影片
港铁九龙塘站 A2 出口, 步行约8分钟
继续阅读
电话号码
93169647
营业时间
今日营业
11:15 - 20:30
星期一至日
11:15 - 20:30
以上资料只供参考，请与餐厅确认详情
🪑今日熊妹放假，同樹熊到九龍塘閒逛一下。走到浸會大學附近，建新中心有好多間餐廳，轉角有一間漢堡包外賣店《漢間》有好多年青人在光顧，似乎是浸會大學的學生🧑🎓👩🎓？📌漢堡有牛、雞、蝦或者素菜選擇，仲有沙律同小食，小食有薯條單骨雞翼🐥、一口炸芝士🧀、吉列炸蝦🍤等等，飲品除咗汽水🥤，仲有梳打同埋沖調咖啡，凡購買任何漢堡或沙律，所有飲品價都可以減$10。漢間（雙層），$89當然先點個招牌「漢間」漢堡包，樹熊咁大食，點個雙層漢堡俾佢。大大一個漢堡包，入邊有生菜🥬，炒熟咗嘅洋蔥🧅，兩大塊安格斯牛肉漢堡扒🥩，夾雜着熱熔芝士🧀，鹹香嘅車打芝士溶喺漢堡扒入邊真係滋味無窮，一口可以享受多重嘅味道就係漢堡包嘅美味😋。夏間，$89「夏間」漢堡係多咗煙肉同菠蘿，稱之為「夏間」係因為加入咗菠蘿元素，帶入清新嘅感覺，就好似夏日令人清涼快感。加入埋煙肉片🥓，多重煙燻嘅鹹肉味，原片好厚切菠蘿煎烤過🍍，有脆邊，仲有熱溶芝士同埋安格燒牛肉漢堡扒，有咗菠蘿的清甜大減肉類的油膩，成個漢堡食落好fresh💫，好容易就可以K.O.咗成個包。安格斯牛温泉蛋沙律，$64食咗漢堡當然都要食返啲菜，中和下油膩，感覺多啲纖維都健康啲。蔬菜一盒都好多，好驚奇嘅係入面有火箭菜，食食下食到火箭菜嘅獨特牛油香味，係熊妹的大愛。配料仲有熊妹最愛的蕃茄仔🍅，份量都好多，而主菜就揀咗安格斯牛漢堡扒撈溫泉蛋🥚，熊妹係好鐘意食漢堡扒，繼續可以再食安格斯牛漢堡扒好滿足。雞牛油果柚子沙律，$88再揀咗雞扒牛油果同柚子沙律，全部都係熊妹最愛嘅食材。份量真係多，雞扒煎烤過，夠嫩滑啖啖肉，半個牛油果🥑夠熟透，柚子份量多夠新鮮有爆汁，成份沙律都好夠營養又唔肥膩，係減肥人士嘅恩物。薯條（細），$17薯條細份，份量都唔細呀，粗炸嘅薯片熱辣辣，入邊有薯仔肉，點茄汁🥫係最佳配搭。雞翼加汽水，$30單骨雞翼有四隻，奇脆炸的雞皮好脆口，拆去雞翼骨，然後點埋泰式辣醬，一啖入口香口又好味！可口可樂青檸梳打，跟餐減$10，$23📌簡簡單單的一間漢堡包外賣店，有幾張堂食吧枱仔🪑，期間都引來不少外國年青人來光顧，看來都好切合外國人口味。
继续阅读
最近去九龍塘睇戲，行到去侵會附近發現一間漢堡包小店叫漢間，主打漢堡包外賣，有少量堂食坐位。漢堡包款式不少，大大個，即叫即整，賣相非常不錯，有牛、雞、魚、蝦和素口味。醬汁有柚子、松露、山葵、麻辣、冬蔭等，自家製醬汁，配搭都算多變化，除此仲有沙律小食等。日間（章魚燒風味）單層$64 加薯餅和汽水$16灑滿了輕薄的木魚碎，遇到熱氣後搖曳飄舞，醬汁也特別選用特色大阪燒醬，牛肉漢堡扒口感扎實，保留著飽滿肉汁，西日fusion卻完全不違和，薯餅軟綿中帶顆粒感。柚子雞$79加雞翼和汽水$30包身烘焙出外層輕脆口感，內裡鬆軟有彈性，帶有微甜牛油香，無骨雞扒啖啖肉，酸甜果香的柚子醬中和肉食的膩感。單骨炸雞翼香脆，肉汁豐富，點上酸辣醬，好惹味。山葵魚單層$56炸魚粉漿金黃鬆脆，裡面包著嫩滑雪白的魚柳，咬下去外脆內軟，配合爽脆沙律菜、半溶芝士和清新辛辣的山葵醬，令人胃口大開。冬蔭蝦單層$79將鮮蝦剁成泥、反覆摔打增加黏性，製成手打蝦餅，內餡彈牙鮮甜，揉合酸中帶辣的泰式冬蔭功風味，香辣又惹味。芝士薯條細$35漢堡包配薯條可說是經典配搭，芝士融化後覆蓋在薯條上，造出牽絲打卡效果，面層仲有粒粒煙肉碎。紫薯片配山葵牛油果醬細$35紫薯片天然甘甜清脆口感，可以點上濃滑微辣的山葵牛油果醬，味道出色。
继续阅读
呢間漢堡包小店系小編朋友推介，大贊佢哋嘅漢堡包和沙律，小編搭巴士經過就買咗同屋企人一齊食。麻辣蝦見到網上有人推介呢款麻辣蝦，小編作為蝦控都點嚟試一試。蝦餅超厚，是平時食到的兩倍，蝦味十足。相比起辣味，佢既麻椒香味更重，所以不太吃得辣的人都可以食到。新鮮的蔬菜亦中和了麻辣味，令整體風味更平衡。餅間漢堡包非常鬆軟，呢款口味啱晒重口味人士，在漢堡之上加薯餅和黑松露醬，即叫即整嘅關係薯餅炸到脆卜卜熱辣辣，增加漢堡包的口感。芝士薯條滿滿的薯條，淋上大量芝士醬和煙肉碎。薯條炸到脆卜卜，所以即使淋上芝士醬亦保持香脆。大推！紫薯片配山葵牛油果醬第一次見漢堡包店有紫薯片提供，紫薯片炸到非常乾身，一點都不油膩，散發淡淡紫薯香，點上山葵牛油果醬，令平淡的風味添了點辛辣，好有特色。牛油果蘋果柚子沙律意想不到的好食，以漢堡包為主的小店，沙律亦極高水準，食材新鮮不在話下，酸甜清新的柚子沙律醬，令所有食材都融合埋一齊，令不太好沙律的小編都忍唔住一啖一啖吃光了。Mocha 、Peach soda 飲品發揮正常，前者咖啡香味濃郁，後者酸甜爽口。整體完全感受到小店的用心，從小店的名字到每一樣食品，都見到小店的努力，足料和新鮮的食材是佢成為人氣小店的原因。
继续阅读
店名漢間 加埋個櫻花logo 賣嘅西洋包burger 🍔若然時光倒流60年成個combination可以call包大人拉出去斬LOL抽水自抽亂抽到抽乾塘欣賞仍有人能為生活保留些趣味
BU 老鬼推薦呢間burger店漢堡 & 輕食價錢都幾fairAngus、wagyu、雞、蝦、魚堡同 #veganfriendly 嘅options都有私人覺得和牛好難做到焦香所以多數我會skip和牛堡
趣味延續到menu上Angus burger 有分夏間、餅間、森間、日間同中間想知點解就要笗意返店舖牆上嘅解讀漢間個「間」其實係有更深層嘅意義Angus森間堡同麻辣蝦堡Size 計算幾有份量雖然點嘅係單層，但都幾大個Angus patty可以再乾身啲相信焦香會更突出反而麻辣蝦有驚喜自家手打蝦餅炸成Patty好彈牙麻辣嘅調味啱啱好！另外蔬菜沙律方面好中我嘅需求想食Patty但又要走包對個 angus / waygu沙律 徹底心心眼
继续阅读
今日一行三人去左九龍塘附近做嘢，順道去周邊搵野食，經過漢間漢堡店，聞到陣陣烤牛香，決定在這店進午餐格斯牛漢堡日間 章魚燒風味 $64呢款安格斯牛有吾同款式，今次揀左日間章魚燒風味，味道有驚喜，牛味濃，口感豐富麻辣雞漢堡 $69麻辣雞漢堡漢堡包鬆軟，麻辣香濃，雞肉幼嫩，仲有芝士、沙律菜配搭，好惹味雞 牛油果 柚子 $89呢款沙律有齊晒鍾意食嘅雞，牛油果、柚子，雞肉夠嫩滑，沙律都夠新鮮炸單骨雞翼 $25單骨雞翼炸到剛剛好，外脆內軟，非常香口紫薯片配山葵牛油果醬 $35呢款紫薯片配山葵牛油果醬，味道配搭好夾，好味道凍泡沫咖啡 $43咖啡口感幼滑，咖啡味濃蜂蜜美式咖啡 $43間中都會飲美式咖啡，呢杯加左蜂蜜，有特式，入口香醇
继续阅读