5
5
3
| 餐厅: | 漁樂 (大興商場) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
电话号码
23505100
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
以上资料只供参考，请与餐厅确认详情
优惠
95折
【亚洲国际餐饮集团】$50美食现金券
$47.5
$50
路經屯門大興邨的漁樂，見到有烤魚，天氣凉涼的，是不錯的選擇。 烤魚有幾款味道，我和家人點選了冬蔭功烤魚，上菜時原來已經有不少配料在湯裏面：雲耳，蓮藕，芽菜，萵筍，金菇等。冬蔭功湯做到泰式口味，個人認為可再辣一點，烤魚頗大條，是魽魚，烤得香噴噴，兩個人慢慢吃完整條魚 ，魚肉在浸湯後仍保持幼滑，很美味店員推介配料薯粉是自家製作，所以我們點了一客，的確比起平時吃的薯粉煙韌滑溜。還點了豬腩片，萵筍，牛丸，豬腩片，香草腸。煮在冬陰功湯裡，味道都很配合，豬腩片帶豬皮的，薄薄一片，爽口有豬肉味，很新鮮。再加兩杯特飲。一杯椰汁三色冰，三色指的是涼粉、紅豆、西米，有創意，喝下有清爽感覺帶椰汁香。另一杯特飲是米漿豆奶，原來加了米漿的豆奶很好味，是非常香的，更加特別！埋單才$299😜性價比好高！難怪我們在結帳的時候，聽到店員說烤魚沽清，一定會再來試其他味道的烤魚啊！
继续阅读
晚餐時段同屋企人嚟到打邊爐，三個人叫咗兩個火鍋加一個豬頸肉套餐。本身覺得呢間嘢幾好食，所以連續兩日嚟幫襯，點知今日買單嘅時候一肚氣！短髮女侍應（貌似高級啲，因為制服不一樣），點餐時態度大大聲聲，表現得懶熱情，問佢火鍋套餐加$8青檸梳打可唔可以轉芒果梳打，佢口口聲聲答我可以，我先轉過去！豬頸肉套餐又話可以免費加熱飲，於是屋企人叫咗杯熱美祿。一個冇留神佢哋打張單，芒果梳打+$30，熱美祿+$9，然後無啦啦又有條外賣$1。買單嘅時候係另一個收銀，我同佢講，啲價錢唔啱，佢話係啱嘅，我話係你短髮侍應講可以加$8轉芒果梳打我先轉。然之後短髮侍應被叫過來，話自己冇講過，仲話芒果梳打正價，跟住收銀侍應即刻撞一撞佢手踭話係「半價」，跟住我即刻話「嗱，你睇吓自己都亂講！」，跟住短髮侍應好大反應話「得得得！呢杯當我請你飲！」。咩態度，我使你請，你係誤導消費者喎！仲有套餐嗰加$9 ，同埋無啦啦外賣多出嚟$1，全部都亂嚟！大家記得睇清楚張單！原來認真對單，唔想俾人搵笨都要受氣俾人鬧！
继续阅读
我今日係休息見有空閒時間就想去食下午茶我每日經過都會見到漁樂又好幾年冇入過去食就想再入去試下啦，起初你吔啱啱開左一個月左右我有入黎幫襯過果時都覺得你吔啲食物麻麻地，點知隔左咁耐時間都係冇改變過食物一樣係唔好食，服務態度仲要係差！成個感覺好差 我入到門見到餐廳只係得3個侍應咁我都明白係冇人招呼到我咁我就自己行入去，我行左入去左邊中間最埋邊梳化位我都唔敢坐住我企左係度想同侍應講我係1位坐唔坐得梳化位，但係冇人理我 我就呆企左兩至三分鐘有一位出餐姐姐(她是扎起頭髮是扎髻的)推住架出餐車好禮貌咁同我講你坐啦，可以坐架。(係呢度我要讚賞呢位侍應姐姐，全程有一大半過程只係得佢會理我同埋佢好有禮貌)咁我係14:41分落單我叫左一份蔥油雞撈麵+$8一份碗仔翅，一杯冷壓縮檸檬雪碧 等左一陣碗仔翅同飲品黎到先，隔左一陣蔥油雞撈麵黎到一望到碗麵真係冇咩特別係公仔麵底雞肉係煎雞扒，然後有勁多蔥係多到覆蓋到雞扒同麵然後我開動啦，食左一啖麵再食雞扒一咬塊雞扒係唔熟有紅色仲有小小透明我就舉手扎髻姐姐侍應過黎應我，我話啲雞肉唔熟佢就拎左入去換一份新比我，新果份黎到我就介開2塊雞扒睇下都係唔熟雖然冇透明但仲係好紅 重點黎啦！我再舉手一個短頭髮嘅侍應應我，我話啲雞肉唔熟頭先都換左一次依家都係唔熟，短髮侍應就攞起我對筷子夾起啲雞肉同我講(呢啲紅色唔係唔熟啲雞扒係炸所以係會有紅色架 然後佢係度揾一塊白色嘅肉夾比我睇 嗱你睇下呢啲白色嘅肉咪熟左囉，然後佢跌左舊雞肉係枱度再夾番落去炸雞係咁架係會有紅色架，我話你跌左舊雞肉落枱再擺番入去比番我？佢話你話唔熟啊麻我依家幫你取消 你一係揀過其他野啦，佢就收走左碗麵。咁我就真係睇餐牌換過其他野，我係揀緊途中我聽到短髮侍應同好大聲咁同廚房講佢話唔熟wor，然後我望一望佢 佢仲好大聲講話啲雞肉唔熟啲雞肉係會有紅色架 之後佢就好細聲同廚房講多幾句咁我聽唔到就唔知佢吔講啲咩然後扎髻侍應就問短髮侍應點解有碗野係度嘅短髮侍應好大聲講唔熟啊 取消架點取消啫 你問你總經理啦 我聽到呢啲說話我好嬲，好似係我唔啱咁，我落完單又唔比張單我，我仲要坐左度成個鐘我淨係食左個碗仔翅同飲左杯野我仲好肚餓，我就決心唔揀走果時仲要問你吔攞單而唔係落完單自動比番張單個客，我對呢次消費好不滿 尤其是係短髮侍應好冇禮貌！講真啲雞肉真係好紅 但係你吔咁樣嘅服務態度 我以後都唔會再入黎消費我想問下貴餐廳你吔每次品質有問題時候係咪都會咁樣同個客去對質？然後就好唔服氣大大聲咁講出黎？依家單質差係我問題？啲雞肉好紅係我唔啱？我本身係比較容易肚痛我照樣食落去我肚痛你吔負責？呢個就係短髮侍應佢落完單冇比張單我 呢張係佢取消左蔥油雞撈麵之後張單
继续阅读
外賣飲品會用牛油紙封口，以防倒瀉。午巿套餐附送熱飲。檸檬凍飲無得輸，無論檸檬茶定檸檸水都好好飲，唔使自己督檸檬，味道似手打檸檬茶，青檸味香，微甜，檸檬茶茶味十足咖喱牛腩飯 $56咖哩味香，偏辣，份量唔少，牛腩有咬口但夠淋，唔痴牙，薯仔連皮大大舊泰式烤豬頸肉套餐 $55豬頸烤得香，十片左右，爽口夠入味，淋上泰式醬汁，酸酸甜甜小小辣，非常開胃。另配越式蘿蔔雞湯，白蘿蔔淋甜，雞湯清甜，帶有陣陣蘿蔔味，加入蔥花調味
继续阅读
好不用易，帶埋bb約朋友食飯。 由於時間所限， 都只是選擇茶餐廳食同埋聚舊。 （5⭐️最高）今次試了一個好特別嘅焗飯 - 椰汁雞扒焗飯比較我一般食芝士焗飯， 加入了椰汁。 雖然卡路里唔會因而減少😩。但椰汁比較芝士係味道上， 分了一點層次，先芝士後椰汁。 飯多了汁， 無甘亁身。 水門雞飯（3⭐️)其實有少少似海南雞， 凍雞， 有油飯， 有湯。 只是無三款醬。 飯同埋湯都好大碗， 雞量係屬正常份量超酸檸檬水😂（2⭐️）用檸檬汁做， 當中無鮮檸檬， 可能檸檬汁分量太多， 搞到好酸。 送餐時都無跟糖。 不太建議下次叫😅
继续阅读