潘記飯檔

营业中

休息中

附近環境不算好，「飯店」內部也差不多。有些座位旁邊就是廚餘桶，但令人驚訝的是大家用餐熱情不減。有大陸遊客拖著行李來此用餐，也看到穿西裝的男女會來這裡吃飯。自助餐價格為$45，但下午一點多去的時候，已經沒有什麼新的菜餚補充。湯要自己裝，裝完就沒有了。期間有一盤蝦上桌，一上來，地盤工人一人就夾走了三分之一。鮮蝦炒飯$53（凍飲+$6），份量大，鑊氣夠，足夠兩人吃。半隻小龍蝦加幾塊雞，時價$158。很多人就是衝著這個來的，雖然大多會覺得價格有點貴，但很多人都是會點。味道確實不錯，但沒有鉗子和剪刀，吃不乾淨，吃到的肉不多。為什麼這麼多大陸人都會來？我沒有查內地社交媒體，純粹是因為在社交媒體上看到了一個熱門UP主在1月8日發布的影片，僅社交媒體上就獲得了129萬次觀看。

專程為左龍蝦餐而黎距離地鐵8-10分鐘,沿路無遮擋,附近有幾個地盤同混凝土廠,所以依個係地盤飯堂,一到午巿就全場爆滿,堂食大概有70個座位,無論海鮮套餐或自助餐均供不應求🍚$128有白飯有雞有半邊龍蝦🍚🐓🦞味道正常都新鮮 再加蒜蓉都無得輸另外仲有提供自助午餐, 多款餸菜,飯,粥及湯無限供應,仲有其他海鮮,視乎當日供應,價錢也很大眾化不過我當日lunch食完,夜晚有肚屙,,可能太近地盤,隔離又近泥水廠

經濟篇，茄子入味，炆蘿蔔可以丶魚蛋合小朋友、蒸排骨尚可，涼瓜炒牛肉雖然牛肉有點筋但起碼入味彈牙、蒸釀豆腐好、煎小黃花沒有鮮味但以45元有魚食，白灼水蟹絕不推介，不新鮮、湯飯、青紅蘿蔔湯

出開東九龍，去潘記試吓，大約12:50pm到，座位不少，但人不算多，在收銀隔離有一份份海鮮睇，見今天龍蝦細隻，所以自己只點了自助餐，有十多款餸，豬手，豬腩肉，雞，排骨，茄汁豆腐，菜，南瓜，咖哩豬皮魚蛋。特別菜色有魚，第一輪魚較多骨，第二輪紅衫魚幾好。中湯已沒有剩，粥即涼了，有熱白飯，餸味道一般。衛生環境一般，上手客人的龍蝦殻在地下沒有清理。總結體驗麻麻。

睇到廣告話平民海鮮自助餐，去到根本就唔係一回事，真係好多工人在這裡食午飯，相信有啲人好似我哋咁去試吓，有$60嘅龍躉餐同百零蚊半邊龍蝦餐，我哋選擇咗食$45嘅一個鐘頭自助餐， $45就唔好要求太高啦，點樣個價錢就俾返點樣嘅貨色俾你，我諗個一盤魚就當係海鮮掛，都唔知係咩魚嚟㗎，啲魚肉好似蒸水蛋咁腍都屬於好難食，整體來講都係個湯最好飲，我哋食到唔夠半個鐘就已經走人啦，試過就算啦，都唔會再去食，地點實在太唔方便。

🐽蒸龍躉 $58龍躉肉新鮮嫩滑肥美，膠質豐富，大大舊食落去啖啖肉，而且蒸龍躉有粉絲墊底，索哂魚嘅鮮味，送飯一流，唯獨蒸魚豉油略咸。🐽蒜茸粉絲蒸蟶子併白切雞 $78雖然蟶子份量都唔算多同大隻，但好新鮮好清甜，而且蒸得啱啱好，肉質爽彈，無沙。蟶子嘅鮮甜味同蒜茸香味被粉絲充分吸收。呢份海鮮餐仲會配埋白切雞同菜，非常豐富。🫰🏼溫馨小tips呢度嘅白飯係自助形式，同埋平日食飯時間會有好多附近地盤工人，環境比較混亂同擠迫。

都知道要預先打電話嚟問吓有咩食，朝頭早問咗原來咁啱當日冇龍蝦，只有海鮮湯，鮑魚大菇，同埋蒸龍躉，屋企人好想試，於是都走過來睇吓咩環境。11:45嚟到，已經坐滿左千千萬萬嘅地盤工人，好似打仗咁搵到個位，三個人叫咗兩份海鮮湯，同埋一份蒜蓉粉絲蒸龍躉。蒜蓉粉絲龍躉，蒜蓉非常惹味，送飯幾好，龍躉有啲膠質，口感一流。總算唔錯。相比起嚟，呢個海鮮湯飯非常唔抵，切開一半嘅蟹煮完湯之後冇咩剩低，跌出嚟嘅蟹肉已經冇乜鮮味，蝦好彩唔霉但都係無乜鮮味，蜆全部好細粒又唔見哂啲肉，又係滾完湯又係冇咩味，冇理由叫海鮮湯淨係為咗個湯汁，啲海鮮完全冇味，10令塊勝瓜只係陪襯。相比起$42嘅自助餐可以食新鮮蒸出嚟嘅蟹，雖然唔大隻，但係起碼可以保留鮮味。見到同台嘅人叫，仲有其他餸菜可以任食，唔好俾海鮮湯三個字呃到。仍然想試吓龍蝦餐，之後如果有先再過嚟。否則應該都唔會再嚟。

🍽️今次叫咗：🐯龍蝦拼薑蔥雞飯 $128龍蝦都幾大隻！蝦肉彈牙，食得出好新鮮💦蒜蓉加上蒸魚豉油，簡單嘅調味食到龍蝦嘅清甜～雞都幾嫩滑，俾咗大量薑蔥。但咁啱斬俾我哋個部位比較肥，脂肪比較多🙈呢個價錢有龍蝦有、雞食，真係冇嘢好挑剔😂🐯龍躉飯 $58魚好滑，而且有膠質，食落去啖啖肉都幾滿足！不過略嫌調味唔夠入味🙈有大量粉絲墊底，索晒啲魚汁勁正！🐯凍飲 +$6地鐵站行過去大概15分鐘，午餐時間曬住太陽行都幾熱。嚟食飯嘅大部份都係附近地盤工人，餐廳算係街市範圍，環境都幾差，如果介意用餐環境就最好考慮下。本身都聽講要打電話預留定，早一日打去話當日朝早10點先可以留，應該要取決於當日嘅貨量。除咗海鮮飯，仲有兩餸飯任食，有成十幾款餸可以揀，白飯任裝，性價比真係幾高！想有下次指數(5粒⭐️為最高)：⭐️⭐️⭐️

今日終於有機會食到潘記飯檔的龍蝦餐，由油塘地鐵站行到去東源街熟食市場，我覺得自己真係好有誠意，今日氣溫33度🥵我行到一身汗，因為知道多人叫這個餐，我11:30已到達，叫咗龍蝦餐加一杯凍檸蜜，飯湯可以自己隨意添食，這裏是半自助式，除了龍蝦餐還有鑊氣炒粉麵，等了10分鐘，龍蝦餐送到，龍蝦很新鮮，蝦頭位置還有少少蝦膏😋還有白切雞配椰菜，不過店內沒有冷氣只有風扇，一路食一路出汗，飲凍檸蜜真是夏天最佳選擇，因為太熱食完都唔坐得太耐，龍蝦餐$108凍飲要加$6，遲啲冇咁熱我會再嚟食嘢👍🏻

好耐之前睇過D網紅介紹過。琴日放假，特登去試下。$98,$128$148三個價錢。有龍蝦加埋雞飯。$148套餐上黎半隻龍蝦足足有成斤重，個雞飯都做得唔錯。呢個工友飯堂，唔係食環境。價錢好平。環境麻麻。衛生都做得唔係太理想。D碗碟工具有時有D積。外賣可能更好。會再幫襯同介紹俾朋友。

上星期同朋友搭船去東龍島之前一齊嚟咗呢間出名抵食嘅潘記食個晏～佢主打龍蝦餐/蒸魚餐/任食嘅自助中式午餐～我預早一日同老闆留左個龍蝦同蒸魚餐✌🏻一去到老闆就問我係咪留咗兩個餐，佢話認得我WhatsApp嘅頭像😂☺️ 然後就同我地講今日龍蝦有$88同$98既選擇，問我地要邊款，我地揀左$98，坐低後佢好快就上咗個蒸魚餐俾我地😍(湯，白飯同粥可以自己係出面任裝既)❤️蒸龍躉餐 💰5️⃣5️⃣魚肉超級嫩滑！魚皮充滿膠質，好有口感😋底下粉絲索晒魚嘅鮮味，蔥蒜味同豉油，唔使講都知好好食啦😆⭐️蒜蓉開邊蒸澳洲龍蝦併白切雞💰9️⃣8️⃣龍蝦好大隻，仲有蝦膏添😁食落係新鮮鮮甜既，但係肉質冇我預期咁爽口，口感偏淋，有點小失望🙈而白切雞都比較肥，冇乜肉食😅雖然呢度環境真係好一般，附近沙塵滾滾，又冇冷氣🙈但勝在老闆態度好親切，而且用料新鮮，都推薦大家試吓😊

無意中見人介紹，原來屋企附近有間隱世平靚正、家庭式經營餐廳～  以後有多個飯堂～海鮮即叫即蒸，鮮嫩多汁，自助餐的餸菜又多選擇而且自助任裝，係油塘呢區真係超值，，而且老闆一家有時會過來吹水傾偈，原嚟佢地一家係度經營左好耐，有講有笑， 好親切，久違了嘅人情味。上枱嗰下確實有DD嚇親呢個蒸魚真係值得一讚👍 蒸到啱啱好，鮮嫩多汁又入味

住左附近咁耐，都唔知原来有一間咁平嘅海鮮大排檔。睇完網上介紹就放假即刻嚟試下味道。行過去嘅時侯會經過好多地盤同工廠，加上好多大型貨車同泥頭車，各位要小心睇路。嚟得呢度食野就唔好對環境有要求啦係咪起碼無野咬冇曱甴見到已經收貨，哈哈先嚟今日主角，蒜蓉龍蝦切雞飯！招牌係寫切雞，我估賣哂所以俾叉燒我。龍蝦味道唔錯，新鮮肉質又算彈牙，雖然好似細隻少少，不過個飯$58仲有咩好挑剔再嚟一個燒鵝飯！燒得有水準，一開始以為燒鴨嚟，因為皮下層油脂無咗，員工解釋話師父專登刮走佢冇咁肥，又話用咗傳統手法加醋去燒，信不信由你啦，$50嚟講即使係燒鴨都叫唔錯嘅。呢度係自助餐嚟，你冇睇錯呢度真係有自助餐食，真係估你唔到，仲有糖水同飯任裝，只需$42，最啱大胃王嚟食，味道我都唔知，交比大家聞相。餐牌仲有$98嘅任食海鮮，不過唔知包咩海鮮。總括黎講，呢個價錢食到呢個質素，個人認為性價比係十分高。唯一缺點就係環境同位置都麻麻，不過我認為將貨就價啦，最緊要好食嘛。

今日去咗油塘做嘢，之前睇到有Foodie推介呢一間熟食檔，專登行咗過嚟🌊海旁試吓。好老實講，環境真係唔算特別好，係一間非常之草根平民嘅餐廳👨‍🍳，咁得來食嘅都係藍領打工仔👕，但我反而覺得有風味。😳我今次嗌咗龍蝦🦞拼蔥油雞飯🍗（$55），真係超抵食，不過來之前我10:00已經打咗電話📞去預約，去到嘅時候已經賣晒！$55就梗係唔會比成隻龍蝦你啦，但半隻龍蝦都有成隻手板👋咁大，而且肉質非常之爽，完全唔係雪藏貨，龍蝦亦都有好香嘅味道，二餐廳選擇左用蒜蓉蒸，口臭得來份外好食！😎😎😎至於蔥油雞亦都好正，🐣雞肉非常之鮮嫩，唔會好嚡口，而且雞有雞味，加埋啲蔥油🛢非常之下飯。佢呢度嘅飯🍚就任裝嘅，但食得晒先好囉，費事嘥嘢呀嘛。🫃🫃🫃——————為食分界線——————📍 潘記飯檔 (油塘)油塘東源街10號東源街熟食市場推介指數 🤰🤰🤰(3/5)好味指數 🤰🤰🤰(3/5)抵食指數 🤰🤰🤰🤰🤰(5/5)環境推介 🤰(1/5)人均消費： $60#mariofatfat #hkfoodie #Foodie #為食馬利奧 #油塘 #東源街熟食市場 #潘記 #雙餸飯 #龍蝦 #蔥油雞 #抵食 #蒜蓉 #白飯 #海鮮

油塘全港最抵隱世飯堂 呢間最吸到係佢地嘅海鮮餐‼️海鮮份量十足只售$55 每日限日供應🔥有時有$55開邊蒜蓉龍蝦雞飯 而呢日有海鮮湯飯 同豉汁蒸鱔🤩仲除咗海鮮餐仲有$42任食午餐 10多款餸菜選擇 白飯 湯水糖水 任裝 .呢日大概11:30打電話book左個⭐️海鮮湯飯$5512:00去到 佢哋啱啱賣淨最後一個上台海鮮湯飯好誇張 海鮮份量勁足😱估唔到有原隻肉蟹 係湯入面 成隻蟹腳插咗出嚟除此之外 仲有4隻海蝦 底下有大沙白成碗都放滿海鮮 白飯另外自己裝 表面芫荽 蔥 翠玉瓜 伴菜😋因為咁足料 湯底到勁鮮甜 好似係海游水咁🤔因為隻蟹身用黎煮湯 變咗湯渣 肉質一般👍🏻蟹鉗位置 有蟹殼保護 打開保持到勁鮮甜埋單海鮮湯飯$55 加咗一罐汽水$5.除此之外 佢地有$42任食自助午餐有十多款餸 咖喱豬皮 豬手 茄子 蒸蛋 菜 鳳爪當中最高質 有⭐️咕嚕肉 同⭐️豆豉蒸魚佢地keep住都有出新菜😋咕嚕肉啱啱出爐 外層香脆 酸酸甜甜 小炒水平👌🏻其他就正常住家水平.因為旁邊有個海鮮市場 每日新鮮拎貨 所以佢哋海鮮餐價錢真係好抵🤩 去之前可以問吓今日時令海鮮有咩海鮮餐.整體價錢大份抵食 高性價比之選‼️唯一 要注