅蝦 同樣炸後表面唔會油膩, 炸皮仲幾鬆脆tim最後每人一杯雪糕，這價錢有這質素的確吾錯。

午餐時間冇咩人，約左朋友係度食LUNCH,叫左個炸蝦軟殼蟹定食，同叫左d 壽司，佢地公司職員每人只派1包 芥末，之後我叫佢地俾多兩包黎，跟住佢地職員就掉幾包過黎！咁都算，個定食黎左見到佢幾靚之後惡夢就開始黎。咬左1-2口軟殼蟹d 粉生既見到白色d粉係可以掉出黎！ 跟住個扇型嘅嗰個唔知乜嘢食物咬落去又係生嘅！你係會見個芯係原全唔熟！之後同佢地講話换，佢話换返軟殼蟹俾我，我話唔洗了，最後换左幾件壽司返黎，本來一心同朋友食飯開開心心，最後因為呢間咁既餐廳影響晒整個心情

以為爭鮮已經係最難食嘅壽司店，竟然一山還有一山低，呢間Fishing Heya嘅質素簡直難食到令人咋舌，刺身唔新鮮，壽司有陣怪味感覺似翻炸過好多次嘅天婦羅，極硬極油！

朋友介紹黎呢間位於新都城嘅漁之部屋，裝修唔錯，對佢地嘅食物質素超級期待! 放題方面有刺身、壽司、手卷、天婦羅、燒物、炸物、串燒及鍋物等，可隨心所欲揀自己喜歡既食物。即刻叫刺身先，帶子好大片，赤貝同北寄貝亦都好大隻，鮮味爆標。蝦，油甘魚同三文魚都好新鮮。刺身新鮮、炸物出色，炸芝士波波同燒菠蘿係必選。炸物全部都熱辣辣即叫即炸，而且一啲都唔油膩。最鐘意就係佢既炸芝士波波，又香又甜，炸得外脆內軟。有菠蘿狂熱份子叫到一枱都係，又甜又多汁。各式汽水飲品無限暢飲，真心抵!

上星期放工得我同大食哥哥食飯，趁媽媽不在家，今晚就去食日本放題，是我們經常去食的一間分店，食物也不錯～坐位之間好寬敞，價錢收費就係按日子及時段計算！ 這裡以放題形式為主，跟大部份的放題一樣，枱上備有厚厚的點單紙，款式特別多，分別有刺身、壽司、手卷、沙津前菜、燒物、炸物、小食、其他日本鍋物、炒飯、飲品及甜品等！飲品選擇算多～刺身：分別點了有三文魚、劍魚腩、北海道帶子、北寄貝等，下面都有冰塊為刺身保持溫度，令刺身保持新鮮～三文魚刺身很新鮮厚身，啖啖肉的，沒有任何雪味，三文魚味濃郁～火炙三文魚腩壽司（左）：輕輕燒過表面的火炙三文魚腩壽司好惹味，三文魚味香濃！味付螺肉：螺肉好彈牙，微辣好惹味！雞翼：是即叫即炸的，上碟時好熱騰騰，好香口惹味，而且表面炸到好脆口，正！甜品選擇非常多～

出名大食嘅我最中意食自助餐同放題，款式又多，又夠多份量，咁先滿足到我！聽朋友介紹新都城漁之部屋唔錯，所以今日就去試下。放題當然要食刺身啦，三文魚，甜蝦，希靈魚，吞拿魚，每樣都好新鮮呀。又肥美又大件，真係好好味。日式蟹籽沙律好有驚喜，青瓜爽口，加埋沙律醬同蟹籽真係好好味。識食一定要食焗蟹殼，非常足料，絕對值得encore！日本粒粒蕃薯，真係好好味，粒粒都好甜。埋單二百幾蚊，有咁多選擇，質素又好，下次都可再嚟。

漁之部屋開左好耐，一直都係對佢冇乜大感覺😂終於的起心肝同朋友去試下佢^ ^👉🏿✨東京蛋包丼定（洋蔥燒牛肉）hkd60💸📌一個餐會包沙律，野飲，湯同布甸😏其實都算抵食架～蛋包飯一向令人難以拒絕，佢仲要加左啲沙律醬係上面，口感更加豐富👍🏿📌啲牛肉係底，好似尋寶咁😂係咪掘個底食～但佢啲牛肉係超級爆多架！仲有我最愛既洋蔥😍 超飽又滿足既午餐！👉🏿✨芝麻雞翼配烏冬 Hkd 65 💸📌豬骨湯底十分之濃郁，烏冬彈牙之餘唔會好淋！朋友最愛佢既芝麻雞翼，一共有3隻，連埋雞翼尖☺️ 佢個皮炸到超脆，唔係炸雞個啲炸粉，係真係本身個皮脆👍🏿 食落去我覺得有啲果仁味😂不過好食架～📌呢個餐會送兩件壽司，野飲同布甸😏

為左食平D，我地決定食宵夜時段，真係好平！9點15分入座，成人星期一至四每位$248，星期五六日，公眾假期同前夕$258，小同$148。值得一讚嘅係餐廳真係好有效率，堅係快同嚟齊晒D野食，成餐都冇漏單 (以前D放題成日會漏單又慢架嘛)。坐低之後第一時間當然係睇下有咩可以點，本Menu好似字典咁厚，每樣叫一件都有排食，真係好誇張。重頭戲梗係刺身啦，拖羅，松葉蟹腳，三文魚，八爪魚，鮑魚片，帶子，象拔蚌，赤貝，北寄貝等，選擇豐富。我最中意就係帶子，每一粒都好厚肥美，食落口好滿足，絕對無偷功減料，正呀！壽司大大件，仲好好味！不過唔可以食太多，如果唔係會好飽。炸物嘅芝麻雞翼同埋芝士年糕。甜品應有盡有，真係比出面嘅放題豐富。

第一次食漁之部屋，又真係唔錯喎，選擇多，質素又幾好。嘩，呢到嘅刺身真係好多選擇呀！有拖羅，松葉蟹腳，三文魚，油甘魚，八爪魚，希靈魚，墨魚，鮑魚片，一級帶子，象拔蚌，赤貝，北寄貝，阿根廷紅蝦，大甜蝦，花螺，青口。🙊🙊真係好長呀嗰list。前菜都唔弱，我哋叫咗蟹籽沙律，芝麻八爪魚，帶子裙邊，魚翅螺肉同日式海蜇，好開胃。👅👅大家一定要試限量供應嘅鹽燒挪威三文魚鮨、頭、鮫、龍骨、骨腩同背。嗰魚鮨真係好滑。🐟🐟壽司都有好多選擇，挪用三文魚、海膽三文魚籽、阿根廷紅蝦、龍蝦沙律軍艦。真係多到唔知食咩好。🙈🙈

每逢放假，我都會去食下lee間日本餐廳（漁之部屋）的午餐。 每次食完都有一種滿足感，因為佢既午餐 1. 抵食， 2. 食物質素不錯， 3. 可以食到好飽。今日我同老公又去食佢既午餐。 首先，有驚喜發現。原來最近有新promotion.....1. 玻璃蝦刺身（10蚊 5隻）2. 2蚊件壽司（當然指定）我地二話不說，當然叫個玻璃蝦刺身，同叫左幾件2蚊壽司（甜蝦，虎蝦，櫻花蝦，象拔蚌，龍蝦沙律）仲有叫左一個蘭之壽司定食同埋菊之壽司定食。首先刺身黎到，老實講10蚊5隻都諗住未必會好正，因為咁平，只想過下口癮。點知食落幾彈牙，同味道幾鮮甜。個刺身幾新鮮....之後黎既壽司，d蝦類既幾好食，有鮮甜味。但可惜佢黎錯左個蟹籽沙律，無黎龍蝦沙律壽司。同埋果d包壽司的紫菜好似擺左好耐咁，軟淋淋既。跟住我地個set lunch 黎， 真係好豐富。 一個烏冬加6件壽司＆日式卷餅（個卷餅超好食＆有創意）加沙律加飲品加啫喱仔。大約$6X。 其實我覺得幾ok, 佢個烏冬真係幾好食，係扁身的烏冬，彈牙的。連我唔鐘意食烏冬嘅老公都話只會食lee間d烏冬。lee 一餐我地總共食左$166，但真係好飽同好滿足。最重要d