漁樂 (黃大仙中心南館)

营业中

休息中

在open rice 上外賣自取，其中一個海南雞飯，備註了不要油飯要白飯，走雞胸，結果拿回家一打開，發現整盒海南雞飯的確是換了白飯了，但七件雞之中竟然有六件是雞胸，只有一件不是，是不是作為消費者不能有此要求呢還是説我外賣的價錢要便宜一點呢？實在太過份！已經不是第一次這樣！！！

黃大仙中心最近裝修完，進駐左好多新餐廳。有日試左入面既漁樂，主要食東南亞菜為主。我點左碗喇沙同，青檸梳打。喇沙湯底味道好濃郁，面底夠彈牙，而且用料都好多，午餐食一碗就飽晒!

又是忙碌的上班天，終於到放鬆一下的午飯時間，同同事到漁樂餐廳嚐試下門面是裝修比較新潮的茶餐廳MENU好多選擇，港式，西式，輕食都有～食物今次試一些大眾化的午餐，飛天通菜豬頸肉飯，通菜炒得好夠獲氣，好香好惹味勁好送飯下次再有機會試另外的

隨意地去漁樂食個下午茶坐靠牆卡位 點知遭央 一大隻曱甴彈出黎😫雖然職員係有好好咁安排調位但都嚇餐飽🙈叫咗兩個下午茶分別係越香雙丸米線同越香扎肉雞絲湯米線味道唔差 米線仲好爽滑👍🏻 但真係太細份了米線份量勁少 兩三啖食曬 $35/6黎講唔算唔抵食😢

炎炎夏日無乜胃口，下午茶時間食碗粉麵都好喎！漁樂呢個冬蔭公鮮雜菌湯河就啱晒我😍冬蔭公湯底入口酸酸地唔太辣，老實講同正宗泰菜係有唔同嘅，但酸酸辣辣帶有少少椰香味，食落好開胃！雜菌有齊冬菇雞脾菇同秀珍菇，食得滿足，河粉係幼身河粉，入口爽滑而且唔會一夾就斷，配埋一啖冬蔭公湯底，perfect池！另外加咗入黑醬油雞翼小食，跟餐只係加13蚊，雞翼外皮炸得好香脆，愛食香口嘢嘅人唔好錯過！至於跟餐飲品叫咗熱奶茶，可惜唔夠香濃，如果飲品可以好飲食物咁重口味就完美喇！

黃大仙中心翻新後一直都未黎過，今日就試左呢間東南亞餐廳既下午茶。四十蚊一個餐有飯有飲品算係咁。我地叫左香辣肉碎泰式金邊粉，泰皇椰汁焗雞朳飯，再加多份手抓餅同兩杯野飲，都只係$87，真係抗疫價。個金邊粉有少少辣但好惹味，越辣越想食。個焗飯就heavy左少少，唔係好重椰汁但重芝士味，食落啖啖汁，正手抓餅都算係幾鬆脆，唔會話油淋淋，值得嗌。以上既野食兩個人食係over左少少，勉強食得哂下次唔叫手抓餅應該剛剛好

近排疫情關係，都係食外賣自取多，而呢間餐廳處理外賣單時情況較混亂，出單唔順先後次序，等左超過半個鐘，催左幾次先出黎，係我之後落單嘅客人都已經走晒。我叫嘅豬扒蛋飯一直唔係d要等好耐嘅飯餐，唔知係廚房漏單定點，反正最後都冇解釋。另一個問題，係食物嘅乾淨程度略嫌不足。今次叫左個豬扒蛋飯，d配菜食幾啖見到一隻菜蟲，食多幾啖又見到一隻菜蟲，令我好懷疑餐廳究竟有冇洗乾淨d配菜先整比客人食。食物味道係ok嘅，但以上兩個情況建議呢間餐廳改善下啦。

食黎食去一两間，於是今日轉下口味，點知就中咗伏，叫咗個豬扒腸仔米線+蒜蓉厚多士，凍奶茶，個豬扒佢好細心用細細塊嗰啲，不過好鞋口，無乜香矛味，條腸仔就係平價腸，有腥味，好淋，唔係㕑師牌，個米線就軟糯嘅，好味，至於個湯頭就淡而無，味精又多😂😂其實你配嘅嗰啲淡味嘅麵食，而個湯底又淡而無味，真心唔知咩事😂至於個蒜蓉厚多士，根本未烘好，入面仲好濕，加埋面頭啲蒜蓉醬，又係有水份，就好似食緊隔夜包甘，咬都咬唔開，至於本奶茶，少冰都成1/3杯冰，想點啊，真心NO NEXT TIME

今日中午，工作關系來到黃大仙，午餐來到黃大仙中心的漁樂。餐廳裝修都很有心思及特色。紅咖哩豬扒飯$52廚師都比較有心思，紅咖哩汁圍繞飯放了一圈。豬扒都算大件，炸到啡啡金金，不過豬扒味道稍甜，口感稍鞋。反而紅咖哩汁撈飯，我較為喜歡。凍檸蜜$3凍檸蜜酸酸甜甜很好味。

諗住唔食太飽，叫做揾少少野食下就當晚餐，所以揀食粉麵。又想食重口味，濃味d，就揀左呢間食泰國野🇹🇭叫左個冬陰公香茅豬扒湯金邊粉😃呢個簡直係越南加泰國既crossover ! 正！上菜係一大碗呀，個湯睇色都知濃呀！好夠味同少少係偏酸，醒胃得黎辣度適中。不過個湯底本身好熱，食到尾都有d出汗！豬扒份量都正常，都夠食，不過係湯太多，完全浸住左，所以個圖唔係太睇到size😂可能因為湯浸左，就未到於話好香好特別，因為個冬陰公d湯都幾突出幾搶。整體，成碗好大份量，食到好飽！個湯好開胃，不過夏天食會有d熱！😂而豬扒不過不失la👌🏻👌🏻

行開黃大仙，肚仔餓就來找下午茶吃，經過餐廳，看見餐牌價錢合理，裝修也漂亮，於是便入內一試。叫了一碗牛丸河粉，牛丸不算多，而且也是開半的，但勝在夠甜夠彈牙，加上它的湯很甜，清清的，好好味。整體環境，味道和價錢也是接受的，可以一試。

放假太無聊啦 😢 同屋企人落去食個下午茶先 ，好過留系屋企甘悶 。 價錢幾平下喎， 仲有嘢飲配埋 小食都系加10幾蚊就有啦 ！！ 風味海南雞 • 下午茶黎講分量唔算多 ，飯有大半碗左右加4件雞 ，仲要系老雞 有啲靭靭地 🤣🤣 送既沙律🥗幾新鮮 ，醬汁有少許辣 ！！！青檸紅茶 • 好飲 紅茶冇苦澀味好清 ，加埋原粒青檸 帶岀少少酸味 勁正 😋😋香酥手抓餅 • 跟餐 +$10 必加呀 平得黎幾多件下 ，上到黎熱啦啦 勁酥脆 好有台灣既味道呀 ！！！😆😆

之前覺得一直都好好食個汁又正🥰但個日午餐好伏份量超少🤭個豬扒好多舊都有骨😪同服務員講佢態度勁差只說一句食就食唔要就幫你換過🤦🏻‍♀️所以決定以後都唔會再去🤷🏻‍♀️🙄

有日夜晚放工去開黃大仙中心搵嘢食經過呢間見到menu有冬蔭功湯底粉麵本身鍾意偏好食濃味野 重口味嘅我 就即刻入咗去食喇餐廳地方都算大平日晚市9點入座人流唔多卡位坐得幾舒服不過張枱就抹得唔太乾淨入座亦唔會主動提供水俾客人原本點左冬蔭公豬頸肉湯金邊粉落單後店員先通知我話冇曬豬頸肉最後轉咗做香茅豬扒同埋落單嗰陣店員落得好急唔知係咪講收工叫完碗湯粉 本來想嗌嘢飲 佢都冇問過我仲有冇其他需要就已經走咗去服務有待改善碗粉都幾大碗冬陰功湯底味道好濃郁香而不辣雖然同傳統泰式嘅冬陰功湯相比 唔算係正宗但酸辣味道都幾醒胃豬扒都幾大塊 肉質夠鬆軟 味道唔錯金邊粉份量都夠女仔食埋單54蚊 冇嗌餐飲晚飯嚟講 價錢都算係咁都會再幫襯下次嘅希望服務方面改善下就更好喇

同幾個朋友女子會，所以又出嚟食飯啦，不過三個人就叫左好多嘢了，我地點左一個菠蘿炒飯、豬頸肉冬蔭功金邊粉、海南雞飯，本來想叫焗茄子，但佢已經賣晒，我地唯有轉其他小食，叫左一個春卷同雞翼，仲有叫左幾杯飲品，我就揀左荔枝梳打。首先講下菠蘿炒飯，佢有另放置一舊菠蘿係旁，整體而言都不算太差，而且都真係幾大份，但我覺得肉鬆同菠蘿可以多啲，因為個菠蘿炒飯的菠蘿粒真係幾好多，但就比較細粒，只有約半隻手指尾左右大小，數量亦都不多，主要雜豆會比較多。而豬頸肉冬蔭功湯就酸酸辣辣咁，都幾好食，在我來說辣左啲，但對食得辣的朋友嚟講，佢地覺得不辣，金邊粉份量正正常常，不是太多，夠一人份量，不過個豬頸肉就好正啦，所以都還可以的。海南雞飯就不錯了，雞係無骨位，而且調味ok，沾埋配醬更正，個油飯都好食，但份量比較少，約大半碗飯左右，只是幸好我地有叫炒飯，可以夠飽肚。小食方面，雞翼真係好正，脆卜卜，但炸得來又不會覺得太乾爭爭的感覺，而且加左啲應該係黑蒜油上面更加好食，值得一叫。春卷來說脆就真係幾脆，但係我只係覺得佢相對其他食物來講好普通，完全無泰式風味。飲品我揀的係荔枝梳打少甜，有得揀我想走甜，但又怕始終無咁飲到真味，所