漢和韓國料理 (已結業)

漢和韓國燒烤真係由細食到大🤭 價錢平, 質素都唔差! 都屬於平民自助餐既, 百幾蚊就有交易!燒烤自助餐有好多肉類選擇, 豬肉, 牛肉, 羊肉, 腸仔, 魚柳, 蔬菜, 牛舌.. 味道係唔錯😋 我最鐘意辣豬肉片, 薄薄既豬肉片, 煎一煎就食得, 有少少甜辣味, 好食😋熟食就更多選擇, 豬腳薑, 泡菜海鮮湯, 炒粉絲, 炒飯, 碗仔翅, 炸物 - 春卷, 多春魚, 煎堆, 各式涼菜, 泡菜, 沙律.. 剩係食熟食都飽丫🤭另外仲有多款飲品, 啤酒都有, 生果, 甜品 - 豆腐花, 涼粉, 雪糕.. .. $1xx 真係好抵食!!😋

第一次嘗試漢和…服務態度幾好，朋友未到都俾我入座先，晚市只要冇人等位可以一直食，佢地9點半會收曬d食物！除咗燒烤仲有各款小吃，例如炸物、豆腐花、碗仔翅、人參雞湯；三文魚唔錯，冇想像中難食！總體來講對得住佢嘅價錢，但唔會再試。

今日請咗半日假同屋企人食下lunch, 好多年前食過一次晚餐，其實麻麻，疫下都捱得住嘅韓燒幾犀利，無他，價錢平，食肆同客人將價就貨又將貨就價咁。weekday 價錢133, 由11點食到4點，去到勁多人，唔通個個都唔使返工？ 我地人多，所以俾咗間房我地，房冷氣好夠（可以自己set 温度），有兩組燈，3個爐，我太耐無食韓燒，原來而家唔係喺上面落管抽氣，係個爐喺下面抽氣，小女子實在有啲落後😅，因為抽氣做得好，唔係好油煙👍。食物方面係勁多野食，有熟食，韓國粉絲，波菜，豬腳薑……💪自己燒嘅豬牛雞羊一定有，仲有疏食，冬菇，金菇……，當然金菇肥牛卷係我地自己卷啦，另外仲有蒜片同生菜，自己燒完肉可自己包啊～😙飲品有三個凍櫃，都幾多款，但當然唔係local or 日本牌子啦，係楊協成同不知名brand甜品有豆腐花，有雀巢雪糕杯，都幾多味，有香芋，朱古力，紅豆…總括其實性價比都幾高，雖然肉就唔太新鮮，服務都麻麻地，但款多，環境都OK, 而且我地食咗over 4 個鐘，攞假食都值🤣🤣

見到網上食評好壞參半 決定嚟試吓結果真係永不錄用價錢來講係幾抵嘅$193+1入座唔會限時趕你走但係食物質素真係冇乜嘢好食最好食嘅我已經幫大家列咗出嚟豆腐花、火雞腎、羊肉片、雞肉雞翼普通都還好薯條最易整應該係最冇問題都唔得好硬 應該係炸咗喺度放咗好耐嘢食唔好食 醃料太鹹 肉質鞋完全咬唔落都算食食下俾我見到隻曱甴 仲要係兩隻一隻大 一隻細🤮🤮🤮真係超恐怖嘔心但我在座見到成個場都好多人食嘢不過唔少應該都係附近嘅街坊但我就唔會再嚟呢間食嘢啦都要讚吓佢啲服務嘅雖然成個場都好多人但係啲服務員都會自動自覺主動嚟幫你換過個爐底等啲食物唔會咁快煎到黑晒

多個服務員態度甚差，尤其係個男服務員，因為我係座房間的所以慢常關門，跟住叫佢換鐵板，佢就話我關左到門所以佢換唔到，我閂門啫又唔係鎖門點樣換唔到啊，好多員工都係咁，唔通座房閂門係佢哋嘅大忌？

剛巧今日同老公做搬運工人所以約咗喺呢一區食飯老爺介紹試吓呢間餐廳我哋本身仲諗住驚佢好大浸味因為係韓式燒烤嗰啲但係發現原來佢有午市套餐入嚟發現佢嗰個自助韓式燒烤，都幾多嘢食不過我哋趕住做搬運工人所以食午餐算啦我嗌咗牛骨湯飯我覺得個餐又有泡菜又有菠菜前菜跟住碗飯都幾大，然後我個牛骨湯都好大兜都係60幾蚊好抵喎仲有個湯有好多蔥啱晒我😎雖然有加一不過都可以接受我就冇影其他食物嘅相因為大家都好肚餓🙈我唔好意思影但呢間餐廳都值得推介如果唔趕時間呢個自助韓式燒烤都真係幾抵好似都係120幾蚊

午餐抵食 價錢合理 但唔夠熱 冷氣又大 d食物好快凍曬食左個韓式牛肉飯 肉既份量好多 湯好飲 但d牛肉似係將韓燒賣剩既肉煮熟 就拎出黎賣 想再光顧但一諗到裡面太凍食物又唔熱就無再去

本身對呢間店都係一直抱有良好感覺 覺得30幾蚊學生餐對學生都算合理 所以就同4個女仔一起食利申（之前都去過好幾次） 唯獨今日態度差到一個點 嘢都未食一半 就有個女服務員過來話賣單 都算啦 一開頭已經講好分開兩張單，咁正常就一張一張單咁俾錢啦 我地就講係分單 每個人38 咁正常個個人都係自己比翻自己錢啦 但女服務員收完錢先改口話一起俾即係$190，到找錢就覺得唔對路 得$90 咁開頭話嘅分單意義何在？都算啦 餐飯就$190 因為一張單$114（因為個3個女仔先到）另外一張單$76 （我同另外一個遲D先到）所以先分開兩張單。 咁由於佢後面改口話全部一次過俾錢 本來逐個逐個俾錢就係一個40 一個50 一個身上得100 跟著方便個D服務員找錢 分開俾咁就應該一個找$2一個找$12 一個找$62 而我同第二個女仔就係打算100蚊係俾76個張單 結果一共比左$290 咁如果一開始講清楚就直接190咪得咯 找翻嘅錢就得$90 跟著相信小學生都識計加減啦 290-190咪100 覺得條數唔啱肯定會搵服務員講返啦 都好聲好氣咁講 佢反而覺得係我哋計錯數 仲開始賴我哋比多左$100 咁佢一開頭分兩張

本人今天一行六人本想到漢和韓國料理上水彩園分店光顧午市韓燒自助餐，店舖早上11時開閘，但沒有職員理會在門外輪候的客人，本人只好自行進入店舖，分別坐下兩張四人卡位，每張卡位坐三人，但一名自稱經理的女職員，態度惡劣地指示卡位需要坐四人，要求我們改往其指定位置坐下，本人覺得不合理，與她理論，店舖剛剛午市營業，門外輪候的客人不足10人，加上今天是星期一，不是假期，為何要强迫客人改坐其他地方，而且我們是三人一枱。但該女職員仍以惡劣態度地强詞奪理，聲稱客人如有不滿可作投訴及離去，本人十分失望，今後決不會光顧「漢和韓國料理」。

本人及家人去光顧上水漢和韓國料理，怎知道竟然遇到全香港最差的服務員，本人及其家人一家六口幫襯，在早上剛開門入場，要求坐卡位，但此店服務員態度勁差，好似同客人作對，要求去一些光線較黑暗的枱，不可以由客人話事，全店一開始入場只有八個人，沒有其他客人，如果多人，咁就要由餐廳按排入座是正常，但沒有其他客人，為何不接受客人要求，全店連支客一共三位女性服務員，但每一個都是這樣，要脅客人就範，真係勁癲。

上水彩園那間韓燒越來越差！張姨姨生日，媽媽和我趁新十五及疫情未有反彈時請她在這兒食生日飯。因為張姨姨喜歡到這間食韓燒！由於媽媽每次來這兒都愛飲人蔘雞湯，故此，一入去便要找人蔘雞湯。因為找不到，於是去好聲好氣問在附近個侍應：「人蔘雞湯在哪兒？」那侍應竟大聲呼喝我：「在嗰邊，你睇唔到的？」🔥🔥🔥🔥🔥火來了！連媽媽都聽到那個侍應不禮貌的回答。而在食的期間，間唔中我都聽見這個不禮貌的侍應多次呼喝食客！講回食物：不錯，但食物種類太少了，又沒有海鮮！

今次黎到上水少有既韓式餐廳。午餐可以揀套餐或者韓燒自助餐，對比附近商場，佢既午餐套餐唔算貴，最平既韓式雞肉/豬肉飯餐都係四十幾蚊，份量十足，跟餐有湯，小菜兩碟，性價比高。餐廳地方闊落，中午時間唔驚無位。今次試左蛋包魚飯，好有蛋香味，味道少少鹹送飯唔錯，如果驚其他韓式菜熱氣既話，依個都係唔錯既選擇。

我依家係上水彩園邨既漢和料理店,入到去覺得環境好大空氣清送夠冷氣~依樣都唔重要,最重要係食物款式夠多而且仲係自助式!餐廳職員服務態度良好,唔似其他分店服務態度差

Book位時已問清楚分店可以食到幾點，接電話員工表明可以食到11:00pm,食到晚上10:45pm 有一位男員工入黎表示11點要清場，當時已表明知道，2分鐘後10:47pm有另一位員工唐xx入黎話夠鐘交場 ，仲話我地掛住傾偈所以食唔曬d野，又唔走，已經即時重申已經準備離開，呢位職員仲將一個裝碗碟既盤用力扔上桌上，整污糟我地其中一位條褲，我地要求道歉，佢仲不斷指罵我地阻住佢收工，後尾我地離開既時間要求搵經理，其他員工就表示當日經理放假呢位 女副經理xxx係最大，所以當日投訴冇門，勁不滿

上星期日落雨濕濕 冇出遠門留左係上水 同朋友突然好想食韓燒 就去左上水唯一一間韓燒餐廳漢和喇每位收費2百頭 任飲任食 抵唔抵食就視乎閣下個胃有幾大啦 我地一行三人一向以大食見稱 同埋無肉不歡 所以呢個價錢對我地黎講可以話係非常實惠除左燒肉外 仲有熟食雪糕、甜品、刺身、壽司、湯同水果等等都係任食三文魚刺身 任食黎講 真心唔差肉類選擇算係多 有二三十款選擇 淨係雞翼都有兩款 肉類既質素亦唔錯 驚喜既係有牛舌呢d比較貴少少既肉類 另外牛肋骨都好好食熟食同水果都唔差 呢個價錢可以食到呢個質素 好超值